65
17
5
Restaurant: | YAKINIKU LIKE (New Town Plaza Phase I) |
---|---|
Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Additional Information
不設訂座服務、只接受手機付款
Opening Hours
Today
11:00 - 22:30
Mon - Fri
11:30 - 22:30
Sat - Sun
11:00 - 22:30
Public Holiday
11:00 - 22:30
Above information is for reference only. Please check details with the restaurant.
Recommended Dishes
到沙田新城市廣場行完街,心思思又想食燒肉,東京過江龍「燒肉 LIKE」,佢主打日式一人燒肉,我哋6點前經過門口已經有人等緊位,幫襯過佢幾間唔同分店,最鍾意佢個品牌就係乾淨、快捷、美味、抵食,所以想食就唯有等一陣啦。一貫簡約木系設計,環境乾淨整潔,枱面、醬料樽,周圍都唔會黐𥹉𥹉,我覺得呢點好緊要,親眼目到店員之間合作無間,執枱勁有效率,清潔得好快又好乾淨。採用無煙烤爐抽氣真係好好,燒完唔會成身充滿油煙味,店員親切友善。❁ 醬油味虎蝦配韓式拌飯套餐 (200g) $188(醬油味虎蝦2隻、蒜香牛油醬、牛五花、牛板腱、韓式拌飯)臨近新年梗係要食返啲好意頭嘅嘢,呢款套餐係期間限定,咁嘅價錢食到呢個份量同質素,性價比高。⦿ 醬油味虎蝦 (2隻)原隻虎蝦用秘製醬油醃製,蝦肉肥厚都幾大隻,燒烤後爽口彈牙嘅口感,加上醬油鮮甜味,蝦頭膏多味濃,拌飯一流。錫紙兜放有蒜香牛油醬,喺爐上加熱香噴噴,蝦肉蘸上後更滋味,虎蝦2隻可以以$52單點。店員貼心提供燒烤小貼士,虎蝦先燒蝦肉後燒殼,咁樣隻蝦形就唔會捲曲。特別鍾意呢度嘅爐火控制得好好,唔知點解我好容易就燒得好靚,燒極都唔燶。⦿ 韓式拌飯套餐特別配埋韓式拌飯,賣相顏色好靚,配有胡麻菠菜、泡菜、木魚絲、紫菜碎同生蛋黃,加埋韓式辣醬「撈起」一齊食,惹味又開胃,寓意愈撈愈掂,好意頭。食其他套餐都可以優惠價$28升級食韓式拌飯。⦿ 牛五花、牛板腱 (200g)牛五花薄切,油脂較多,燒烤後油香豐富肥美。牛板腱位於牛肩胛部位,脂肪較少,油花分佈均勻,肉質軟嫩帶有嚼勁,燒烤後肉味濃郁。餐廳提供多款秘製醬汁,唔落調味已經滿滿牛肉香,蘸醬汁更可食出唔同風味。❁ 牛小排&牛板腱套餐 (100g) $118(牛小排、牛板腱)之所以我揀呢款套餐係因為佢之前停咗一段時間,而家人氣回歸,兩款牛嘅靚部位,兩種份量100g或200g選擇,呢個價錢抵食。⦿ 牛小排、牛板腱 (100g) 食燒烤我必選牛小排,油脂豐富,燒後肉質柔軟juice,加埋牛板腱,一次過食到晒兩種風味。套餐已包括白飯、和風湯、泡菜或迷你沙律:⦿ 木魚絲紫菜飯 + 溫泉蛋 +$18自從食過第一次後,每次嚟都唔需要考慮,一定要升級,個飯加咗木魚絲、紫菜同溫泉蛋簡直係靈魂之作,我加啲醬油撈勻,連埋燒熱嘅烤肉一啖放入口,一大享受。飯可以選擇份量,因為知道我實唔夠喉,我直接選擇中份量,建議大家一定要升級。⦿ 和風湯~有海帶,唔會過鹹。⦿ 泡菜~泡菜微酸辛香,開胃解膩。⦿ 伊藤園綠茶 +$12#燒肉LIKE地址:沙田沙田正街18號新城市廣場一期4樓408號舖
continue reading
今日lunch去咗燒肉like食,平日兩點幾去到,唔駛等位就可以入。燒肉like要手機QR code落單同付款,唔收現金,只可以電子支付。付款後至開始接order送餐。燒肉like可以單點肉或點套餐(包括1碗白飯、1碗和風湯、1份泡菜或迷你沙律)。我地點咗2份套餐,1份牛五花套餐(100g),1份牛五花套餐(200g),2份套餐都配迷你沙律。牛肉同五花肉嘅肉質都唔錯,肥瘦相間,燒完食落唔韌,沾滿枱上提供各款嘅醬汁,好惹味。蒜香醬油呢款醬汁配燒肉最夾。整體嚟講,呢間一人燒肉性價比高。
