盈翠燒臘茶餐廳

Open Now

Now Closed

我久唔久都會嚟呢度食下早餐，因為佢有燒味瀨粉，之前嗰個師傅乜都到晒落去，當然就淋晒啦，今日唔知做乜嘢轉晒死性，竟然幫我分碟上，叉燒又夠淋，燒肉又夠脆，極有可能換咗個師傅！總之今日係好評😎😎😎之前我都有話過佢嘅，成日俾埋啲雞頭雞尾鴨頭鴨尾，用來做早餐！我有講過都三十幾$40 㗎，唔可以馬虎，結果真係有改善，咁佢啲燒味朝頭早係靚嘅，杯奶茶都OK嘅！最好都仲係舊叉燒，真係同周星馳裏面嗰舊有得費㗎，希望以後次次嚟都係啲舊啦😅

話說買外賣 麥醬料都唔比 專登番頭去問佢拎番醬料 又話唔得 不如唔好開門啦 都買左野 又唔係偷你醬料 好垃圾咁樣做生意？以後唔幫襯 ，同區都絕對無下次。但印象中 剛開張完全唔係咁。

今日去咗聯和墟食早餐，經過盈翠燒臘門口睇緊有咩食嘅時候，見老闆走出門口招呼，見佢咁熱情就嚟試下啦，其實我都係第一次嚟食嘢。A. 喇沙/蕃茄湯系列 $38叫咗一碗雞扒煎蛋米線配喇沙湯底。麵都幾大碗，未食就已經聞到喇沙味好香。第一啖當然試吓啖湯，濃濃嘅喇沙湯底正呀。雞扒同米線都正常，蛋仲有流心，我鍾意。熱奶茶都ok 嘅。總結：估唔到早餐都有喇沙食，味道仲要唔錯添。但呢度唔好嘅係抽風唔好，食完件衫有浸油煙味。

盈翠主打燒味，是日星期天，下午茶時間，不吃燒味，試試下午茶餐賽馬日，餐廳內有電視，但人客未滿座，三番四次轉座位，最後二人選定可以坐卡位，店員也沒有不耐煩，抵讚下午茶餐牌，時間是下午14:00-18:00PM總共點了三個下午茶餐: 1. 泰式三蝦炒飯上枱熱騰騰，飯炒得粒粒分明，有鑊氣，泰式是蝦醬味道，蝦爽口但沒甜味，味道整體合格2. 吉列豬扒配薯條上枱感覺有點怪怪，可能少了點蕃茄青瓜做配菜，吉列豬扒帶骨算大件，薯條份量少，但脆卜卜，吉豬外皮鬆脆，肉唔鞋，味道唔錯3. 最後加點了銀芽三絲炒麵$39有肉絲、有火腿、洋蔥、銀芽，有鑊氣，但麵嫌炒得乾身，份量偏少，算是下午茶份量吧。跟餐凍檸茶加$2，少甜檸茶大大杯，有做到少甜，冰量剛好，不多不少，茶味不錯。三個下午茶餐，埋單$119

夜晚冇得堂食.........近近地諗住試吓外賣d例湯煲燶咗都照比客人一開蓋已經聞到燶味叫咗四個餸都係好難食分別係豬手燒鵝魚塊牛腩未試過食過咁差嘅茶餐廳完全冇攞個心出嚟煮嘢食真係冇乜可能個湯濃左都唔知我寧願你話啲湯賣晒總好過比濃既湯客人今次係第一次食但係已經知道永遠唔會再返去幫襯下一次..............................

d肉唔新鮮，d雞唔知雪藏左幾耐每款咬兩件食唔落去味道好差，從來無食過咁難食既燒味原本打算support下小店，不過無下次，希望你可以加油進步下差過連鎖店太多太多要另外出去再買外賣食

區內有好幾間燒味飯，盈翠是我最常光顧的，原因無他，$30燒味雙併飯($28單併)，份量又足，味道不錯，實在抵食可在外面等候外賣時看到裡面斬料的情況堂食會比較貴，既然份量味道差不多，通常我都會選擇外賣其實堂食還有其他飯，不過我眼見還是燒味最受歡迎這天我揀了燒肉叉燒飯($30)，另加薑蓉燒肉有6件，皮依然脆脆的，肥瘦相間，不錯甜甜的半肥瘦叉燒，有7-8片，而且大大件，好吃薑蓉另外自己叫，免費的，送飯一流其實區內還有其他抵食的燒味，份量更足，但我偏好這間，因為味道出色一點

