21
79
97
3-min walk from Exit P3, Tsim Sha Tsui / East Tsim Sha Tsui MTR Station continue reading
Telephone
39710884
Opening Hours
Mon-Sun: 07:30-23:30 Last Order: 23:00
Payment Methods
Visa Master Cash Octopus UnionPay
Other Info
Wi-Fi
Review (216)
Level4 2018-11-14
702 views
黃昏 18:15 沒什麼食客真好,夠清靜,返學前醫醫肚先。內籠裝潢甚有新加坡格調,不過 food court 格調更濃,風味小食比主菜更出色。海南雞飯,食家品評十分高,真的感到那來的 4 粒星?我免強吊車尾比 2 粒。油味飯雞湯味有,雞油香沒有,蒸到濕淋淋,蒸到腍劈劈,沒有乾爽質地,沒有嚥韌飽滿,黏口漿嘴的感覺不高興。雞湯超讚,仲有菜甜味,好好飲。水門雞飯白潺潺雞件?白色烚雞鞋擘擘雞肉,微弱雪藏味,雞味險些兒被完全抹殺,還尚餘一點蛛絲馬跡。皮滑不油膩,緊貼著過熟略硬雞肉,淡淡油鹽水味,沒有雞甜雞鮮味。一家大細靠晒您喇醬汁們!幸好醬汁出色,三合一挽回少許分數!首先沾點黑糖豉油,繼而帶著薑蓉,最後掛上紅椒醬,化腐朽為神奇,味道突飛猛進,醬汁雞肉撈埋油味飯,不錯不錯。白灼生菜,穩陣灼唐生菜,沾上蠔油爽甜可口。咖椰牛油吐司,微暖送到,不是即做的嗎?第一次食咖椰,吐司非常香脆,似薄脆似餅乾,沒有多士外脆而裡面是軟塾麵包的質感。吐司跟多士根本是兩樣不同的食物嗎?牛油咸香突出,居然有練奶既?咸撞甜好好味喎。奶茶,茶味特濃,少少甜少少奶,適合不愛甜的我。糖心蛋,使我聯想兒時阿媽的滾水蛋。半熟蛋,撈上甜豉油,蛋黃甘甜無比黏黏的,蛋白滑滑的,簡單料理滿分無投訴。新加坡喇沙米線,雪藏蝦合格,有點蝦味。炸透的豆卜,較喜歡正常嚥韌的。湯夠香辣,椰味不太重,喇沙醬味濃厚,正合我口味。熟蛋正常,給我糖心蛋更好。魚片一般,何解無新鮮螄蚶呢?麵線黏黏,不過非常彈滑,一開始跟湯撈勻點夠好。麵線明顯係分開煮,最尾先落喇沙湯。隔離檯的 ABC 美女穩太黏不喜歡,整碗掉下不吃。 continue reading
(The above review is the personal opinion of a user which does not represent OpenRice's point of view.)
OK
Level1 2016-05-03
3846 views
The food quality varies depending on what you order:- The laksa noodles are good and well spiced.- The Singapore style chicken is flavoured ok but has a bit of a "previously frozen" taste about it.- The milk tea and coffee is ok.- The Kaya toast is good (but pricey).Overall the food is ok but the prices are a bit high for what you get. continue reading
(The above review is the personal opinion of a user which does not represent OpenRice's point of view.)
