楊氏肉骨茶 (Closed)

這裹的肉骨茶是藥材味重的那種，也是本人最喜歡的類型，另一種胡椒味不是我杯茶，幫趁過兩三次。也是先談一談性價比先，這𥚃的肉骨茶，絕對抵食。肉骨茶用煲上，味道很夠，油炸鬼很硬，不知是否正宗都係咁？坐位唔夠舒服，但我一樣接受，都係價錢問題，我很滿足了。

午市嚟到座無虛席, 排隊等咗十分鐘左右就有位, 但係因為店內人手超不足(樓面+收銀+裝飯砌套餐都係同一個人!!), 坐低再等咗十分鐘先有人執枱再落order第一次嚟試咗:原味肉骨茶 (細) ($3x) 口味比較淡, 不過肉煮得夠淋, 加少少豉油送飯ok (but要另外叫白飯, 冇套餐的~)海南雞飯餐($3x) 等咗半個鐘先到(差啲想取消走人), 但係好一般, 中湯ok (但唔熱的...), 有件雞仲未熟透, 血紅色我唔敢食 我仲要响十分鐘內將個餐'倒落肚'....本來一心走嚟試吓, 點知食到一肚火繁忙時間有其他選擇就唔建議嚟

原本今天都要知下午可以食乜的..看了電視節目介紹這店的菜色..看後,很想去食就上網查找地址..去到都不算多人..但是每桌都有2-3個人在..幸運的不用等位..看了菜牌才知沒有干澇麵了...只好食喇沙及肉骨茶..喇沙有一隻大蝦,數片魚肉片,半隻蛋及芽菜..可以兩溝(粗麵+米粉)..不辣..湯飲後不會令喉嚨乾(真是好似在馬來西亞食的那樣!)..肉骨茶有7款可以選擇..今次選了豆卜,腐皮,冬菇,蘑菇..開頭都期望不大..以為是只有胡椒味...點知..個湯的藥材味都幾濃..而且沒有很大的胡椒味...這個湯一個人享用的話,可以連飯都不用食就飽了(女仕計)..腐皮好好味..不知可以在香港邊度買...(因為店內的食物都是馬來西亞直購的)下次去食的話要試吓雞油飯先...環境是一般的茶餐廳感覺..不過坐下後的人流都不弱..好彩沒有趕人走的感覺..HOHO

多年前台湾的肉骨茶令我十分懷念，可惜之後再去我已經沒法找回那味道，最近竟然在OR發現上環有此一店所以就此前來看個究竟！馬來西亞巴生福建會館～創辦人主理的楊氏肉骨茶是註明用十多種中藥材加豬骨烹調！店內環境有點家庭式經營感覺，午市時段客不算多，看見客人大部份都是吃招牌菜原味肉骨茶，其實也有客飯套餐等選擇！ 肉骨茶有小、中、大煲選擇，我們二人來個中煲另加兩碗白飯！食物奉上速度挺快，煲裡熱滾滾的湯有香噴噴藥材味，看見足材料有腩肉和肋骨，豆卜和腐皮是愛吃配菜！急不及待我先喝肉骨茶，味道是一直在找的肉骨茶味，湯是帶點藥材味但並不太濃相反肉骨香甜味反而更多，腩肉也很入味我很喜歡！只是豆卜和腐皮未夠腍希望可注意！ 另加石碢馬拉盞炒通菜石碢威力驚人，可說熱氣騰騰沖天飛，這股熱氣久而不散的確犀利，只不過馬拉盞昧道跟泰開國菜比是有距離！ 大家對肉骨茶讚不絕口同時說必定介紹給好友來吃！

跟兩位友人到附近抓拍完後走著走著, 聞到強烈香氣(藥材?), 就入左呢間小鋪三個人揀左個二人餐再加碗喇沙黑木耳本身只係一味爽口無味道但配個日本豉油+芥末又非常過癮夠滑, 不過小份唔多夠食就係聞到佢陣除先入黎, 果然無失望味道同外表一樣濃味, 要留意呢個濃唔係指咸三個麻甩食到見底先停估佢唔到成晚最重口味就係佢, 十分惹味反而喇沙無特別, 旨在打底填肚有得揀我寧願加大碟雞雖然話每餐有個甜蜜蜜既結尾係好, 但個大菜糕真係十分甜 (無影相)三個人嗌二人餐, 加油飯加野飲及加喇沙其實叫個四人餐仲好夜晚環境十分好. 唔迫, 無香港人慣睇電視. 寧靜, 吹水一流美中不足係個廁所有道爆水管而形成既瀑布牆....

去完澳門係信德落船, 所以順便行過黎食晚餐, 都唔算好遠, 唔駛十分鐘叫左一個二人餐, 有肉骨茶,海南雞,油條,拍青瓜,馬拉盞通菜, 可以簡跟飯定米線肉骨茶深啡色, 都幾重中藥味, 似馬來西亞個D, 唔似新加坡個D白肉骨茶.D湯送飯或米線都唔錯. 料都好足, 好多排骨.海南雞就一般, 正正常常; 拍青瓜就好辣, 可能我唔太食得辣; 通菜砂窩上桌, D馬拉盞幾香口好味, 不過就好油好熱氣咁價錢好低, 但環境一般, 張台油淋淋咁. D餐具又係油淋淋咁........

