9
3
2
Above information is for reference only. Please check details with the restaurant.
【灣仔區】【人和荳品廠】呢間嘢我之前成日食佢哋嘅旺角店，甚至 1am foodie 呢個名都係有少少啟蒙自佢哋，因為我收工食嘢，成日都喺一兩點呢啲時間諗起佢哋。而旺角店嗰時每日都開到好夜，我又係嗰啲中意食垃雜嘢嘅人，可以話係完美契合。話雖如此，我又唔算好積極話想食晒佢哋啲分店，始終個重點係喺開得夜、多選擇度，同味道關係不大，冇乜必要要周圍食佢。今次都係見個朋友喺度買外賣，作為一個八卦精，我又好奇吓究竟佢哋啲嘢得唔得，就去食返次。叫咗碟 $24 嘅「鹵水豆腐豆卜」，即係鹵水豆腐併鹵水豆卜，兩款都有得食，幾好，味道都唔差嘅，略嫌呢次鹵得有啲甜。跟住叫我幾中意食嘅嗰款 $24 嘅「魚肉煎豆腐」，水準保持到，唔好睇豆製品嘅成本價就唔貴啦。嘢飲方面我叫咗杯 $20 嘅「朱古力豆漿」，又幾得意，喺杯凍豆漿裡面加咗啲朱古力味咁。而最後我有叫埋甜品先走，喺呢度就梗係食豆腐花，要 $24 嘅「花奶豆腐花」，一向覺得呢個組合勁夾勁好食。埋單 $92，咁食算係咁啦。。。（地址：銅鑼灣渣甸街49號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am0964#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #人和荳品廠 #鹵水豆腐豆卜 #鹵水豆腐 #鹵水豆卜 #魚肉煎豆腐 #朱古力豆漿 #花奶豆腐花 #1am1261 #1ambackup
continue reading
今日同男友行街街見有d餓就嚟食吓豆腐花😚記得以前細間d E家新鋪感覺大咗，但係一樣坐得好迫夾💦以前有卡位都仲好d，依家兩張細枱逼七八個人坐得好辛苦😞入正題，叫咗兩杯豆漿一碟煎豆腐一碗紅綠豆花一個粥同炒麵。煎豆腐冇乜特別ok〜碗紅綠豆腐花就有少少被騙嘅感覺🫢豆花雖然夠滑👍但上面d豆似糊仔咁好結..量又少咁就$40豆漿嗌咗一杯少甜一杯正常，但甜度一樣🤷🏻♀️叫待應換過杯都係一樣..當再叫待應對方已經表現岀唔耐煩…算。最失望係炒麵同粥簡直係嘥錢💸炒麵偏鹹冇乜豆卜得幾條菜..加少少辣醬諗住增加食慾點知鹹上加鹹😵💫個粥仲衰賣$30碗，又淡又冇料得d花生柴魚完全食唔到，比病人食？！Anyways整體差咗..已經比不上當年，食少少嘢已經百幾蚊埋單😢
continue reading
今天经過人和豆品餐室，就被豬大腸所吸引，於是就走入去食個下午茶。叫一碗唔夠，就叫多個鱼肉碗仔翅，是我中学時期的最佳小食。食落很飽足，很懷念往事。食物依舊，人卻老了。
continue reading
👍🏼抵食指數：⭐️⭐️⭐️⭐️⭐️😋好食程度：⭐️⭐️⭐️⭐️喺銅記食甜品，唔一定食啲高級成百蚊嘅西式甜品嘅，喺渣甸街嘅一碗十幾蚊港式豆腐花，漫漫長夜為大家醫醫肚仔～ 今次叫咗一碗朱古力豆腐花，嫩滑嘅豆腐花再配上濃郁嘅朱古力鮮奶，入口柔軟而滑潤，有種絲絨般嘅觸感，傳統港式豆腐花，永遠唔會令人失望！
continue reading
今日去開銅鑼灣，立刻諗起人和煎荳腐、炒麵和柴魚花生粥…😋😋去到發覺已搬鋪，雖然地方大了，但已沒有卡座，全部圓枱，收銀、廚房和員工已經再不是以前食開那幾位叔嬸輩，全變年青了。叫了煎荳腐、炒麵、柴魚花生粥：荳腐薄了、魚肉變小了，但價錢已加到$24/4件；炒麵變油膩了，沒有以前的乾身，荳卜也少了，整體炒麵也不及以前般好味道，而價錢也加到$24/碟；柴魚花生粥沒有以前般綿滑、柴魚和花生份量也少了，價錢已變到$30/碗。兩人各自叫了粥、一個叫煎豆腐、一個叫炒麵，埋單分別都是$54。今時今日吃個普通荳品小吃都要$54，難怪大家週末都要北上消費。P.S. 最後小記：朋友拿了兩張$54手寫單去收銀櫃枱，年輕貌美似係店舖in-charge收銀員一看說: $118! ($54+$54是小學算術題吧?) 想起以前叔嬸輩收錢都不用手寫單，一看碗碟杯數量兩秒加好，快而準! BTW, 雖然店舖員工年輕化，但現時仍然只收現金，八達通/微信/Alipay全部電子收費免問。最後看到洗手間衞生也非常一般，如非必要，寧願去地鐵洗手間好過。心已死，講完。
continue reading