Video
6-min walk from Exit A2, Sheung Wan MTR Station
continue reading
Additional Information
外賣自取
Opening Hours
Mon - Sat
11:00 - 21:30
Sun
Closed
Public Holiday
11:00 - 21:30
Above information is for reference only. Please check details with the restaurant.
買咗團購券，点知上星期六去到，佢執咗，好意外，兩個星期前去食過，重好地地，生意都唔錯，話執就執，真係好驚呀!幾張券嘅錢追BEECRAZY善後，希望唔會泡湯啦!如果間嘢唔賠錢就真係呃人錢啫!
continue reading
今日又好晏先食Lunch，黎左呢間日本餐廳食下午茶。之前其實黎過，覺得都幾抵既。今次叫左一個A＋B下午茶餐。（A係主食，B係小食）呢度可以叫A＋A／A＋B／B＋B，都幾得意，又flexible。Mini咖喱吉列豬排飯咖喱味好香，不過味道同一般咖喱磚開既係無分別既。吉列豬排炸得香脆，豬肉唔韧仲有肉汁，不錯不錯，因為係迷你飯，所以只有3小件豬排。不過飯唔熱，只有咖喱同豬排係熱。鱆魚小丸子3小粒，好多漿，好少料，味道同口感都好麻麻，不過可以當過下口引。總括而言，呢度下午茶都幾抵食，係上環黎講真係算係咁。
continue reading
味噌拉麵賣相好靚！試一試湯，口味沒有一般的湯頭清淡，是濃稠的啡黃色，豬骨湯味豐厚但帶點鹹，不是我心目中最愛的那種，唯一可取是湯溫控制得不錯，夠熱!麵條是粗身微曲的那種，蛋香味只是一般，份量適中。玉子好味！豚骨拉麵濃郁度是我喜歡的那種, 不會死鹹, 我蠻喜歡這種湯頭, 如果鮮味再突出一點那就會更好了，三塊义燒嫩滑好入味，恰到好處。餃子，炸雞賣相正常，味道不錯， 十分開胃， 可惜份量太少了。由食品介紹，茶水供應，安排入座等都做得專業，值得一讚。
continue reading
想離開中環食 lunch，於是便走到上環，赫然發現有一家頗地道的拉麵店，試試。店不大，但佈置很日本風，一邊放滿日本清酒，一邊放著一些日本裝飾。Set lunch 價錢很平民化，多是 58 或 68元，可以加錢轉便當。我當天點下九州拉麵，送麵鼓湯或汽水。先來的是麵豉湯，味道濃，帶有點昆布，亦有點菇味，易入口。等了約十分鐘，拉麵出場。湯底是紅色的，先喝了一下原來有點辣的，但不是很辣。我喝不到用怎麼料煮，但應該不是豬骨。拉麵好彈牙，帶點粗身，有麵味，量足。配料有兩塊叉燒和溫泉蛋，叉燒一邊勁肥勁好味，入口即溶，溫泉蛋流心，很滑，又夠熱，超正。
continue reading
之前買咗Groupon，所以專登來呢到食午餐。我叫咗個叉燒拉面，首先試咗湯底，夠濃，好有豬骨味。之後食咗啲面，好彈牙，質感好唔錯。最初睇落去啲叉燒好似啲五花腩咁，但係所謂人不可貌相，肉都一樣，味道水平超卓，從來未食過咁好食嘅！由於我地買咗三張Groupon，所以有三份小食：章魚燒，日式餃子，炸雞。章魚燒味道唔錯 ; 餃子個餡夠料，好多肉汁，個皮唔會太燶 ; 炸雞本身好食，但係太厚粉，掩咁啲雞味。服務都好好 ; 環境方面，我覺得逼咁少少，不過整體都唔差。總括來講，應該有下次吧！
continue reading