12月18日, 天口凍, 好想食d暖胃嘅野, 嚟咗上環, 一心想去永合成食煲仔飯~ 點知去到先知佢地4點就收工… 咁行行下呀菲就提議去喺附近佢食過嘅”巴姑爹”專門店(即係福建話發音嘅肉骨茶)~ 喺香港專賣巴姑爹嘅就真係唔多, 就試下啦~::: 原味肉骨茶 ::: $35呢個一人份嘅巴姑爹都唔細, 用瓦煲裝住, 仲有個錫紙兜墊底~ 嚟到嘅時候仲熱辣辣滾緊! 料都好足, 腐竹, 豆卜, 蘑菇, 再加上半肥瘦腩肉同肋骨, 香氣撲鼻! 先喝一口湯, 好濃香嘅藥材味, 雖然唔知道佢地落咗乜, 但係喺濃郁嘅肉味中飲到一陣甘香味! 亦唔似有d巴姑爹咁嗆喉~ 腐竹, 豆卜同蘑菇都充分吸收巴姑爹嘅味道~ 可惜腩肉只係麻麻地, 瘦嘅地方太乾, 肥嘅地方又真太膩… 但係總括香港唔多巴姑爹專門店, 呢個算係味道唔錯~ 下次真要叫埋油條配食~::: 咖哩喇沙 ::: $38湯底真係又杰又濃郁, 而喺麵同配料份量多而湯少之下, 食落仲有d似撈麵~ 麵條用上油麵同米粉, 係好正宗嘅摻摻! 油麵夠香夠煙韌, 米粉爽口兼鎖湯, 口感豐富! 配料有蝦, 魚蛋同蛋, 仲有平時少見嘅腩肉~ 用料都幾新鮮, 份量足夠2個人食

「不是我選擇了xx，是xx選擇了我。」有這麼的一種句式，通常用來表達一種宿命般的投身/沉迷/苦戀/...，諸如此類。xx因人而異，例如導演的xx是電影，道友的是白粉，而在下的，則似乎是...海南雞。最近確實有計劃、有組織在短時間裡品嚐不同店舖的海南雞，但這天來這裡午餐，皇天后土，我發誓是衝著肉骨茶而來。只不過，套餐還是所謂「綑綁」(bundle)了海南雞飯。不是我選擇了海南雞，是海南雞選擇了我。那麼，就先說我的宿命好了。我的宿命竟然有骨，皮特別黃，實在與別不同。與日常見到新加坡式、泰國式去骨版本比較，賣相真的有點給比下去。但眼見的不一定可信，真相還待口舌發掘。肉質比一般稍為結實，但仍然滑。結實與滑，就這樣矛盾地統一起來。味道比平常稍濃一點，但不是鹹。正如在下以前說過，本地的海南雞飯，飯，通常比雞更出色。今次又是一次明証。這裡的飯有油飯獨特香味，飯粒非但不油膩，甚至比通常吃到的更要乾身一些，按個人口味，算近期嚐過最佳。莫非不甘讓海南雞搶了鏡，肉骨茶登場時氣勢特強，一個個氣泡在仍然沸騰的湯表面連珠冒起、爆破，叫人想起紀錄片裏的火山熔岩，而我們的食慾也隨之大規模爆發。看得見的材料很豐富，排骨

向來對這賣相不佳又有濃濃中藥味的肉骨茶沒甚好感，這天來到上環的楊氐肉骨茶吃午飯，也沒甚主意，就任由家人拍版，叫了一個二人餐，有肉骨茶、海南雞、油條、拍青瓜、馬拉盞通菜、再加喇沙一碗。二人餐的份量可真不少，肉骨茶是中煲大小，湯濃而不過咸，將油條浸進去吃正好，不過肉排有點粗糙。海南雞呢，則皮不是特別薄，肉不是特別嫩，普通而已。拍青瓜不是拍出來的，而是切出來的；當切口太齊整的時候，味道就自然不會夠入味，辣不夠辣，酸不夠酸。馬拉盞通菜熱呼呼的以砂窩上桌，香味撲鼻；吃來有一朕蝦醬和海鮮的鮮味，通菜幼幼的爽脆而不過老，好吃，不過份量實在太大了。另加的喇沙，湯底是椰汁的奶白，不過喝來不太夠味道，是只有視覺效果而已。麵線則用上米線和較幼的蛋麵，令口感豐富起來。不過因為湯底不太特別，令本來應更好吃的喇沙只是一般。最終有送的大菜糕，光有嚼感而沒有味道，放棄。

