圓鐵板燒

Open Now

Now Closed

今日同朋友去 food 午餐🍽️ 發現有間平價鐵板燒，一於試下先😋選左🐓雞肉 set 有菜🥬，湯🥘，肉同野飲先上一份蒜蓉油麥菜，好野味之後雞肉在熱燙燙嘅鐵板上燒，配上黑椒，鹽、好好味😄價錢唔貴，食得滿足！👍👍👍

行過見到呢間鐵板燒嘅午市套餐好似幾抵食，七十幾蚊最平嘅餐，全部都包嘢飲，一碟時蔬，同埋白飯，所以就入去試下我哋分別叫咗一個羊肉同埋一個牛肉，唯一一點我覺得唔係太好就係佢所有套餐都係配黑椒汁我哋叫嘅牛肉同埋羊肉都係切片嘅肉, 肉質都唔錯，唔會好鞋亦都冇筋，張相嘅樣好似好核突，但係其實食落係唔差嘅，只不過我本人唔係太鍾意黑椒汁，所以下次諗住叫佢走汁，因為其實佢煮嘅時候有落鹽所以係夠味道嘅，另外隔離有啲鐵板魷魚，魷魚我就覺得好韌，好似煮得過咗火，但係整體嚟講連咗加一八十幾蚊有嘢飲又有菜又熱辣辣喺你面前即刻整，喺尖沙咀嚟講真係好抵食

大食代一层楼好多好吃的，选了台式铁板烧这家，上菜速度挺快，面对面看厨师做饭很有食欲！虾很有弹性，煎蛋很好吃，炒时蔬很下饭，鱼扒很嫩很香，还有牛柳，味道也很正宗，两个人吃两个套餐300元很划算

平日你晏晝嘅時候，都會自己一個諗唔知食咩好，但係好在Office喺海港城，發現新港中心有超級多選擇跟住食呢間鐵板燒午餐已經好幾次，佢嘅Menu係會有肉類牛肉啊豚肉嗰啲，今次就試試佢條魚，又發現唔錯，推薦大家去嚟食呀

不錯的感覺 不貴 味道不錯 ，但飲料只有罐裝可樂等沒有凍檸茶🥹 而且套餐是包括甜品的該沒有送給我們🥲 但還是不錯我鐵板燒，中午如經過值得再來。吃完身些的味道不重可以接受。

今日去咗位於尖沙咀嘅鐵板燒開餐，叫圓鐵板燒，有好嘢食又有廚師表演！我哋嗌咗二人套餐，一開始有鐵板炒時菜，勁大碟，而且炒得好香口！之後係西京燒比目魚扒，味道香甜，而且保留魚汁，推薦！再之後係牛油燒汁阿根廷大蝦配雜菜，d蝦膏好香濃同埋好大嚿蝦肉好正！之後牛油香煎黑椒鮑魚有香蔥同埋蒜蓉調味，好好食！再之後係牛拼盤，有美國安格斯牛、澳洲和牛同埋宮崎和牛。個人推薦宮崎牛，牛味勁濃！之後嘅炒飯，我哋揀咗海鮮炒飯。海鮮包括帆立貝、魷魚同埋蝦。鐵板炒既飯好香，特別好食！最後特飲我哋揀咗珍珠奶茶同埋蜂蜜檸檬綠茶。佢仲有碗海帶蛋花湯俾我哋飲，不錯！

聖誕去咗食台式鐵板燒🙌詳細出左片係YouTube 啦（表演炒啊炒🫣🫣）二人套餐超抵只需$738套餐包兩杯特飲 我哋揀咗珍珠奶茶同埋蜂蜜檸檬綠茶 仲有熱辣辣的海帶蛋花湯！第一碟係鐵板炒時菜 驚喜位係分量超多！竟然一人一大碟😳😳第二碟係西京燒比目魚扒 醬汁甜甜地好特別！個人幾喜歡👍第三碟係牛油燒汁阿根廷紅蝦配雜菜 四隻大頭蝦啖啖肉 而且超級多蝦膏 第四碟係牛油香煎黑椒鮑魚 已經拆咗外殼 可以一啖食咗佢😚😚上面有薑蔥同蒜蓉調味第五碟係主角牛拼盤 有宮崎和牛，澳洲和牛同埋美國安格斯 本身已經好夠味 額外調味料未必需要啦 都幾juicy 最後可以選擇和牛炒飯或者海鮮炒飯 我哋揀咗海鮮炒飯分別有帆立貝，蝦同埋魷魚呢三款海鮮 飯粒分明～因為聖誕節餐廳更送上小禮物 有蝴蝶酥同埋朱古力曲奇餅 同埋下次使用的優惠券喔圓鐵板燒 (尖沙咀)尖沙咀廣東道30號新港中心地庫大食代#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處

