山牛 (將軍澳廣場)

Open Now

Now Closed

✨鹽蔥牛小排燒肉丼size 要特，多汁💦碗面有一大堆蔥🌿仲有其他配菜，有蒜蓉，菜，泡菜泡菜食落都有點辣🌶️牛小排份量合理啦🐮🥩肉跟肥膏參半食落有濃濃碳燒味🔥但白飯份量就唔太多🍚我太太飯都食得哂✨炭火燒牛扒丼size 都係要特，多飯碗面都有配菜，有蒜蓉，菜，泡菜牛扒有兩層🐮🥩🥩燒得剛剛好，大約五成熟👍🏻而且仲有濃濃碳燒味🔥敗北嘅係牛扒好靭👎🏻靭到好似咬緊橡筋咁同埋好多筋，真正全肉嘅牛扒份量唔太多👎🏻而且白飯份量雖然已加飯但份量都係較少👎🏻我一個男人食完都好似冇食過野咁同時個口要咀嚼啲好靭嘅牛扒，食到個口好攰😂牛肉丼嘅牛肉質素平平碳燒味係重賣相都唔錯but it tastes better than it looks🥲餐廳內部雖然寛躺但坐位都密密麻麻坐得有點唔舒服👎🏻如果要用呢個價錢食燒牛肉丼可能會有其他更好嘅選擇

上星期咁啱經過見新開，裝修幾靚仔，即管試吓。食咗一碗$40嘅炭燒牛小排飯，很香的牛味，肉質新鮮有彈性，牛肉肥和韌呢個價位就預咗，飯和汁都好味，另外加錢嘅沙律新鮮，環境坐得舒服，空間感和清潔程度都唔錯，服務員態度還好，整體尚算滿意。牛尾湯冇味，可以慳返。建議改用味噌湯好過。價錢親民嘅牛肉飯嚟講，呢間係有驚喜。收銀姐姐仲會同客介紹唔同部位嘅牛肉有乜嘢分別，好親切，低讚👍有機會會再幫襯，希望湯或飲品可以改善，素菜可以多啲選擇就好啦🙏

見到門口餐牌的價錢幾吸引, 就坐低試一試, 味道都算OK, 不過不失 食物 : 牛小排燒肉丼(套餐) $60 + 牛肩肉及牛小排丼(套餐) $80 ~ 燒肉質地OK, 味道正常但唔算好突出, 有炭燒香味, 如果多D燒汁會更好, 套餐要加$20, 有小食及飲品, 叫咗温泉蛋及汔水, 有蛋汁撈飯好味 環境 : 店內是日式裝修, 坐位都幾多, 但有D迫, 環境都算OK, 留意食完要將餐盤放回回收站 服務 : 店員有禮貌 費用 : $140 (無服務費)

已經唔係第一次見食肆員工去完廁所冇洗手，就算洗手都係放喺水喉底下濕一濕，完全冇用鹼液，今次見到貴店員工係放喺水喉下面少過1秒就去抹手. 我亦相信大部分做食肆嘅都係咁，不過俾我見到就幾好食都唔會幫襯囉！

呢間新開嘅餐廳自稱過江龍，但$74一個set只得三塊牛肉，明明叫咖喱既，唔知俾漏咗汁定點一啲味真係好失望。份量少到令人懷疑係咪食緊兒童餐，完全唔值個價錢。大家拎外賣時記得逐個飯盒check清楚，唔好俾人呃咗都唔知！😤

星期三的晚上特登去將軍澳廣場新開的肉のヤマ牛試吓，時間係7點半之後，可能仲係晚飯高峰時段座無虛席，自助下單機亦排了很多人。由購買到取餐大約用咗10分鐘，以為牛肉是即叫即燒，原來唔係！因為D牛肉係凍咗嘅，但個飯就熱辣辣！追加咗嘅溫泉蛋係正常嘅，個香蔥牛尾湯偏咸，樽綠茶唔夠綠茶味。總括嚟講試一次就夠。呢個$82嘅套餐價錢，我覺得食八幡嘅牛扒$85會比較值啲。希望山牛可以好似日本咁有冷麵同そば

如果閣下唔介意等個即場外賣等30分鐘，呢間餐廳係你嘅必然選擇！今次係我第三次食呢間餐廳，每一次都係即場叫外賣，每一次都係等30分鐘！之前兩次都喺度俾藉口自己，佢哋下一次會好啲，經過今次，唔想再自欺欺人！

行過見啲poster好吸引，價錢又平，特登過去試晚飯時間好多人，堂食坐滿，外賣都多人叫左兩個最普通嘅牛丼，賣相同poster爭好遠啲牛係肥牛咁，但有啲靭，肥果邊又好肥咁，燒汁唔太惹味，白飯算唔錯食完一次我諗我唔會再幫襯