continue reading
呢日終於嚟食好出名嘅一人燒肉—燒肉 LIKE(≧▽≦) 除咗可以食到一般嘅牛豬雞之外,佢哋最近仲出咗限定嘅近江牛套餐同韓式拌飯!咁抵食點可以唔試試~🍽食物✨近江牛套餐 $128 8/10呢個特選近江牛套餐,有唔同嘅部位,賣相已經睇得出好吸引🤩當中赤身嘅肉味濃郁,有口感得嚟都唔會好韌,牛肩肉嘅油脂分布比赤身更豐富,入口更加甘甜同柔軟,而我就最鍾意胸腹,入口油脂感爆發,但同時保留濃郁嘅肉味~另外仲有美國牛五花~100g真係有啲唔夠喉🤤👍🏻韓式拌飯 +$28 7.5/10呢個都係新出嘅menu~配料有泡菜、胡麻菠菜、紫菜、木魚絲同埋溫泉蛋,加埋枱面嘅韓式辣醬一齊撈,即刻還原正宗嘅韓式拌飯風味😚叫任何套餐都可以加$28加配✨牛小排&牛板腱 $158(200g) 8/10呢個套餐相信係最多食肉獸所點嘅套餐,肉既份量畀得好大方,牛小排呢個位置通常有嫩嫩嘅牛排骨肉,所以燒烤後都能保持軟嫩嘅口感~而牛板腱肉味就比較濃郁,脂肪較少比較爽口!套餐配菜可以揀沙律或者泡菜,兩樣都好清新解膩,食到覺得少少膩嘅時候可以refresh一下~同時飯嘅size都有細中大可以揀~⛩環境👍🏻店內好光猛,唔會有好大油煙味,同埋枱面都冇黐𣲷𣲷嘅感覺。雖然枱面嘅爐唔算大,但係火力都好猛!💁🏼♀️服務👍🏻店員態度有禮貌👛人均消費 ~$157(冇加一)⏱60分鐘
continue reading
臨近新年 燒肉LIKE @yakinikulikehk 齊賀新春推出期間限定🧧醬油味虎蝦配韓式拌飯套餐以兩隻醬油味虎蝦 人氣牛五花及牛板腱組成加上韓式拌飯 附送和風湯及泡菜/迷你沙律一邊燒肉一邊撈起🐲龍年愈撈愈旺 好意頭→醬油味虎蝦(2件)可以$52單點其他套餐都可以$28優惠價加配韓式拌飯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🪭醬油味虎蝦配韓式拌飯套餐選用原隻特大虎蝦 有成支筷子咁長!好誇張肉質肥厚爽口 蝦膏味濃 以香醇特製醬油醃製首先將原隻放入爐中🦐再把蝦頭 蝦身分拆蝦身燒約3分半鐘 而蝦頭就要燒大約6分鐘燒嘅時候 虎蝦味香濃撲鼻 流出滿滿的蝦膏蒜香牛油醬則燒5分鐘 沾上醬汁後昇華不少韓式拌飯色彩繽紛🍱將胡麻菠菜 泡菜 木魚絲紫菜碎及生蛋黄拌勻 加埋韓式辣醬 惹味開胃牛五花油脂均勻 輕烤至外層焦脆 油脂香四溢牛板腱則略帶嚼勁🥩烤至肉心熟成 肉味濃郁按喜好蘸醬料 配搭和風湯及泡菜/迷你沙律CP值高 非常豐盛滿足 新一年定能豐衣足食·🧨三部合奏套餐唔食牛肉嘅朋友 十分推薦這個新·三重滋味有齊豬五花腩 豬頸肉 雞腿肉 滿足不同肉望豬五花腩肥瘦相間🐖油脂豐腴 口感軟腍將兩面燒至金黃帶點焦香 配搭沙律吃一流豬頸肉好厚切🥓肉質比一般更爽口 Q彈多汁個人推介沾辣味噌醬/蒜香醬油 解膩又惹味雞腿肉肉質嫩滑🐓雞皮燒至金黃 帶焦脆口感加點鹽和胡椒提出鮮味 300g份量吃得真爽
continue reading
今日同friend出咗沙田,去咗新城市廣場一期嘅燒肉like食lunch。我哋去到嘅時候大概十二點,出面好多人等位,我哋拎完飛之後等咗大概半個鐘至入到去。店舖內有二人枱,四人枱,中間有兩排高腳枱櫈。枱下有收納架可以放隨身物品。店內全部都係手機qr code掃描下單,下單後電子支付。我哋點咗一set牛五花&豬五花腩套餐(100g)同一set牛五花&豬五花腩套餐(200g),每set可以配一份沙律/泡菜、一碗湯、一碗飯(小飯/中飯/大飯)。燒牛五花和豬五花腩都好食,枱上有多款嘅醬可以配搭,沙律味道亦唔錯。整體嚟講係一間性價比高嘅燒肉店。
continue reading
You may be interested in