115
1
4
Opening Hours
Mon - Thu
11:00 - 22:00
Fri - Sat
11:00 - 22:30
Sun
11:00 - 22:00
Public Holiday
11:00 - 22:30
Above information is for reference only. Please check details with the restaurant.
Recommended Dishes
琴晚同朋友一行3人黎打邊爐，本身門口望入去，見到得個雪櫃仔放邊爐料，都唔係太大期望。但志在同朋友傾下計，咁照入啦。但估唔到服務都幾差下。-90分鐘放題，我地20:10入座，21:00要加湯既時候個呀姐西晒面，一野倒啲湯落煲入面，語氣勁差咁：「我地就黎收舖架喇！」我同朋友們都黑人問號，仲有成40分鐘wo!-冇人執枱：成間舖得幾枱客，啲呀姐眼望望又唔執枱，成枱都堆滿晒吉碟。-就夠鐘既時候，其實我地已經一早熄晒爐食緊雪糕，然而當我地執緊野打算走既時候，個呀姐再一次走過黎催：你地夠鐘交枱啦！（其實只係遲左一分鐘⋯間舖仲有其他客人遲過我地黎，所以應該冇咁快收舖🙄食物：-啲天婦羅同炸物有燈照住都係凍既-邊爐料得啲丸類，唔食丸既基本上冇野好食-壽喜燒啲蛋打三隻有兩隻都係壞，出面仲好多雞屎，應該唔係日本蛋結論：-埋單$198其實去返牛X嗰啲仲有禮貌+乾淨-想受氣既咪繼續黎食，包你後悔Ps. 朋友食完即刻肚痛，我就唔知關唔關事啦
continue reading
日式甜鼓油湯底加牛簡直係世界上一大發明！其實好難唔好味，因為呢個甜甜地嘅湯底，加埋越打越出既牛味，肉味濃郁有層次，不過⋯⋯👉🏻 湯底太稀👉🏻 打左好多牛都係唔太濃味👉🏻 牛肉同其他日式邊路嘅牛肉質量差唔多，都唔會期望過高，但可以啦👉🏻 基本上都唔係好食得出牛同埋豬嘅分別👉🏻 熟食有串燒、壽司，壽司好明顯唔會夾啦，串燒係凍嘅👉🏻 炸饅頭OK；炸薯角都OK👉🏻 8:30pm後入座每位減$20，9:30pm last order, 10pm要走👉🏻雀巢細杯裝雪糕其實只要個湯底唔好偷工減料，基本上呢啲餸都唔需要點樣好新鮮，呢個煱就會好味，但⋯ 佢做唔到。日牛會好味過佢
continue reading
喺團購見到幾抵，再上嚟睇吓食評見午巿178有刺身，炸物，串燒，壽司，又有火鍋，即刻約朋友嚟試。大概兩點左右，只有兩枱客人，餐廳都幾大，樓面只有一個職員，不過好有禮貌。坐低叫咗個壽喜燒鍋底，睇吓自助吧，原來除咗刺身，熟食同壽司都喺喺外面，得幾款，另有雪櫃分別放火鍋配料，飲品同雪糕。刺身，牛，豬，海鮮係用Qr code落單。我自己感覺就當係嚟食刺身，火鍋嘅食材真係一般，同幾個月前嘅食評真差距，不過服務都幾好，唔只收碟勤力，落單後好快就有。用QR code落單嘅食物：刺身都可以，有9-10款，落幾多比足。牛肉同豚肉真係勁薄，兩款都一般。海鮮：蝦，東風螺，蜆，魷魚，花膠片，元貝仔，無咩鮮味，花膠仔都幾滑，不過太細粒，除咗花膠仔有再落單，其他都無。自助吧：沙律唔知係唔係要自己落醬汁，無味。壽司都可以。燒物同炸物真係好少。火鍋配料：飲品選擇都幾多。飲品櫃有擺甜品，牛奶布甸幾香滑。雀巢雪糕。
continue reading
今日(21)睇左食評先去，點知中伏！去到約12:30只見一㭘客，己心知不妙！但都黎左咪入去試下，首先企係門口冇人招呼，約一分鐿先有個女侍應咬住支雪條行入黎問我幾位？然後－路食住支雪條－路带我入座，我就叫左138餐食90分鐘，後發現成問铺就只有－個侍應就係雪條妹｜咁叫左意米湯底，出去睇下有咩食，嚇左－跳，菜得油麥菜(好細條)同唐生菜，睇樣吾新鲜，菰類得花菇和鲜東菇，其他丸類放左一個有趟門冰柜内，非常少種類，同埋有趟門食物柜只可容一個人去夾丸，趟門闊度约兩個家庭雪柜咁闊，我真係吾知多個一個人點去夾野？ｌ炸物全凍及無refill，有Ｄ仲係得番Ｄ吉碟放係度！食$138牛肉可以話比大家聽你地去街市買40.至50蚊磅牛肉仲好食個佢我話比大家聽佢地Ｄ牛肉一碟面有兩種肉色，－種係淡紅色，另—種係淡肉色(好似人皮膚咁色)第－轉兩碟都係咁，放左落湯大部份都會散，即係你夾一片牛肉落去，夾起時得番半片或更少，超吾新鮮，完全無味，超伏！豬肉好ＤＤ食左－轉吾食叫埋單，雪條妹吾理我？再三叫埋單原來係度傾電話，拎張單黎仲夾住手提係度傾，真係把幾火，出左門口去隔離陳記燒鵝食左午市套餐填飽個肚先走我都吾明係openrice點解咁多好評？食飯時間得一枱客就知伏，但我諗吾到可以伏到咁！！！
continue reading
海鮮、壽司、燒物及火鍋肉類等種類款式少到離譜（無正式餐單提供）,服務員不實介紹,要客人用 QR code 睇食材,每位 $2百幾蚊都唔需要 1 小時就無嘢可食,浪費金錢及時間,仲慘過去大XX食嘢,食完心情更差...
continue reading