4
1
0
5-min walk from Exit D, Jordan MTR Station continue reading
Telephone
34221195
97409846
Introduction
Yoga Interactive Vegetarian is a vegetarian restaurant in Tsim Sha Tsui that aims to bring healthy vegetarian food to the Hong Kong dining scene. The food served here is traditional Hong Kong-style. continue reading
Opening Hours
Today
12:00-15:00
19:00-22:00
Mon-Sun
12:00-15:00
19:00-22:00
Payment Method
Cash
Other Info
Phone Reservation
Vegetarian
Signature Dishes
芫茜腰果醬 炸茄子 特色炸苦瓜 黃薑飯 棯葉薯粒 檸檬薑飲
Review (5)
地點: 尖沙咀山林道30-32號昌林閣15樓B座 交通指引: 港鐵佐敦站 D 出口, 步行約5分鐘 電話: 3422 1195 9740 9846 這是一個瑜珈老師開的私房菜餐廳,地點在瑜珈老師平日上課的教室,是在一個住家裡。OpenRice上面的資料不多,剛好朋友生日想來這裡嘗試看看,於是我們就打電話去訂位,想一探究竟,什麼素食是互動瑜珈來著。 每一個人HKD220,只收現金。若是喜歡隱密、有隱私的聚會,不妨考慮這個地方。 訂位的時候,才知道當天訂位人數要到一定的數量,才會接受訂位。我們當天是六個人,我跟朋友兩人,還有另一桌四個人。 我約七點到,當時還沒有其他客人,瑜珈老師,同時也是今天的廚師Brian,還教我唱歌呢! 七點,太陽還沒下山,Brian還推薦我們上屋頂看花園。香港的屋舍狹窄,屋頂也是走精緻路線,走道很窄,種滿了花,看得出來是有人在照顧這些花草。頂樓空間不大,但還是被規劃成不同擁有區,各有鐵欄杆和門鎖。這裡是舊社區,房子不高,景觀很好,可以眺望到遠方的高樓和晚霞。 Brian的鄰居是印度來的瑜珈士Jay,他旅居香港幾年了,他說他很喜歡香港,還跟我介紹Bhakti Yoga, 後來我才知道原來印度瑜珈有四大教派,這是其中一個重要的教派。 七點半,天色漸暗,我們的晚餐也即將開始。根據說明,今天晚上的私房菜有十道。今天沒有甜點,我也忘了問。倘若加上薑汁檸檬水,那就算是有十道吧。 我跟朋友兩人一桌,所以每一道菜都是小圓盤裝著。 第一道菜,冷盤,小黃瓜和紅頭菜,味道不錯。 第二道,腐皮捲,裡面是蓮藕等好的料理,但我覺得有點鹹。 第三道,自己種的苦味馬鈴薯,蠻好吃的。有加檸檬草的樣子,很香。 第四道,黃薑飯。 第五道,南瓜湯。這有加一些咖哩香料。 第六道,西蘭花茄子豆腐,豆腐好吃,但我覺得有點鹹。 第七道,炒粉絲。有咖哩的香味。 第八道,炸苦瓜。這苦瓜真的蠻苦的。 第九道,玉米炒松子。松子唷~ 看到好材料了~ 吃起來有爆米花的味道。 整套私房菜吃下來,覺得最好喝、最有記憶點的是薑汁檸檬水,其實有一點點小失望。廚師Brian跟幫忙處理訂位的小姐人都很好,但是HKD220品嘗這十道私房菜,感覺好像少了點什麼。能吃飽是沒問題,還吃得很撐呢~~ Brianc還送我三本書,讓我回家看,了解瑜珈大師和奉愛瑜珈。依舊感謝這個緣份,有機會看到不同的香港住宅,吃不同的料理,還有認識不同領域的修行者。 continue reading
(The above review is the personal opinion of an user which does not represent OpenRice's point of view.)
