渝味曉宇重慶老火鍋 (太子集團中心) (Closed) View

第一次寫食評， 今次去咗尖沙咀太子集團中心既渝味曉宇打邊爐，兩個人打邊爐，好多野想試又驚太大份， 有得叫半份係好好既！試咗鴛鴦鍋底， 辣來得慢， 大骨湯可以飲埋，清甜！ 聖子好新鮮，仲有埋牌仔提你最街既煮食時間，黑豚肉無豬膄味，ok!!!最愛係佢個羊肉片，真係超夾麻辣湯黎食！ 萵筍有兩隻可以選， 我今次揀咗簿片，賣相幾好， 淥30秒就食得！ 仲有一樣野差啲唔記得講！唔可以唔試佢個酥肉當作餐前小食黎送酒真係一流！ 整體來講可以再試！

小妹為慶祝老友生日於是上星期喺OpenRice book咗於7pm 二位（因為朋友話呢間火鍋好吃指定生日食呢一間)由於當日我早到，所以我就坐咗喺reception 等待，大約6:40 職員優先安排我入座，並兩次表示計時間七點開始食到九點，當時我覺得佢哋嘅服務相當貼心，之後我和朋友都食得好開心，但係到差唔多八點時候，就有職員埋嚟問我哋你哋仲有冇嘢要加，冇嘅話就交返張枱出嚟，當時我哋仲食緊野並表示我哋暫時冇嘢要追加，1分鐘之後又再問同一個問題，我哋又表示冇嘢要加，有唔夠1分鐘有另外一個職員又走來問我哋仲冇嘢要加冇嘅話就要8:30交枱，因為佢哋有六位客人要入座，又問有冇野要加，如是者前後足足問咗我哋四次，都要我哋交枱，但係當時都係八點鬆啲，但訂枱注明用膳時間係2 小時， 我哋只係食咗一個鐘頭多啲，而且我哋仲未食完。到8:10左右佢哋直接過嚟交低張單俾我哋，但係我哋從來冇叫過埋單㗎，職員放低張單2分鐘之後再過嚟攞返起我哋張單睇下我哋有冇放低現金或者信用卡埋單，當下我哋立刻表示不滿，職員表示只係諮詢我哋，並唔係強制（但係頭先佢哋嘅行為同態度明顯係強制），見我哋不滿才態度放軟，表示可能另一位職員溝

一間試完一次就唔使番兜既店。由於食到最後覺得好失望先影相證明我有食去食食評。見Openrice咁多好評就黎試下，諗住幾百個好評實無伏啦，點知都係唔得。有去過四川食麻辣火鍋既人相信都唔會推薦呢間店，我通常會係開始食火鍋先飲一啖湯去試下本身個湯底好唔好味，一開始已經覺得好普通，麻辣湯底應該有既香氣亦相當欠缺。四川火鍋必食既今次只係點左鴨血同黃喉，根據餐牌上既時間去淥熟，可能本身湯底唔算濃郁，食材未能入味，以淡然無味黎形容也不算過分，但鴨血質素相當唔錯，即使湯底無味但可以食得出係質素好既鴨血，口感軟嫩無雜質。而另外點左麻辣牛肉，淥完食落成口粉，牛肉既口感全被蓋過，食完一塊成個口腔充滿苦味。相反嫩牛肉無左大量既調味粉，食得出食材本身既味道之餘亦食到嫩滑爽彈既口感。而另一湯底大骨滋補鍋一開始都好普通，但食到最後湯底中多左唔同食材既鮮味加分左唔少，反觀作為店舖招牌既重慶麻辣湯底食到最後飲一啖湯最後只得苦味真係大大扣分，甚至可以講係海底撈呢類連鎖既麻辣火鍋店都比佢好食。唔推薦，如果好想試就試一次唔使番轉頭，服務質素唔錯，但性價比偏低。

和小姊妹聚會吃晚餐，需然預約了7點，但還是要等等才能入坐。一坐下來待應就放下碗紅棗雪耳糖水，可惜是熱的，天氣太熱了，是涼的會更好。我們點了鴛鴦鍋，一半麻辣（普通辣）另一半蕃茄湯。麻辣火鍋十分足料，上面鋪滿辣椒，怕太辣了所以一上火鍋我們便自行取出部份辣椒，湯底會越煮越辣，對於愛吃小辣的人是可接受範圍，湯底是十分正宗的重慶麻辣火鍋，蕃茄湯味道濃郁，兩邊都十分滋味落單可以半分半分的落，可以試多些不同食物。當中重慶炸酥肉，十分香脆可口。另外油條落在麻辣火鍋中的味道也很特別。

