港澳義順牛奶公司 (Closed)

是晚享受了 "順德村" 的粥後，兩口子決定依照當年拍拖路程行去旺角這個行程一定會經過義順，而我們亦會 ORDER 兩客凍的雙皮奶味道與多年前一樣沒有變 (已經有2年多沒有來)太太仍會在吃第一口後面上表現出幸福非常的樣子 我也會減慢品嚐的速度來細味它彷彿那個時間是很漫長~ 腦海亦浮現當年第一次來這裡的情境 (十年前了)這一間的義順 (有別於其他分店)，對於我倆來說，不單是味道的回憶，也是關係的回憶

喺個度附近想搵間靚仔D既舖頭食個港式早餐有D難~ 行過見到義順應該唔會差得去邊~ 就入去叫左個最普通既雙蛋火腿拼多士+火腿通+熱奶茶($23)!同一般茶餐廳無乜分別~ 最有驚喜係件多士！見我張相無多士，係因為一上台就食左，唔記得影，可能少人喇，多士上台仲係又熱又脆，唔會太乾，牛油味又夠，厚厚地既多士好有口感~~ 好快就KO左佢~~ 配埋杯奶茶好正~~ 有個GOOD MORNING~ 呢頭附近若再食早餐會ENCORE~ 唔一定要食雙皮奶先來義順既~ 多士都好正~ !!

某年輕束馬尾的女侍應服務態度惡劣開頭問幾多位, 我地聽唔到, 之後佢話：講又聽唔到, 問又唔答, 之後佢叫我地坐去一張寫住留位的枱, 明明張枱寫住留位, 叫我地坐落去, 同佢講張枱寫住留位, 佢就話： 叫你坐就坐啦!!!之後寫單, 5個人去, 分開咗兩次咁叫, 到寫第二次單, 個侍應寫完張單唔係好好咁擺喺枱, 而係睇都唔睇就「fing」落顧客身上, 就咁走咗去。今時今日咁差的服務態度, 簡直係趕客!!!!

由細食到大嘅澳洲牛奶公司越來越出名，但係燉奶同燉蛋就開始水準下降。都係義順能夠維持良好水準，冷熱嘅雙皮奶奶香而且非常滑，即使是咖啡燉奶亦能夠保持滑溜，值得一讚！

日復日, 工作忙碌, 還是要為自己來點甜意, 慰勞一下自己 姜汁燉奶 - 每次必選之食, 姜味, 自覺可以消除一身頹氣, 還有奶味的甜, 是先苦後甜吧 !!看到櫥窗還有許多味道,例如, 朱古力, 雙皮奶, 咖啡味, 不知味道如何, 找機會再一嚐吧

今天與友人經過油麻地，入左去義順吃下午茶...我們叫了澳門豬扒包，紅荳牛奶，涼粉等等...澳門豬扒包：麵包很鬆軟，豬扒唔太咸，入口美味，超正...紅荳牛奶：感覺很新鮮，紅荳加牛奶夠晒營養....正...椰汁涼粉：大大碗，超抵食

出名雙皮奶個d係人都知...但係lee杯芒果鮮奶就..........可能芒果唔夠靚la..芒果味唔算重..睇色都知不妙...飲落真係麻麻地..但係幾夠奶味囉~~~其他野食好鬼貴..係唔係咁好食我就冇食過唔可以評論..但lee杯野成24蚊對佢幾大期望..但有少許失望..覺得唔值lee個價錢...我諗如果個芒果靚d會好飲好多.

尋晚(27-5-2010 Fri)男友o黎我屋企食晚飯,o黎到時佢買o左三個凍甜品o黎,燉蛋,雙皮奶同薑汁撞奶各一,由於我同爸爸已然食完飯,所以可以快過男友先食,我三樣都先試一啖,雙皮奶奶味好重,燉蛋當然蛋味濃郁,薑汁撞奶薑味唔太辣.爸爸揀o左燉蛋,我就揀薑汁撞奶,薑汁撞奶唔係好食到奶味,但質地滑.

