11
6
4
3-min walk from Exit E3, Sheung Wan MTR Station continue reading
All Branches (27)
Telephone
26346877
Opening Hours
Today
11:00 - 21:30
Mon - Fri
11:00 - 21:30
Sat - Sun
12:00 - 20:00
Public Holiday
12:00 - 20:00
Payment Method
Visa Master Cash Octopus Apple Pay Google Pay
Review (25)
今日同同事黎開上環做野.. 真係好懷念呢度… 應該係我返工生涯中最開心既一段日子.. 經過Nan Fung Place見到竟然開左一芳 !! 仲要幾大間下… 即刻要入去休息下 XD 店面企理 闊落, 仲有bar枱比人可以企係度飲 ~ (如果加埋高椅 就好了XDD)  同事叫左 大甲芋頭鮮奶$30 ~ 呢個我之前已經飲過好多次 所以今次無叫到 佢既 大甲芋頭鮮奶係屬於好香甜幼滑個種~ 奶味濃郁 然後 不時會吸到芋頭肉上黎~~ 飲完都唔算太飽, 我覺得係幾light既選擇 (不過鐘意大大量厚身芋泥既朋友 就可能會覺得唔夠喉XD)  而我… 今次決定試新野 !! (因為實在行到出晒汗….XDD) 係益力多冰茶 !! ( 其實佢呢個益力多系列仲有益力多百香同益力多鳳梨… ~ ) ( 心入面幾鐘意呢個系列因為細個成日飲益力多 .. D童年回憶返晒黎 ) 益力多冰茶(中) $27 益力多同青茶, 原來都幾夾 ! 我叫左微糖 所以成杯真係唔會好甜, 飲落係清香感重好多 同埋呢個系列堅岩夏天飲~ 夠消暑 : ) continue reading
(The above review is the personal opinion of an user which does not represent OpenRice's point of view.)
Level4 2019-03-16
372 views
之前去台灣時都成日去一芳水果茶登錄左香港都成年幾時間,今日終於去左幫襯我緊係叫左個招牌水果茶🍎🍊🍍🍹同我起台灣飲既茶味係一模一樣叫左微糖,而且店員很細心問我是否需要少冰畢竟冬天飲太凍既飲品都吾係咁好水果茶內有 - 蘋果、橙、菠蘿、百香果籽吃得出來用上都是新鮮的水果第一下飲落其實係偏酸嘅因為百香果籽味道好濃郁但慢慢飲落去開始又茶嘅甘香中和反又覺得幾夾,重愈飲愈開胃👅溫馨提示:記得攞隻叉,因為當飲完水果茶之後,可以撕開上邊嘅膠紙,食埋入面嘅蘋果及橙台灣過江龍古釀冬瓜茶 $20店長介紹這是用上台灣直接到港的冬瓜磚堅持選用天然食材所以甜度是固定的並不是外邊飲到的用上糖漿所以冬瓜味清甜而且冬瓜茶有降脂作用,更有利尿消腫作用最近Hit爆的 - 黑糖粉圓鮮奶 $30/$33用上的是鮮奶🥛粉圓幾有咬口及煙韌,而且不會黏在一起黑糖每日熬煮多個小時所以帶濃濃的黑糖香氣跟台灣那家黑糖茶飲店的水準無異飲之前要將飲品均勻搖勻充分將黑糖味道融入鮮奶中大甲芋頭鮮奶眾所週知,台灣的茶飲類都比較偏甜所以今次點左微糖,店家稱用上明治3.6鮮奶芋頭份量絕不欺場,接受有1/3杯芋泥啖啖都飲到綿密芋頭顆粒而且芋頭已經加糖調味芋頭控絕對是無法抗拒的 continue reading
(The above review is the personal opinion of an user which does not represent OpenRice's point of view.)
中環-一芳:一芳水果茶(M$30/L$33)、中華愛玉檸檬(M$26/L$29)、益力多鳳梨(M$29/L$32)、日月潭紅茶(M$17/L$20)+$3 粉圓-坐親巴士離開中環,都見呢間一芳的特大招牌,內籠同樣氣派,超闊落!還有一排吧抬可以比你企係度飲~-呢日去探朋友班,經過中環,想買些野飲過去,就黎左一芳~夏天熱辣辣,飲果茶就啱晒!呢期做緊益力多系列~新出的益力多茶系列酸酸甜甜,加鳳梨可堪稱不失敗配搭!沒有不喜愛的理由😑!中華愛玉檸檬又係酸甜之選,加埋愛玉有得飲有得食,私心更喜歡💕!招牌水果茶十分經典,水果新鮮,我覺得茶味唔算好濃,但相對上就更同果味融為一體,整體也是好喝清新,消暑一流!呢度的粉圓是小粒小粒的,都幾好咬口,為呢杯簡約的日月潭紅茶增色不少!冬瓜茶都係一芳得意之作,都唔會過甜,幾清爽。仲有杯都係推介的洛神檸檬!清熱又好喝,而且抵飲!呢度用料大部分都係台灣直送,果茶選擇多,味道自然,穩陣之選! continue reading
(The above review is the personal opinion of an user which does not represent OpenRice's point of view.)
Level3 2019-05-08
113 views
踏入初夏,城中的台式茶飲店紛紛推出夏季限定新品。【一芳水果茶】的"經典益力多系列",其實上年已在台灣、菲律賓、澳門等分店開售。香港區的產品總是姍姍來遲,五月初益力多飲料終於上市。是日與C先生吃過晚飯,便買來試試。益力多系列可選配冰茶、百香果綠茶或鳳梨綠茶,本來大家的首選同是益力多鳳梨,不過又多心地想知道哪口味較好喝,就乾脆瘋狂地一次過買三款中杯裝嚐嚐。益力多冰茶是三杯中最清淡的,點了三分糖,淡淡的益力多中輕滲著青茶的香氣,不甜不膩,屬輕怡之選。百香果綠茶酸勁十足,喝下精神為之一振。百香果籽帶來脆脆口感,有人喜歡也有人抗拒。由於百香果酸度較高,建議點半糖或以上。三杯之中以三分糖的"益力多鳳梨"最好喝:帶果肉的鳳梨醬,加上一整支益力多及冰綠茶,聞下鳳梨及茶香四溢,令人垂涎。三款食材調配得宜,酸酸甜甜的叫人胃口大開。Coffreestains發現三款飲料放久了,都會分成兩層,影響賣相。翻看資料,發現益力多裡面的乳蛋白遇上綠茶中的單寧,容易產生了化學變化,使其沉澱。所以購買後要儘快飲用,或喝前記緊搖勻,以免影響口感。 continue reading
(The above review is the personal opinion of an user which does not represent OpenRice's point of view.)
Level4 2019-04-13
81 views
近排瘋狂咁飲一芳,呢個月已經係唔知第四定第五次啦! 而且每次經過,都會有種心癢癢想入去買返杯嚟嘆下。店舖環境舒適闊落,不過冇座位坐供等候,電子顯示屏擺放的位置容易見到。宜蘭金桔綠柑桔味好香。關西仙草茶好似食緊涼粉咁,茶味有少少苦。冬瓜檸檬露冬瓜味唔會淡口,有少少甜味,檸檬酸酸地,好夾。中華愛玉檸檬冇得揀熱,唯有走冰啦! 杯嘢好酸,裏面嗰啲啫喱好滑。差唔多飲夠十杯,吸滿張印花卡,吸滿咗十個印花就只係送一杯俾你咋!做緊叮噹推廣,所以印花要喺4月15號開始先至會補發返。 continue reading
(The above review is the personal opinion of an user which does not represent OpenRice's point of view.)