Xolo (Closed)

今日去咗荃灣度食飯，荃灣不嬲都係美食天堂，咁多間舖頭今日特別想食日餐，但係又好想食串燒，所以就試吓呢間睇吓O唔OK 嘻嘻一坐低，環境都想舒服同埋唔會好迫，然後打開餐牌都多嘢揀嘅，於是我同朋友啲人嗌左一碗拉麵同埋幾個串燒，連冬菇都好好味，不過當然溏心蛋係最好味。叫左一碗雞肉拉麵，一碗豚肉拉麵，雖然係少少地道嘅菜式，有少少金菇同埋粟米做配菜，但係反而更加熟悉，哈哈但係睇佢個雞就知道，笑得好趣同埋有少少芝麻早香味，我覺得真係above average架最後啲串燒都好好食，最鍾意雞翼🥰🥰如果燒帶子都好有誠意，一串有三舊，而且中間仲係外脆內軟，唔係焦晒硬咗嗰啲…Read More

荃灣真係好多好野食，放咗工喺朋友介的紹下就去咗Xolo 食日本嘢。門面望落好似好細，初初以為佢做外賣，原來直入可以有更多座位， 燒烤鑪在門口的個位置，聞落香噴噴。店內播放著日式音樂ＭＶ，很像去了日本的感覺。雞腎兩串$18 味道正正常常，同日式串燒店果啲差唔多！細細粒而且勝在好有咬口。 串燒拼盤$138（冬菇 豬柳肉 雞柳 牛西冷 秋葵各兩串）整體燒得幾好，味道方面，肉類比較好味，燒得色香味俱全！車厘茄肥牛卷$28 ＆芫茜肥牛卷，肥牛卷搽咗少少燒汁，特別惹味，都有返咁上下水準。本身對呢類芫茜興趣不太，但呢個肥牛卷芫茜完全改變我既諗法。清酒煮蜆$88 一上枱就聞到酒香，清酒夠重，同時加埋海鮮既鮮味，好好飲！份量非常多，兩個人食絕對夠，蜆夠新鮮，肉質好豐厚，爽口鮮甜 ，必食！日式黑豚肉豬骨拉麵 $72 配料豐富，有冬菇、糖心蛋、紫菜。。糖心蛋甜鹹味適中黑豚肉片很滑嫩，淡淡的豬骨湯完全不膩，麵質很林身，合我心意！佢有好多日式清酒飲添，不過我地唔係幾想飲酒，就簡單叫左杯梳打水$18。價錢公道，環境也很鬆動，食下串燒傾下計，簡直人生一大樂事。…Read More

話說前一排去食荃灣catee嗰陣時候, 同老闆娘傾計得知佢哋係隔離附近開咗間串燒xolo. 本身自己都好鍾意去catee食飯, 於是搵咗日同老婆一齊去試呢間串燒. 餐廳分開咗內外區域, 裏面嘅裝修有啲似catee佈局走少少古典風格, 內部區域就係有冷氣供應. 我同老婆大約七點鐘到, 經常坐咗一陣已經滿曬位, 場內大約有十張枱多D左右, 感覺上好似啲日本人放工就一齊去搵一個地方坐低吹水同食嘢. 講返啲嘢食先, 本身可能嘅廚房唔係太大, 所以串燒同埋一般料理就唔算太多款式, 我哋就叫左碗雞扒拉麵, 玉子牛肉, 茄子, 翠玉瓜, 杏姑, 蘆筍牛肉卷, 雞皮, 雞腎, 豬肉, 清酒煮蜆. 所有串燒都係可以選擇辣度, 值得一讚係燒出嚟嘅食物品質好有香口炭燒味. 食物分量唔算多但精緻. 所以如果食串燒食唔飽嘅朋友可以叫埋碗拉麵, 因為拉麵好有驚喜, 60零蚊平過出面, 佢裏面嘅雞扒同埋蔬菜配料都係炭燒出嚟, 絕對唔比串燒差, 而且仲有一粒糖心蛋, 粒蛋又係超好食. 餐廳仲有唔同酒類供應, 不過我同老婆就唔飲酒所以就冇叫. 兩個人埋單四百蚊都唔使, 呢餐都幾滿意.…Read More

