Video
Telephone
26620266
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
科學園性價比極高韓燒 — 梨滿園韓國料理，人均只需$260！餐廳內光線充足，座位之間空間闊落，用餐過程舒適，最怕餐廳光線昏黃，根本判斷唔到食物生熟程度。飲品同雪糕都係自助，飲品櫃非常大，茶、果汁、汽水，仲有獅威啤酒任飲。坐低後店員先送上生菜、蒜頭、豆瓣醬及三款小菜 — 泡菜、菠菜、芽菜，小菜清新解膩，豆瓣醬開胃，生菜、蒜頭免費任添。Qrcode落單簡單方便，無出現過漏單情況，除左豬牛雞海鮮蔬菜可以燒，仲有刺身、壽司、韓式小食、前菜、煲類、炸物、主食可以叫，選擇多到兩個人都食唔完全部，好彩份量唔算大，我地盡量試唔同食物。大多數肉都醃過，無需再額外加調味，不過餐廳都有比兩款醬汁大家。雞腿肉已經去皮，燒過後肉質依然滑嫩。美國牛肩肉，油脂分布均勻，肉質比較結實。當日肉類MVP絕對係美國橫隔膜肉，口感軟嫩，咬落有肉汁，而且肉味濃郁。青口、魷魚肉質飽滿，帶子即使切半後都覺得厚肉。蔬菜有南瓜、粟米、薯仔、茄子、洋蔥，其中杏鮑菇同翠肉瓜忍唔住叫咗幾次，大件燒起上嚟唔乾身，咬落有汁刺身厚切，新鮮肥美無腥味，其中以三文魚最為出色。海鮮煎餅用料好足，食落唔油膩。紫菜包飯可以一嚿嚿咁叫實在太好，試到又唔驚食得太飽，肉同菜都塞得好滿，同飯嘅比例啱啱好，而且壓得好實，唔會散開。最後仲叫咗大醬湯，送上嚟嗰陣仲滾得好激動，材料仲多過湯 ，有肉、豆腐、大蔥同瓜，味道濃。當日仲有五人同行一人免費優惠，極吸引冇諗過任食放題嘅韓式料理質素都咁高，唔會比外面嘅專做韓國料理嘅餐廳差。當日有兩位服務員都非常盡責，經過見到我哋張紙燶咗，主動提我哋唔好再放食物上去，等佢哋換完張紙先繼續，送熱食上嚟嘅時候又提醒我哋小心。
continue reading
今次試咗幾款唔同嘅肉同海鮮，整體都OK，冇伏，食得幾滿足。最後仲有雪糕食，算係一個唔錯嘅收尾。 美國橫膈膜肉橫膈膜肉幾好咬，唔會太韌，燒到少少焦好香口。點埋佢哋個醬汁仲好味，值得試吓。 美國牛肩肉牛肩肉肉味幾濃，肥膏唔算多，但燒完都唔會鞋。簡單落啲鹽已經好好食，鍾意原汁原味嘅人應該會鍾意。 美國牛板腱牛板腱中間有條筋，食落幾有咬口，但唔會太硬。燒得好嘅話仲有肉汁，點啲辣椒醬仲開胃。 美國牛仔骨牛仔骨甜甜哋幾好味，肉質都算淋。雖然要啃骨有啲麻煩，但味道真係唔錯。 牛仔柳扒呢塊肉比較瘦，但燒到五成熟都幾嫩。冇乜筋，食落好方便，啱晒怕肥嘅人。 豬頸肉豬頸肉肥瘦適中，燒到脆皮最正。點辣醬或者包生菜食都得，風味十足。 帶子帶子幾新鮮，煎到外脆內軟。味道清甜，加少少檸檬汁仲正，海鮮控必試。 帆立貝帆立貝幾大粒，燒完之後彈牙得嚟唔會老。蒜蓉牛油好夾，完全冇腥味。 炸雞炸雞皮脆肉嫩，調味剛剛好，唔會太鹹。記住要趁熱食，凍咗就冇咁好食。 炸豆腐豆腐外脆內軟，豆味好香。點豉油或者甜辣醬都得，可以平衡返其他肉類嘅油膩感。 甜品：維記雪糕（雲呢拿味、芋頭味）雲呢拿味就係經典嘅雲呢拿雪糕，奶味幾香。芋頭味有淡淡芋香，兩款都唔會太甜，食完燒肉食啱晒。
continue reading
