80
5
1
3-min walk from Exit A2, Sheung Wan MTR Station continue reading
Telephone
35656129
Opening Hours
Today
12:00 - 15:00
18:00 - 21:45
Mon - Sat
12:00 - 15:00
18:00 - 21:45
Sun
Closed
Public Holiday
12:00 - 15:00
18:00 - 21:45
Public Holiday Eve
12:00 - 15:00
18:00 - 21:45
*Last Order Lunch: 14:30 Dinner: 21:00 / 22:30
Payment Methods
Visa Master AlipayHK Alipay Cash AE JCB
Other Info
10% Service Charge
Spot payment
Review (93)
情人節碰巧又是年初三,今年卻是非一般的農曆新年及情人節。由於所有餐廳晚上六時後禁止堂食,對於餐飲業來説,無論中西日韓式餐廳,等同白白失去了每年一度的晚飯黃金檔期。苟延殘喘的餐廳為了稍為補償過去幾個月喪失了的生意額,只好盡量利用這個黃金檔期的午飯時段,甚至安排了兩至三輪生意 ⋯⋯ 但第三輪就要去到三點,午餐變成下午茶!聰明又有計劃嘅小編,梗係提早訂位,搶到了最好時間嘅第一輪:中午12:00至1:30。今次揀嘅係「Yakiniku Great」總店,位於上環,地點唔算優越,附近既沒有高級寫字樓、也不是食肆集中地。反而分店座落中環砵典乍街,雖然離開核心寫字樓地段稍為遠一點,但毗鄰大館(即前香港警察總部及域多利監獄建築群)及砵甸乍街(即石板街)等香港法定古蹟及一級歷史建築物,地理位置更配合餐廳的市場定位 ⋯⋯ 只是分店室內環境不太符合小編一家大細。作為高級日式燒肉店,「Yakiniku Great」面積唔大,這樣才能保證每位客人的優質服務。為了增加視覺上嘅空間感,牆壁上鑲嵌了一組鏡子。裝修風格唔似傳統日式燒肉店,沒有古樸風情的木枱木凳及暗黃燈光,以暗灰作為牆身主色,帶出摩登簡樸的感覺;用日文用語,就係洋風裝修。餐廳其中一邊是燒肉吧枱,每兩位客人分享一個明火烤爐;另一邊就是二人或四人餐枱。餐枱密度偏高,空間感略嫌侷促,唔太配合餐廳定位。燒肉吧枱對上畫了一幅日式燒肉「庖丁解牛圖」,只算是基礎入門版本;記得之前在日本某燒肉店見過一幅仔細程度複雜兩倍以上的圖樣。除了圖畫,四周牆柱亦掛上了多塊小木牌,寫上和牛不同部位的日文,貫徹日式燒肉店的環境,亦擺明主打日本和牛。全英文的餐牌,似乎要兼顧高消費能力的外籍客人。根據店員介紹,上環總店客源主要係家庭及朋友聚會,裝修較為簡潔。中環分店則裝修時尚,全部吧枱座位,目標客源係情侶;侍應待在吧枱後(同時也是開放式廚房)全程為客人燒烤,更貼近omakase 的佈局,可以比擬鮨店的廚師發辦,套餐及單點定價也更貴。特別日子預咗係指定餐牌,正常日子嘅套餐及單點餐牌一律收起;不過,仍然有一些單點燒肉供客人追加。唔知道是否疫情原因,餐廳唔可以放過任何一輪生意,抑或真係貼心考慮;竟然俾我們一家三口佔用兩組座位,但只需點兩份套餐。有兩款套餐供選擇,分別在於六款或七款稀有部位和牛,及各有一款不同的廚師推薦皇牌菜式。既係情人節、又是農曆新年,索性食得豪一點,揀了Valentine’s Day ultimate omakase ($1150)。嚴格來講,其實唔算係廚師發辦(同鮨店廚師發辦比較),因為廚師不會因應客人喜好而調整食材。