圓鐵板燒📍尖沙咀廣東道30號新港中心地庫大食代🌄環境頗為寬敞，唔會好逼👍🏻桌面同鐵板有適當空間，坐得好舒服嘅～🧡食物我哋今日食嘅係$738兩位嘅——牛饌，我將會按照佢哋嘅上台順序嚟講，但係呢間係台式鐵板燒，所以唔會好似其他鐵板燒咁，見到你食到差唔多先再燒下一碟，而係好快上台，好處就係可以一時食下呢個一時食下嗰個～😆🍲餐湯係一個味噌湯，清清地，冬天飲落好舒服～🥬鐵板炒時菜今日嘅時菜係油麥菜，不過不失，為等陣嘅肉類同海鮮做咗一個比較清新健康嘅開場，算係一個平衡營養嘅菜式🤣🦐牛油燒汁阿根廷紅蝦配雜菜到海鮮嘅部分，一上枱就覺得呢個紅蝦好大隻，肉質緊實，頗為彈牙，牛油燒汁唔會話好濃味，而係將成個紅蝦鮮甜嘅味道激發曬出嚟，唔係有一定嘅新鮮度，我諗個效果唔會咁好🥳🐚牛油香煎黑椒鮑魚呢個亦係十分好食嘅，鮑魚一啲都唔韌，調味恰到好處，黑椒少少嘅辛味，使海鮮嗰種腥味消失晒，鮑魚嘅鮮味得到昇華，十分好食😘值得一提嘅係，我frd食完旁邊嘅冬菇之後，覺得呢個簡直係素版嘅鮑魚，聞言，我都試咗一舊，不禁深感認同🥩牛之盛合呢個有三種唔同嘅牛，分別係：宮崎和牛、澳洲和牛、美國安格斯，配：黑椒、蒜粒、黑松露鹽。我個人嚟講

同朋友行尖沙咀行到好攰，諗住喺附近搵嘢食，朋友咁啱話想食鐵板燒，於是就嚟到呢間點咗牛饌，$738有兩人份，十分抵食首先係牛の盛合套餐包括三種牛肉：宮崎和牛，澳洲和牛，美國安格斯牛。個人認為宮崎和牛油脂分布最均勻，口感最軟嫩，咀嚼時牛肉肉香會喺口腔蔓延，亦係我最鍾意嘅一款牛。而澳洲牛肉質較厚，肉汁比較豐富。美國安格斯牛牛味最重，口感比較濃郁。隔離有黑松露鹽同黑胡椒，不過我覺得可以唔使蘸都得，因為牛肉本身嘅鮮味已經足夠。跟住係香煎阿根廷紅蝦 鮑魚兩道海鮮都係用牛油香煎嘅方式去處理，可以帶出食材本身嘅鮮甜，味道亦都唔會太搶。首先阿根廷紅蝦份量超大，而且肉質都好厚實，口感彈牙，食得出係十分新鮮。至於蝦身已經一早去咗殼，所以可以完全吸收醬汁嘅味道，一啖食落口好滿足。同樣地個鮑魚嘅肉質亦都好緊緻，而且貼心咁切開咗一半，方便入口之餘亦都好入味。再加上西京燒比目魚扒西京燒係一種是以白味噌做底，加酒、味醂等味道帶甜嘅烹製方法。個人以為呢款汁好適合配合魚扒，因為佢味道係偏清淡，可以帶出魚嘅鮮甜。至於比目魚扒都煎得啱啱好。魚皮煎得好香脆，而魚肉又保持到滑嫩嘅程度。口感香脆同滑嫩互相配合，十分豐富。而且比目魚

