6
3
2
2-min walk from Exit C1, Choi Hung MTR Station continue reading
Telephone
23295036
Opening Hours
Today
05:00 - 20:00
Mon - Sun
05:00 - 20:00
Payment Methods
Cash
Other Info
Restaurant Mode of Operation - Type B
Signature Dishes
三文治 奶茶
Review (11)
Level4 2021-11-21
48 views
彩虹英輝咖啡屋喺牛池灣文娛中心同街市附近,有一條牛池灣村,呢度除咗有露天街市之外其實仲有好多嘢食,其實仲有一間舊式嘅茶餐廳隱身起一堆舖頭入邊,呢個位置其實一啲都唔顯眼。踏入舖頭已經感受到嗰種懷舊嘅感覺,無論係牆身或者地下階磚都係歷史嘅見證。西式下午茶餐- 炸雞肶凍檸茶$37係先滷後炸嘅造法,入味但都係唔夠生炸好食😂薯條方便淨係用咗扭紋波浪粗薯條。最鍾意就係粗薯條,脆得嚟又啖啖薯肉呢個價錢唔同地方其實質素都算唔錯,想感受下懷舊嘅氣氛值得一試。 continue reading
(The above review is the personal opinion of a user which does not represent OpenRice's point of view.)
Level6 2021-01-23
1807 views
今次跟朋友行西貢嘅「釣魚翁」,由「五塊田」入,「相思灣」出,全程由朋友安排,就連行完山之後,午飯地點都諗好埋。由相思灣搭返巴士出牛池灣,放飯地點就喺晌街市附近嘅「英輝咖啡屋」。 雖然個名叫咖啡屋咋,其實喺地道嘅茶記嚟,晌門口都睇得出有唔少年日,入到餐廳內,唔使扮懷舊,牆身、地磚、卡位、時鐘……等等,都已經喺一派懷舊餐廳嘞! 家下好多餐廳做防疫都好「馬虎」,見過唔少餐廳啲隔板「求其」到離譜,又細塊,又單薄,純粹做個樣,無實質作用。而「英輝」以茶記嚟講,算做足100分喇,一入門口有探熱機,成大大支消毒搓手液放晌枱面,卡位嘅椅背撐起一大塊膠膜做分隔。最搞嘢喺中間一字長枱,直情巨型膠膜隔開兩邊,跟朋友隔住膠膜對住坐,理論上,點傾偈都唔會「噴到口水」,哈哈! 如果想坐得開揚少少,可以揀鋪前嘅位,明顯已減少枱嘅數目,增加咗啲距離,不過,間隔有限,唔安心嘅話最好揀番裡面卡位,坐得外面都喺啲單丁客。 如舊式茶記,牆上貼滿形形式式嘅食物,不過,亦有一張過嘅餐牌俾客人慢慢睇,顯示晒所有乜餐物餐,以及一啲碟頭飯,應有盡有。我哋去到時,接近2:00pm,老細好無所謂咁講,午餐、快餐、下午茶餐乜餐都叫得,當然,早餐除外啦。最後揀咗中式下午茶餐,喺啲迷你炒粉麵,但好搞嘢,供應時間喺2:00pm-8:00pm,真有個性。其實午餐都喺,供應時間喺11:00pm-8:00pm,無打錯,真喺去到晚上8點。落好單,啲伙記真喺好醒,刀叉連埋杯熱水送嚟,俾大家洗洗餐具。迷你乾炒黑椒雞絲意粉 $39叫得迷你,就梗喺細碟少少,不過,喺即點即炒,夠晒鑊氣。質素方面,確喺炒得唔錯,充滿黑椒香,好惹味,雞絲亦唔少。食到尾,喺有少少油咁啦,喺唔少茶記通病。 熱奶茶特別鍾情呢啲舊式瓦茶杯,厚身保溫力強啲,而奶茶入口芳香,茶奶比例啱啱好,睇啲茶色都覺得對辦。 照慣性,又分享少少呢次行山嘅相片,算喺有少少難行,尤其部份落山段要小心啲,而景觀方面,一面喺清水灣景,幾舒服,另一面就喺將軍澳。上次都喺因為入西貢行山而嚟到牛池灣食嘢,發掘咗「寶福」,今次就發掘咗「英輝」,順便可以行埋牛池灣街市睇睇有無平嘢買添。 continue reading
(The above review is the personal opinion of a user which does not represent OpenRice's point of view.)
Level4 2017-11-28
1000 views
順路經過彩虹, 入到牛池灣村本來想食出名性價比高嘅茶記, 估唔到今日咁多學生喺嗰邊,一於轉食其他嘢, 之前都食過嘅英輝,想當年食仲記得有個白頭叔叔, 無論任何時間,都可以食到中式下午茶餐,超級開心。時間飛去, 白頭叔叔已經不見了。今日去到, 果斷食一個午餐就係豬扒麵配 蘑菇炒蛋跟方包, 味道同以前一模一樣 ,麵質 比較淋身, 豬扒一樣咁有味,明明寫係炸豬扒但係出嚟係煎豬扒, 蘑菇炒蛋都係用雜菇, 性價比已經很高,33蚊嘅價錢食到已經很好。 continue reading
(The above review is the personal opinion of a user which does not represent OpenRice's point of view.)
