有鑊氣-酸菜魚 (醫局街)

Open Now

Now Closed

下午來到一晚隱世食店，避開了繁忙的午巿時段，品嘗大師級的美食店舖地點在深水埗醫局街天后廟則邊，地鐵.....行6分鐘就到，好方便。門口亦有些位置可以泊到車。來到當然必點酸菜魚，上檯時，菜式非常吸睛，魚肉剛好夠滑，湯亦好味（最後連個魚湯底都打包拎走）鑊氣小炒同樣出色，我們叫了小炒皇，九菜花非常嫩，銀魚仔卜卜脆，佐酒一流，這個大眾化價錢，食到大師級的出品水準，超值。深水埗美食/酸菜魚/大師級出品/小菜好食

最近在面書看見朋友介紹這間中菜館子，我又喜歡吃酸菜魚，便在某個晚上，與太太來這裡吃晚飯。店是小店，我前一晚致電訂位，晚上七時已經沒有位，幸好這店晚上五時半便已營業，我即時改變計劃，改為店舖一開門便來吃飯，果然，可以順利起行。招牌「老壇酸菜魚」（$188/例，$288/大）幾乎是每檯必點的，一心來吃魚的我當然不例外，這兒的酸菜魚用的是海鱸魚，原條起肉上桌，撲鼻而來的酸香味，不嗆鼻，但能讓人食欲大增。色彩鮮明的酸菜魚，雪白的魚肉，嫩滑度雖還再提高些，都算及格，酸辣度，也算適中，伴菜的酸菜、薯粉、芽菜、椰菜花等也能豐富這菜式的口感。需要早一天預訂的「冰鎮咕嚕肉」（$168）是餐牌以外的菜式，這「冰鎮咕嚕肉」比餐牌上有的「菠蘿咕嚕肉」（$88/例）貴上差不多一倍，但有數年沒有吃過「冰鎮咕嚕肉」的我實在想試試這裡的水準。這 Off Menu的「冰鎮咕嚕肉」的確不錯，皮脆極了，吃來口感甚佳，脆皮內包藏著的全是肉，沒有骨，雖然有些肉有點肥膏，不過肥膏不太多，還可接受。咕嚕汁不太酸，還帶點甜味，感覺不錯。常見的配角菠蘿換上了青提子，外皮爽脆的青提子，多汁而不酸，跟咕嚕肉一樣以冰鎮著吃，與酸菜魚彷似一冰

今晚組團12人去尋找深水埗隱世美食小炒王之有鑊氣。2星期前已留枱及預訂食材酸菜魚 鱸魚新鮮，估唔到酸菜咁好食，青緣4好爽口又不太酸，新鮮做先可以咁，平時出面食既一係又酸又淋， 一係無味又淋。酸菜可下火，加上有新鮮菊花拌菜，可減低吃酸菜魚(辛辣) 的影響產生燥熱降低。江南四小拼 ：海蜇頭好爽口味道剛剛好漬蘿蔔做得相當不錯冰鎮咕嚕肉 ：外脆內軟，配搭青提，非常清新不油膩。潮式煎蠔餅 ：應鬆化的地方鬆化，味道好好，只是中間的蛋漿厚了些少，不知道潮式蠔餅是否要有這種感覺。竹炭椒鹽豆腐樽：外層薄脆內軟又熱，好好食。剁椒焗大蜆：用金菇菜做底較為出色，味道好，不辣。每個朋友都食得開心同讚賞美食。服務環境不錯，餸菜安排適當，食物處理細心。必推薦比朋友

鄰居話附近有間小店佢嘅晚飯好得，午餐好味CP值高，所以今日就同媽媽一齊去試佢嘅午餐先。Openrice 話開中午12點，但準時去到已經差唔多全埸滿。一座低我哋就睇咗佢啲是日午餐，價錢大約係$42-50(包熱飲/罐裝汽水)。二話不說我就揀咗蒸龍躉頭腩飯，媽媽就揀咗沙薑雞飯。等左大約10分鐘...一嚟到就覺得魚俾得都好足，立即夾咗一舊嚟食，真係有驚喜，佢啲肉質好新鮮亦都冇雪藏味..底嘅蒜蓉粉絲亦都好惹味。跟住媽媽嘅沙薑雞飯就嚟到，雖然冇特別大驚喜，但雞都好入味。嘢飲我哋就叫咗一杯凍檸茶，一杯熱檸茶，正常味道啦😆整體來講呢間小店真係幾好味，雖然入邊只有兩個姐姐喺度做嘢比較忙，但係以咁嘅價錢$50就可以食到龍躉頭腩蒸飯CP值真係高。下次一定會book位去試下佢嘅晚飯，酸菜魚。

