27
14
2
Exit A1/ L5, Tsim Sha Tsui / East Tsim Sha Tsui MTR Station
continue reading
Telephone
21111672
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
不錯的感覺 不貴 味道不錯 ，但飲料只有罐裝可樂等沒有凍檸茶🥹 而且套餐是包括甜品的該沒有送給我們🥲 但還是不錯我鐵板燒，中午如經過值得再來。吃完身些的味道不重可以接受。
continue reading
今日去咗位於尖沙咀嘅鐵板燒開餐，叫圓鐵板燒，有好嘢食又有廚師表演！我哋嗌咗二人套餐，一開始有鐵板炒時菜，勁大碟，而且炒得好香口！之後係西京燒比目魚扒，味道香甜，而且保留魚汁，推薦！再之後係牛油燒汁阿根廷大蝦配雜菜，d蝦膏好香濃同埋好大嚿蝦肉好正！之後牛油香煎黑椒鮑魚有香蔥同埋蒜蓉調味，好好食！再之後係牛拼盤，有美國安格斯牛、澳洲和牛同埋宮崎和牛。個人推薦宮崎牛，牛味勁濃！之後嘅炒飯，我哋揀咗海鮮炒飯。海鮮包括帆立貝、魷魚同埋蝦。鐵板炒既飯好香，特別好食！最後特飲我哋揀咗珍珠奶茶同埋蜂蜜檸檬綠茶。佢仲有碗海帶蛋花湯俾我哋飲，不錯！
continue reading
聖誕去咗食台式鐵板燒🙌詳細出左片係YouTube 啦（表演炒啊炒🫣🫣）二人套餐超抵只需$738套餐包兩杯特飲 我哋揀咗珍珠奶茶同埋蜂蜜檸檬綠茶 仲有熱辣辣的海帶蛋花湯！第一碟係鐵板炒時菜 驚喜位係分量超多！竟然一人一大碟😳😳第二碟係西京燒比目魚扒 醬汁甜甜地好特別！個人幾喜歡👍第三碟係牛油燒汁阿根廷紅蝦配雜菜 四隻大頭蝦啖啖肉 而且超級多蝦膏 第四碟係牛油香煎黑椒鮑魚 已經拆咗外殼 可以一啖食咗佢😚😚上面有薑蔥同蒜蓉調味第五碟係主角牛拼盤 有宮崎和牛，澳洲和牛同埋美國安格斯 本身已經好夠味 額外調味料未必需要啦 都幾juicy 最後可以選擇和牛炒飯或者海鮮炒飯 我哋揀咗海鮮炒飯分別有帆立貝，蝦同埋魷魚呢三款海鮮 飯粒分明～因為聖誕節餐廳更送上小禮物 有蝴蝶酥同埋朱古力曲奇餅 同埋下次使用的優惠券喔圓鐵板燒 (尖沙咀)尖沙咀廣東道30號新港中心地庫大食代#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#香港#景點#打卡熱點#外賣 #鐵板燒 #台式料理
continue reading
圓鐵板燒📍尖沙咀廣東道30號新港中心地庫大食代🌄環境頗為寬敞，唔會好逼👍🏻桌面同鐵板有適當空間，坐得好舒服嘅～🧡食物我哋今日食嘅係$738兩位嘅——牛饌，我將會按照佢哋嘅上台順序嚟講，但係呢間係台式鐵板燒，所以唔會好似其他鐵板燒咁，見到你食到差唔多先再燒下一碟，而係好快上台，好處就係可以一時食下呢個一時食下嗰個～😆🍲餐湯係一個味噌湯，清清地，冬天飲落好舒服～🥬鐵板炒時菜今日嘅時菜係油麥菜，不過不失，為等陣嘅肉類同海鮮做咗一個比較清新健康嘅開場，算係一個平衡營養嘅菜式🤣🦐牛油燒汁阿根廷紅蝦配雜菜到海鮮嘅部分，一上枱就覺得呢個紅蝦好大隻，肉質緊實，頗為彈牙，牛油燒汁唔會話好濃味，而係將成個紅蝦鮮甜嘅味道激發曬出嚟，唔係有一定嘅新鮮度，我諗個效果唔會咁好🥳🐚牛油香煎黑椒鮑魚呢個亦係十分好食嘅，鮑魚一啲都唔韌，調味恰到好處，黑椒少少嘅辛味，使海鮮嗰種腥味消失晒，鮑魚嘅鮮味得到昇華，十分好食😘值得一提嘅係，我frd食完旁邊嘅冬菇之後，覺得呢個簡直係素版嘅鮑魚，聞言，我都試咗一舊，不禁深感認同🥩牛之盛合呢個有三種唔同嘅牛，分別係：宮崎和牛、澳洲和牛、美國安格斯，配：黑椒、蒜粒、黑松露鹽。