每個月都鍾意去尖沙咀新港中心，睇吓明星二手名牌店，每次都會有少少收穫。開心shopping之後就鍾意落Basement 嘅大食代食晚飯，原來大食代內都有台灣鐵板燒，坐得比較舒服，又有私隱。圓鐵板燒 台灣師傅，跟日本慢慢吃的不同，去台灣食鐵板燒師傅都係好快手嘅！坐喺 bar 枱度望住師傅即席表演，時間過得特別快！聖誕除夕對自己好啲，我覺得必食高級和牛 Beef Deluxe 2人套餐 $738牛之盛合A5 宮崎和牛 120g澳洲和牛 120g美國安格斯 120g配：黑椒粒、蒜粒、黑松露鹽呢一個牛之盛合打卡一流，A5 宮崎和牛肉質細膩，脂肪分佈平均，入口有油脂香，燒至7成熟，味道剛剛好。澳洲和牛細細塊燒至微微焦香，脂肪唔算好多，肉質嫩又有咬口，牛味濃郁又多肉汁。美國安格斯厚身又大件，沾少少黑松露鹽已經好好味。鐵板炒時菜 和 餐湯西京燒比目魚扒唔食牛肉嘅朋友，仲有魚肉，比較厚身質素高的西京燒比目魚扒，魚肉雪白嫩滑，調味適中，整體感覺剛剛好。牛油燒汁阿根廷紅蝦配雜菜牛油香煎黑椒鮑魚牛油🧈燒汁味道香濃，阿根廷紅蝦的蝦頭非常多蝦膏，濃郁又滋味。連殼香煎黑椒原隻鮑魚夠大隻，肉質彈牙又有咬口。 海鮮炒

想食和牛套餐想高質又食得抵？咁呢間圓鐵板燒就啱晒你。呢度有近尖沙咀站，行完街過嚟食飯啱晒。而且七百幾蚊，但好多嘢食，絕對夠飽！我哋一次過食咗三款牛肉：有日式嘅宮崎和牛，有美國嘅安格斯牛，仲有澳洲和牛。三款肉嘅肉味，口感，油脂度都唔同，一次過試晒，你話係咪好抵？唔單止咁樣，我最鍾意佢個和牛炒飯，因為無論係雞蛋定係炒飯底，都係即場煎熟同架加飯炒起，夠晒乾爽。七百幾蚊仲包埋食海鮮，有蝦有鮑魚，有比目魚，而且份量一啲都唔孤寒，樣樣都夠大份。我哋仲叫咗特飲， 有咸檸雪碧，蜂蜜綠茶，解番咸香味，非常好！總括嚟講，滿足，回頭率好高！

終於差不多渡過呢一年！真係要食返餐好嘅獎勵吓自己！就同朋友book咗呢間鐵板燒嘅牛魔王盛宴 — 牛饌（$738）試下！呢個套餐包咗三款鐵板燒牛肉：👉🏼 宮崎和牛：肉質最堅實，最有趙口，食得好滿足👉🏼 澳洲和牛：好有牛味又大舊，好正👉🏼 美國安格斯：脂肪量含量最多，係就肥啲但入口即溶🤤三款牛都睇住廚師即席煎熟，保證新鮮之餘，亦一定唔會放太耐太熟。食呢款牛盛宴真係視聽味三覺一齊享受！除咗一次過滿足你三個食牛嘅願望，仲有埋海鮮大餐：👉🏼西京燒比目魚：非常好食！醬汁唔會太咸，即燒即食！👉🏼牛油燒汁阿根廷紅蝦：五大隻大蝦真係成隻我手板咁大，一啲都唔孤寒。👉🏼牛油香煎黑椒鮑魚：唔會燒得太煙靭，又夠入味。好味。加埋麵豉湯，和牛炒飯，特飲，甜品⋯大滿足🤤

