26
19
23
8-min walk from Exit A1, Tai Po Market MTR Station continue reading
Telephone
26564732
Introduction
大埔墟的老字號燒鵝店 continue reading
Payment Methods
Cash
Number of Seats
80
Other Info
Alcoholic Drinks
Phone Reservation
TV Broadcast
Signature Dishes
燒鵝
Review (78)
Level4 2018-05-14
788 views
鈴貓一樂也,您好嗎?之前點解無見過您既?您釣晒魚好眼訓喎,琴晚去左邊度蒲呀? 幾十年首次到訪,要您等咁耐真係唔好意思喇 ﹗以前都有食過朋友買既外賣,只係未有親自出巡啫。一樂價位都幾高架喎,賣價幾貴下,貴過紅磡成倍,但質素不相伯仲囉。雞髀鵝髀鴨髀,都話唔係脾咯,脾係內臟從玉字部,髀係從骨字部呀 ﹗土生土長既香港人要悍衞香港文化、廣東話、繁體字 ﹗離晒譜架,居然有我最愛的羊腩煲供應 ﹗不過真係要冷靜一點,唔想太飽呢,都係食個燒味飯算喇。實在太多選擇,太多佳餚,燒味都還未試完,還有大量煲仔菜、小菜、蒸餸,全部都係我既致愛,睇黎要幫襯多幾十次先得喇 ﹗最愛蒸水蛋,其他蒸肉都係我至愛。行快幾秒搞到要左到右上的死角孤獨位對住魚缸,行慢幾秒就剛剛有食客離開呢。檯面放滿雜物,檯底又放滿貨,連腳都不能伸直,唯有離開張檯而坐,孭住大大個背包又無位放住,除左要離開張檯坐仲要攬住個大背包食野真係非常十分唔開心囉 ﹗行慢幾秒後面就有檯埋單走喇,益左跟住我後面入黎位阿叔坐左。青紅蘿蔔湯,特濃肉味的青紅蘿蔔湯,一向燒味店出品既例湯無得輸,大量下欄骨肉可以餚湯底呢。加入雞腳、燒肉、燒豬骨,超級非常十分甜美可口,厚厚的湯汁又黏黏的,滾熱辣慢慢嘆,好感動呀 ﹗雙髀飯免斬,雙髀流奧義,雙髀拍門,殺呀!燒髀髀免斬就食得多,雞髀都係第一次,師傅最開心啦,可以慳返兩錢力水。毫不客氣,一手拿切雞髀起就咬 ﹗好有份量好重秤喎,結實嬌嫩的白滑雞肉,高質依舊皮香肉嫩,實淨得黎又唔硬掘掘,彈彈的嚼勁十足。清爽雞甜味道夠芳香,彈彈爽爽滑滑不肥膩薄薄雞皮,加埋啫喱狀肥膏激射,甘甜無比。其實係膠原蛋白黎架,非常補身,梗係要一滴不漏吞晒落肚。燒鵝巨髀一隻手都拿唔晒 ﹗脆皮燒鵝可遇不可求,擘大口狠狠地一咬一扯,嘞一聲撕開 ﹗肉汁油脂齊齊飛射,半肥瘦不油膩,鵝油甘香,醃味清爽,肉質幼嫩細密,舔舔嘴 ﹗要不停咬不停咬,一啖肉一啖蔥油飯,再一啖雞髀一啖鵝髀,互相交替,實在太奢侈太過份喇 ﹗蓮藕豬骨湯,每一次例湯都滾熱辣出晒煙送上,湯汁香濃甜美,肉味霸道非凡,好味到想添飲呢 ﹗蠔油芥蘭,Menu 顯示 $30 蚊碟烚菜喎,非常期待有幾好食。終於都見到真身喇,大大碌芥蘭脆卜卜有點渣,仲要有皮咁款,草青味強烈,莖部少少菜甜味,菜葉就鞋烚烚厚疊疊又帶澀,滾上蠔油會好味一點。