Yadllie Plate 야들리애플래이트 (兆萬中心)

之前同朋友嚟食過晚餐，今日lunch time比較充裕啲時間，所以同同事揀咗呢間，今次可以慢慢嘆！！環境一流，而且空間感十足，兩個人都俾你坐四個人嘅卡位，坐得好舒服！最重要係冷氣好足，又播住K-pop，有種錯覺去咗韓國咁🤣玫瑰牛肉砂鍋湯麵 $128呢個係一個午餐set，所以仲有湯，四個前菜，飲品🤭性價比高咼😘個樣睇上去好creamy，係有奶白湯咁，但食落一啲都唔heavy!麵質好正，係粗粗地又有咬口！！不過建議如果鍾意食，晏啲就要早啲食，因為石頭鍋令到佢會繼續有煮緊嘅效果😂牛肉都好高質，肉紋好清晰！唔會太肥👍🏻八爪魚煎餅 $138超好食！煎到外脆內軟，同埋有啲蔥喺度令香氣味道增加💕八爪魚係粒粒，唔會太難咬！佢仲配咗兩個醬，紅色嘅係甜酸辣都有嘅味道，好得意！黃金蒜香炸雞 $198去韓國餐廳點會唔食炸雞😆呢個係佢嘅招牌菜！蒜香味十足，唔會太過肥膩！仲有檸檬減肥膩感😌側邊仲有啲蝦片同番薯條，都幾飽下芝士蟹子蛋捲 $135蛋捲上面有茄汁同芥末汁🤭入面包住勁多芝士同蟹籽🥶好鬼正！！！一啲都無手軟，落超多呀！！！！…查看更多

「Cp值超高嘅韓國料理🇰🇷」係旺角有間好出名性價比又高嘅韓國料理一直都好想去試下佢嘅炸雞🍗今次就同frd一齊去食下dinner🌟半半炸雞 $218*大邱辣醬*首爾醬油一上檯已經卑佢嘅份量嚇左一跳！半半炸雞可以選擇兩個口味仲會搭配埋大量蕃薯條！！整體調味甜甜地又唔會油膩炸雞好脆好香 口感特別 嫰滑得黎又唔會過柴食落去比一般炸雞更上癮！🌟八爪魚煎餅 138每次食韓國料理都好鍾意叫煎餅呢間煎餅煎炸得好合心意炸得酥脆 入面配料好多 八爪魚口感q彈 口感比較豐富🌟火炙牛肉 $98牛油味好香好厚重肉質鮮美多汁🌟玫瑰牛肉炒年糕 $135勁多芝士好似瀑布咁！！每一啖都食到芝士香味年糕軟軟糯糯 加埋啲牛肉粒超正！🌟水冷麵 $93夏天必叫嘅一道菜！面條滑溜溜又煙韌食完即刻透心涼！🌟士多啤梨雪冰 $98出面果層鋪滿士多啤梨🍓上面仲有個雲尼拿雪糕！全部都係牛奶製作嘅冰！下面仲有啲甜奶 奶味極濃！🌟暮色百香 $138🌟菠蘿米酒 $63…查看更多

朋友生日 想搵間韓國餐廳 聽講呢度唔錯最出色的地方係菜式選擇非常豐富 今次同朋友去咗旺角分店，Lunch時段勁多選擇，睇到眼花撩亂～餐廳環境舒服，服務員超級Nice，一坐低就送上Kimchi、蘿蔔等前菜，開胃得來又唔會太辣，正！-✨鐵板料理：玫瑰豬腩肉鐵板飯必試之選！玫瑰醬係近期大Hit，有韓式風味之餘又唔會太辣，好啱唔食得辣但又想試韓式口味嘅朋友。豬腩肉厚切，口感十足，喺鐵板上滋滋聲咁上枱，勁惹味！仲有幾多芝士🧀 🔥麻浦直火燒肉料理唔使自己動手燒，有服務員即席幫你炙燒，保持一定距離，衛生又方便。燒肉香氣撲鼻，肉質嫩滑，值得一試！🐔韓式炸雞絕對係驚喜之作！炸雞外皮超脆，內裏保持肉汁，甚至覺得同喺韓國食到嘅冇咩分別～今次試咗辣味，真係好惹味！另外仲有乳酪粉、黃金蒜香等口味，下次一定要試埋。一份炸雞仲配咗少少薯條，抵食程度高～記得韓國食都要百幾蚊港紙，呢度真係好合理！🌹玫瑰牛肉炒年糕另一個玫瑰醬作品～醬汁溫和，牛肉同年糕嘅組合出奇地夾，年糕煙韌有嚼勁，值得一試！🧀芝士牛肉煎餅個人極力推薦！呢款喺韓國都少見，將傳統韓式煎餅加入牛肉同芝士，食落有啲似墨西哥薄餅，但更加惹味！芝士拉絲效果一流，必點之選！雖然今次冇試到釜山石鍋湯飯，但已經飽到上心口～Yadllie Plate無論食物質素、環境同服務都令人滿意，如果朋友想食韓國嘢，我一定會推薦佢哋來呢度！…查看更多

