渝味曉宇重慶老火鍋 (New Town Plaza) (Closed) View

一黎坐底就俾碗糖水俾你暖胃，驚辣鍋底係正宗，香料好足，唔係得個麻字佢辣係順口，但都幾辣下所以配醋做沾汁，解辣解膩火鍋配料先係主角大路野唔講有個菜乾不得了食落去爽脆，加小少辣又未去到食菜脯咁推介剝皮魚都有，係襯炸腐皮都幾好食另叫左聖子，食材係新鮮但呢度所有野偏貴

香港人真係好鍾意打邊爐🍲我自己同屋企人都唔例外，一年四季都可以打邊爐🤣不過成日打邊爐真係搞唔掂，會勁肥🙈知道近排渝味曉宇同生酮飲食達人唐貝詩合作推出生酮火鍋菜單，咁就唔怕肥，仲可以食住瘦添😍為咗做到食住瘦，我哋堅持只點生酮湯底、食材同飲品，最估唔到嘅係原來連調味料都有生酮架～湯底方面我哋叫咗一個鴛鴦鍋，「養生花膠雞鍋」配「山珍菌湯鍋」。養生花膠雞鍋選用三黃雞加入花膠、新鮮蟲草花、杞子及鶏湯等餚製6小時，餚至皮散膠質溶於湯中，啱曬女士們呀😌火鍋料方面我哋全部都係點半份，咁就可以試多啲嘢啦‼️美國Prime牛小排油脂分布平均，肉質鮮嫩‼️ 紐西蘭精品羊肉卷有好香濃嘅羊肉味，香而不臊‼️薄切嘅大刀豬腰片非常爽脆，令我哋非常驚艷‼️鮮豬心都非常唔錯‼️牛骨髓同豬腦非常嫩滑，my favourite‼️想飽肚啲我哋試咗海帶麵，其實我都係第一次見，原來係用海帶製成嘅。由於主要係纖維，口感比一般麵質爽脆，幾乎係零卡路里，食完都唔會有罪惡感✌🏼打邊爐就一定要飲嘢㗎啦🍹 我地點左以生酮糖作為代用糖嘅無糖飲品👉🏻青檸梳打同生酮雜莓梳打。雖然係無糖但係味道都唔錯，最緊要係唔會肥😆呢餐真係食得開心又放心🤣🤣

作為火鍋迷，一年四季都無阻我吃火鍋的興致😆前排見渝味曉宇重慶老火鍋推岀生酮火鍋菜單，大大隻字寫「食住瘦」😳當然要去嚐嚐和一般火鍋有何分別。本以為標榜不致肥的火鍋食物選擇會極少，但原來仍然可以啖啖肉🤩⁡👉🏻食物: 3.5/5由調味料、湯底、配料、飲品等全都有生酮版本供選擇！而且配料可選半份或一份，更具彈性、不怕吃太飽！👍🏻⁡▪️ 養生花膠雞鍋配皮蛋香菜鍋湯底頗足料，雞肉及花膠份量多。⁡▪️黑豚腩肉😋半肥瘦，豚肉味香👍🏻⁡▪️ 美國 Prime 牛小排略帶油花，牛味頗濃。⁡▪️海帶麵是用海帶製成的麵條，口感有點像爽滑版的粉絲，成份主要是纖維，接近零卡路里💃🏻⁡▪️ 稻田毛肚大大片，但比較硬身⁡▪️ 鮮鵝腸洗得非常乾淨⁡▪️生酮青檸梳打及生酮雜莓梳打 酸酸甜甜，以生酮糖作為代用糖，解渴之選！😋