燻蹄切雞髀油雞髀飯,剛剛油雞髀賣剩半隻,嬸嬸話可否用切雞代替呢?無問題啦。下半桶子油雞髀,何解晒皮既?只剩下少少喎。玫瑰豉油清爽香甜亦不泛鮮雞味道,雞肉結實有嚼勁,半肥瘦特別吸引,薄薄略脆的雞皮十分過癮,看得見的肉汁,貴得有您的道理。冰涼燻蹄米芝連級數,入口即驚喜萬分,還非常有 heart 地自調甜醋。坊間大多食肆都已轉用外購獨立包裝的甜醋,單調無味十分剛倒出黎的白醋。米芝連肉質彈彈咸香宜人出眾,滾上酸甜蒜辛味白醋好食到打冷震。讓她嬌嫩的身驅躺在蔥油豉油飯上,跣入嘴裡去,塞得滿滿慢慢細味,所有味道與汁液混合昇華,無得頂呀 ﹗蔥油切得太大粒喇,太多使到有點反胃。我都係近四五年先食到蔥,對我來說草青味始終太強烈。老黃瓜燒豬骨湯,無得輸的燒味店湯水,極濃燒豬肉味,湯質厚厚黏黏,味道非凡出眾,飲極都唔夠喉呀 ﹗燒肉油雞髀飯,芥辣配燒肉十分大路,丹桂軒用芥辣配片皮鴨驚喜的美味呢 ﹗燒肉應真麻麻地,低於水準,坊間有一大堆食店都更好食。好似斬埋頭頭尾尾比我一樣,鹽味太重又勁多骨,肉質鞋硬,再加上不脆又韌的燒豬皮,真係要出多兩分力去趙先得喇,味道平平無奇,試一次便夠。燒豬骨冬瓜湯,就連冬瓜湯都可以煲到如此誇張的濃稠,厚厚黏黏又帶膠的湯味,好好飲。冬瓜肉都充滿肉香,好食到停唔到口,太美味喇  ﹗咸蛋燒腩仔切雞髀飯,早前燒肉令我非常失望,本打算比多次機會燒肉,誰知竟然賣晒,真係天意。仲諗住比您上訴添,無緊要,有緣我會再比多次機會您既。燒腩仔超得喎,跟燒肉相比真的天堂地獄。卜卜脆的豬皮,焦香可口,一咬爆開嘞嘞聲。肉質鬆軟棉棉,每口都射出肉汁跟咸香混和,趙得津津有美,搭上白飯更是天衣無縫。咸蛋太過削,質量強差人意,沒有半點黃油又乾爭爭硬掘掘,既然叫左都照撈啦,陰功豬咯。叉燒鵝胸飯,想食乳豬但賣晒,唯有轉返食燒鵝啦。食得髀多,間中食下胸都好,話晒一樣啖啖肉。師傅我真係估您唔到,竟然比鵝胸較後位置,骨杉杉,骨多肉少,乾乾鞋鞋唔好食囉 ﹗已經坐得唔舒服唔開心,仲要無乳豬食,再黎比鵝胸仲要係近尾近背脊位,點解這樣對我?堅係嬲嬲豬呀 ﹗叉燒中高檔質素,半肥瘦豬肉味濃厚,淡淡甜味,但未見焦香,滿意幾好食既。西洋菜湯,湯汁濃郁甜美,滾熱辣下嚥大滿足。肉味非凡,菜甜味出眾,拍手叫好,果然係西洋菜湯。燒鵝上庄,索價 $110 大元,價位有點高呢,係咪物有所值架?胸肉軟軟棉棉,未算嫩滑,肉質未算細緻,香料味道清香突出,讚既係不太肥,沒有過份的肥膏,厚厚的鵝皮一咬噴油,免強吞下。滾上大量酸梅醬點綴,酸酸甜甜減低油膩感,開胃多了 ﹗配埋香噴噴白飯,淋上鵝汁,食得更滋味,一粒飯都無剩。鵝髀湯河走蔥,完全跟河粉唔夾呀,好可怕 ﹗鵝汁清湯浸著實淨河粉,味道硬係怪怪的又有少少羶味,都幾難入口,沖沖倒晒落肚算吧 ﹗ continue reading
(The above review is the personal opinion of a user which does not represent OpenRice's point of view.)