Level3 2012-04-30
3522 views
從媽媽口中得知山林道有間唔錯既素食私房菜 沒有招牌, 沒有廣告...真係只有人傳人得知...就算喺Openrice都要花少少時間搵佢出嚟!! 原來佢係喺一個平時教瑜伽嘅地方, 夜晚, 當作私房菜場地 問過瑜伽教練點解會拱做?! 佢話因為佢鐘意煮野食~之前煮過素菜俾學生食, 佢嘅學生十分欣賞, 所以鼓勵佢試做私房菜... 教室地方只容納到3張檯, 1大2小... 所以十分難訂檯!!十分有特色... 唔甜, 因此絕對唔係沖濟!!當晚嘅我好有衝動問佢可唔可以Take-away 1枝... 因為每檯都無限添飲... 人家食中菜就飲茶, 佢食素菜就飲檸薑... 贏左!! 雜豆湯味道一般, 但我見佢好多不知名嘅材料喺底都冇藥材味/怪味!! 黃飯沒有海南雞飯的飯油, 沒有印度黃飯的飯硬!!用少許椰汁香調味... 又贏!! 香草蕃茄粟米本人唔好粟米, 所以冇試但聞到好香, 屋企人力讚!!素肉+蓮藕, 味道清淡不油膩...比起外間一般酒樓, 這是出色之作!! 拍青瓜不會過酸, 清脆爽口, 但比起其他餸菜, 這是平庸的一味!!椰菜花+豆腐+脆肉瓜+唔太濃嘅葡汁=出色!!! 味道十分溫和易入口!!! 又滑又軟又淋 炒粉絲軟硬適中+彈牙... 不過略嫌油左少少喺出面應該食唔到, 創意滿分 稔葉, 自家天檯種植!!再加上薯仔... 起了化學作用!!薯仔少了飽肚感覺, 稔葉少了甘苦感覺!! 茄子炸度適中,脆口...但豉椒味道太咸太濃!!炸完嘅苦瓜, 苦味退減了60%, 等同老虎冇左60%牙一樣... 可惜!!但估唔到醬汁可以幫一味餸起死回生!! 完全天作之合!! 終於令我明白到點解薯條配茄汁係咁重要啦!!! 絕對唔講得笑, 香甜幼滑 唔好睇輕呢4個字, 要做齊, 並唔係一件易事!!簡簡單單嘅一碗糖水, 估唔到驚喜大過前面所有餸菜!! 贏晒, 個糖水贏晒... 十分出色!! 我地食完之後, Take-away左3碗, 真係唔講得笑 堅!!好!!味!!!!! continue reading
(The above review is the personal opinion of an user which does not represent OpenRice's point of view.)
Level4 2010-06-14
2089 views
表姐E, 同表妹J的合併生日會, 之前有人提起想試一試瑜伽素食, 但一直都沒有人評價過, 故沒有什麼衝勁特登去食. 直至是次, 表姐E也提及要試一試瑜伽素食, 而且又看了Yan 同 Small JJ 的介紹. 覺得此地應該是不錯的私房素食. 眾人就決定選擇這裡作為她們的生日晚會場地.我們沒有包場咁誇張, 不過看其介紹, 的確, 可以包他們個場黎做function. 我們選擇的日子, 剛好是星期五, 打上來book檯時, 原來差不多已經full house. 正式來說, 他們只開一個單位來做飲食, 另一個單位, 是瑜伽練習室. 由於是日full house 的關係, 兩邊都開哂, 而我們就安排在了坐在瑜伽練習室, 地方比較細, 坐得當然冇咁舒適.我們叫他們等人齊才上菜, 等待中, 店員 (一位老外/南亞瑜伽大師)先把黃薑飯同一壺檸檬薑茶盛放在我們檯上. 那壺檸檬薑茶, 味道甜帶少許酸, 薑味重, 有辣喉的感覺但勝在夠甜, 令味道中和一下. 令平常不太愛食薑的我也喝上數杯. 有檸檬酸又對我舒緩喉嚨不適有幫助.