平時都好鐘意打邊爐，但係又好怕肥，《渝味曉宇重慶老火鍋》打破呢種舊觀念，最近邀請左生酮飲食達人唐貝詩Lydia Tong合作，聯乘設計出一套生酮火鍋，可以食住瘦 ‼️真係健康既一餐😍今次揀左位於沙田既分店，環境乾淨企理，座位好寬敞，坐得好舒服！鴛鴦鍋生酮養生花膠雞鍋湯料入面有三黃雞，花膠，蟲草花，杞子，店員講成個湯頭最少要煲6個鐘，相當清甜普通辣大紅鍋經典嘅四川湯底，越煮越香，越煮越辣！美國Prime 牛小排 雪花均勻，肉質好嫩，牛肉味濃郁～海帶麵海帶製成嘅麵條主要係纖維，卡路里接近係零😍比一般麵質爽脆，外形有啲似粉絲，但食落去好爽口手打黑松露墨魚滑超香黑松露味，質地好Q彈，超中意手打蝦滑蝦滑好香濃蝦味，但牙爽口仲有啲蟹子添！功夫萵筍片好健康，中和返食完肉嘅油膩。食落爽甜珊瑚蚌好彈牙爽口，食落滿口都是海鮮鮮味，一分鐘即食我地就試左生酮雜莓梳打同青檸梳打，飲落好清爽解渴好適合夏天餐廳都好貼心，我最鐘意佢可以選擇叫一份/半份，就算人少少都可以試多幾款。全部食材都好新鮮，值得推介🫰🏮渝味曉宇重慶老火鍋🏮📍地址：沙田沙田正街18號新城市廣場一期7樓709號舖

星期六日都真係好多人😕好彩朋友一早book咗位 呢個辣真係越食越上癮 蟶子↘️今日真係好新鮮 爽口❣️牛小排↘️重牛味 如果唔係夜晚唔夠膽食咁多嘢一定叫大既😭嫩牛肉↘️朋友話鍾意有啲口感 所以除咗肥牛之外都另外叫多咗份牛肉 唔會好韌一咬就可以斷開 好重肉味 放落麻辣嗰邊真係一流下次都想試埋個九宮格 唔知會唔會噴火呢🥱

近年來香港人都比較注重健康同飲食，所以依家自己都唔例外，近排想打邊爐但又唔想咁熱氣，近期成日聽人講生酮火鍋食住瘦，所以梗係捉埋個朋友去試吓。😋今次嚟到沙田呢間分店，環境寬躺又乾淨。點完嘢食冇耐侍應就送上每人一碗糖水滋潤一下喉嚨，湯底就揀咗養生花膠雞鍋同蕃茄湯，食物方面幾好，有半份提供啱晒我呢啲咩都想試吓嘅人。養生花膠雞鍋值得一讚，有蟲草花、杞子、花膠同滑滑嘅雞肉，雞肉裏面嘅膠質溶於湯中，所以湯底非常有益，而另一邊就揀咗蕃茄湯底亦同樣足料，除咗有大量切片蕃茄仲有金菇菜等配料。叫咗好多唔同種類嘅生酮食品，有海帶麵、白蘿萄、牛骨髓、鮮豬心、鮮黃喉、大刀豬腰片等等，真係可以食住瘦 🥰 海帶麵主要成份係纖維，所以差唔多接近零卡路里，食多啲都冇問題 😋 將蘿萄放入湯中可以完全收晒湯嘅精華，鮮黃喉第一次食幾有驚喜，估唔到咁爽脆。🦐 手打蝦滑、黑松露墨魚滑 : 兩款滑都超級正，味道相當濃郁同口感非常彈牙。生酮特飲羅漢果茶同雜莓梳打🥤健康之餘又夠凍，非常透心涼。自己鐘意飲雜莓梳打，因為可以食埋啲健康嘅雜莓。😋

想試咗呢間好耐㗎喇，身邊好多朋友都食過，今日終於到我食啦🤭咁啱唐貝詩Lydia 聯乘渝味曉宇重慶老火鍋，運用左生酮飲食嘅知識同經驗， 配合渝味曉宇嘅精選食材，並特別轉用合適生酮人士嘅調味料，創出令人驚喜又健康嘅生酮火鍋菜單，就算Keep Fit嘅「酮」路人可以大快朵頤!除左多款生酮火鍋湯底外，菜單亦精挑細選多款符合生酮飲食嘅葷菜及素菜，比食客選擇，當中有渝味曉宇嘅特色，有稻田毛肚、大刀豬腰肝、鮮黃喉、鮮 鵝腸、功夫萵筍片、海帶苗、乾貢菜等。正吖😁減緊肥食都冇問題湯底揀咗鴛鴦鍋🍲一邊係生酮火鍋湯底，養生花膠雞鍋用左三黃雞加入花膠、新鮮蟲草花、杞子及鶏湯等餚製。三黃雞是指羽毛黃、 爪黃、喙黃，其肉質嫩滑，皮脆骨軟，味道鮮美。鶏湯選用老雞、鶏腳餚製 6 小時，餚至皮散膠質溶於湯中。另一邊係重慶辣大紅鍋。嘢食我哋揀咗🍴🍴🍴🍴紐西蘭精品羊肉卷（半份）潮汕手打牛筋丸（半份）美國prime牛小排（半份）黑松露墨魚滑（半份）鮮活海蟶（半份）鮮黃喉（半份）炸芋頭（半份）萵筍條（半份）海帶麵（半份）淮山條（半份）鴨血（半份）腦花（半份）仲有嘢飲，揀咗生酮特飲🍹生酮雜莓梳打🍹青檸梳打嘢食全部都好高質又新鮮，