食燒肉一定有醬汁,配合Valentine’s Day Omakase 的食材係酸汁、淡口燒肉醬油及濃味燒肉醬油;靚女侍應話所有牛肉已經適量調味,不蘸醬汁也可以。先來一杯餐前酒。唔係太鍾意飲酒,靚女侍應介紹咗個 cocktail名都唔記得。酒精度唔算高,飲落去酸酸地,應該加咗檸檬汁及少少糖水。作為開胃餐前酒相當合適,尤其是要應付接着而來充滿油花的日本和牛。之後嘅沙律就有啲普通,只係生菜、青瓜加少少合桃碎。和牛盛宴開始。第一道是Wagyu Negitoro Sushi。壽司不能缺少醬油,要對付這件非一般的壽司,餐廳好細心,採用用完即棄的膠吱咀,不會因為蘸醬油而弄散壽司上面的wagyu toro。吱少少醬油,再用紫菜包著這件造型一般的壽司,大啖咬落去。牛肉溫度稍凍,入口感覺唔太理想。始終是肉類,即使已經係免治和牛,油脂仍是半固體狀態,在沒有受熱情況下,入口沒有預期的油花四濺。同樣是生牛肉,味道及不上西餐的beef tartare,Wagyu Negitoro Sushi 缺少了室溫、鮮甜肉味及咬口。情人節特別版的ultimate omakase共有七款和牛燒肉。餐廳會定期更替、入口不同來源地的日本和牛,近期就採用鹿兒島牛。叫得ultimate,全部七款和牛都是稀有部位。為方便客人認清名稱、然後追加,每送上一款牛肉都有一個小紙牌介紹,並會寫明建議的燒烤時間,保證食到最美味的和牛燒肉!第一輪燒肉共有三款不同部位的和牛;左邊是Shakushi(しゃくし),中間是Fillet(ビレ),右邊是Uwa Misuji(うわみすじ)。另外還有一塊和牛肥膏,用來塗在烤爐鐵板上面,以免烤肉時鐵板黏著牛肉。Shakushi(しゃくし或三角バラ)是由牛肩膊取出的霜降部位,侍應建議蘸少許酸汁,以感受最原始的和牛油花美味。雖然中環總店的吧枱設計並不方便由侍應代為烤肉,但侍應仍然願意代勞。跟足instruction guide,只烤一面,7秒。入口軟滑,即溶口感的和牛香味溢滿口腔。Fillet(ビレ)是最為人熟悉的牛肉部位,即是牛柳。就算是國產黃牛或美國安格斯牛,Fillet 也是最軟、最腍的牛肉部位,低脂肪,但肉味稍淡;日本和牛也一樣,所以歸類赤肉。不愧是A5級數日本和牛,即使是赤肉,仍然見到均勻分布的脂肪及粉紅色的肉質,望見已經想即刻食落口。Fillet(ビレ)厚身,沒有寫明烤肉時間,只簡單建議medium rare,又要勞煩靚女店員。烤至兩面微微焦香,望落去好似及不上美國安格斯牛排的香脆焦燶表面。唔使用刀叉,直接用筷子夾起件 Fillet 咬落去 ⋯⋯ 原來肉汁滿瀉!肉質非常柔軟,咀嚼下完全唔覺有牛肉的纖維;牛肉鮮味再加上油香(雖然只是赤肉,也含不少油花),未食過咁好食的 Fillet(ビレ)!如果嫌Fillet肉味未夠濃,可配生蒜蓉及燒肉醬油。Uwa Misuji(うわみすじ)同樣是赤肉,位置在Misuji旁邊。今次自己燒,切得細細粒,每面烤4、5秒左右已足夠。入口質感柔軟、也有油花,牛肉纖維較明顯,肉質比不上Fillet的鬆軟,勝在肉味更濃。這款和牛要配餐廳自家即磨新鮮山葵蓉。第二輪有兩款燒肉,都加了醬油調味,而且又係薄切,夠晒入味;一烤熟不需再蘸燒肉醬油,要趁熱即刻放入口品嚐。Misuji with Tare(ミスジ)係肩胛骨內側部位的霜降牛肉(即係”拜拜肉”),喺日本是燒肉店中的王牌,分量極稀少,有壓倒性的人氣。睇見那些細密的油花,才知道甚麼叫油花佈滿牛肉。比起頭三款和牛更勝一籌,ミスジ(三筋)絕對稱得上係A5和牛細緻油花的最佳代表。跟足指示,兩面各烤3秒。入口完全不用咀嚼,肉和油完全溶化在口腔內;微熱的溫度剛剛好,肉汁及油香混和在一起的美味實在難以形容。