湯同飯, 湯是老火的雜豆湯, 味道濃香. 加有蓮藕, 亦帶有少少薑. 一方面清涼, 另一方面有薑來平衡一下, 令大家不會一味食涼既野.之後是素腐皮卷, 味道較得比較清淡, 食落, 有素肉, 切成條的蓮藕, 餡料上乘, 好過出面街食的素腐皮卷多多聲.再來的是蕃茄粟米, 沒有多加糖, 食到是蕃茄的原有酸味, 所以原生態既味道都加以保留. 粟米香甜, 加上蕃茄的酸甜. 感覺幾match, 而且因為以酸為主要味道, 所以令到我們好開胃. 正好為下一味菜鋪路. 然而, 這一味, 是用椰汁, 加上豆腐碎粒做汁, 再撈上翠玉瓜同蓮藕, 汁有椰香, 呢味餸既主題係甜, 味道其實不太習慣, 配上翠玉瓜, 再將汁用來撈飯還好, 相對, 蓮藕就好似唔係太Match啦.吃完甜、酸, 之後兩味是苦. 一個稔葉薯蓉, 同一份炸苦瓜. 此時, 大麼姐姐埋黎同我們解釋一下是日菜單既主題. 原來是讓食客食齊5種味道. 甜、酸、苦、辣、咸. 呢一晚, 五種味道, 我們都會食齊. 而且她解釋為何菜式大多數有薑呢, 事因素食比較寒涼, 薑是熱的, 用薑可沖減其他素菜的寒氣. 稔葉薯蓉, 味道是清淡的, 薯仔既原味, 沒有特別的加工. 唯一加上的, 便是一小片稔葉. 此小片稔葉, 味道非常之濃, 廚子小姐解釋了一大輪食稔葉的健康道理. 只可惜大家沒有什麼心機去深入理解佢既效用. 稔葉帶出的, 正是苦味, 小小的一塊, 已能令到整隻薯蓉帶甘味. 薯蓉本來是滯肚之物, 但加上了稔葉, 那種滯同飽肚既感覺大為減少.炸苦瓜, 對吃得苦的人來說, 呢味餸算是整晚做得最好的一份. 至少是我最欣賞的一道菜. 炸粉不厚, 食落不油. 做得非常之好. 伴上一個綠色既醬黎點苦瓜食, 帶甜的汁, 原來是用芫茜同腰果磨出來的醬, 點苦瓜食, 中和一下苦味. 但不點醬, 我覺得才能食得出苦瓜的甘香.苦之後, 是辣. 辣的菜式, 是沙爹炒粉絲. 辣只是小辣. 粉絲有沙爹味但味道不算太重. 可惜的是炒得太乾. 做得未算出色.食完甜、酸、苦、辣. 最後的兩個主菜, 是咸. 首先是豉椒炒茄子, 用上西蘭花去配搭. 不過, 說是咸既菜式, 的確是咸, 但感覺上太鹹. 豉椒落得太重了, 有失素食的清淡主意. 雖然呢道菜既主題係咸, 但也不要盡咸. 另外的一碟鹽水蕃薯苗, 咸味適中, 菜又夠腍, 大家都非常欣賞.食完一眾主菜, 當然有個甜品時間, 而是日甜品是南瓜蓮子薏米糖水, 帶點薑汁味, 所以都係辣辣地, 起初飲落, 第一個口感就覺得南瓜同薑汁不太match, 不過飲飲下又覺得ok. 太太不喜歡就由我飲埋果半碗, 只是有切cake時間而令我只飲了一半而已.總括來說, 食物味道尚算ok, 應該是人多吧, 出菜時, 發覺他們上得有點亂, 而且不知是否要安排到眾人上天台一起聽瑜伽學說, 出菜時覺得是有心拖慢, 好讓大家同一個時間去學習一課. 而我們就沒有勁去聽了, 8個人, 留來切餅餅好過. $150一位, 價錢同味道, 算是可以吧.店員的用心解釋每一道菜, 細心的服務其實是值得加許的, 不過上菜慢, 就扣了少少分數. 而且, 這裡是瑜伽中心, 入來時, 所有人需要除鞋, 正因為咁, 衛生方面, 這裡做得非常之好. continue reading
(The above review is the personal opinion of an user which does not represent OpenRice's point of view.)