Level2 2018-02-14
797 views
情人節專程去食碟情人鵝飯,點知飯底過度發水變爛飯,燒餓皮薄過米紙沒有燒鵝應有的厚度與脆口感,應該話feel唔到鵝皮的存在感,鵝肉鬆鬆的沒有煙靱口感,似鴨多過似鵝(雖然佢show哂出嚟照計唔會假),份量除了兩小件疑似前腳小腿外,另外成排鵝翻開後發現只有超薄皮夾肥膏同骨寶全無肉,想揾waiter問下,但等左好耐佢地都好忙唔得閒招呼,最後食左碟無餸飯就走---出街食碟頭燒鵝未試過有好結果,失望。題外話,見到舖頭成車燒鵝無遮無掩放在通道好耐,忽發奇想如果有個客入嚟唔覺意對住車鵝打個乞chee, 唔知佢會點處理呢? continue reading
(The above review is the personal opinion of a user which does not represent OpenRice's point of view.)
Level3 2018-02-12
614 views
去大埔覓食,本來想排陳漢記,但見到條龍😰即係轉戰去一樂食雙脾飯(雞脾鵝脾)-個賣相好靚,個雞好滑有水準,反而招牌燒鵝麻麻地,太多肥膏,好失望,下次剩要個雞脾或者再去排陳漢記🤣💰:$120 continue reading
(The above review is the personal opinion of a user which does not represent OpenRice's point of view.)
Level4 2018-01-30
537 views
為何一樂這個名字有點熟悉 卻是陌生? 入去望望,唔通係因為佢啲龍吐珠? 定係 loop 住係咁播嘅 Anthony Bourdain 陳年到訪片段? 非也,忽然想起熟悉的一樂兩字,係因為 火影忍者 😂😂😂 Anyway~ 其實吸引飢詩入去嘅係下午茶 $45 燒鵝瀨 😍 鵝瀨五分鐘內到, 皮脆肉質彈牙, 配上酸梅醬 吊起食慾, 鵝油香氣四溢 滲到瀨粉, 瀨粉水準不是很特出,但非常滿足啊~ 😘😘😘又到咗 望隔離位嘅時候,人哋係-> 燒鵝髀! Omg 😆😆 果然是隔離飯香 😁飢Point : 8/10#hungermarch #飢詩 #非飢詩 continue reading
(The above review is the personal opinion of a user which does not represent OpenRice's point of view.)
Level3 2018-01-27
260 views
突然想試一試這間的燒鵝,聽聞好出名的。反正晚餐有點想食燒味飯,於是決定買了個燒鵝脾燒腩飯外賣。真係未食過唔知價⋯原來一個雙拼飯要$106,可能選擇了貴價燒味吧,轉脾,加$20。好貴,不過即管試試值唔值!打開飯盒,燒腩有4-5舊,鵝脾都唔似係一隻既,已經有點失望,飯的份量算多的。唔緊要,最緊要係味道,點知,燒腩有點梅,好似唔太新鮮,唔知係咪外賣,俾d差d既料呢至於燒鵝,其實都唔錯的,只是份量唔似一隻脾的份量,整體來說,以$126食這個飯完全唔值,如果想食燒鵝,或者下次下午茶時間食比較經濟吧這次沒有影相,因為無想過燒味飯也會寫食評,但係我覺得快餐店或者比他好,所以要發洩一下吧! continue reading
(The above review is the personal opinion of a user which does not represent OpenRice's point of view.)