109
35
22
3-min walk from Exit B1, Jordan MTR Station continue reading
All Branches (6)
Telephone
2388 6020
Opening Hours
Mon-Sun: 11:30-03:00
Payment Method
Visa Master AE Cash UnionPay JCB
Number of Seats
360
Other Info
Open Till Late
Alcoholic Drinks
May Bring Your Own Wine Details
VIP Room Details
Parking Details
Phone Reservation
Delivery
10% Service Charge
Review (182)
乳豬好正! Featured Review
Level4 2017-02-09
2971 views
初三無忌赤口,約食飯預祝朋友生日,新年流流就選定食中菜。聽朋友講,屯門呢邊嘅分店成日俾人炸形話服務差, 所以我地就決定去佐敦分店,一早訂左位,訂埋豬~即燒乳豬 $698/隻落單嘅時候提左,我地要瘦豬~ 一般都當客人耳邊風啦,理得你上左瘦定肥都要食啦,但真係有安排到唔太肥嘅豬!感動!我想講,佢地隻豬真係好好食!首先價錢唔係特別貴,閒閒地酒樓都差唔多價錢,而且比起貴貴紅隻豬,好食好多,呢隻完全唔油!(雖然冇飯)豬皮燒得超脆,而且起左層肥膏,豬肉嫩滑,又有肉地。連我唔太鐘意食乳豬,都食完一件又一件!貴妃雞 $328/隻貴妃雞都好食喎,雞肉唔乾唔鞋,仲幾滑添!食到呢度,朋友們都已經開始讚呢度唔錯,未來可以番啅。生炒上肉排 $98咕嚕肉味道一流!由於用嘅係上肉排,唔會肥淋淋。炸粉薄薄一層,唔會發到好大舊,實在必食,送飯一流!椒鹽鮮魷 $118鮮然份量唔多,炸粉亦都唔厚,鮮魷煙煙韌韌!當然啦,點都唔夠大排檔嘅有鍋氣~黑椒牛仔骨煲 $118牛仔骨份量唔多,但係煮得入味非常!不過呢碟我地後加,所以等嘅時間較長。啫啫什菜煲 $78菜心、白菜、西蘭花各樣都有啲~窩貼小棠菜 $118表面炸得非常香脆,墨魚膠爽口、彈牙!豉油皇銀芽炒麵 $72呢個聽講都好多人點,果然不錯食!炒得乾身,又唔會好油淋淋,而且調味恰當!清炒菜心 $68由於我地有8個人,淨係食個什菜煲唔夠啦,加埋個炒菜心。菜心雖然都大條,但唔會好老,不過份量太少,唔抵。手拍青瓜 $38因為朋友飲啤酒,所以追加左青瓜小菜。青瓜好爽口,唔會太辣,蒜味突出。作為參考,其他收費:汽水 $15/枝藍妹 $38/枝白飯 $12/碗晚茶 $10/位晚芥 $5/位總括黎講,我地8個人,埋單連埋加一2千3蚊,非常滿意,除開每人3百都唔洗!基本上各個小菜都好食,唯獨份量就唔係話大件夾抵食果種。推介乳豬,真係正!至於服務就冇咩特別,畢竟新年期間,店員都精神奕奕,冇十叫九唔應,我都冇咩要求了。我地當日就坐1樓,唔知係咪新年間啲枱比較密定點啦,空間感就真係唔多夠。 continue reading
(The above review is the personal opinion of an user which does not represent OpenRice's point of view.)
Level2 2017-04-08
409 views
之前,吃過新斗記,記憶中他們的菜無咩特別好食,鵝腸特別多肥膏,乳豬好乾身。好久都無再食,直到朋友認真想為他們平反。 我就提議食海鮮,一定可以體驗出一間餐廳的水準:我就點了一下大家經常吃的菜式 魚蝦蟹,全都有。 這次吃過後,我打從心裡接受並喜歡他們做的菜品,色香味,還有服務都是很不錯的! 我想 下次這裡會是我們的食堂,再會試其他好吃的菜式! continue reading
(The above review is the personal opinion of an user which does not represent OpenRice's point of view.)
