一哥點心 (Closed)

星期日無咩野做，就專程由沙田開車到元朗搵食😋。 大概12點幾1點到左餐廳門口，當時都有兩三人等緊位，我地一行二人等左大概10分鐘就有位啦。座位雖然同隔離枱較近，但唔算太擠逼，張枱都擺到唔少點心。點心同燉湯都出色，比一般酒樓的點心好吃得多。兩個人叫左4樣點心，1個燉湯。呢盅牛肝菌燉瘦肉嘅老火湯，落足料，鮮味十足。龍蝦湯鮮竹卷，樣貌唔錯，最欣賞係炸腐皮仲係脆，唔係一早整定浸到林哂。呢個蒸蘿蔔糕入面有一絲絲嘅蘿蔔，唔會食到好粉咁樣，食落清清甜甜，做得有誠意。棉花雞的雞件有咬落有質感，唔似一般酒樓嘅滑雞。

而家飲茶唔洗再去菜樓排隊等位，周街都有呢d小店經營中式點心，今次就來試左呢間一哥餐牌上既嘢食，同平時茶樓既都爭唔遠丫呢度既座位都有d迫，同埋唔算大腸粉最先來到，個人認為皮可以再薄d，又唔似係即拉wor蘿蔔糕有驚喜，佢底下真係有蘿蔔粗條係度，唔會成舊都係粉槳小籠包熱食最好食菜肉包用煎pan上，底下係洋葱來，可能想香口d牛肉球，同平時茶樓一樣，無得輸原隻大蝦燒賣真係有大蝦係面頭架，好食如果有點心拼盤就好，可以方便2人都可以試到好多唔同款

想分享一下我星期日的感覺，座位非常窄食得辛苦外，碟碟送錯去第二張抬，點心被人噴完十幾分口水之後再拿回給你吃，碟碟凍，職員一句對不起都無，還要不好食，當我將最後一口腸粉放入口中途職員已經將所有碗筷收走，那時我們只是入座約40 分鐘，其中30 分鐘以上是在等食物！一年前我試過，那時是好吃的，現在差太多，價格又不便宜，其實去一般酒家會更好。

之前已經嚟咗一哥，食宵夜點心(>^ω^<)仲記得春風得意卷超好味(⁎⁍̴̛ᴗ⁍̴̛⁎)今次宵夜一於再去呢度，試埋其他唔同嘅特色 點心(>^ω^<)嘩，呢個真係超正，菜苗餃上面有XO醬，平時出邊街邊食嘅菜苗餃都冇XO醬，第一次食到菜苗餃有XO醬，真心覺得勁夾，勁好食，XO醬配埋菜苗餃超野味。(#^.^#)仲有個蝦燒賣，上邊隻蝦都好大隻㗎，唔錯唔錯。(≧▽≦)仲叫咗一碟菜 ，同平時出邊食嘅差唔多，不過我想講呢碟菜好似細咗少少。！(◎_◎;)上次因為叫咗個泡菜飯覺得中咗伏 ，所以我今次一於試吓佢其他飯。結果我就叫咗應該係最正常嘅鳳爪排骨飯。果然不出我所料，鳳爪排骨飯真係好正常，同出邊食嘅差唔多，鳳爪都好夠林，排骨都好夠林，側邊仲有兩棵菜。(*☻-☻*)

去左元朗一間點心，叫做一哥點心(｡ì _ í｡)本來想叫鳳爪排骨飯， 不過諗諗吓想試新野，所以就是試咗個泡菜飯，正確來講應該係泡菜豚肉飯，但係我覺得泡菜同豚肉嘅配搭好古怪，味道食起嚟，冇想像中咁好ಠ_ಠ呢款脆卜卜既豆腐就幾好食啦，外皮炸到脆卜卜，裏面係啲豆腐，同埋絞碎左嘅菜，好好食(>^ω^<)炸春卷普普通通，香口嘅嘢食，同出面差唔多⁄(⁄ ⁄ ⁄ω⁄ ⁄ ⁄)⁄呢個春風得意卷我就覺得可以推介下，外皮係我哋平時食開嘅腸粉，上邊有啲蟹籽，呢邊有啲脆卜卜，但唔知咩嚟嘅，同埋有蝦，食落去味道好夾，(*^__^*)呢款蝦餃我都覺得幾好食，因為同平時食嘅蝦餃有啲唔同，佢入邊仲有啲黑松露，原來黑松露加入蝦餃係咁好食 ，我都係依家先知道(>^ω^<)

琴日同朋友黎左呢間食，點心款式都唔少亦唔貴order完之後好快有野食但就係食食下途中，有個菲傭入左黎話要外賣，個男職員(戴眼鏡既)就一臉唔耐煩咁行去收銀到篤機講野又好悔氣個菲傭未搞清楚食咩，個男職員竟然講左句:「X!點x樣架爽手d啦」講住咁行走左無理個菲傭可能佢覺得自己講得好細聲，但又咁啱比我聽到呢一刻覺得眼前d野有幾好食都好，都即刻變得難食....即使個菲傭搞唔清楚食咩，都唔使用粗口又鬧佢掛...?仲要咁大聲比人聽到所以服務態度真係有需要改善!!

