吉野家 (Closed)

牛丼, 黎吉野家主要是食其牛丼, 其他照燒雞呀, 東波肉呀, 感覺上不入流.唔想牛丼咁單調, 加多個烏賊餅. 牛肉飯加上牛肉汁, 再加少少五色粉, 辣辣地, 好鮮味.烏賊餅, 回想在仙台旅遊時, 食過地道的墨魚餅, 口感不相伯仲, 唯一不同的, 日本吃的是新鮮魚餅, 香港吃的, 是冰鮮魚餅.地方, 灣仔呢個位, 人流不多, 變相坐得很舒服. 不過, 坐到一點, 開始被Ms. Ben 佔領....

以前係附近返工, 基本上每日tea time一定來食tea牛反食過幾次，一片片薄薄, 無口感的淡味牛肉加上只有鹹味的漿汁，真想像不出會是牛肉專門店的出品．其實牛肉還可以接受，但漿汁才是死穴，完全試不出牛味來, 寡得可以反而雞反唔錯，有雞味，需然有時飯的水準唔太穩定，但一個細雞反加green tea，才＄２０不到，再看看免費報紙，一個下午就這樣過去了～～～

今日朝早要到灣仔搵料做project到步後仲有d時間入黎吉野家食個平平的早餐吧!!喜歡清淡的我依然要了海苔野菌米粉米粉到手後湯面極為多油!!!o係屯門食o個時都唔覺有油....而且野菌份量少左因為灣仔舖租貴..所以要減少份量嗎??對我黎講份量少唔係最大問題多油就真係接受唔到.....而且朝早呢到都幾多人人手唔夠...等o既時間比屯門分店時間長....

因為有十元贈券，所以先嚟呢度幫襯。印象中既吉野家牛肉飯只係快餐形式，製作好求其，牛肉飯雖然大碗夠飽肚，但牛肉又肥又嚡口，汁料又差。不過以呢個價錢嚟講，真係唔要求得咁多。聽同事講蟹籽三文魚飯幾好味，今次我都係第一次試食。一大碗飯上面一半係蟹籽，一半係碎三文魚，餐牌建議混合一齊食，三文魚無味，混埋蟹籽食其實都係麻麻哋。套餐加一蚊可以轉凍檸茶，檸茶太甜，沒有檸檬，都係鍾意茶餐廳既凍檸茶多d。

晌《XX男女》睇到介紹一些平價的牛肉火鍋，比較了各間餐廳的牛肉火鍋，結果吉野家勝出。然後我又上來此地看看各位食評朋友有沒有對吉野家的牛肉火鍋留下片言隻語，咦，有喎！仲要大部份都係好評添！於是我就誠意我男朋友同我一齊去食喇！嘻嘻^^哩間分店一向都唔係好多人黎，尤其是係夜晚(咁突然o既？)佢叫濃湯底，我就叫清湯底~~查實好似濃湯底係惹味D，不過有少少辣。成煲火鍋我覺得都幾多料架，有冬菇、芋絲、腐皮兩大塊、金菇、日式魚蛋、豆腐、菜、烏冬同一大碗飯！！咁梗係唔少得主角－牛肉喇！D牛肉質素OK架喎...有肉味！點埋麻醬...好味啊！D烏冬滾到最後仍然都保持到咬口，唔會溶到一PAT野咁，不錯！我食晒全部野咁滯...最後我食剩左幾塊牛肉，因為實在太飽喇...唯有質俾我男朋友食埋佢，其實我好想食架~ >_<唯一唔好處就係D湯就快滾到乾左。。。唔知係咪個火太猛呢？

見好內冇食過吉野家, 所以就試一試。發覺佢地比我年幾前去多左幾個其它款色﹐下午茶又有烏冬同埋米粉選擇。但係今次都係叫左個牛肉飯。味道同質素都同之前差無幾。其實呢D連鎖食店都唔會差成點既。

我要了濃湯, 也不太濃, 那碗味贈湯濃幾倍。火鍋裡有菜(多些更好), 豆腐, 豆腐皮, 烏冬(滾耐了會太稔, 我將烏冬移了去味贈湯, 反而很惹味), 還有一盒生牛肉自己放入鍋, 再加一碗白飯, 一個女孩子怎會吃得清, 應該減白飯, 或讓顧客自己選要烏冬或飯。那小盒芝麻醬是平時超市買的貨色,沒甚麼特別, 但也好味。待下次肚餓一點那晚要去再試, 下次試清湯。清潔和點火的嬸嬸很好, 見我有很多隨身行李, 索性幫我全份餐送過來, 不用counter 叫我的號數出去取。

2007年10月03日，吉野家。很久沒有來吉野家，過一段時間我便會想起她，最近牛肉飯可以加2元加野菜，很討好，因為我是一個無菜不歡的人，我常希望速食店、茶餐廳的碟頭飯可以放多些的菜，不要只有一條的（例如燒味飯）。政府不是宣傳要1+2+3嗎？好了，說回這個經典牛肉飯，雖然香港的水準從沒及得上日本的，但我覺得反正不能日日在日本，偶然吃一次，都可以頂下癮啦，回味一下以前在日本生活時的時光。也是不錯的。

牛肉烏冬+綠茶紅豆烏冬和昆布湯各用一個外賣碗分開盛載.加$6由日本茶升級做綠茶紅豆.大大杯紅豆有濃郁的綠茶味.

下午茶牛肉烏冬幾抵食喎! arm曬女仔食, 有少少牛肉, 少少昆布, 一條獅子狗, 不過個湯鹹左少少, 我通常外買, 用佢送果杯綠茶當湯, 幾好味!

見到電視賣廣告$15一碗牛肉飯，就O黎呢間試O下，食落味道唔錯，Ｄ肥牛切得好薄，食落唔覺油膩。正！不過，如果要我俾正價o黎食呢個飯就唔抵喇~~~ 超細碗呢?!

短時間再次光顧吉野家今次叫左個比較中國特色的東坡肉飯套餐比起上次的日式牛肉煎雞套餐更加豐富有多半隻卥蛋,泡菜及甜品飲品就加一蚊轉飲檸檬茶就真的和傳統東坡肉比較真的無得比但作為一間日式快餐能有這樣的嘗試算不錯了而且呢間以健康作買點的快餐店東坡肉真的無咁肥膩38蚊個套餐食得過

從來都唔覺得吉野家的野好食，因為所有食材除左飯之外，全部都係急凍雪藏野，而且選擇極少，來來去去得果幾樣野。泡菜鹹到苦，但居然可以完全唔辣；牛肉太肥但同時嚡口；雞肉完全無味，只靠大量醬汁掩飾；最離譜呃錢的係咖喱雞飯，所用咖喱一食就食得出係日清美味寶。若然佢地只係賣十幾廿蚊，我都還可以降低自己的要求將就下。但佢地售價離奇的貴，一個飯餐最平都要$26，早餐仲離譜，半碗米粉的份量兩塊牛肉加一杯綠茶竟然要$13，掠水都唔好咁離譜呀！

一個雙拼雞肉、牛肉飯，豉油、七味粉、辣粉等有的都灑清。牛肉還好，機切出來薄薄的易入口，雞肉一貫用上雞胸肉，配上燒汁尚可吧，麵豉湯濃淡度沒有一次有參差，所有分量都已經安排好，不會多不會少，品質監控到了頂峰，甚到比麥記的水準更穩定，佩服！

份量啱啱好~~好味~~如果鹹少少就好喇而且價錢都幾平，又有杯茶飲餐廳都好整潔，坐得幾舒服