之後的Daisankaku with Tare(大三角)是有適當油花的赤肉,與Misuji(ミスジ) 比較,目測已見Daisankaku的油花比例較少。入口軟滑,同樣不用咀嚼,肉和油已完全溶化在口腔內,優勝之處就是肉味較香。個人較鍾意Daisankaku(大三角),油花及肉的比例較平均,比Misuji(三筋)美味 ⋯⋯ 小公主也有同感,兩款各試食半塊之後,嚷著要追加一碟Daisankaku。食到第五款和牛燒肉稀有部份,開始明白點解好多款都是薄切;如果切得太厚的話,油花成份實在太高,即使如何美味、如何油香四溢,也會太油膩,影響美味程度。連食六道和牛菜式,來過海鮮調劑一下。Scallop with Butter and Tare sauce(牛油醬油煮帆立貝)都算係最受歡迎的日式爐端燒海鮮之一,美中不足只用了冰鮮日本産帆立貝,並非連殻活貝。2L級大小的帆立貝浸在牛油及醬油內煮至七成熟,肉質保持柔嫰;咬落爽口彈牙,味道鮮甜,加上盡吸牛油的香濃及日式醬油的調味,是最好味的忛立貝烹調方法之一。整個套餐唯一的烤蔬菜只有一隻半風乾日本椎茸(しいたけ)。先略烤椎茸的傘冠,然後反轉烤至全熟。期間不要再反轉,如果唔係就會倒掉所有烤菇時滲出來含菇香的水份。小公主愛吃烤雞肉,同場加映Saga Chicken Thigh 佐賀産雞腿肉($98)。一來A5和牛實在太過出色,雞腿肉給比下去。另一方面,雞腿肉似乎尚未完全解凍,有點硬;即使燒熟後質感同樣偏硬、肉質太爽口彈牙,缺少了小公主最愛的嫰滑口感。可能因為是地雞,脂肪含量較少。Tougarashi(とうがらし)係由肩膊至前腿取出、只有約2kg的優質赤肉。跟據指示,同樣也是兩面各烤3秒。由於沒有預先加入醬油調味,食法要浸淡味噌清湯。鹹香、濕潤、加上燒烤的肉香;雖然同樣是浸在湯內,但並不似涮涮鍋しゃぶしゃぶ的清淡原味。Tougarashi 有點似 Daisankaku(大三角),但肉質纖維就稍為明顯。食完件和牛,當然連湯都不能放過;浸過和牛的味噌湯,多了和牛的油脂香氣,有點似牛肉味增湯,一口氣喝完。到了第七道和牛菜式Uni Chateau Briand Don,也是整個套餐的亮點。食材非常豐富,既有和牛、又有海膽,睇見已經知道冇可能唔好食。作為重點菜式,靚女侍應再次出動席前炮制。Chateau Briand 指從Fillet最中心切出的極上部位,最佳的品嚐狀態也是medium rare。有最優質的牛柳部位,就要配搭特別炮製的肉汁。先用牛骨、牛肉、蔬菜熬煮原始肉汁(brown sauce),之後再加入白酒、牛油、檸檬汁、香蔥、香草等材料在小鍋翻煮成Chateau Briand sauce。將煎好的Chateau Briand 鋪在白飯上面,然後放上海膽,最後灑下蔥花;顏色鮮艷亮麗,引人垂涎三尺。這碗日式丼將日本陸上及海中各自最美味的食材(和牛及海膽)匯聚一起,可說是日本丼的王者;可能比北海三色丼、海膽丼更加美味!海膽雖然鮮味濃郁、又有濃厚海水味,但一旦與其他肉類混在一起進食,味道就會被奪走;所以,先食海膽,味道一貫的鮮甜。之後就品嚐Chateau Briand,食之前蘸一點小鍋內的秘製醬汁,倍添美味。肉質較Fillet(ビレ)更柔軟、更多肉汁。一啖肉、一啖飯,實在太好味!牛肉鮮味再加上油脂香氣,好想再食多一碗 Uni Chateau Briand Don。食完7款和牛燒肉,套餐安排了一小碗蕃茄冷素麵以消解殘留口腔內的滿腔油膩。檸檬、蕃茄、微酸的湯汁配搭冰涼的冷麵,正好將一股清新口味舒緩味蕾。到了最後一環甜品,雲呢拿雪糕燒餅先用火槍稍為燒焦表面才奉客,賣相加分。再望真啲,原來並非一般燒餅,而是雲呢拿雪糕紅豆蓉糯米糍燒餅!炮製方法一點都不簡單,相信是自家製作。燒餅皮之內是一個壓扁了的超大雪糕糯米糍,餡料除了雲呢拿雪糕之外,還有原粒紅豆及紅豆蓉。