元朗真係好多間點心店 無論係日頭定夜晚都可以食到點心 😃以前食過老馮茶居 而依間一哥係新開既 所以試試佢先！😛佢有唔少新潮款式 份量又好足 唔錯的 😊 推薦👍👍：春風得意腸｜係有腸粉皮既春卷 有蝦肉係入面同蟹籽係面 好脆 即叫即做！😊紫薯流汁煎堆仔｜有三大粒 中間係奶黃心😎姬松茸菌燉雞湯｜都幾甜 好濃菌味～ 都幾補😂原籠章魚肉餅飯｜個飯好香荷葉味 仲好大 三個人分都好OK好食、正常👌：原隻大蝦燒賣｜韭至鮮蝦腸｜沙嗲金錢肚（共3人）

今天我和媽媽到了這間一哥點心。大約晚上七時半，已經有不少人在等候，大約等了15分鐘左右後入座，餐廳裝修簡單，食物的味道卻不簡單， 十分美味。我們點了原籠蒸鳳爪排骨飯，春風得意腸，蟲草魚肚，紫薯流沙湯圓。其中最好味的，是我十分推介的鳳爪排骨飯，他的米粉粒粒乾爽，鳳爪和排骨都很入味，配上甜豉油吃十分好味，我們差點再想多點一籠，但由於已經點了其他點心所以沒有選擇這樣做。紫薯流沙湯圓也是另一個特色，平常茶樓很少有這樣的配搭，流沙奶黃餡十分香滑。推薦大家去嚐嚐。

因為facebook先知既一間屋企附近既點心新式點心愈黎愈多但佢做得出色既應該係佢既外觀盅頭排骨飯勁大佢果到張餐牌有寫推介必食咁我就跟住點啦生煎菜肉包紫薯流沙煎堆仔千島醬蘿蔔糕我對生煎菜肉包無咩特別喜歡反而佢上生煎包既容器中式野黎講算特別煎堆仔冇咩紫薯味，但入面個流沙餡幾香流沙餡好大陣鹹蛋黃味，而且好多，正但佢無咗上面葉既裝飾，無咁靚蘿蔔糕第一次有千島醬咁食千島醬同蘿蔔糕幾夾，正日式翡翠豆腐個外表幾靚但如果唔加醬無味春風得意腸係好食既佢係脆既腸粉黎我仲未食曬想食既野下次會試埋其他同甜品

入開元朗都會去呢條街食點心做晚餐，以往食對面，今次試呢間一哥，同對面個間個名好似感覺乾淨企黎，可惜預到中餐廳常見問題，就係個杯洗得唔乾淨，仲有上手乾左既飯粒，沒吹水我地叫左..牛肉球，同出面茶樓差唔多，除左陳皮味香濃d之外，都感覺到多粉溝肉溝出黎燒賣正常，鮮蝦🦐彈牙但蝦味唔夠店內名菜春風得意卷，老實說，而家呢類舖頭，無論港九新界都有呢隻款既腸粉。但整體味道唔錯，面頭蟹籽帶出到下面蝦膠既鮮味，不過翻炸左既油炸鬼有d油膩感椰汁蜂巢糕，乾身左d，但甜味同香味好足，唔錯小籠包，不過不失，望圖都知個皮唔算薄，但係個咸同豐富既肉汁搭救，個肉好鬆口感好！個飯食食下先記得影，呢個飯荷葉味唔重，但蒜味好濃，鐘意食蒜個朋友可叫，鳳爪排骨正常，係落既醬油偏甜，營做鮮甜既感覺最後紫炸薯🍠流心煎堆，表皮好脆，可惜口感太脆少了正宗煎堆既in-un感，甜度好夠。流心係類似鹹蛋黃既感覺四人食平均55，都算抵食！