Level2 2017-04-04
430 views
今日屋企有長輩生日,選擇左近近地黎到屯門市中心開左都幾年既-新斗記食生日飯。由於今日係星期日,怕大多人需要等位,所以我地預先訂左枱。我地一行6個人加埋一個小朋友,由於有架BB車,所以職員都俾左張大枱我地。我地食左一個四人餐,另加一個菜,一共係一個湯,一個麵同埋5個小菜。金牌即燒乳豬(例)最先上菜係新斗記最出名既乳豬,平時行街經個總係見到廚師不停地燒緊D豬。乳豬果然係名不虛傳,乳豬皮好薄,燒得非常之脆,酒樓非常細心,乳豬係起左層肥膏,所以食落一D都唔會覺得油膩。啫啫芥蘭煲芥蘭煲係用沙鍋裝住,但完來只係得個賣相,完全唔夠熱,而且已經過左冬天,芥蘭已經唔合時,但勝在味道搭夠,蝦醬既味道好野味。生炒骨生炒骨份量好足,好好味,醬汁唔會過酸過甜,肉既份量好多,粉醬好薄,炸得好脆口,唔會太過乾,而且食落食落啖啖肉,唔錯。清湯龍蝦伊麵伊麵好大碟,六個人都夠食,龍蝦好新鮮好多舊,龍蝦都幾大隻,每一舊都好多肉。清湯伊麵就有D淡,中意食濃D可以轉芝士伊麵。蟹肉海虎翅因為有長輩生日,所以都有叫翅湯食開心下。翅湯因該係套餐既關系,所以翅既份量唔會多,但都有好多切左粒既魚肚,個湯幾清甜,唔會一味死鹹。湯既份量好多,雖然係4人餐,但有成8碗。上湯海味浸菜心菜心好清甜,稍微有點太淡,似係白灼再加個瑤柱汁,普普通通。蒸沙巴龍躉條魚係最後上菜,龍躉黎講魚既Size唔算好大,蒸得岩岩好,食得出非常新鮮,魚肉好嫩滑。配埋豉油更加鮮美,略嫌蔥稍為老。最後仲有桂花糕作為甜品,不過大家顧住食蛋糕,所以唔記得影,松花糕一共有8件,幾清甜。 continue reading
(The above review is the personal opinion of an user which does not represent OpenRice's point of view.)
Level4 2017-03-08
1037 views
話說上次新年黎過食晚飯,覺得唔錯,所以男朋友嘅生日飯都決定再黎食。一行11人,今次都點左啲同上次唔同嘅食物,整體雖然冇上次驚豔,但都係好食嘅~即燒乳豬 $698依然覺得乳豬係必食。一來價錢唔貴,二來質素穩定。乳豬皮燒得香脆,但唔會油淋淋,豬有肉地!馳名燒鵝皇 $498燒鵝皮都燒得好脆,肉厚!鵝脾好肥美。(因為我地人多,所以部分菜式份量加半,價錢同例牌有差異)粟米魚塊 $237 聽聞呢個係招牌,上次冇食,今次一定要試下啦。都幾特別喎,第一次食係粟米茨同魚塊分開上,我好鐘意呢個做法。因為好怕食啲斑塊,撈埋粟米一pat鼻涕咁…呢個好食,果然係招牌,魚塊唔係平時食嘅龍脷柳。魚香茄子煲 $132雖然價錢稍貴,不過惹味。南乳粗齋煲 $88啫啫生菜煲 $78啫菜同蒜蓉炒一樣價錢,感覺點啫菜抵啲。啫生菜上枱好香,唔會腍哂,由於我地人太多,仲encore左干煸四季豆 $88通常喺酒樓食四季豆都fail,一係太濕,一係冇味。呢個合格。椒鹽白飯魚 $98冇記錯上次係食鮮魷,我覺得鮮魷抵食啲。白飯魚份量較少,而且炸粉較厚。豉油皇銀芽炒麵 $108上次食過覺得好食先再叫,點知今次唔掂唔知係咪我地人多,份量有變,廚房一時控制唔到。麵條太油膩,炒得唔夠乾身,食完好滯。金牌拆肉泥鯭粥 $192泥孟粥好大陣陳皮香,各有所愛啦,有啲人可能唔鐘意,但可以除去泥鯭嘅腥味。粥底清香,調味得宜,不錯吃。留意會有少量魚骨仔。水果、糖水總括黎講,今次主要係個炒麵唔到水準啦,其他餸菜不俗。男朋友作為主角,都食得滿足。 continue reading
(The above review is the personal opinion of an user which does not represent OpenRice's point of view.)