午市火鍋湯底免費，叫咗鴛鴦湯底，一個重慶辣大紅鍋，一個山珍菌湯 🍲辣度、麻度可以自行選擇。山珍菌湯好多唔同菇去煮，的確好鮮甜～〰️香滷豬大腸（半份） $36〰️手打墨魚滑 （半份）$46〰️功夫萵筍片 （半份）$22〰️竹苼 （半份）$32〰️唐生菜 （半份）$18〰️曉宇苕粉 （半份）$29〰️美國安格斯優質肥牛 （半份）$119〰️重慶耗兒魚 $79〰️稻田毛肚 （半份）$62〰️重慶炸穌肉 （半份）$32〰️紐西蘭精品羊肉卷 （半份）$56〰️黑豚腩肉 （半份）$42〰️鮮活海蟶 （半份）$15〰️自製洛神花茶 $18等緊食火鍋之前會比碗紅棗銀耳糖水😗呢間好嘅地方係可以半份咁叫，咁就可以咩都叫啲🤭不過醬料收每人$20😖 〰️〰️📍 渝味曉宇重慶老火鍋 (太子集團中心) (尖沙咀)尖沙咀北京道12A號太子集團中心19樓

今日同姊妹相約到尖沙咀食晚餐某小姐話想食火鍋，於是佢就帶左我地去呢間位於尖沙咀既 渝味曉宇重慶火鍋我等一次食入到去等左陣位因為我地冇book到位坐底後有比左個糖水我地不過太熱天氣比既糖水係熱既，如果係冰涼嘅更加好總括嚟講都唔錯嘅

今次預約4人生日飯，到達時都幾驚訝 因為預留既枱都大張，應該可以坐多4個人！開始每人都有糖水招待，又可以中途解辣。我地點左個雙拼鴛鴦鍋：山珍菌湯鍋 x 重慶麻辣大紅鍋 食物就有鮮黃喉、墨魚滑、薯仔片、嫩牛肉、萵筍、牛肉片、豬肉片算等等，因為唔係好多地方都有鮮黃喉可以點… 見到朋友都大讚!! 大家最欣賞莫過於嫩牛肉，真係入口即溶完全冇渣。至於湯底個重慶麻辣大紅鍋真係好辣，但我地又覺得辣先好食… 所以都叫左一渣洛神花茶解解辣。最後我地仲點左個紅糖糍粑食，我地都好後悔只係點一份，因為好好味唔夠喉。不過唯一覺得時間唔太夠，就要交枱比餐廳。整體而言10分滿分有8分😍4人埋單約$1400

每次睇片睇人將毛肚放落去油油的紅色火鍋到。然後將煮熟左既毛肚放落口中，都會刺激我的味蕾同幻想爽口既毛肚係我口中咬緊。今日終於食到啦！！必點毛肚！！今日唔使幻想啦。終於有真真正正既爽口毛肚係我口中。咀嚼時，仲有麻麻辣辣的刺激著我的味蕾。好爽呀！仲要有景食。望住個被遮住一半既海景食重慶火鍋。必有一番風味！辣椒牛肉必點！因為真係好辣，仲辣過個麻辣火鍋湯底。另外，本人覺得除左毛肚同辣椒牛肉必點之外，豬腦都係必點！因為隔望飯香，雖然我無食到😂😆

一坐低，正式作戰之前，有一碗紅棗雪耳糖水利潤一潤喉嚨.....鴛鴦鍋：麻辣+皮蛋芫荽慶幸我點左鴛鴦鍋，麻辣實在非常辣，係正，朋友話呢個係正宗四川湯底！但我唔可以一個麻辣鍋作戰到最後；所以叫我最鍾意嘅皮蛋芫荽，真係好清.點左非常多蔬菜，皇帝菜、娃娃菜、萵筍、蓮藕、淮山條(第一次食紫色淮山)；至於肉類，有牛舌、安格斯肥牛、羊肉卷、嫰牛肉、海蟶.....食材質素非常唔錯，推薦：- 海蟶 - 非常非常鮮甜，季節性食材- 羊肉卷 - 夠羶👍🏻👍🏻👍🏻，食羊一定要食夠羶- 牛肉 - 個人好鍾意嫰牛肉，好厚身，加埋個麻辣湯底，就exactly 係水煮牛咁; 不過朋友話覺得安格斯牛好食啲，始終冇醃過，肉味肉質比較出，冇潺嘅感覺.甜品：冰粉，紅糖糍粑，兩樣都高度推介👍🏻👍🏻👍🏻👍🏻冰粉凍冰冰，非常解辣；糍粑外脆內軟.食咗咁多嘢，每人around $400，順帶一提，午市火鍋免收湯底，而且大部份菜式可以點半份，可以食多幾樣，餐廳環境好，服務態度都好好，分數：9/10

疫情下無得北上食麻辣，唯有係香港搵間比較正宗重慶火鍋止下癮先🤭發現渝味曉宇中午火鍋湯底可以免費，所以預早book左中午試食。坐低之後，即刻有送上糖水比我地暖下個胃先，好貼心😊我地揀咗鴛鴦麻辣鍋+大骨滋補麻香味好好食，唔會太辣，唔會好重味精•桂花蚌（半份）•香鹵豬大腸（半份）•紐西蘭精品羊肉卷（一份）•午餐肉（半份）•曉宇手打四寶丸（半份）•炸芋頭呢度有一個好處有半份叫，午餐食得唔太多兩個人食都可以試多幾款！呢個價錢係香港食到唔算貴👍