放假瞓到2點幾起身想飲茶，依家食點心嘅餐廳又好味又放便今日依間依有個鄰居介紹我去話係點心師父自己整，新鮮又好味所以就去咗試，去到張點心紙有傳統嘅春蛋燒賣同埋棉花雞味道ok,仲有好多新派點心,龍蝦湯鮮竹卷個春卷仲係脆皮面個龍蝦湯好鮮甜，春風得意腸，腸粉夠滑春皮夠鬆脆面上面仲有少少蟹子夾埋一齊食簡直係perfect，食點心就一定要食燒賣，灌湯小籠包，個小籠包一口咬落去就爆灑汁好味過明牌嘅小籠包糯米雞我就嚴佢乾身咗少少，其他我都好滿意。

今日朋友生日..話想試下其他的..因為平常大多數食泰國餐或日本餐！今次就來個中餐吧！但呢間一哥點心特別之處是除了平常在酒樓會有既傳統點心外..會又其他新穎既點心..其中兩款比較（特別的）春風得意腸..外脆外滑，分量十足蝦味好重，蝦非常彈牙千島醬蘿蔔糕好脆意想不到咁好食，裏面軟綿綿嘅蘿蔔糕外邊脆卜卜既皮，推介☝🏼鳳爪排骨飯..排骨滿滿的😋黑松露蝦餃..一般般..皮好厚！龍蝦湯鮮竹卷..其實龍蝦味不太大..反而蝦味比較重..都算是好吃的

想食一哥點心好耐，趁放假就黎試下。張枱同座位有少少迫，不過姐姐幾熱情有禮，隔離走左仲幫我地拍埋張枱，唔似之前嘅人講得服務咁差。燉蟲草雞湯，味道幾濃，三十元有少少貴。紫薯流心煎堆，餐紙印左呢個點心，應該最招牌係佢，外面痴滿糖粒，咬落有流心奶黃同紫薯蓉，如果糖粒少啲更好，太多糖了。鵪春蛋燒賣，就係肥嘅豬肉同鵪春蛋吧，豬肉部分偏咸。千島醬炸蘿蔔糕，外層幾薄，蘿蔔絲幾大件，唔會只得粉，味道唔錯。春風得意腸，都唔錯，但未必想再食，可能今餐太多炸野。魚翅餃，薄薄嘅皮，包住新鮮嘅蝦同蔬菜粒，幾鍾意呢個餃。咸水角，雖然同其他野一樣新鮮熱辣，但皮偏厚。食完呢餐，好熱氣，飲碗廿四味都無用，下次唔食咁多炸野，試其他先。

今晚晚餐，老公想食點心，元朗較大名氣嘅係「一哥點心」啱啱去到，即刻可以入。我一個手袋，老公一個背囊，坐落感覺好迫，張枱好細，兩壺茶，杯碟筷已經佔咗半張枱😓👍👍龍蝦湯鮮竹卷，上枱只係微溫，個汁好似南瓜蓉做，無龍蝦味，個腐皮卷係實心，甚至可以叫硬，味道一般，賣相ok 👍👍👍叉燒腸，正常嘢👍👍原籠鳳爪排骨飯，排骨鬆肉粉醃到無肉味，鳳爪味正常，飯底欠荷葉味，普通👍👍灌湯京滬小籠包，包皮夠薄，但3個有2個穿咗漏汁，湯汁量只是一般，未見灌湯，沾醋偏亦甜味，唔對口味🙅‍♀️👍👍👍山竹牛肉，正常👍👍👍沙嗲金錢肚，欠沙嗲味，金錢肚淋滑帶啲啲爽，味道👌##一面食，一面追茶飲，食完仲要去隔離便利店再買嘢飲😒😒😒希望下次有改善####不過唔知下次係幾時😅😅##

因為大肚腩點心執左，於是一路向前行，見到這間一哥點心好像不錯，客人也不少，就同另一半去試試看。等了十五分鐘位才進去，好迫，要移一下枱先入到位，四人長方型枱，二人二人打對面坐，旁邊的四人枱之間約半尺區間。迫是一件事，慘在遇著兩旁一邊一家大小有小孩，另一邊兩位太太雀友....無盡的吵鬧與昨晚竹戦情況...心情基本沒了，只想盡快食完走。食物，點了潮州粉粿（皮厚而且很粘牙，一般），咸水角（外皮炸得乾脆，但也很粘牙），原隻大蝦燒賣（大蝦？冇喎，小蝦，仲係梅梅地！），原籠馬拉糕（一啲都唔鬆軟，好實），唯一好食就係香煎菜肉飽，飽質香軟外皮脆，肉饀有汁不乾身。總結，未必會再去。