話說呢排想減肥，又買燒腩丸，又買代餐，回想返過去，減得最成功嘅時候就係生酮飲食，搞到而家又想入返酮.不過係減肥時間，總會有啲唔使減肥嘅人聊你食飯，見到地鐵站有個廣告勁吸引！係我最鍾意嘅麻辣火鍋竟然出生酮火鍋！梗係要捉唔減肥既老公試下__________________________一入座就會每人比一碗雪耳紅棗糖水你，潤一潤個胃，怕一下食麻辣太傷胃👍🏻👍🏻.鴛鴦湯底 $38/位🍲養生花膠雞湯底 +$20Keto friendly: ⭕️選用三黃雞加入花膠，蟲草花，紅棗杞子，生酮雞湯等足料熬製，一路煲啲雞油一路煲出黎，好香，雞肉煲完都仲係好有雞味.🍲重慶麻辣大紅鍋Keto friendly: ❌去渝味曉宇當然要食招牌麻辣火鍋見到咁多辣椒，以為一定好辣都有辣勁既，麻味都好重食到條脷有啲痺，爽！麻辣鍋撈起嘅嘢食，再點上特製好似芝麻油嘅香油中和。唔點豉油都已經非常滿足！.要講一講既係佢呢度仲有提供埋生酮匙油好貼心！生酮匙油比凡人版咸少少，大家記得唔好用得過量😝.所有配料都可以揀全分，或者半份貪新鮮嘅我梗係每樣都叫半份來試吓.🔹嫩牛肉 $48性價比高似滑牛粥嘅牛肉，肉質好鬆軟好滑嫩.🔹桂花蚌 $7

通常一聽到打邊爐第一下一定係覺得”好肥呀 !” 見到渝味曉宇重慶老火鍋聯乘生酮飲食達人唐貝詩 (Lydia Tong)合作設計生酮火鍋菜單 打破我地對火鍋既舊有概念 真係好吸引、好創新！所以呢日我就去去試下啦😎佢地非常貼心地選購合適生酮人士既調味料黎調配湯底及飲品(生酮雞粉、生酮醬油、生酮糖)我地就揀左鴛鴦鍋底 一邊係生酮湯底(養生花膠雞鍋) 另一邊就唔係生酮(普通辣大紅鍋)🌶野食方面我地叫左打邊爐唔少得既美國Prime朱小排(好新鮮)、稻田毛肚、海帶麵、油麥菜、䈑筍條、鴨血😬而生酮推介海帶麵🤩好爽口🤗飲品就叫左青檸梳打、生酮雜莓梳打🍓🫐採用左生酮糖作為代用糖☑️所以係無糖飲料🤩呢個生酮火鍋真係好啱我呢啲成日都好怕肥既女仔 而且又健康 一舉兩得😍😍

周街都見到好多宣傳海報，好多朋友都話想試，我就身先士卒去咗試生酮火鍋～⭐️鴛鴦鍋（生酮養生花膠雞鍋+麻辣重慶火鍋）有花膠、鮮雞件、蟲草花等，麻辣湯底辣得好過癮，鍾意食辣嘅朋友唔好錯過啦！連鼓油都有生酮醬油，比一般豉油咸，真係full set 生酮飲食😂😂😂💕海帶麵極低碳水生酮海帶麵，口感似粉絲，帶點爽脆，吸晒D湯底好正，重點零卡路里🙆🏻‍♀️💕嫩牛肉好嫩口，重牛肉味，同出面一般鮮牛肉口感有分別😎💕珊瑚蚌爽口鮮甜，30秒就食得🥰💕鮮黃喉唔係度度有得食，食落口好爽口，正🤩❣️生酮雜莓汁雞尾酒/梳打香甜雜莓味，帶點甘甜，望住D莓上上落落，好治癒😆😆😆食材算中上，亦好貼心有個計時器，大多食材上面都有時限建議，較好時間整野食就係最佳口感啦！份量有分半份一份，想試多D唔同口味就叫半份都夠2人份量少嚐，有D推介食材都幾特別🥳唔係成日食到，所以想去嘅朋友可以起行啦🙆🏻