平時食過日式嘅鐵板燒，今晚朋友就同我試吓台式嘅鐵板燒，而平時行過都少落去地下嘅food court，所以唔知這裡有這間台式鐵板燒，幸好朋友發現，她同公司朋友搵食時發現這裡午餐超抵食外，晚市嘅鐵板燒都十分豐富，所以今晚就相約一齊點了這個牛饌套餐！落單後師傅即時在鐵板上開始準備今晚嘅套餐，同日式鐵板燒唔同係在出菜嘅節奏，台式會同時間一道一道菜式上枱，唔似日式見食客差不多再出第二道菜式，個人覺得兩種風格各有好處，最緊要都係由廚師煮出美味食物最重要！師傅在鐵板上即時將牛之盛合之宮崎和牛，澳洲和牛，美國安格斯三款牛在熱燙燙嘅鐵板上燒，配上兩款口味嘅黑椒鹽、黑松露鹽，味道更出，宮崎和牛肉質肥美嫩滑，配上香蒜粒，入口味道更濃郁！接住就係牛油燒汁阿根廷紅蝦配雜菜，同牛油香煎黑椒鮑魚，師傅同時間一齊將兩款食材一齊煮，師傅已將阿根廷紅蝦已去殼，入口肉質彈牙爽口，味道十分香濃；而鮑魚亦煎得剛好惹味，入口彈牙爽口入味！接住就係份西京燒比目魚扒，份量十足，入口啖啖肉，肉質嫩滑，師傅將魚皮煎得十分香口入味，旁邊加埋炒野菜，味道十足！套餐還有海鮮炒飯，師傅在鐵板上兩三下熟練手勢就將不同海鮮同飯炒勻，入口飯身彈牙煙靭

係台灣嘅味道呀，仲要係台灣特有嘅鐵板燒味道，喺香港好少可以搵到相類似嘅餐廳，不過原來呢間餐廳仲有其他分店係奧海城都有一間分店，真係唔講唔知。喺新港中心地下food court，餐廳開揚光淨，每個位置都可以欣賞師傅嘅鐵板燒，抽風做得好好唔會一陣油煙味。嗌咗個二人餐牛之盛盒，幾抵食㗎有和牛海鮮飯前菜鮑魚飲品甜品，兩個人係唔會食得曬。和牛仲有三款，宮崎和牛 120g、美國安格斯 120g、澳洲和牛 120g，配：黑椒粒、蒜粒、黑松露鹽。各有特色，本人就比較鍾意澳洲和牛，牛肉juicy嫩身牛味燶。每㷠牛都係一塊再切粒，睇落去以為冇乜嘢但其實係食唔晒。京燒比目魚扒配雜菜肉質嫩滑，好多汁外皮燒得脆脆，油分充足食兩啖都已經見飽，仲有其他配菜，配菜都係二人份量夠晒食。牛油燒汁蝦加鮑魚蝦肉好彈牙好爽口，食得出係好新鮮。鮑魚燒完都唔會好韌，大細啱啱好一啖一粒。和牛炒飯 炒飯粒粒分明，香味撲鼻，本身啲嘢食已經好多份量好夠仲要加埋炒飯，非常滿足嘅一餐。伯爵茶/ 焦糖咖啡蛋糕原來仲有附送蛋糕，蛋糕size啱啱好。食完燒野食件蛋糕，滿足 飲品可以揀汽水或者特色飲品，建議可以揀珍珠奶茶味道比較甜，但好有台灣嘅風味。

台灣抵食鐵板燒，喺新港中心地下food court位置，food court諗唔到食咩又想坐得舒服，呢間就係不錯嘅選擇我要寫兩篇。價錢相宜，有套餐散嗌，自己一個都可以很盡興。臨近聖誕節做緊套餐牛之盛盒，有三款和牛海鮮炒飯仲可以加野飲，餐廳格局似係台灣鐵板燒形式，鐵板圓檯廚師企係中間可以睇住佢一路燒一路食，餐廳職員一嚟到已經好有禮貌仲俾我哋揀坐邊度。前菜有湯同埋炒生菜，之後就到戲肉和牛。宮崎和牛 120g、美國安格斯 120g、澳洲和牛 120g配：黑椒粒、蒜粒、黑松露鹽三款和牛配三款醬汁，日本美國澳洲和牛，揀咗七成熟 ，美國安格斯肉質比較結實，本人就比較鍾情於宮崎和牛，肉質鮮嫩牛味重。京燒比目魚扒配雜菜比目魚燒得脆身，油份充足魚肉滑，配菜西蘭花冬菇粟米仔全部都好好食。牛油燒汁阿根廷紅蝦黑椒鮑魚有四隻大蝦配兩隻鮑魚，鮑魚一啲都唔韌，上面敦左少少蒜頭䓤。蝦肉新鮮大隻，份量足夠。和牛炒飯 炒飯粒粒分明，香味撲鼻，本身唔食飯都忍唔住要食曬 。伯爵茶/ 焦糖咖啡蛋糕細細件嘅蛋糕完美嘅ending。飲品仲可以揀珍珠奶茶，完全係台灣會去食嘅鐵板燒。