Level4 2010-03-27
1353 views
又是草草搞起的素局,今次十分特別是上樓吃私房齋。地點位於山林道昌林閣頂樓,原來是集瑜伽+講座+私房菜於一身的多元化單位,三者間息息相關又互為影響,幾有趣的。 抵達時間尚早,其中一位主理人先帶大家參觀天台,景觀開揚並眺望名鑄,風景是相當不錯的;大家又看到了來自印度,將會成為食材之一的稔樹。之後再參觀了瑜伽上堂地方後,兼任三師(導師+講師+廚師)的Brian回來了,大家就回到很有家的感覺,氣氛又warm又cozy的用餐區準備開餐了。與一般齋舖不同,這裡沒有仿肉菜式,菜式甚至連名字也沒有(所以菜名由小妹亂撰),然而每一味上檯都是心思與驚喜,逐項介紹如下: (1)檸檬薑飲-很簡單就是由新鮮檸檬榨汁+薑打碎去渣+再加冰糖水混合起的飲品,但味道豐富既酸又甜,又帶點清新薑味,十分可口又開胃呢!除了細心去品嚐試味的心思,當中微量的印度香料相信也是美味秘密之一;由於實在出色,我老實不客氣飲了5杯以上! (2)雜豆湯-由高壓煲煮出來的豆湯,味道甜潤濃厚,打破了素湯=清寡的概念,又是獲得大家一致的好評。 (3)香草蕃茄煮粟米-蕃茄加上香草的效果醒胃又滋味,令香甜的粟米變得味道豐富,餘下醬汁也被大家撈飯吃了不少,席間有食友想到如拿來撈意粉,也必定美味! (4)葡汁上素-以豆腐、西蘭花、佛手瓜等素菜入饌,除西蘭花較為挺身,其餘食材口感軟滑,煮以葡汁的口味十分柔和,雖不惹味卻有令人一口接一口的魅力,不錯的。 (5)黃飯-沒有印尼菜館的乾身難啃,反而幾香口好吃;不過對於米飯我從來吃得極少,也不會有添飯之舉了。 (6)炒粉絲-軟硬適中且口感彈牙,粉絲間又加入微細香料,幾香口好吃的,引得我挾了一次又一次。  (7)棯葉薯粒-用天台的棯樹之葉煮成,味道非常苦但據聞可以減肥,因此引得部分食友勁食狂吞;可惜小妹天性愛甜怕苦,長胖也是命中注定的事了...說回正經吧,其實仔細品下來,棯葉帶來的是甘多於苦,如避開最濃郁的葉位,味道也可接受的。當然仍然稱不上喜愛。 (8)豉椒炒茄子-茄子炸脆後以香濃豉椒去炒,其外脆內軟的豐厚口感,是全晚唯一有點似葷菜的一味,味道不錯的。 (9)特色炸苦瓜-特色在有著一層仿如天婦羅的炸漿,令大家講笑這日式風味令整頓飯顯得很fusion!由於輕脆輕脆又不油,苦瓜又不會太苦(程度絕對比棯葉薯粒輕微),我也吃了2-3件;當然另一重要原來是伴吃的芫茜腰果醬,很香又甜很好吃,後來我索性直接筆來吃算了! (10)炒白菜仔-食齋其實也很飽肚,來到這第十道菜我已經很飽,吃了一口但覺味道也可以,此外沒有其他印象了~ (11)腰果百合馬蹄素炒-很簡單就是大堆素菜炒成,由於腰果同百合都爽脆吸引,場內評價也幾好。  (12)南瓜薏米蓮子糖水-終於來到期待已久,特地留肚的糖水環節,慶幸沒有令甜魔失望:糖水用料十足、口感細滑既香又甜,加入薏米更是口感豐富,美味!Brian知道我們喜歡,又添上一大兜,飲到甜胃非常飽足,開心!  飯後Brian又出來問了大家一連串哲學性問題,之後又講了很多關乎人生、思考、信仰的信息,最後還為大家高歌一曲!各人消化吸收有異,個人則頗同意人生除了滿足口腹之慾,還有心靈上的需要,素局原只是個開始,引導大家思考更多靈性問題。反正其講座連簡單素食晚餐的組合也很吸引,以後也會找機會去聽聽想想,在此也向大家推介一下:當是增廣見聞也好,當是單為素菜而來也好,有空不妨來品嚐這特別的心靈素湯!  更多相可見:http://hk.myblog.yahoo.com/gourmet-yan/article?mid=16384 continue reading
(The above review is the personal opinion of an user which does not represent OpenRice's point of view.)