既有紅豆蓉的甜膩及豆香,又有雲呢拿雪糕的清新香草氣息,加上煙韌的糯米糍澄麵皮;好少日式甜品做到這種啱非日本人口味的美味。今日共食了八款不同部位的A5和牛,就算是赤肉都有油花;如果講到明係霜降部位,就更加不得了,油花含量最少六成。將食了落肚的八款牛肉加起來,重量也不算太多,但食完最後一道燒肉,已經飽飽滯滯到差啲食唔落。「Yakiniku Great」中環總店的裝修看似簡樸,但人均消費(連加一)就$600起跳,應該都係香港最貴的日式燒肉店之一。不過,和牛質素及味道確實很難挑剔,加上優質服務,值得肉痛地去幫襯及享受。唯一諗到要改善的地方,廚師要考慮加多一點蔬菜,以調劑一下和牛的油膩感就更好。 continue reading
𝘠𝘢𝘬𝘪𝘯𝘪𝘬𝘶 𝘎𝘳𝘦𝘢𝘵 @ 𝘚𝘩𝘦𝘶𝘯𝘨 𝘸𝘢𝘯 - 𝘧𝘪𝘳𝘴𝘵 𝘵𝘪𝘮𝘦 𝘵𝘳𝘺𝘪𝘯𝘨 ‘𝘸𝘢𝘨𝘺𝘶 𝘰𝘮𝘢𝘬𝘢𝘴𝘦’❗️👧🏻_上個月因為政府再次降低餐廳入座率到50% 搞到成個月前book定嘅餐廳喺娟娟生日前幾日先打嚟話要取消我哋嘅Booking😿😾因為得翻幾日時間所以我就起勢咁喺OpenRice搵唔同類型嘅好西 逐間餐廳打電話 最后俾我係唔打唔撞嘅情況之下搵到呢一間以高質特別部位嘅和牛同埋可以選擇omakase set嘅燒肉餐廳🙀😽🌟𝘌𝘹𝘦𝘤𝘶𝘵𝘪𝘷𝘦 𝘖𝘮𝘢𝘬𝘢𝘴𝘦 - 𝘗𝘳𝘦𝘮𝘪𝘶𝘮 5 𝘒𝘪𝘯𝘥𝘴 𝘰𝘧 𝘚𝘱𝘦𝘤𝘪𝘢𝘭 𝘙𝘢𝘳𝘦 𝘤𝘶𝘵 $580 𝘱.𝘱.3 𝘬𝘪𝘯𝘥𝘴 𝘰𝘧 𝘚𝘱𝘦𝘤𝘪𝘢𝘭 𝘙𝘢𝘵𝘦 𝘊𝘶𝘵𝘴 - 𝘊𝘩𝘦𝘧 𝘙𝘦𝘤𝘰𝘮𝘮𝘦𝘯𝘥𝘢𝘵𝘪𝘰𝘯𝘴𝘝𝘦𝘨𝘦𝘵𝘢𝘣𝘭𝘦𝘴 𝘰𝘧 𝘵𝘩𝘦 𝘥𝘢𝘺 𝘚𝘱𝘦𝘤𝘪𝘢𝘭 𝘙𝘢𝘳𝘦 𝘊𝘶𝘵 𝘸𝘪𝘵𝘩 𝘖𝘳𝘪𝘨𝘪𝘯𝘢𝘭 𝘋𝘢𝘴𝘩𝘪 𝘚𝘰𝘶𝘱“𝘒𝘪𝘮𝘶𝘳𝘢𝘺𝘢𝘬𝘪 𝘋𝘰𝘯”𝘋𝘦𝘴𝘴𝘦𝘳𝘵 𝘰𝘧 𝘵𝘩𝘦 𝘥𝘢𝘺 *𝘖𝘮𝘢𝘬𝘢𝘴𝘦 𝘸𝘪𝘵𝘩 𝘮𝘪𝘯𝘪𝘮𝘶𝘮 𝘰𝘳𝘥𝘦𝘳 𝘰𝘧 2 𝘴𝘦𝘳𝘷𝘪𝘯𝘨𝘴*成個過程入面職員會詳細講解成個上菜同食用嘅先後次序 同埋每一道菜/和牛嘅位置同埋每種和牛燒嘅時間、方法、配邊種醬汁同埋佢他食用方法等等❣️起初以為會有職員全程幫你燒 但係原來唔係嘅 佢只係會示範燒第一道special rate cut同埋左後嘅Kimurayaki🙌🏻不過放心佢哋會喺你附近隨時隨地解答你嘅問題甚至幫你 完全唔需要擔心overcook😽😻首先佢地會上左一個燉和牛作為一個前菜 望落好似一啲普通嘅咖喱牛腩大食落就好似以後油脂分布平均啲同肉味香濃嘅和牛牛腩 一般般啦🙌🏻但係由個special rare cut就好有驚喜喇😻3件special rare cut都有佢哋嘅獨特之處 共同點就係每一件油脂分布都好平均 完全做到入口即溶嘅效果 而且非常柔軟滑嫩 牛味好重😽最深刻嘅第三舊 係牛byebye肉嘅位置 前兩舊主要係以油脂分布高而令到佢入口即溶 而哩舊食落相對冇咁多油脂 但啲肉質超軟綿綿 好似食緊和牛棉花糖咁❣️🙀肥Glor真係第一次食啲肉質咁特別嘅部位🙉至於個Kimurayaki Don就唔使講啦 相信有試過和牛嘅大家應該會試過和牛西冷有幾鬼正😻會變小2秒放喺個飯上邊再加隻生雞蛋黃同蔥 然後再輕輕拮穿佢咁就可以食喇🥰overall我都覺得好滿意 之前詢問處使唔使家事餅費佢哋都話唔需要 去到仲好友善幫我地擺好個蛋糕 如果開翻晚市一定會去試吓佢個dinner omakase😽或者試下soho branch❗️ continue reading
(The above review is the personal opinion of a user which does not represent OpenRice's point of view.)