好耐冇食串燒喇！有日路過依間叫xolo 既餐廳見到個名幾得意就望下有咩食，原來係食串燒！真係岩哂😆佢地既串燒種類都唔算少，又有拉麵、酒類，一大班人黎仲可以book個大房一邊食一邊玩添！(行入d推門入仲有得坐嫁，不過冇影到)芝士蒜蓉燒蠔... 黎到當然要叫依度既招牌之一燒蠔啦！講真芝士就唔係好覺有，不過蒜香味就好正喇再加左少少秘製醬汁，仲要每隻蠔都好鮮甜添！燒牛舌...三塊牛舌好爽口！一d都唔韌。燒雞翼... 原來依度既燒雞翼係切半再燒！食起上黎超級方便，雞皮仲有焦脆感燒茄子... 一反平時既原條燒，依度係燒好再切一段段，蒜香又係不得了！加埋秘製醬汁又係正！燒日本特級帶子刺身... 一串有三粒，我眼花睇錯以為係特大size燒岀黎冇想像中咁大，價錢亦有d貴，性價比就冇咁高，不過好在燒得岩岩好！又唔會落太多調味蓋過本身既鮮味。清酒煮螺... 份量都幾多！每粒螺都好鮮，同清酒好夾啊！就咁飲個湯都好有螺味同清酒味！…Read More

呢間新開嘅居酒屋，一入門口就見到店員喺度燒串燒，店舖唔算大間都算就腳。我哋兩個人叫咗唔同嘅串燒，整體來講都燒得唔錯啱啱好，而且選擇都比較多有肉類同埋蔬菜類，有啲出面比較少見嘅款式都會有。特別推介燒牛舌，有啲煙韌鎖住肉汁。仲叫咗個燒豬頸肉拉麵，呢度嘅拉麵係幼麵，清清哋夾埋燒豬頸肉都幾滋味，有碗熱野落肚即刻舒服晒。見到佢呢度有清酒飲所以都叫咗杯sake cocktail 試吓，叫左杯梅，甜甜地酸酸地幾易入口，幾特別。…Read More

聽朋友講楊屋道開咗間日式小店急不及待想嚟試吓店面得兩張枱我哋以為已經完左😂但點知內有乾坤 推開門入邊係一座精緻嘅日式裝修小店主打串燒同烏冬 當然唔少得清酒同啤酒啦Happy Hour 都幾抵飲😘我哋都急不及待叫左兩支酒下菜😁😁全部串燒都帶著為酒貢獻的靈魂🤣🤣魷魚仔好特別 平時都少食 燒到啲鬚根好脆香脆香的🙂 金菇肥牛就正常水準啦燒牛舌厚薄均勻 煙韌得嚟最緊要係咬得甩🤣黑椒味帶出油脂香燒特級刺身帶子 厚肉新鮮 但略嫌胡椒味太重牛肉煎玉子豆腐 見個菜式幾得意叫左 點知又出奇地夾😌最後叫左個羊肉拉麵 以為串燒已有水準 點知拉麵也不俗羊肉片可用香嚟形容 湯底濃厚但不「漏」成個環境好舒服 好似入左個神秘小房子咁 仲播緊好有feel嘅音樂🥰…Read More

聽friend 講最近荃灣近楊屋道街市開咗間居酒屋，見疫情好啲就去試吓，舖頭對正大街，所以都唔難搵，起初見舖面細細，得幾張枱，但原來另有乾坤，入到舖推開門，裡面仲有幾張枱同水吧食物方面都有唔同選擇，拉麵，串燒，冷盤，小食，另外居酒屋就梗係唔少得酒啦！冷盤我哋叫咗芥末八爪魚🐙，個人覺得wasabi 味可以重D，但就夠晒凍羊肉卷拉麵幾好味，初頭以為D羊肉會卷住，點知唔係咁解，但肉質唔錯，湯底同拉麵嘅軟硬度適中要咗個串燒拼盆，貪佢乜都有，個人比較鍾意燒菇同秋葵，但如果鍾意食肉，都唔錯，仲可以揀辣度tim，另外仲有牛舌同魷魚仔，D牛舌好厚，好有咬口，魷魚仔都好野味小食叫咗牛肉煎玉子豆腐，唔錯嘅送唒小食😊…Read More