好開心有新餐廳出現，希望意見可以幫助你們改善及進步，一個月後再幫襯。餐廳外觀：吸引，有驚喜，炭火燒肉店好吸引環境：用餐位置充足清潔，店員不停抹檯椅落單：門外自助點餐尚算方便，但可以用QRCode 手機落單就更好取餐：有螢幕及廣播，指示清晰，亦不太嘈吵。但我們有兩個餐，店員指示有錯。食物：牛扒比較靭，味道尚可，但完全沒有炭火燒的香口感覺，飯面無汁，幸好加了温泉蛋。可樂味道很差，建議配罐裝可樂吧，我不介意加錢，但非常介意飲一杯無汽無味的可樂糖水。價錢：$110，算不上超值，有改善空間。

戴眼鏡的男收銀員推介套餐的小食，牛小排和牛肩的口感介紹得非常用心仔細，跟外籍人士溝通也操流利英語，可見服務員的質素很高，進店時更聽到服務員高呼日文的歡迎語句，非常有氣勢！仿如置身於日本收銀員旁邊更看到有師傅即場切割牛肉，相信這家店的肉類品質非常優質在外面已經很清晰看到廚房裏面的師傅在烤肉，看到廚房裏面非常整潔環境衛生很可惜只有牛肉飯，還未看到有雞肉飯推出吃了收銀員推介的牛肩飯，真的是比較瘦不會有很多肥肉，對怕胖的我吃得開心讚。

話說將軍澳廣場開左間好大隻牛字嘅招牌，我同老公去到門口見到排曬長龍，心諗……真係咁好食？原來呢間店舖來頭唔惹少，係日本餐廳品牌，全自助，自己落單，自己取餐，自己收盆，完全冇服務。座位亦唔多，要自己搵位，落完單之後，都好快就有得攞餐，價錢算是適中。【鹽蔥】牛小排燒肉丼（套餐）鹽蔥牛小排丼的味道主要來自醬汁，完全無法品嘗到牛肉本身的鮮味，表面仲有啲焦香，但唔會好乾，再配埋個醬汁，味道係有提昇。個飯仲有幾片泡菜都好清新，配埋辣蘿蔔，辣爽脆，一齊食，感覺沒有那麼膩，增添咗口感層次，食落唔會覺得咁單調。個人覺得個汁比較鹹左啲，但配埋個白飯係可以接受。如果份量唔夠可以另外加錢加份量，還有可以加流心蛋或者小食炸雞。炭火烤牛咖喱燒肉丼（套餐）濃郁咖喱同燒肉香氣完美融合，牛肉燒得岩岩好，外脆內嫩，咖喱嘅香辛味仲令整碗飯層次感十足。整體出餐比較慢，食物唔夠熱，份量唔算多，味道一般，重口味，我覺得唔值呢個價錢。

極不愉快的經歷。幫襯買牛丼+1件雞攞餐時。四眼男服務員，說沒有雞要稍後才補回。如果有會叫我去攞。我開始食丼飯，吃了一半還沒有便上前問四眼服務員。他態度極差反了眼回答我：有就會叫你㗎啦。我非常無奈唯有繼續食。但我看其他人比我遲嘅食客都已經有雞了。而且我已把我的飯吃完了。於是我再上前問四眼服務員，誰知他轉身用背脊對住我。他說已經沒有雞了用溫泉蛋代替吧。我氣炸了說我不要了，正想離開，他又叫住我話有了有了。請問這是什麼服務態度呢？請問這班人有人管理嗎？經歷極差。

日本過江龍「山牛YakinikuYamagyu」在將軍澳廣場開了分店。門口見到餐廳入面現場燒烤同埋切割牛肉，門口有自助點餐機，餐廳座位都比較多 。炭火燒牛小排燒肉丼 「套餐」牛小排肉質口感適中，油花分布平均，第一口充分體現了炭火燒肉的美味。加上自取既燒肉汁拌飯，美味可口。套餐我點選是日式唐揚炸雞加可樂 ，炸雞比我想像中大件，非常好吃，下次試下追加香蔥牛尾湯。麻辣燒肉丼搭配獨特的麻辣醬汁，追求麻辣既朋友仔一定滿足到你既味蕾同滿足感。麻辣加燒肉後悔沒有追加加大😌價格親民，值得一試。👍🏻

星期一去咗山牛食飯，將軍澳分店係新開張嘅，乾淨你落嘅日本風裝修，座位非常開揚，見到有店員教食客用電子屏幕點餐，好細心有禮。收銀處側邊就展示咗唔同款嘅生牛肉，以後面就好大塊玻璃，見到喺廚房裏面嘅店員燒煮牛肉，感覺都好乾淨衛生。炭燒牛小排燒肉井：牛肉油脂嘅部分佔咗牛肉塊差唔多一半，咬落腍身唔會硬掘掘，特製嘅醬汁畀牛肉塊充分吸收晒，惹味同甜味混合，非常好送飯。白飯嘅軟硬度適中，份量都好足。有少少青菜點綴下，平衡下啲油膩感。另外仲有少少似泡菜嘅，微辣得嚟都幾好味，喺唔夠牛肉片嘅情況之下用嚟補充送飯。鹽蔥牛小排燒肉井：係牛小排燒肉井上面加咗啲蔥，多咗陣衝嘅香味，叫做多咗樣嘢可以送飯。