怪不得成日都冇位, 廚子了得。 價錢合理, 但6:00pm 已全被訂座, 幸好是街坊, 5:55 入座, 7:00 前交枱才可初嘗美味。 下次多一兩位, 一定要試酸菜魚, 香辣雞煲及小食。

深水埗區古廟旁邊的一間有驚喜的小菜，有時真係可以叫隱世小店，因為師父的小菜真係出色，起碼唔會因為係舊區做街坊生意多而變成亂炒一碟。起初我以為只食川菜同酸菜魚，但原來仲有拿手粵式小炒，仲有家常炒粉麵，完全係喜出望外呀。酸菜魚就真有川菜風味，麻味辣味剛好，無蓋過魚肉本身的鮮味。一定要叫一個，但食唔到辣的朋友們可以落單時講明少辣或走麻，甘會比較好。黃金魷魚炸到剛剛金黃色，配上已清洗乾淨的青蔥，一入口即食，超正。反而呢個有少少失色，但都值得一試。堆單一千多少少，絕對抵食。

估唔比來日未到7點，店內已被book滿，唯有坐出面，下次要提前打電話訂枱先得酸菜魚唔錯，難得香港都食到好味嘅酸菜魚，小小麻，小小辣，都幾好下次會再嚟試其他嘢，價錢也合理

出色小炒真係買小見小，今日竟然比我食到有鑊氣小炒皇👍🏻堅有鑊氣冰震咕嚕肉超正👍🏻👍🏻前菜蘿蔔尖椒只可以講點解咁好食真係好好好脆雞就普通咗啲下次要叫埋啲老友再食過

之前有朋友介紹深水埗有間新開嘅小炒，趁着中秋節前夕，預早幾日訂定枱，尋晚就同屋企人提早做節。試咗好多款菜，最難忘一定係招牌酸菜魚、糖心皮旦、同埋杏汁花膠豬肺湯💯十分足料，嚟到呢度一定要試吓，個人十分推介。另外仲叫咗生炒糯米飯、鹽水鵝、煎蠔餅…（下刪數十字）就係唔知道有冰鎮咕嚕肉預訂，唉。。。失策！最後叫咗普通版咕嚕肉，估唔到外脆肉軟，又好好味喎！我揸主意要黎呢度食，全部屋企人都好滿意呀！下星期一定要再黎試埋雞煲同埋猪手先！（真心，好多嘢想食，我諗都要分幾次先至試得晒喇）

限聚令下 連埋我一同四人行完鴨記搵飯食 傻傻下行到醫局街天后廳 本身條街黑蚊蚊 街頭有間特別光鮮嘅舖頭 望落似新開業不久 一於大膽走入去試下龍與鳳 坐落地方乾淨企理睇餐牌 酸菜魚為招牌菜 就叫左酸菜魚 冰鎮咕嚕肉沙薑豬手 乾隆鹽水鵝 同涼拌皮蛋 當啲食物上枱 喜出望外 一睇就知心機菜食材的確吾係高尚 但一百幾十一款菜 絕對值回票價 其他吾多講 但酸菜魚同冰鎮咕嚕肉 實在不能不介紹 酸菜魚用咗海鱸魚 魚片好滑好鮮甜 味道吾似一般嘅味精酸菜魚 冰鎮咕嚕肉真係吾明點可以整到咁膽🥇 實在好好食 值得一試 推介👍👍👍👍👍👍

一行4個人去左食晚餐就簡左呢間係深水埗新開既舖頭7點半一去到已經好旺場，好在前兩日有打去訂位😬——————————————————————今晚我最中意既菜式係酸菜魚同咕嚕肉😍你以為係普通茶餐廳個d咕嚕肉但其實佢係冰鎮既，個皮仲係脆卜卜又無骨食落口啖啖肉，岩曬我d懶人😛——————————————————————以前都食過好多唔同既酸菜魚，一上菜見到隻碟寫魚好吃湯更好喝即刻飲左啖湯先酸酸辣辣仲有芝麻既香。魚肉好滑，薯粉吸晒d湯好正🥰😗可惜今次人數唔多叫唔到太多餸，期待疫情完結後約一大班人去踩場😆