Level2 2012-11-07
1073 views
英輝咖啡屋有別於連鎖式茶餐廳或咖啡店,她是一間位於彩虹牛池灣街市內富有人情味的舊式荼餐廳. 這裏門面乾淨整齊,內裏有白光管照耀著整間似是六、七十年代的老店,細窄的卡位、地磚、水吧、收銀、餐牌都是令人回到那些年的感覺,慶幸此"咖啡屋"没被時代淘汰,仍保留當年風味! 這裏不需用作電影拍攝場地, 不需變成攝影愛好者的影樓, 維持現狀都已經很出眾了! 没有繁華喧嘩,没有人們擠擁的你出我入,只是輕輕鬆鬆、遊遊閒閒來到這街坊食店吃點東西,享受這裡的平淡,就是一種快樂了!有好幾個週未我和男友出發到西貢前都會到這裏填飽肚子 有次因差少少時間才到下午茶時段,但我卻很想很想吃中式下午茶餐,所以便試問侍應哥哥,他人很好,友善地為我們下單 等著等著的同時,見到水吧滿是蒸汽,師傅倒水到熱爈內是做茶吧、而另一邊站在收銀位置的老闆娘則悠閒地跟街坊聊天,見到有人進內便叫著招呼坐下,熟悉的更直呼名字,見到有BB的客人就熱心幫忙安置BB車到收銀處,而侍應們也不怠慢地奉上熱茶. 這裏工作的每個人都盡其職責,態度認真,而街坊的慣常光顧,老闆娘的好客,給予人自然温馨的感覺,充滿人情味!看著看著,不到一會,熱騰騰的迷你星洲炒米及迷你干炒黑椒雞絲炒意就送到桌上了,絶對是即叫即煮,而且煮後即給客人品嚐,由於太熱的關係,我也要待一會才能進食呢! 星洲炒米有著應有的芥末黃色,看似相當的辣,但實則不是,炒米內裏有細蝦、肉斯、火煺、蔥等配料,雖是迷你版,但足料,味道可以,不妨一試;而干炒黑椒雞絲意粉就沾滿了豉油色調,但不咸,黑椒獨立出味,可惜没有溶入到意粉中,而意粉干身及軟硬度適中,整體OK. 此茶餐廳下午茶的價格合理,大多$20 ~ 30,也有常餐及其他餐類供應,頗多選擇,而跟餐凍飲仍是 +2,讚賞! 下次再來時,會試試咖啡,始終這店是"咖啡屋"哦! continue reading
(The above review is the personal opinion of a user which does not represent OpenRice's point of view.)
又是出外吃早餐的一個早上,繼續吃牛池灣的茶記,上次吃了必發,今之就來吃英輝,此店子是要經過外邊一大段的街市的,早上八時街市已經是多人得幾近水泄不通,這個奇景,對我來說已經少見,真的大開眼界。店子不算少,有露天的位置,也有內堂,是日熱辣辣,當然坐進開大冷氣的室內,看店內古老的時鐘,及舊式無軟墊的卡座,就知又找到了一所老冰室,與一位看來是老街坊的伯伯搭枱,坐好之後,就點吃了,一看餐牌就呆了,除了早餐A至E之外,還有三文治餐、麥皮餐及豬扒麵餐等,加上早餐內同類形的食物可以互換以互相組合,如牛油方包可換作鹹薄餅,豬扒麵可換作沙嗲牛麵,煎雙蛋可以換作蘑菇炒蛋,所加乘起來的組合真的多不勝數。本人最後選了B餐,但火腿煎蛋改為蘑菇炒蛋,也可說成是要了豬扒麵餐,但豬扒麵改成了沙嗲牛麵,喝的本來本能上說了奶茶,但回想起此店子的名字既然叫作咖啡屋,但一於試試它的咖啡吧。先來的是蘑菇奄列及牛油方包,方包沒有烘過,但吃起來總算鬆軟有點包香,但牛油塗得太少,吃起來味道單薄;蘑菇炒蛋很明顯是蘑菇奄列,不是什麼炒蛋,加上還要是煎得過熟的奄列,內層一點蛋汁也沒有,外邊的蛋皮過老,加上店家下了太多鹽了,吃起來偏鹹,唯一的安慰是店家用上的蘑菇片軟腍得來有咬口。之後來的沙嗲牛肉看來不錯,其豉油茨看起來夠稠,但由於此處的沙嗲牛麵跟鰂魚涌的榮興有點雷同,同樣是比較多湯,所以看起來很濃稠的豉油茨,很容易被大量的湯變成稀汁了,所以吃起來這個味不太濃,加上牛肉非常之梳打,毫無咬口,絕對是用上重度的化學物攻擊過,麵當然是沒有出前一丁的有彈性,店家用上的是頂好牌的開心麵,煮得不軟腍有點咬口已是很不錯。最後當然要喝的,港式咖啡用上了厚身瓷杯盛着,熱度足而嗅起來有咖啡香,似乎是日有食神,讓我喝到一杯有質素的港式咖啡,這杯真真正正地道的港式咖啡,的確是一個難尋的味道,雖然香港茶記是多,但咖啡通常也沖不太好,香濃的咖啡味已不用多說,在咖啡味道很濃的情形下,不斷的散發出咖啡香,加上入口良久都找不到丁點酸澀味,只有淡淡的回甘,感覺妙極,唯一不好的地方是,此杯咖啡加了淡奶,但有種予人兩頭不到岸的感覺,皆因下了黑白淡奶的咖啡,仍舊不算太挺身及滑,似乎是下得太少之故,那倒不如喝黑咖啡更好,但怎說也好,以是日這杯咖啡的質素,實在能媲美長沙灣的新華及觀塘的美都。吃的有好有壞,但喝的就一流,加上店家選擇多,店子的地理位置對我來說又順路,看來這店子是可以再來一吃,下回一於來喝奶茶。 continue reading
(The above review is the personal opinion of a user which does not represent OpenRice's point of view.)