突然想食燒鵝，又唔想去深井咁遠，所以行去聯和墟睇下有無燒臘舖，過馬路見到間叫盈翠燒臘就入左嚟幫襯。既然想食燒鵝，於是叫個燒鵝下庄來食加多個白飯。燒鵝好快嚟到但賣相超差，燒鵝皮色水啞黑，下庄脾位肉少得過份，應該偷左好啲肉去做碟頭飯。味道方面，入口過鹹，皮完全無燒過既香味，肉就太老，無牙一定咬唔到，質數可以話差過街市燒臘舖既水準，完全失望。同深井燒鵝相比，起碼差五，六班。下一次想食燒鵝，都要唔好怕遠去番深井食。

送完熊貓串串香，已經夜晚十點，聯和墟好多食肆都打烊，又唔想食麥當勞同媽子美點呢兩間成日食嘅，見到盈翠仲有開，即刻入去試下。我好耐都無食燒味了，原本打定輸數，咁夜食，一定無咁好食。於是求其叫左個雙餸飯，燒肉加薰蹄。意想不到，燒肉層皮仲好脆喎，點埋佢個黃芥醬就一流。碟飯好食到所有汁都俾我食埋。而且，因為太夜，無咩人，我可以肆無忌憚咁坐張六人枱，好舒服。今晚真係驚喜。

食過這間燒味店幾次，好味又抵食，所以每次去粉嶺都會去食。見過店面寫可以訂燒豬，個價亦比市區平。尋日屋企拜山，就試下訂番隻乳豬。老闆做燒味好多年，原來除了粉嶺，仲有其他分店。老闆問我要幾大既乳豬？我一直以為乳豬得一個size , 都唔知系幾大。佢問咁有幾多人食？知道有近十個大人，佢就幫我定個適合的size。個價錢仲好優惠~再問我去邊拜山？咦，關咩事？原來佢有幾間店。我入粉嶺其實系唔順路，佢話我可以去沙田第一城或火炭工場拎，會最近我。我選擇去火炭拎，夠就腳，而且最新鮮。屋企人個個都話好味，皮好脆，而且不會太鹹，味道剛好👍🏻

盈翠燒臘係聯和墟的例牌，每次雙併加底唔該。我個人認為，燒鴨是最好食。今天難得一家人來食，當然要叫小菜，小菜就一定有燒鴨加酸莓醬。燒鴨肉質靚，皮夠火候，所以燒的脆皮，好味。待應姐姐們的態度好好，因我地叫小菜，但又唔知食咩好，我地問待應姐姐求介紹。姐姐就介紹埋清蒸魚同埋炒雞油豆苗。不得不推介給大家，雞油炒豆苗，豆苗是雞油炒出來的，所以好滑好香，一啖食落去，無草青味更無苦味，是我喜出望外的一道菜。清蒸魚，亦是一個不錯的菜式，有在家小菜的味道，是健康人士的首選，魚本身的鮮味也很夠，普通加上豉油及蔥，就會變成一道可口的佳餚。平時一個人時，可以吃一個人的碟頭飯加例湯，很有味道。但是閒日與家人一同進餐，享受家庭之樂，大家吃個便飯，溫馨暢談，盈翠也是價廉物美，吃得滿足的餐廳。而餐廳的整潔度，十分乾淨。

我本身好鍾意食燒味，但自從幾年前聯和墟嘅一間燒臘店執笠後，午飯時間就冇得再食燒味🤷🏻‍♀️同事話我知聯和墟最近幾個月開咗間燒味餐廳，我聽到之後我就忍唔住麻煩同事當日幫我買咗個燒味外賣返公司食😆我order咗個半肥瘦叉燒切雞翼雙併飯 (多色多薑蓉)，一打開個飯盒........嘩😲咁多既？！不只飯多，連餸都好多，仲要只係$30，食落味道都可以，只係叉燒唔係半肥瘦，薑蓉又太少！呢個價錢配搭呢個份量去邊度搵

中午去到粉嶺聯和虚突然間想食燒鵝，附近聯盛街就有間主打燒鵝既餐廳，盈翠燒臘，於是就入去食午餐。入到去梗係叫鵝飯啦碟飯黎到，見點解咁少飯既，咦，唔係少飯係D燒鵝多到冚住哂D飯遮。仲有老火湯送，飲落正喎，無味精，味道濃郁到好似屋企㷛咁。食吓燒鵝先，嘩！D皮脆卜卜，仲係走肥嗰隻，有鹅香味，一口氣食咗半碟鵝同食哂D飯已飽(太多鵝啦)碟頭飯，加凍飲，仲有老火湯，承惠$53蚊，食真正鵝唔算貴，唔飲野就45蚊攪掂。其它燒臘仲未試，下次試完再向大家報告。