久違了的外出用晚膳，又係兩丁友撐枱腳嘅時候。揀咗美食林立嘅荃灣~今次食拉麵同串燒，見佢開咗一排，今日就揀佢會一會~入去見門面不大，坐低後店員先生再安排我哋坐門後的小天地，入去別有洞天，冷氣充足，四四方方，好有派對房feel，內外有一冷一熱的強烈對比~食物方面佢哋以串燒為主，亦有小食同拉麵，我哋食晚飯，梗係揀麵食，再加串燒拼盤同幾樣心頭好串燒嘆嘆~先嚟我的餐食，照燒雞扒豬骨湯拉麵，雞扒好大份～拉麵配料豐富，冬菇丶粟米丶金菇同糖心蛋。值得一讚係拉麵也做出色，不但沒有鹼水味，幼身爽口，個湯無味精，唔會口乾，雞扒係真係照＂燒＂的，不是汁煮香煎嗰啲款式，厚身大舊，吃落多汁嫩滑，仲有炭香滋味，個汁甜甜地，另外配角中的糖心蛋流心度仲好澎湃，整體都好出色。跟住再嚟係三樣心頭好串燒，雞亦丶冬菇同金菇肥牛卷，雞亦燒得啱啱好，無乾身之餘仲剛好離骨，又易食又好味。而金菇肥牛卷就好juicy，個汁有D似照燒汁，同肥牛幾夾，火喉亦到位，金菇同肥牛都啱啱好，香軟腍滑，唔韌，金菇仲索滿肥牛嘅牛油精華添，為咗平衡飲食，蔬菜類都要有，本身個拼盤有冬菇同秋葵，我再另加一串冬菇，燒到乾身，不會濕立立，個人好喜歡，沒有菇類的臭青味，是利落乾脆的乾身，落D椒鹽己經好好味。跟住另外一個拉麵都上桌，燒豬頸肉豬骨拉麵，豬頸肉亦係＂燒＂的，比煎煮更香口好味，豬頸肉係厚切，要用爽口彈牙又多汁嚟表揚～配料都係一樣，而且連配料冬菇也是燒烤過，浸湯食又係另一番風味。最後我哋嘅串燒拼盤也燒好了，分別有豬丶牛丶雞同冬菇秋葵各兩串，豬柳同雞柳都大大嚿，軟滑多汁，而牛西冷牛味香濃，入口軟腍，燒到有微微焦香，可口美味，秋葵乜是燒得微焦，並未烤到全熟，吃落不但爽口，也沒有草青味，又健康又好味~串燒可以揀辣或者唔辣，兩種口味比較後，辣味會令串燒味更升華，而且辣味唔重。呢度除咗可意食麵食串燒，仲可以把酒談歡，而且feel好地方正，不防帶朋友一聚～…Read More

Xolo日本居酒屋風，主打食串燒，今日同友人黎聚一聚牛舌燒到剛剛好，口感好爽燒車厘茄肥牛卷係日本食過一次，念念不忘 今日係呢度見到同日本食到既差不多都樣！一咬落去車厘茄有汁加埋肥牛，正雞腎$18有2串，口感咬牙仲想有乜要求呀！性價比高芝士蒜蓉生蠔肥美加埋配料，將味道昇華咗清酒煮蜆粒粒都沒有沙，份量仲唔少添燒雞翼歌仔都有得唱啦，燒雞翼好難唔好食！燒到焦焦地，精粹呀煎羊卷肉豬骨湯拉麵羊卷肉味香濃，上面仲有芝麻湯頭試得出冇味精，食完一淡又一淡蛋都有驚喜！係糖心蛋呀總結，黎荃灣一定要黎試吓！…Read More

