Video
3-min walk from Exit B, Shek Mun MTR Station
continue reading
Opening Hours
Mon
Closed
Tue - Sun
11:30 - 21:30
Above information is for reference only. Please check details with the restaurant.
Recommended Dishes
在繁忙的都市中，偶爾會遇到一些意想不到的驚喜。位於石門京瑞廣場一期的「洋食屋」就是這樣一個讓你驚喜的小店。這是一間環境乾淨整潔的小店，這次點的是奄列雞肉炒飯配法式蜜醬和名古屋風單骨雞翼。奄列雞肉炒飯煮得恰到好處，每一粒飯都飽滿而不油膩，雞肉也嫩滑可口，讓人無法停箸，搭配上法式蜜醬，更為這道菜增添了一股獨特的風味。名古屋風單骨雞翼則是一道很出色的菜式，雞翼鮮嫩多汁，單骨處理讓入口更為方便，十分貼心。當然，餐點中的飲品和甜品也不容忽視。這次點的熱牛奶朱古力香濃濃郁，口感滑順，為整頓大餐帶來一抹溫暖。而自家製蘋果批則是一道令人驚艷的甜點，蘋果的香甜與酸味恰到好處地融入鬆軟的餡料中，底部的酥皮鬆脆可口，讓人回味無窮。整體而言，「洋食屋」是一間特別適合女孩子光顧的小店，無論是環境、食物、份量還是價錢都讓人相當滿意。雖然菜式種類不多，但每一道菜都經過精心烹調，呈現出美味可口的味道。在這裡，你可以在輕鬆愉快的氛圍中用餐。
continue reading
簡單食評如下：叫咗三樣嘢1. 卡邦尼煙肉意粉： 呢個係比正常味道好味，如果芝士粉少點會啱我口味多啲。2. 雞肉蛋飯（應該係雞肉蓋飯乜乜乜，我唔記得叫咩名）：個賣相幾靚，諗住佢都係豉油雞飯咁加隻蛋咁，但個雞皮有啲脆同嗰鼓油好配，隻蛋仲要係半生熟得嚟偏熟少少，用嚟撈飯正豆豆。3. 蘋果批： 呢個真係好食到震！甜甜地香港人口味，個酥皮少少脆口，但唔會卜卜脆到燶晒，有啲咬口。味道好特別！(店員話個蘋果批係餐廳做，仲拎咗兜浸咗糖水嘅蘋果同未焗的蘋果批皮俾我睇😂）
continue reading
其實已經食過幾次，終於打篇食評support吓呢間用心小店。第一次去係食lunch, 叫左明太子蟹肉意粉配麥茶，真係驚喜咁好食，成碟好香蟹肉味，加埋明太子嘅咸香，因為咁好食所以已經決定下次會再返去食。第二次係買外賣，叫左奄列雞肉炒飯配法式多蜜醬同一杯朱古力，攞到返屋企都凍左，但食落居然都仲係超好味，蛋入面係茄汁雞肉炒飯，個醬好特別，好少食到呢個味，同個炒飯好夾，因為太好食，所以又決定下次要去堂食呢個飯。第三次就帶左屋企人去食，叫返明太子蟹肉意粉同奄列雞肉炒飯配法式多蜜醬，飲品叫左果茶，果茶好飲，兩樣野食都係上面形容咁好味，可惜我唔係喺石門住/返工，唔係我應該個個禮拜都最少去食一次。希望呢間咁有心嘅小店可以長做長有啦，雖然遠但我會繼續去支持，真係太好食！
continue reading
所有嘢都好好食 尤其係明太子三文魚腐皮pizza有少少震驚同埋價錢都好抵明太子單骨雞翼$58有成九隻咁多 仲要送埋特飲 卡邦尼意粉芝士味好重水果茶好清甜 朱古力好Rich 蓮藕芝麻麻油前菜 都好正又好多 香港地好難搵到咁抵食嘅小店Very nice foodVery comfy environmentThe pizza is amazingTruly recommend The drinks are fine tooApple pie very delicious
continue reading
前菜 蓮藕蓮藕爽脆，幾好味奄列雞肉炒飯配法式多蜜醬($75)奄列嫩滑，炒飯口感少少似糭，酸酸甜甜，好食紅酒燉牛肋條飯（$98）食到紅酒味，即使只係醬汁拌飯依然食到好重牛肉味卡邦尼意大利麵（$68）意大利麵好掛汁，芝士味香濃日式燒肉汁豚肉蓋飯（$68）正常明太子蟹肉意大利麵（$88）每啖面都食到蟹肉，好味，個人最鐘意呢個！明太子煙三文魚腐皮薄餅（$68）腐皮整嘅餅底，好食又特別。推薦！番薯撻（$28）特別，又幾好食。番薯軟滑，濃濃奶香蘋果批（$40）味道ok朱古力布朗尼（$40）微苦微甜微暖本人覺得意大利麵整得出色過飯，整體份量偏細，小貴，而味道幾好！老闆幾友善，親力親為，態度誠懇！
continue reading