Video
4-min walk from Exit A, Fortress Hill MTR Station
continue reading
Opening Hours
Mon
Closed
Tue - Sun
17:00 - 23:45
Public Holiday
17:00 - 23:45
Public Holiday Eve
17:00 - 23:45
Above information is for reference only. Please check details with the restaurant.
第一次食台式居酒屋🏮係朋友帶我黎食既，依間居酒屋細細地，但好有風味，友人話一品活蝦係來自台灣，即刻勾起我濃厚興趣。冷盤酒雞-雞用上了台灣既本土雞，肉質好結實，用左麻油本身都夠香，但加埋薑蔥，係變到勁香口。胡椒蝦-真係必點，蝦🦐好新鮮，結實彈牙，蝦肉本身自帶甜味，加埋調味，好有胡椒香，依個係今晚既冠軍，好好味！空心菜-香港叫法係通菜，菜又係好新鮮，食落爽既，炒得好有鑊氣同好有蒜蓉香。古早味鹹豬肉-鹹豬肉經過烘烤後，有種淡淡的燒烤香氣，軟嫩、鹹香又入味，配搭蔥去食更香口，如果想解膩，仲可以滴上附送既檸檬。烤澎湖墨魚香腸-口感彈牙，帶點鮮甜味，加蒜片食辣辣地，加蔥就香口，兩樣加就有點辛辣味，刺激著味蕾，好過癮。最正係有個飲品櫃，放滿台式飲品、台式啤酒等等，真係有種去完一趟台灣既感覺，食物質素好高，下次都想帶屋企人黎一起品嘗。
continue reading
好朋友話要帶我食好西，知我鍾意重口味，特登帶我試下台灣名物胡椒蝦。舖頭仔細細，但係人氣非常高。蝦煮法有好多種，胡椒、三杯、麻油、檸檬、蒜頭等，樣樣都好似好好味。最後決定要招牌胡椒蝦。由於蝦都係活蝦，限量供應，黎得早就着數Ｄ。活蝦真係唔同Ｄ，蝦膏滿滿，鮮橙色，非常鮮香，蝦肉好彈牙，胡椒味又唔會搶左蝦味，但可提升鮮味同食慾，食到停唔到口。檸檬蝦同樣出色，有Ｄ泰式風情。另外墨魚腸非常香脆可口，墨魚粒粒分明。下次番黎想食其他味道蝦，同埋其他小食。好朋友話要帶我食好西，知我鍾意重口味，特登帶我試下台灣名物胡椒蝦。
continue reading
朋友介紹過嚟食 餐廳嘅長期客仔聽佢講係由超旺的台北東區夜市巷弄小餐車做起，一路走來在台灣開設多家分店，輕鬆「大口喝、大口吃」的氣氛坐得人幾舒服鹹蜆仔 醃得好夠味 啲顯肉勁滑 送酒一流 開胃推薦小食 冷盤油雞 🈵🈵🈵好夠雞味，雞肉嫩滑，同埋個麻油味都好正，我鍾意佢配薑絲嘅食法，凍食夏天一流 墨魚香腸一上枱果下真係好熱 ，大家小心焫親條脷，每一舊香腸勁大粒嘅墨魚 ，我鍾意每一嚿香腸配一片生蒜頭，送酒定係送飯都真係必點奶油蝦（細）好滋味，我鍾意用口剝蝦，因為可以索埋啲汁，入面嗰啲蔥同埋洋蔥片都吸晒奶油蝦嘅精華，忍唔住食晒入邊嗰啲配料🫣胡椒蝦 （細）胡椒香氣很重，但係食落口又唔會覺得太重味佢嘅香料味好香，微辣得來，我唔食得辣都可以接受得到，蝦肉質素非常高，爽口彈牙唔係死蝦坐得好舒適😘舖頭雖然有啲細，但係位置闊落傾偈都唔怕嘈親隔離最緊要係唔使排隊同人迫
continue reading
呢間隱世嘅小店，主打新鮮即煮活蝦，老板介紹所有食材都是由台灣直送。適合小伙子3-4人吃飯喝酒聚聚。鹽嗆蝦 （小份） $198蝦肉新鮮彈牙，份量大，蝦肉有膏。小份大約有8隻蝦，基本只加海鹽調味，令蝦肉足夠提鮮。香烤虱目魚肚 $138魚肚部位魚骨不多，中間位置有膏狀魚油，與魚肉拌吃，滑而不膩。胡椒鳳螺 $188鳳螺是海產類，不是一般田螺，胡椒煮焗可僻走泥味，惹味適合佐酒。冷盤油雞 $138雞肉油香十足，肉質結實，雞油呈啫喱狀，入口即化。魚汁麵線 $68味道普通、食落飽肚。仙草爽 $18台灣蘋果西打 $22
continue reading
貪呢邊靜靜地 可以book房坐 傾偈可以有私人空間 就算傾得興起都唔怕嘈到人 就諗住試下🤭一來到店員好nice 好詳細咁解釋啲蝦既煮法味道 有好多煮法 有選擇困難症既人要來多幾次先得🥶就算得兩個人來 餐廳都好貼心 有啲小食可以嗌半份 唔怕食唔晒 仲可以試多幾款😍😍店員推介下叫左個二人餐 可以六選二 係六款蝦入面揀二款🦐🦐胡椒蝦 係呢到既招牌, 會係比較濃郁同辣既一款, 煮得好惹味, 重口味既人極度推薦🤤🦐麻油蝦 好香, 一放上枱就聞到好重好香既麻油味, 不過相對胡椒就會比較淡啲, 可以中和胡椒既辛不得不提 小店對於蝦既處理好細心!!開晒邊挑晒腸, 所以好入味, 亦都啖啖肉! 好彈牙! 食得出好新鮮 而平均一個細size都有7-8隻 仲有膏 絶對足料🦐🦐二人餐入面仲會包一個麵食同菜 所以唔使驚唔飽!我地就揀左魚汁麵線🍜 好簡單但好香魚湯同蒜味而菜就揀左 蒜蓉炒高麗菜🥬清清地！除左二人餐 見到好多款小食 忍唔住仲嗌多左個😆🦑烤澎湖墨魚香腸 呢到既人氣 配埋蔥同生蒜 完全係台灣既味道 🇹🇼 不過如果對於唔食生蒜既人可能會有啲辣, 但個味道好夾 而呢個都係其中一款可以揀半份既小食 值得一試👍🏻同朋友來聚 唔少得既梗係嗌枝酒! 好多種類揀! 朋友唔飲啤酒既關係 我地嗌左枝清酒 同啲蝦同小食都好夾🤤🤤店員係我地食緊個陣好體貼係咁換垃圾兜, 而呢到都有即棄圍裙, 手套, 濕紙巾提供; 仲有得洗手 唔怕整污糟! 同埋記住有啲野食要預訂可以打來問左先 唔怕冇得食😆總括來講 呢到每一款小食餸菜都好岩送酒 見到happy hour時段 仲有買一送一 係約埋三五知己一齊聚腳飲下酒傾偈既好地方 下次同朋友再來既話 一定會試下三杯蝦, 奶油蝦同蒜頭蝦🥰🥰
continue reading