優豪方火鍋 (Closed)

我們之前6人限聚令下趕得切一聚烚下烚下，之前已經喜歡這店又可以打邊爐又可以唱K及打麻將👍🏻而且我哋仲一早到咗可以打牌唱歌～之後大家就開餐啦！我哋叫咗好多嘢食，因為你一句我一句，我都忘記了叫什麼，好彩有相為證😜反而我最鍾意佢嘅響鈴，因為佢新鮮炸出嚟所以非常好味👍🏻當然佢啲小食、象拔蚌刺身、手切牛、蔬菜⋯等等⋯⋯每一樣都好新鮮好好味！因為我哋有個朋友經常去呢間店，所以我哋服務都非常之好😆👍🏻

一直想去啲可以邊食邊唱k嘅地方（除左neway太難食）,上次黎嘅時候知道VIP房可以唱K，即刻約定要再黎。疫情下VIP房冇低消，而我記得就算低消都唔係好貴。我地一行四人，食了1200左右，飲左少少酒，真係好抵。除左冇得好似neway咁唱到朝早外，都比neway好。正常情況下好似係收一點，唔想玩太夜的話絕對係好選擇。就算唱唔夠想轉場，其實三百蚊一位打個邊爐都算好正常，仲有得唱K，真係好爽。

都嚟過幾次了房間頗多，可惜 洗手間 得一間房先有，其他都要去商場嘅廁所。 食物尚可以啦，價錢公道，咁招呼都好好嘅， 最低消費都合理合乎而家食肆嘅水平 叫做有麻雀打下 也可以唱下卡拉ok 不失為敍腳嘅好地方 佳節友敍，咁樣都可以約埋一齊有個自己獨立房間 雖然唔係間間房都咁寬敞 但係都有個傾計嘅地方 食物種類都多，暫時到現在都算新鮮嘅。