Level2 2016-04-17
3110 views
亞坤新開張既時候,門口經常要排長龍,過左一排,而家周末去食都唔洗等位了。香港人就係咁架啦。當然,冇人排都有佢原因既。新加坡菜係香港唔算太大路。香港人貪心,鐘意menu多選擇,所以大部分做得長既賣新加坡菜既餐廳都另外有其他東南亞菜加入menu。亞坤單以新加坡菜打入香港飲食市場,菜單選擇方面的確係輸蝕,亦贏唔到香港人既心。而食材與味道方面亦未見出眾。講到咁,但我依然會間中幫襯。一黎,我喜歡新加坡菜,簡單不heavy. 二黎,亞坤位置好,而係尖沙咀黎講可以walk in就坐底仲唔迫唔嘈。三黎,平。呢一晚不太肚餓,想食一d light d既野,就諗起亞坤。叫左以下:熱茶加糖係我每次黎亞坤都會叫既飲品。呢個係跟餐的,加兩隻蛋同埋多士。星馬既食法,蛋係會加老抽同胡椒粉,蛋係半生熟的,雖然冇咩難度但都未見有失準。多士有多款可選,而我最喜歡既反而係呢個鮮油糖多。多士係做得出色的,薄薄的,夠脆口。鮮油夠香,加上糖食落口感豐富。Laksa唔係容易煮得好食,所以通常呢個菜式就可以見真章。亞坤既Laksa係普普通通,不是出色的。材料方面唔覺得新鮮,蝦亦似訓左覺既,而且冇蝦殼,所以湯亦冇蝦味,反而椰香味比較重。辣味適中,但都係唔夠香。兩個人,食得輕鬆平平地又一餐。其實香港就係需要多d唔同類型既餐廳,多d唔同既選擇,奈何租金決定了大部分食店既命運。希望亞坤可以係香港捱得住。 continue reading
(The above review is the personal opinion of a user which does not represent OpenRice's point of view.)
Level1 2016-03-24
2491 views
前兩日,和友人行經尖沙咀,發現這間亞坤,就大膽地決定嘗試嘗試! [檸檬薏米水]朋友說,這杯檸檬薏米水帶微酸,非常好飲。從顏色及薏米的軟度來看,的確是經過長時間的真料實料煲煮。[新加坡海鮮叻沙] 這碗新加坡咖哩叻沙香味十足,但湯頭卻不是那種偏咸偏濃稠,而是帶椰香的淡咖哩湯汁。雖然海鮮配料豐富,但因為香料的關係,沒有太大的腥味。最令人驚喜的是粗米粉,非常爽口,將整碗叻沙的油膩度降到最低。[咖哩雞飯]咖哩的香味仍然十足,少許的椰香,帶上少許辣椒油,微辣而香滑。雞塊煮得十分軟熟,甚至可以說是爛熟,用叉一切就肉骨分離。可惜雞肉沒有用合適的醬汁烹製,空有軟爛的質感而只有咸味。另外,白飯亦過於軟身,淋上咖哩汁後口感全失。 [咖哩雞麵]與上面咖哩雞飯的醬汁一樣,但配上類似油麵質地的麵,令整碗麵變成頗為油膩,可能轉成粗米粉會更好! [咖椰球]坦白說,這個甜品小食令人失望,沒有椰奶和香料的味道,只有蛋味及甜味,口感和味道與一般雞蛋仔差不多。總結來說,咖哩夠香滑,叻沙的粗米粉驚喜十足,或者下次會再來試試特色飲品及吐司。 continue reading
(The above review is the personal opinion of a user which does not represent OpenRice's point of view.)
Level4 2016-03-23
1282 views
佢既都好香 唔會好辣 佢看似好油其實食落去唔會 佢呢隻麵質好滑 好彈牙 雖然好似好普通一碗麵 不過佢呢隻湯低係好香好特別 好香既蝦味同豬肉味 不過佢既配料唔多 得半隻蛋 小小牙菜 同兩舊好細既豆卜 佢冇得加餸 真係飲佢既湯為主 本身我仲叫左個芝士蒸麵包 佢既芝士好夠多 麵包好軟屬 因為佢整左幾層 口感好正 熱辣辣好好食 佢既芝士似我地一般買一塊塊個隻芝士味 不過主要係佢個麵包好正佢呢間係半自助形式咁 你入去自搵位 之後去落單 落完單佢會比個鍾仔你拎返埋位 之後佢一嚮就會有人幫你拎野食黎 不過都好方便 因為我覺得咁樣仲快 同埋佢本身d座位都好好座 唔會座到好逼 continue reading
(The above review is the personal opinion of a user which does not represent OpenRice's point of view.)