如題,有個已經認識了30多年的老朋友,去了美國讀書兼移民接近20年回港探親,當然要珍惜這些每一兩年才有一次的機會聚首一番。由於 Facebook 及 Internet 的普及化,即使老朋友已經是美國公民,但始終生於香港,仍然有許多即時渠道了解及關心香港的重點時事及新聞;席間除了彼此訴説近況及吹水之外,當然免不了討論一下香港面對的困局 ⋯⋯ 雖然有些無奈及唏噓,但仍然要食飯填飽個肚。無論美國的 China Town 有幾中國化,講到要食正宗粵菜或港式口味的鑊氣小炒,始終還是香港獨佔鰲頭。所以,要宴請一個在香港成長、又經歷過最美好的 70~90年代的已移民港人,當然莫過於食一餐有香港風味的粵菜,冇理由去食 USDA Prime 級牛扒吧?地點就揀了「新斗記」在佐敦的總店。據聞這間「新斗記」與以前在佐敦屹立了十幾二十年的著名小店「新兜記」有密切關係。自從「新兜記」因為老闆辭世而結業之後,過了一年多,就由其中一位熟客仔招攬了大部份舊員工組班重新開鋪,所走路線與舊店相若。店舖裝修及空間只能夠算是企理,談不上高級光鮮奢華,甚至有點擠迫嘈吵,當然較一般小菜館骨子、也較傳統港式酒樓特色;賣的都是地道港式鑊氣小炒,但卻是配合海鮮的貴價小炒,又據說,「新斗記」的菜式價錢已經比以前「新兜記」年代便宜了。推門入內就看見一條通上二樓的樓梯,樓梯旁邊有一個凍櫃,儲存了很多真空包裝的外賣老火靚湯,全部都是高級貨色如杏汁白肺湯、原隻花膠湯等,價錢當然比較「鴻福堂」、「健康工房」貴。樓梯的另一方向就是一個大型海鮮魚缸。對正樓梯的牆壁掛了一個尺寸相當巨大的紅色膠牌,上面用白色毛筆寫上了各種是日精選海鮮,還要用上懷舊中式花碼標註價格,這種標籤海鮮價錢的模式似乎是刻意保留70、80年代小炒店的格局,但80後的香港人應該看不懂中式花碼記數法;今時今日,即使是露天街市及上環一帶的海味舖這些傳統行業,也已經棄用中式花碼記數法了。餐廳安排我們一行五人坐在樓上,靠近樓梯位置的牆壁上掛了兩幅50、60年代的香港街頭夜景黑白舊照片,街道兩旁都是霓虹光管招牌,現在已經買少見少了。細心留意一下,當中有些招牌如單眼佬涼茶、大方公司等,很明顯是虛構的;再仔細比量整張相片構圖,原來是用電腦軟件推砌出來。為了貫徹餐廳的一點點老香港風情,所有餐具都燒上了摩登公雞圖案,雖然不是傳統公雞碗碟,但說實話,想找到50、60年代的舊款公雞碗碟應該已經沒有可能了。既然用得公雞碗碟,當然要加多一個小飯碗作為啤酒碗,這樣才能夠真真正正強化大排檔風味。餐廳除了保留舊店的馳名海鮮及鑊氣小炒,也加入了新的招牌菜式:現場即烤燒味,又自誇燒鵝及乳豬頂瓜瓜。在其他分店曾經分別品嚐,個人口味燒鵝並非特別出眾,但乳豬確有一手。五個人分享金牌即燒乳豬(半隻)($358)剛剛好。燒乳豬是現場即叫即烤,由於差不多是每枱客人也會落單的名物,所以也不需要等很長時間,師傅不停燒烤、不斷斬件上枱。乳豬大小只有幾斤,是真真正正的皮薄肉嫩兼沒有脂肪的乳豬仔,亦即是酒樓飲宴乳豬全體的標準。講真,上菜時候除了沒有一首振奮人心的「乳豬進行曲」之外,過程根本沒有什麼分別。當然,好味是否以及質素都卻可以有天淵之別。傳統廣東燒乳豬有兩種炮製方法:沙皮及光皮,前者乳豬皮鬆化、後者則硬脆。若果講到燒烤技巧及出品達標的難度,光皮其實更難;至於沙皮燒乳豬,由於賣相佳、更加香口、口感普遍被接受,所以無論筵席、酒樓、燒味店都採用沙皮燒烤方法,「新斗記」也沒有例外。先講賣相,乳豬皮的沙眼均勻幼細,顔色深紅,非常吸引,未食已經覺得會好味道。