荃灣楊屋道新開的一間日式串燒居酒屋風小店，充滿日本風味。Menu不是很多款式，但價錢都很平民。照燒雞扒豬骨湯拉麵$68豬骨湯拉麵裏面有冬菇、海藻、 粟米粒、 溏心蛋……等等，奶白色的湯底好濃郁，拉麵爽口煙韌，和著濃湯更添滋味。雞扒另上， 外表金黃黃見到已想食，雞扒是一整個的大雞腿肉，食落啖啖肉，很香口。食日本拉麵都會有糖心蛋，大部份都份隻有半隻，而這就是整一個，糖心蛋連蛋白都很軟腍，而蛋黃則是最正的流心狀態，整個雞蛋軟滑香！日式煎餃子六件$48日式煎餃子，底部煎得有少少香脆，有煙韌口感，食落香口，點上餐廳提供跟上的浙醋，增添多重的口感及味道！清酒煮螺$88 清酒煮螺味份量都算多，螺肉質很爽口、又清甜，我每食一個螺都裝滿清酒，雖然酒味不是很濃 ，但食得頗滋味。枝豆$38平時比較少食枝豆，見坐後面枱叫的枝豆不錯，所以要了一份，枝豆很飽滿，慢慢傾計慢慢食的，食得頗寫意。秋葵 $13現在興起食秋葵，所以秋葵要了2份，細細條，燒得軟腍中帶少少脆口。韭菜肥牛卷$26 韭菜肥牛卷第一次食，油香的肥牛卷著韭菜，好特別的多重味道。雞中翼兩隻$24廚師燒烤非常特別，將雞翼剪開，釀雞翼大面積地接受燒烤，所以食到雞皮特別香。至於飲品，要了橙汁及可樂， 邊食邊傾，很寫意。…Read More

最近朋友發掘了一間位於荃灣的日式串燒居酒屋小店，門面也很有日系風格。內設冷氣卡座，夏天不怕會太熱，餐牌方面選擇也有很多，包括有拉麵，各式各樣的串燒，煮物，飲品方面亦有不少的酒精類別飲品供選擇。煎羊卷肉豬骨湯拉麵$78首先食個拉麵打打底，豬骨湯味道香濃，煎羊卷肉也具有豐富的羊酥味，在日式居酒屋吃到另有一番風味。串燒方面當然是重點，點了海鮮和肉類，質素和性價比都偏高！希望更多人知道這店啦！串燒魷魚仔$58@2兩串的墨魚仔賣相相當靚，而且口感彈牙爽口，加上醬汁更提升鮮味。牛西冷$22 質感軟淋有牛香，價錢適中。雞腎$18@2符合預期中的爽口，而且質感比想像中更厚，口感較為清爽，具有鹹香。雞皮$20@2雞皮鹹香十足而且質感香脆，難得燒到咁好食。牛舌$32比較厚切，Keep到有爽脆質感，鹽香配搭一流。其他美食方面日式煎餃子$48@6隻煎餃子外皮保留輕微水份，餡料充足，也有獨特的醬汁可以點上，提升層次咸香。清酒煮蜆$88裏面隻隻蜆也都開口，足以證明新鮮，而且清酒味道提升了蜆肉的鮮味，粒粒鮮味令人滿足！內部精緻裝修…Read More