今天到白石角探朋友，之後随朋友到附近科學園吃韓國燒肉放題。餐廳裝修雅緻，卡位寬敞舒適，掃碼下單，任點任食。我們選了「頂級燒肉放題」，包括頂級牛肉，頂級刺身，和頂級海鮮，韓國小食及飯麵等，非常豐富。還設有自助飲品及雪糕區。坐下來，店員先送上韓國烤汁及三碟前菜:菠菜、泡菜及芽菜。頂級牛肉：「美國橫膈膜肉」、「美國牛肩肉」、「美國牛仔骨」，牛肉都大塊厚切，三款肉質各有千秋，橫膈膜肉鬆軟可口，肉味濃厚；牛仔骨肉質爽口彈牙；牛肩肉肥瘦纹理均匀。燒肉都醃得入味，再點上韓式醬汁，份外滋味。頂級刺身：三文魚、吞拿魚、立魚、醋青魚，色澤鮮嫩，肉質甜美，是名符其實高質頂级刺身。頂級海鮮：「海蝦」大大隻海蝦，燒香後特別爽口，肉質鮮甜，加上韓式辣醬，味道更佳。「帶子」同是鮮甜味美。其他韓國菜色:「迷你海鮮煎餅」雖然說是迷你，但份量不少，用鮮蝦及魷魚做饀料，即叫即煎，香噴噴送上，鮮味十足，我最欣賞。「炒什菜」即炒熱辣辣，椰菜及红蘿蔔絲配搭得宜，富口感。「豆腐辣湯」材料豐富，除了豆腐外，還有大蜆和牛肉粒，教人驚喜，不過稍辣，不吃辣的朋友留意。「海鮮湯拉麵」拉麵爽滑，海鮮湯微辣惹味，還有金菇菜及肉丸做配菜。最後甜品有濃味香芋及雪呢拿雪糕，非常滿足的一頓韓燒放題。晚市時段，座無虚席，一定要預先訂位。
continue reading
話說因為工作緣故，去左沙田科學園嘅梨滿園韓國料理，發現呢度果真係一個燒烤放題嘅隱世好去處喎😆地方闊落又光猛，卡位坐得舒服，餐廳通風做得幾好，唔會有濃濃嘅燒烤味黏身，偷食都唔驚🤣🤣一入座，店員就即刻送上三款韓式前菜：爽口菠菜、自家泡菜同清新芽菜，全部任添～出面自助飲品，都係啲大路茶飲～講到主打燒烤，真係不得了！最中意佢地個牛仔扒，好淋身，油脂香濃；豬大腸好正，烤得香脆，肥瘦剛好；仲有海鮮就必推原隻扇貝，雖然係幾費時，但好新鮮，加上大大粒，食多幾隻都抵🥴 仲有最正係仲有刺身任食！三文魚肥嫩嫩，醋鯖魚幾開胃，仲有壽司選擇，全部都新鮮肥美💗除咗燒烤，仲有韓式小食同主食任叫～韓式辣炒年糕彈牙又惹味，石鍋拌飯熱辣辣，伴著芝麻香，食落滿足感爆棚！小食就推炸雞同泡菜煎餅，香口又夠脆。店員服務都幾好，燒烤爐火力又夠勁，烤肉快靚正！最重要係性價比超高，人均二百幾蚊，食到咁豐富，真係算抵食！想食正宗韓式燒烤，又唔想荷包大出血，嚟呢度不錯選擇🙆🏻♀️
continue reading
放假又約朋友去科學園散步和踩單車，天氣新爽藍天白雲，之後仲去左食韓國燒烤。這間款式有很多選擇而牛種類也有好多，海鮮配菜湯品超高質。美國橫膈膜肉🥩橫膈膜肉屬於內臟附近的肌肉，肉味比一般部位更濃郁。美國牛肩肉🥩油花分布適中脂肪紋路均勻，燒烤時油脂融化，增添多汁感，但不像肋條那麼肥膩。 美國牛板腱🥩是近年來非常受歡迎的燒烤部位，牛板腱屬於運動較多的肌肉，中間有一條明顯的筋膜分隔，肉質細緻且油花均勻。美國安格斯一口牛粒🥩油脂豐富肉味濃郁非常適合燒烤，炭火直烤後表面焦糖化增添煙燻炭香。美國牛仔骨🥩喜歡牛仔骨會是一層肥一層肉加入韓式醬汁，油花豐富肉質濃郁，燒起來逼出焦糖化脆邊。海蝦🍤海蝦非常大隻結實，燒烤時蝦身不開背保留蝦殼鎖住肉汁，蝦肉很鮮甜美味又彈牙。帶子帶子大細適中，燒烤兩邊內裡質地仍很水嫩。半殼帆立貝🦪帶殼烤製不僅鎖住鮮甜，貝殼更成為天然烤盤令精華汁液與醬料完美交融！雞翼🐥而燒雞翼更加不用多說，因為燒雞翼我鍾意食麻！外皮燒到香脆內裡肉質嫩滑美味。大醬湯🥣大醬湯是韓國料理的靈魂湯品，以發酵大醬為基底，融合海鮮、豆腐與蔬菜的鮮味，呈現出鹹、鮮、醇、辣的多層次風味，每次吃韓國菜一定必選的一款湯品。厚切豬五花腩🐽脂肪與瘦肉的黃金比例，膠質豐富皮下的膠原蛋白燒烤後，會黏唇似豬腳凍的滿足感。而配埋生菜、蒜片、醬料一起包著吃，清爽之外還可以解油膩感。還有炒什菜🥙迷你海鮮煎餅🫓炸豆腐等，每樣都很美味，超級豐富真的非常之滿足。
continue reading