採用了「皮不連肉」的切件方法,乳豬皮仍然微温,最重要是非常鬆化,每一片、每一啖都「卜」「卜」有聲。至於乳豬肉,調味剛剛好沒有坊間偏鹹的毛病;以廣東燒豬來說,肉質已算鮮嫩,蘸一點海鮮醬,也是一絕。豉椒味菜炒鵝腸($148)是一味懷舊香港大排檔小炒,雖然「新斗記」並不是大排檔,但由廚房出菜至上菜的間距非常短,每道菜式保持熱騰騰,充分感受到那一分鑊氣,做到了大排檔即炒即食的重點,所以這碟豉椒炒鵝腸送上來時仍然香味四溢。味菜,或稱鹹酸菜,絕對是畫龍點睛、豉椒炒餸的最佳配搭,更添惹味。所有的味菜來貨一般偏酸或者偏鹹,必須要經過酒樓重新調教味道,這碟菜式的味菜就調校得鹹、甜、酸非常平𧗾。自從禽流感一「疫」,香港再沒有新鮮即宰鵝鴨,新鮮鵝腸已成絕響,但仍然有冰鮮及急凍兩種不同貨源。急凍鵝腸就是那些已經完全去除鵝膏、經過漂白程序,已經變成半透明的貨色,價錢固然便宜一大截,最弊是一丁點味道都沒有,只得爽口。夾起一條鵝腸,雖然也不見鵝脂,但隱約仍然見到脂肪底層,而且顏色啡黃、不透明,咀嚼下來爽、腍、韌三者並存,有微微鵝羶,絕對是貴價冰鮮貨色。相信廚師是花多一點功夫刻意去除過多的鵝脂,迎合現今的健康飲食潮流。豉油王煎海中蝦($320)又是一看似簡單道、但住家廚房很難做到相同效果的惹味海鮮小菜。約有10隻、每隻約一兩重的新鮮游水海中蝦,必須先用猛火滾油將中蝦泡油,才能做到蝦殼非常香脆,住家廚房爐頭的火力無論如何沒有這麼強勁。價錢收得不算便宜,當然做多一點工夫。蝦腳、觸鬚、眼睛、蝦頭的尖刺全部剪走,蝦頭殻內的鰓及毛囊也除去,甚至乎蝦腸也挑走,絕對食得放心。游水中蝦走油後再用甜豉油快速爆炒,蝦殻蝦肉倍添鮮味;肉質本身已經爽口,泡油過程又使到蝦肉表面增添一點點硬脆,正!也不肯定是什麼時候開始出現的菜色,「啫啫」應該是蔬菜類之中最惹味的港式粵菜烹調方法。下面啫啫芥蘭煲($83)的照片並沒有用電腦軟件做了任何後期加工,熱氣騰騰的效果是貨真價實,揭起瓦煲蓋立即拍照的實況。所謂「啫啫」就是用燒到火紅熱燙的瓦煲,將已經煮至六七成熟的蔬菜,再加入馬拉盞、蝦醬之類的濃味醬料,靠熱力逼至全熟。由於瓦煲保溫能力極強,上菜打開煲蓋後將蔬菜放在其他位置會「啫啫」作響,因此得名。這種烹調方法只適用於爽身蔬菜或者菜莖,而且需要裁走大部份綠葉,否則葉片被瓦煲燙到焦燶、變得苦澀就不好吃了,最適宜配合中國唐生菜或芥蘭莖。瓦煲內的芥蘭莖雖然粗身,但廚師將粗硬的表皮全部削走,加上合時、選料又靚,只食到芥蘭的清甜爽脆,沒有苦澀。薑蔥美國桶蠔煲($198)一煲五隻,五個人分剛剛好。桶蠔煲煮得乾身、沒有出水,表面脆漿沒有變成一團糊狀物,已經成功了一半;咬下去充滿蠔汁、肉心滑溜,外皮嘅裙邊又沒有過度收乾水份變得乾硬,絕對是一個徹底成功、非常美味的桶蠔煲。中國人總要叫一些米飯,添了一鍋生滾潮式蠔仔粥($128),又是剛好可以分成五隻滿飯碗。材料雖然也是豬肉碎及蠔仔,一鍋潮州粥好味與否盡在湯底,也是潮州粥的靈魂所在。先試一啖湯水,的確勝人一籌,湯底非常鮮甜。飯粒充分吸收了湯汁,軟綿入味,每人只分得一碗真的有點不夠喉。雖然價錢絕不便宜,但這一餐實在非常滿足,菜式美味、氣氛熱鬧。講環境,「新斗記」絕對並非招呼客人或飲宴的上佳選擇,但如果如果講到三五知己開懷暢飲、聚會、吹水,就絕對是選擇排名榜上前列位置。 continue reading
(The above review is the personal opinion of an user which does not represent OpenRice's point of view.)