我個人嚟講，覺得宮崎和牛係最啱我口味嘅，油脂分布平均，十分軟嫩，一咬落去，富有油脂香氣嘅肉汁噴湧出嚟，十分罪惡🥰而澳洲和牛就比較瘦，但係冇筋，所以係感受到肉香味嘅同時，又可以毫不費力地咬到🥰而美國安格斯則比較煙韌，有咬口，但係佢係最平衡到油脂同肉味嘅一款，全部都好出色🥰調味方面，我個人最鍾意黑松露鹽，覺得佢鹹得嚟有黑松露嘅香味，好特別，就算食多幾舊肉都唔會膩，但係蒜粒亦係一個好好嘅選擇，微辛之餘帶住少少甜味，好出色～😝🍛和牛炒飯粒粒分明嘅蛋炒飯，上面有啲和牛粒，香味十足，但係調味比較清淡，所以食一碗都唔會覺得太多～🐠西京燒比目魚扒呢個係比到好大驚喜我嘅一道菜式，係我成餐入面最鍾意嘅，比目魚表面燒到金黃鬆脆，而入面白花花嘅，一片軟嫩，外脆內軟做得十分出色，一啲腥味都冇，而醬汁係西京燒汁，混合咗味醂、酒，同白味噌。酸酸甜甜咁，加上外脆內嫩嘅魚肉，為今餐做咗個好好嘅收尾～😋💛甜品🍰 伯爵茶蛋糕&焦糖咖啡蛋糕伯爵茶蛋糕少少嘅茶味，帶有淡淡嘅回甘；焦糖咖啡蛋糕則好香嘅咖啡味，甜度較高，個人比較鍾意食前者～😋💚飲品🥤咸檸七喺鐵板燒飲到咸檸七都幾驚喜，但係其實好夾，成餐咁多肉類同海鮮，咸檸七咁啱可以解膩，十分合適🧋珍珠奶茶呢個奶茶則是全糖奶茶，十分甜，珍珠唔會煮唔透，作為一個跟餐嘅珍珠奶茶完全合格！推薦度：😋😋😋😋😋
continue reading
同朋友行尖沙咀行到好攰，諗住喺附近搵嘢食，朋友咁啱話想食鐵板燒，於是就嚟到呢間點咗牛饌，$738有兩人份，十分抵食首先係牛の盛合套餐包括三種牛肉：宮崎和牛，澳洲和牛，美國安格斯牛。個人認為宮崎和牛油脂分布最均勻，口感最軟嫩，咀嚼時牛肉肉香會喺口腔蔓延，亦係我最鍾意嘅一款牛。而澳洲牛肉質較厚，肉汁比較豐富。美國安格斯牛牛味最重，口感比較濃郁。隔離有黑松露鹽同黑胡椒，不過我覺得可以唔使蘸都得，因為牛肉本身嘅鮮味已經足夠。跟住係香煎阿根廷紅蝦 鮑魚兩道海鮮都係用牛油香煎嘅方式去處理，可以帶出食材本身嘅鮮甜，味道亦都唔會太搶。首先阿根廷紅蝦份量超大，而且肉質都好厚實，口感彈牙，食得出係十分新鮮。至於蝦身已經一早去咗殼，所以可以完全吸收醬汁嘅味道，一啖食落口好滿足。同樣地個鮑魚嘅肉質亦都好緊緻，而且貼心咁切開咗一半，方便入口之餘亦都好入味。再加上西京燒比目魚扒西京燒係一種是以白味噌做底，加酒、味醂等味道帶甜嘅烹製方法。個人以為呢款汁好適合配合魚扒，因為佢味道係偏清淡，可以帶出魚嘅鮮甜。至於比目魚扒都煎得啱啱好。魚皮煎得好香脆，而魚肉又保持到滑嫩嘅程度。口感香脆同滑嫩互相配合，十分豐富。而且比目魚味道偏清香，唔會有油膩嘅感覺，所以配合個醬汁食覺得好舒服。至於和牛炒飯炒飯飯粒粒粒分明，蛋香同和牛肉香配合得啱啱好，食晒一碗都唔會覺得好滯。仲有甜品最後一道係焦糖咖啡蛋糕同伯爵茶蛋糕。首先焦糖咖啡蛋糕質地比較輕盈，但係焦糖咖啡嘅味道係偏向香醇。相反伯爵茶蛋糕質地比較豐富，但係味道係偏向輕盈。兩款蛋糕嘅質地同味道相得益彰，最後食都唔會覺得好膩。其他配菜一開始會上咗餐湯，同蒜蓉炒時菜先。個人認為味噌湯嘅水準係正常中上嘅水平。至於蒜蓉炒菜，蒜香味十分出。即使係蔬菜，味道都好濃郁，可能鐵板炒真係特別香。
continue reading