Level4 2010-03-21
735 views
mar 17, 10,食友好犀利,搵到呢個咁僻嘅樓上齋局,10人來食咗(因為喺私房菜,所以無菜單,每碟菜名喺我自己作的) : 1) welcome drink-因為我早到,女職員就斟咗杯welcome drink比我飲-喺薑,新鮮檸檬汁+冰糖整成-裡面會有d黑咖色嘅碎,我以為喺薑皮,原來女職員話喺1種herbs,對身體好,可以預防cancer-估唔到個味好夾,我唔覺薑味過重,都唔辣,只喺有溫溫嘅薑味,又甜甜哋,酸味唔重-女職員話1定要用冰糖先有呢個味-不過甜度可以慢番些少就perfect喇-好好飯,見食友們不斷咁添飲就知大家好鍾意啦 2) 豆湯-用咗多種豆同瓜去煲,亦喺好飲-佢嘅調味好適中,絶對唔喺偏淡,但又唔會叫鹹 3) 茄汁粟米醬-有新鮮粟米,估仲有d瓜,香草咁煮-呢個比較惹味,配黃飯最啱 4) 黃飯-相信喺有益d 5) 西蘭花豆腐 -主要有西蘭花同豆腐-個汁似喺葡汁feel-呢碟味道清d 6) 炒粉絲-除咗粉絲之外,好似有d唔知咩碎-不錯喎 7) "稔"樹煮薯仔-"稔"樹聽女職員講,佢印度嘅樹種,佢哋自家種喺天台-可以拎d葉嚟煮餸,味道甘苦,有排毒-肥嘅功效-吞完之後,又真喺幾餘甘吓喎-有食友笑說可以-肥嘅話,淨食葉(苦甘嘅源頭)都得呀.........可想而知佢嘅決心幾強...........hahaha 8) 豉椒炒茄子-好有豉椒排骨炒河嘅格,如果有埋河粉,真喺10個似-茄子切件後炸下佢-呢道菜算喺全晚最濃味的了 9) 炸苦瓜-苦瓜並非重點,而喺伴碟嘅芫茜腰果醬-我先食1小"羮"綠色醬,甜甜哋-伴苦瓜嚟食,真喺將苦瓜嘅苦味中和咗好多-苦瓜嘅炸漿脆薄 10) 炒小白菜-正常 11) 腰果馬蹄炒什菜-好多材料,有新鮮粟米,腰果,馬蹄,鮮百合,芹菜等-所以好好味,送飯最啱 12) 南瓜蓮子薏米糖水-組合特別嘅糖水-南瓜打蓉晒,有蓮子(軟綿),薏米,麥米(有咬口)-明顯甜意,但唔太甜-好味,不過太飽了,所以沒有再添飲* 屋內背後有條樓梯上天台,有點harry potter feel (secrets of the chamber).......hahaha* 呢度好好,職員想問你有咩想添,我哋添咗welcome drink啦,個湯啦同糖水 * 呢度除咗有齋食外,仲有班教人煮齋,有瑜伽堂上,又有瑜伽哲學上 * 上晒d菜後,廚子brian同我哋講喺yoga嘅哲學,不過我無慧根,吸收不多.........晒咗brian1番心機~~~~ continue reading
(The above review is the personal opinion of an user which does not represent OpenRice's point of view.)