今日(2-4-2010 Fri)陪男友出佢公司做o野,到lunch time喇,食咩好呢?上o黎search油麻地先,睇見呢間,我至記得有燉奶食,因尋晚男友佢公司去我屋企,問我想食咩甜品,我又唔記得有呢啲甜品食.男友話咁不如o黎呢間食lunch啦,有通粉o架.啊,好啦,橫豎朝早陪爸爸飲茶都食o左幾多o野,一於o黎呢o度食啦.去到唔太多人,我o地睇餐牌,一個通粉重要係得一樣餸都唔平喎.男友要個$34.00o既牛肉雞翼麵,我要$24.00o既豬扒通.不久,男友o既牛肉雞翼麵到o黎,有兩隻炸雞中翼,牛肉幾大件,我試吓佢啲湯先,淡淡地,冇乜問題o既.而雞中翼係炸脆o左,OK.牛肉呢,估唔到牛肉味好濃,亦都幾滑.而我o既豬扒通o黎到,件豬扒都有一厘米左右厚,肉質幾鬆,鹹淡適中,而通粉呢,係滑滑地o既.而食食吓,我睇到枱上面有個午餐menu,係一個牛肉通粉或雞翼通粉,有餐肉煎蛋同咖啡或茶,都只係$28.00.早知我o地叫呢個啦.又睇吓睇吓,原來通粉加雞翼只須要加$11.00,咁其實男友叫個$22.00o既牛肉通粉加雞翼咪得囉,佢重平$1.00,不過唔知加幾多隻雞翼就真.好,食完喇,咁梗係叫甜品啦,

招牌雙皮奶 20蚊碗 賣到咁貴一定有原因叫左既熱既黎試 佢上面塊皮爛左少少 有d失望但食落都係好香滑 唔洗吞都自動溶左入口 又重奶味總括而言都真係比一般食到既滑同香20蚊係貴左少少 但算合理啦 一分錢一分貨

10-11月食左3次一次過寫晒服務態度：落ORDER&上餐1句起2句止；D人唔會點理你，唔惡死但都唔會好好禮貌。1個甜品+1份麵包類食品約$2X+3X，唔算平，個人覺得行街行得攰攰地想搵地方坐下食下又唔想太飽既就適合；如果食正餐不如食茶餐廳價錢差唔多但多好多選擇。

呢次行行下街，有衝動食燉蛋。就走左入黎呢度食啦，呢間既格局都唔錯，坐得幾舒服。冰花燉蛋其實都唔錯，燉蛋都幾滑。又有蛋香味，整體上都幾好味既。不過我都係鍾意澳牛多，因為佢地會加杏汁。更加好味。個燉蛋都唔錯既，又唔算太貴。得閒過黎食下甜品都係一件快事黎架。

食完飯加上甜品才是完美的一餐, 這是我一路的宗旨, 而呢間出名燉奶店第一次試過就愛上了.每次經過, 男友都笑笑口問我是否需要入去坐一坐, 那當然好啦例牌一個雙皮奶一杯木瓜鮮奶汁, 呢度的雙皮奶夠滑夠濃, 我同男友都好欣賞, 呢間的木瓜鮮奶是我另一選擇, 木瓜夠清甜, 加上香滑的鮮奶, 配合得天衣無縫呢度除左最出名的燉蛋及燉奶, 還有一些飲品同埋三文治之類小食, 行得累坐下飲杯野食個甜品確實不錯.次次夜晚來食, 都見到好多同胞結伙前來, 可見它的知名度

食完飯，又無野做。又想同d frd 吹個水。因為普通糖水鋪都好多人，勁多人排隊。又唔好意思坐咁耐。所以，揀左黎義順。好開心，夜晚，唔係太多人，可以慢慢坐。個雙皮奶，好好味。有凍同熱。但有少少甜，但都接受到。

我地係tst沿路行去mk...到左油麻地先見到間店喇...係熱熱的天氣下...一入去就爽左!叫左:雙皮奶好creamy ~ 好滑滑咯~濃濃的奶味... 好like 係面個層皮呀...有d似付竹...冰花燉雞蛋哈哈...又係個滑字咯...可以係個口度"浪浪下"甜度好ok...但係食食下有d出水既?好得意...店員係你坐低之後就企左係旁邊...直到你落左order 先會走開架!我見佢有杯呀...keychain 呀...碟呀...個d 手信賣?!?!