今次同朋友嚟到旺角兆萬中心11樓嘅Yadllie Plate，晚市時段真係人山人海，幾乎全場爆滿！店內氣氛熱鬧，非常適合同朋友聚會。推介必試「驚喜二重奏」，頂級肉眼牛扒煎得啱啱好，外層微焦，肉質嫩滑多汁。原味炸雞外脆內嫩，配埋蝦片同沙律，份量足夠，兩個人share都夠飽。芝士辣炒雞由店員即席炒起，熱辣辣送到你面前，雞肉嫩滑入味，芝士拉絲香濃，每啖都邪惡又滿足。呢個極度推薦👍八爪魚煎餅用上八爪魚同大量香蔥，外脆內軟，送上兩款醬汁，一辣一唔辣，點嚟食層次更豐富。芝士蟹籽蛋捲每一啖都係爆滿芝士同蟹籽，口感非常豐富。鮮蝦沙律用料十足，蝦隻巨型爽口，配埋蘋果、腰果、雞蛋、蕃茄仔、洋蔥、生菜、粟米同芝士粉，口感新鮮又多層次。飲品方面，推介「日落流金」$138，一大jar新鮮芒果同菠蘿特飲，果香清新解膩，飲落超正！「孩子的浪漫」估計係俾小朋友食～有芝士腸、菠蘿、芝士波波同蕃茄仔，色彩繽紛又有兒時回憶。總結一下，Yadllie Plate無論主菜或小食水準都高，價錢合理，環境舒適，係旺角區想食韓式烤雞及特色小食嘅必到之選！…查看更多

萬聖節 👻，我同個friend唔知係咪太肚餓，竟然揀咗下晝4點幾呢個「下午茶唔係下午茶，晚餐又太早」嘅尷尬時間，衝咗上旺角CTMA間 YADLLIE PLATE。🔥 邪惡主菜類特種部隊鍋（芝士）($208.0) 🍲 個鍋一上枱熱辣辣，湯底夠濃，而且我哋揀咗芝士，拉絲效果超誇張 🧀！入面嘅公仔麵索晒辣湯同芝士嘅咸香，配埋腸仔、午餐肉，超級邪惡但停唔到口。蜜味乳酪粉無骨雞 ($135.0) 🍗 呢個雞必點！😍 係無骨雞鎚，炸到外皮超脆，但入面嘅肉仲好juicy。面頭灑滿甜甜哋嘅蜜糖同埋微酸嘅乳酪粉，個味道好有層次，甜而不膩，好開胃！🥞 飽肚小食類八爪魚煎餅 ($138.0) 🥞 煎餅份量好足，邊位煎得好香脆，似食緊薯片邊咁！入面嘅八爪魚粒粒都幾彈牙 🐙，粉漿唔會太厚，點埋個酸酸甜甜嘅醬汁食，味道好夾。韓式牛肉蛋捲 ($135.0) 🍳 蛋捲好厚身，睇得出用咗好多隻蛋。食落口感勁滑溜 🤤，入面捲住調味過嘅牛肉碎，蛋香加埋肉香，非常滿足。✨ Fusion 創意類卡邦尼年糕 ($113.0) 🍝 呢個係fusion菜！估唔到卡邦尼白汁同年糕咁夾！個汁好creamy，充滿濃郁嘅芝士同煙肉香，年糕咬落煙煙韌韌，掛滿晒汁，口感一流。麥芽啤酒蝦 ($118.0) 🦐 呢個好得意，啲蝦炸過，外層個漿帶少少麥芽同啤酒嘅甘香，令到蝦肉嘅鮮味更突出，係一道幾好嘅送酒小食（雖然我哋飲緊沙冰 🤣）。🥤 飲品蜜瓜沙冰 ($73.0) 🍈 超級清甜！哈蜜瓜味好出，飲落好fresh，食完咁多濃味嘢，飲啖即刻解膩，透心涼。海鹽焦糖沙冰 ($73.0)  呢杯似甜品多啲！海鹽嘅咸味平衡咗焦糖嘅甜，味道好濃郁，面頭仲有cream，鍾意甜嘢嘅朋友會好buy。整體嚟講，啲嘢食味道全部都唔錯，款式多，特別係個無骨雞同卡邦尼年糕，好有特色。YADLLIE PLATE 係一間啱一大班朋友聚會，可以試好多款唔同菜式嘅餐廳！👍…查看更多