同事提議食肉骨茶，小妹就早啲去攞位。店子坐位有限，等咗幾個字，先有張五人枱。坐下即刻叫餸，我地全部都揀細嘅原味肉骨茶煲，小妹要了個米綫同例湯，有同事要飯，再加一個甜品大菜糕。其中一個肉骨茶煲送嚟時仲係度滾緊，好犀利呀。原味肉骨茶煲有腩肉，腐皮，蘑菇，豆泡等，材料不算太多，各樣都夠入味，湯濃得來不會太重藥材味，小妹不太喜歡藥材味濃郁的湯；加入米綫一齊食，剛剛好，好味。是日例湯係菜乾排骨湯，中式的，不知是否星馬方面沒有還是甚樣，不過湯味都OK好。大菜糕不是一般透明的，而是棕色的，質地比較散而軟滑，我地試用牙籤拮起都不成功，小妹將糕一分為二，才成功拮起，可見真係幾軟，幾甜，除了甜大菜糕本身都無乜味。不知是否食完肉骨茶的關係，感覺周身都好熱，若果天冷食會不錯，食完成身暖粒粒，超正。

淡到差d 食唔出藥材味o既？ 我唔覺得可以稱呼作肉骨茶 之前有食評話藥材味濃得滯…咁睇o黎呢間野d 水準都好唔隱定o下....一次就夠(雖然d 腩肉、冬菇係好食~ )

睇到open rice嘅介紹，抱住一肚子嘅期待去試下。今曰lunch就同公司同事去睇下佢有幾正宗。由於佢起公司附近所以吾使十分鐘就行到去。去到等左一陣，就有位啦。但入面環境麻麻，之前個客食完d野，等左好耐都冇人收。我地三個人叫左一個中煲同一個細煲嘅原味肉骨茶，等左十分鍾到，個細煲來先，聞到陣好重嘅葯材味。心唸應該吾錯。但我個女同事用筷子樣左陣，先發覺正系得三塊肉，少到呢！ 之後個中煲到啦，來果陣仲滾緊，baba~聲又多肉又重味，幾吾錯咖。但吾好開心住，食落你先知！ 藥材味超重，特別系當歸味，陣味有點似鐵打酒。d肉又吾入味又吾夠林，硬骨骨又痴牙。一句話--吾掂~真系好麻麻呀，勁失望。唉~~~~~ 健議佢d藥材味平均d吾好一d重一d輕，d肉吾該同茶一齊煮林d，真系好實呀~

久久沒有再光顧楊氏肉骨茶, 但見它開了一家又一家分店, 然後又逐一結業, 未免欷歔。終於再重臨此店, 肉骨茶的味道, 變得旁雜, 可能是因為加入了太多菇的緣故, 而這些菇又有蠔油味, 或藥材味減輕了, 反而失去了它的特色。如果不嫌單調, 可以考慮叫原味的肉骨茶, 不要冬菇等配料。海南雞一般, 細碟, 又沒有油飯(賣晒), 感覺一般 .......... 反而是目睹一件趣事, 可以一記。一個應該還算是中國人的物體, 帶了個外籍朋友來光顧, 叫了海南雞, 上菜了, 就大吵大鬧: 「都話要黑雞肉囉」, 店舖阿姐問佢咩黑雞肉, 佢話即係唔要雞胸(???) ........ 阿姐話咁你要雞髀咪叫雞髀囉, 佢仲呱呱叫「唔識就好講咁多嘢啦」。為此, 我特地上網查過, 找不到任何中國人稱呼深色的雞肉部份做「黑雞肉」, 除了台灣有一道叫「黑雞」的食物外(大概是豉油雞之類) ........ sorry, 我諗, 全世界都要因為呢位人兄而收聲, 唔識嘢嘅, 係全人類。

今日中環排隊諗住買平價澳門船飛, 實在太多人, 等咗成個鐘條隊都冇乜點郁過. 醒起朋友話附近有間骨肉茶好好味, 所以決定放棄排隊, 去食個late lunch.到時下午3點幾, 只有一個枱客, 佢個裝修, 令我以為自己喺大陸. 叫咗個$138二人餐, 啲份量好多.原味肉骨茶(細) - 我都幾鐘意飲肉骨荼, 灣仔嗰間係我嘅至愛. 同嗰間相比, 我依然覺得灣仔好味啲. 呢間啲湯嘅葯材味濃好多, 好重當歸味. 味道偏咸. 而且係冇油炸鬼跟.砂鍋馬拉盞炒通菜 - 呢個唔錯, 份量好多, 啲味好濃, 有啲魚碎, 同出面食嗰啲唔同. 喇沙湯麵 - 入面有米粉同油麵, 好多料, 個味都OK海南鷄 - 啲鷄皮好黃之外, 冇乜特別, 一般白飯2碗 - 實在太多嘢食, 只係食咗1碗, 呢個餐足夠三人份量. 一過要加大個肉骨茶 甜品 - 喺雪櫃度"but"咗2碗雪耳木瓜糖水, 一般

Went there as part of Singapore-in-Hong-Kong Meetup group. Owning a Singaporean's tastebud, the food was considered awful. 1) Bak kut teh was the equivalent of a bowl of dark soy sauce, so much that I wondered if they would accept my kidneys for payment instead of cash.3) Stingray didn't look a bit like the ones we had in Singapore, and I thought it was way too fishy. Rotten fish covered up by sweet and sour sauce. Urgh. 4) Laksa were not salty enough. 5) Hokkien Mee was too oily. 6) A glass of