半份驚飽，全部叫半份，我後悔了🙃話說今日食火鍋，都好期待！因為我最中意食辣嘢！ 我朋友吾食得辣,所以無叫九宮格,叫左鴛鴦麻辣鍋（大骨加重慶辣）有半份叫真好，可以樣樣食啲！首先叫左1️⃣安格斯優質肥牛半份（$119）,有5-6塊，中規中矩，幾好味！2️⃣鴨血半份，6小塊（$42），點重慶辣,夠味！3️⃣鮮鵝腸半份 （$62）,新鮮，但有啲肥！4️⃣苕粉半份,8少條,吾知邊度好食（$29）,5️⃣凍豆腐（$16）,好食可試、6️⃣毛肚（$62）爽口、7️⃣蝦滑（$46）每人4小粒,8️⃣皇帝菜（$18）, 每人10條左右！總括來講，ok la! 但朋友話下次未必再到這裡!

My girlfriend took me here on my birthday knowing that I really like Sichuan/Chongqing hot pot and it was exactly the flavour that I wanted. The flavour was very good and you could still taste the mala flavour even though it was very spicy. We also had the pork bone soup which was nice to when wanting to take a break from the spicy soup. One of the only things I didn't like was how some of the portions such as beef balls were quite small (4 beef balls for around $30) and some of the things were

同朋友食生日飯，佢指定話要食依間，仲話想食好耐，咁生日大曬就睇佢頭。湯底有得揀九宮格同鴛鴦湯底，見到幅圖紅通通，自己又唔係好食得辛辣，都係叫左個鴛鴦湯底穩陣d。一坐低店員就拎左2碗糖水過黎， 紅棗雪耳糖水，又幾滋潤喎，一啖飲完好想再添🤤之後d菜好快送到，聖子好鮮甜，不過有少少沙，牛肝好食入口即化，牛根肉丸有肉汁又有牛味😋正！

呢間餐廳平日都咁多人，好彩我有book位，如果唔係都未必有得食。一坐低，侍應已經放低口罩套同埋一碗紅棗雪耳糖水，服務態度好好。落單係掃QR code，不過亦可以問嘅拎點菜紙自己剔。我叫左鴛鴦鍋，一邊普通辣，一邊大骨湯，兩邊都好味。麻辣湯底非常多料，撈一撈會見到好多乾辣椒同埋花椒，比起出面好多麻辣火鍋足料，湯底愈煮愈辣。辣度未算好辣，對於我呢啲食小辣嘅人嚟講，係可以接受嘅程度，但淥菜就頂唔住🤣大骨湯雖然只有一件大豬骨，但湯底都有味，煮蔬菜類最好用呢邊，唔會太油。最鍾意呢間餐廳嘅地方係食物可以叫半份，小人食都可以試好多唔同嘅食物。而有部分食物亦會提示客人要煮幾耐，仲有鬧鐘提供，好貼心！鵝腸乾淨，30秒食得，唔鞋唔韌，同埋煮完都唔會變到好細好幼。珊瑚蚌亦好新鮮，爽口彈牙！平時打邊爐好鍾意食午餐肉，但唔係間間都好食，但呢間嘅午餐肉配麻辣湯底食，令我地係咁想食🤣鴨血亦係麻辣湯底必備，煙煙韌韌，正！淮山都係我大力推薦嘅配料，紫淮山同白淮山兩種口感亦不同。冰豆腐都係麻辣火鍋必備食品🥰出面有啲餐廳嘅冰豆腐切得較細，煮完成日唔見左🤣唔記得咗叫咩名，見到人地張枱有叫，我地又叫嚟試，不過我覺得冇乜特別。我朋

終於得閒同朋友試下呢間排名重慶火鍋排第一嘅店，其他食材唔講，推介佢嘅鴛鴦鍋底，好少辣得好味入味惹味，即係你擺咩食材入去辣嗰邊都好好味，再加上佢嘅點味，香油蔥蒜，一級棒 唔使額外加🌶️上去，鍋底係越食越辣，建議素菜擺豬骨湯嗰邊滿足 -最吸引嘅係鵝腸，竟然好食過毛肚！！！必食-其次就係毛肚同蝦滑，前者如果味道爭dd濃郁，後者彈牙爽甜-黃喉爽脆，不錯最後嗌佐個紅糖糍粑，友人話比之前食過都要好味，糯米香！可半份/4塊一嘗重慶特色，相比冰粉就稍為遜色些 服務上菜好快，個半鐘一定夠食，有機會再幫襯，希望增加會員有優惠服務哈哈