充滿古典味道o既居酒屋，間餐廳分兩個部份，前面呢個空間帶點航海、船艙o既氣息，入面有個大d o既室內位置，有住舊式貴族梳化同bar 檯，昏暗之中又有少少似d private o既酒吧或者會所咁。o黎居酒屋又點可以唔食串燒呢﹖佢個燒烤鑪o係門口o個個位置，其實一行入o黎見到聞到已經流晒口水……叫o野食o既時候侍應哥哥仲問我地需唔需要走辣之類，非常細心。朋友鍾情食肉，即刻點o左燒蘆筍肥牛卷($28 未加一) 同雞柳($18)。肥牛肥美，搽上燒汁，咬落去時再加埋蘆筍脆身o既口感；d 雞肉則厚身大串，肉質嫩滑，瀋上調味粉更覺惹味。我就話一定要叫d seafood，寫o左燒日本特級刺身帶子($75) 同芝士蒜蓉燒蠔($26)。個帶子好吸引……果然靚料高質，燒過又靈舍香口~ 隻蠔無燒至全熟，滑滑的，蒜蓉比芝士味較出。諗住叫d 熟食晾下肚仔，因為見佢有得叫羊肉拉麵比較特別，所以叫o左。煎羊肉卷豬骨湯拉麵($78)，以居酒屋o既級數o黎講算幾平！同埋料真係唔差，羊肉經醃製後仍滲出淡淡o既羊酥香，附以兩片大冬菇同成隻溏心蛋wo~ cp 值甚高。日式煎餃子($48) 都唔錯，點下薑醋更富開胃感，讓人夾下又一粒，夾下又一粒……我叫o左杯菠蘿汁($18)，朋友就要甘菊茶($18)，貪佢可消滯化膩。…Read More

荃灣日式居酒屋必試Sake cocktails 總共有梅蘭菊竹 4款🍸🍷🍹🥃今次我哋就試咗蘭同竹蘭係sake帶有桃同菠蘿味再配上少少紅莓汁甜甜地好清新😻竹係好colorful 嘅青色蜜瓜香配上菠蘿汁的sake 唔太甜剛剛好 照燒雞扒豬骨湯拉麵雞扒面頭煎香，咬落外脆內軟好正湯底面身無特別更加突顯雞扒嘅味道小食串燒：燒金菇肥牛卷 超正！牛脂燒完入口帶有濃濃香牛香，金菇唔難咬，必食！燒日本特級刺身帶子比想像中細隻，燒得熟左少少但都有帶子香味芝士蒜蓉燒蠔配料十足，蠔都有蠔味，燒得剛好唔太老…Read More

如果唔係由荃灣朋友仔帶路，都唔知街市附近有間食串燒，串燒款式非常多，有海鮮類、牛肉、其他肉類同蔬菜類，除左串燒，仲有拉麵、日式小食同前菜，當然仲有好多酒類飲品。燒金菇肥牛卷、雞中翼、雞腎、牛舌雞中翼燒到外脆內軟，只有用鹽來調味，原汁原味已經好夠。而牛舌用左黑椒來調味，帶微辣。燒金菇肥牛卷亦係必食，肥牛入口即溶。雞腎咬落脆卜卜。串燒拼盤 (冬菇、豬柳肉、雞柳、牛西冷及秋葵各2串)拼盤幾抵食，有肉又有蔬菜，仲淋上BBQ醬汁，食落好惹味。日式黑豚豬骨湯拉麵黑豚肉好大塊，而且有點厚度，食落好有口感，湯底呈奶白色，豬骨湯亦好鮮甜。日式煎餃子(6件)…Read More

今晚跟朋友試間新串燒店，在楊屋道街市附近。清酒煮蜆，味道比較淡，蜆還算鮮甜芝士蒜蓉燒蠔兩隻，燒蠔跟蒜蓉是非常合適的伙伴。最緊要飲埋蠔水。串燒拼盤，有冬菇豬柳肉雞柳牛西冷及秋葵閣兩串第一個選擇是秋葵秋葵入面粘液比較多，燒喺上嚟我怕會好乾，返食咯覺得覺得也不錯。燒鮮冬菇好正，燒汁同冬菇味道夾得啱啱好，有些辣粉可以了撇除冬菇的草青味。佢令我諗起龜龜的背脊，咬他的龜殼真殘忍牛西冷，肉質又咬感，唔會燒得好乾身。雞柳肉，適合外愛好蛋白質的你，不會太咸。豬柳肉，感覺有點鞋。總括嚟講我都覺得燒冬菇最好味。燒帶子，保留鮮帶子嘅鮮味，跟燒蠔一樣也是我至愛。滿分為10分(1分最低，10分最高)食物：6環境：6衛生：6服務：7價錢: 7舒適度：6總分：6.5…Read More