Level2 2021-06-13
0 views
放假想吃得好一點就選了omakase 極包了前菜和7款和牛第一塊同最後一塊會有人幫忙燒🍴燉和牛前菜是燉和牛 牛肉燉得軟爛入味🍴Yakisashi(三角筋)店員代燒 燒得剛剛好肉質特別滑和軟熟🍴Ultimate sirloin(牛後腰脊肉西冷)這款牛肉較前面的牛肉厚油脂分佈平均蘸上一點蒜蓉和醬汁吃更美味🍴Maru shin(牛腿芯肉)個人最喜歡這款牛肉 切成條狀燒至半熟 咬下去油脂十分豐富牛肉柔軟細膩 肉味香濃 在口中融化🍴Misuji with tare(牛肩胛內側肉)餐廳比較受歡迎的一道油脂分佈平均 濕潤多汁🍴Daisankaku with tare(膊頭三角位)看上去較瘦吃下去卻非常柔軟 牛味濃 吃到牛肉的甜味🍴Tougarashi(肩胛里肌)燒完後會浸入木魚湯內吃熱湯解了和牛的膩🍴Uni Chateau brand don(牛腰內肉的菲力)是日重頭戲就是這個菲力海膽丼牛肉肉質嫩滑而脂肪不多店員介紹這部位一頭牛只有3% 非常珍貴加埋甘甜的海膽同吃 滋味無窮這餐非常滿足吃了很多種類的和牛雖然價錢較貴但偶爾需要獎勵一下自己一個月又完結了 新一個月再努力吧 continue reading
(The above review is the personal opinion of a user which does not represent OpenRice's point of view.)
因為男朋友生日,所以就揀咗尼間高質既和牛餐廳帶佢去食,尼到既和牛質素同服務態度都一流,值得推介比想慶祝生日or週年既人!👍🏻我地嗌咗Omakase 極 (KIWAMI) $820 Set , 套餐已包7款稀有部位既和牛,再加和牛壽司 $30 一件 。餐廳職員除咗第一款和牛和最後一款和牛會燒比客人食之外,其他都係客人自己燒的。放心!每款和牛都有牌子 上面寫咗唔同和牛的燒烤需時,所以大家唔怕燒過龍同燒得唔好食🤪1.Shakushi (左)2.Fillet(中)圖中既菲力非常厚切,因為係赤身肉所以望落好似無霜降和牛咁吸引,食落都無咁腍,但肉味好濃郁3.Misuji Briand👍🏻 (右)同Fillet 一樣係厚切赤身肉,但佢係從Uwa Misuji旁邊取出嘅超少量赤身肉部位,超級稀有,所以食落肉質非常軟嫩,比Fillet 更美味。4.Misuji👍🏻 (上)肩胛骨內側的肉,被視為一種夢幻稀有肉質,餐牌都有寫限量提供!油花雖不多但吃起來肉味濃郁且入口即化😍5.Tougarashi(下)6.Kurisankaku和牛輕輕一燒配上高湯食用的,可能配湯食既關係 牛味唔算太突出和有驚喜🤭7.Uni Chateau Briand Don👍🏻成餐飯既戲肉緊係Uni Chateau Briand Don,Chateau Briand只估全條牛柳的3分1 ,份量極少,店員將Chateau Briand烤至半熟,配上北海道新鮮海膽製成的碗飯,口感軟嫩豐厚,齒頰留香❤️🤤整體而言,和牛質素真係好高質,好食到想再Encore🤤下次黎一定會試其他稀有部位既和牛 continue reading
(The above review is the personal opinion of a user which does not represent OpenRice's point of view.)