揸緊宗旨，減肥係控制飲食唔係節食，所以其實飽住瘦食住瘦唔係廣告slogan而係一種健康嘅飲食態度。打邊爐一向同健康扯唔上邊，其實講到底都係睇你食咩！曾經因為個九宮格重慶麻辣火鍋出晒名嘅 @渝味曉宇 近排新推「生酮火鍋套餐」，喺地鐵幾個大站就瘋狂見到佢啲地鐵banner ，揾埋生酮達人唐貝詩做feature設計生酮火鍋菜單，打邊爐癮起真係可以一戰！最後畀多個credit個「紅糖糍粑」，軟糯糍粑沾上有少少焦香，加埋黃豆粉同黑糖醬真係絕配，嗌半份實在太對唔住自己，所以一份絕對走唔甩！不過利申返，生酮朋友係有得睇就冇得食㗎😂成個生酮火鍋設計，由湯底、配菜、飲品及至支醬汁都係keto-friendly，生酮湯底係「養生花膠雞鍋」，亦可以自選鴛鴦鍋，非keto嘅朋友同枱食識揀係叫招牌嘅「🌶🌶🌶大紅重慶麻辣湯底」！短評個湯底用三黃雞、花膠、蟲草花、杞子同鶏湯滾出嚟，味道尚可都重雞味，不過膠質嘅感覺唔算厚重亦唔會好粘口。至於個特製生酮醬油，偏鹹，食開清淡嘅其實我覺得用湯底滾出嚟嘅肉都好夠味，醬油可加可減。飲品方要配合生酮亦設計咗羅漢果茶、雜莓汁雞尾酒、生酮雜莓梳打同青檸梳打等一系列生酮特飲，用嘅都係生

久聞大名的火鍋店 果然名不虛傳平日裡的一人餐超抵食 $98+1配菜非常豐富 份量很足一人小鍋啱啱好 湯底超正 推薦叫鴛鴦鍋可以中和下🤣🤣 辣湯係都好辣 辣的好爽不過都可以食完叫碗冰粉即時解辣

原來打邊爐都可以愈食愈瘦😍？真係第一次聽呀！渝味曉宇重慶老火鍋新推出嘅「生酮」火鍋湯底及配菜飲品，就可以邊食邊瘦😍咁就食幾多都唔怕肥啦，正呀！之前同圓圓爸去過四川旅行🇨🇳，果陣日日都食麻辣火鍋㗎，好懷念呀🥰今日就叫左個鴛鴦鍋底，一邊可以揀生酮湯底「養生花膠雞鍋」，另一邊就叫左「傳統大紅重慶麻辣湯」，懷念一下四川嘅味道😋😋個麻辣湯真係超正！估唔到香港都可以食到老重慶味道，好感動😭而養生花膠雞鍋都好出色，湯底好足料，係用左三黃雞同埋藥材去餚製 6 小時，餚至皮散膠質溶於湯中，所以味道好足，質地都好濃稠👍🏻🍲嘢食方面，餐廳都好貼心，每道海鮮都會有一個建議時間嘅牌仔，而枱上都會有個計時器，咁就唔驚啲食物會煮過龍啦😍而餐廳入面仲有生酮調味料㗎，滿足晒生酮飲食嘅朋友仔👍🏻嘢食整體質素都好滿意，我仲獻上我嘅第一次，試左「鮮黃喉」同埋「豬腦花」🙈因為圓圈爸爸鍾意食，咁我唯有捨命陪君子啦😂😂📢必叫菜式🐖鮮黃喉🐖圓圓媽媽第一次聽，原來呢個係四川食火鍋必叫嘅食物黎😳我之前去旅行都無食過添😂😂鮮黃喉原來係豬嘅「心管」黎㗎，食落好爽脆，好特別，大家一定要試下🤩🐖豬腦花🐖豬腦真係第一次食😂圓圓爸爸話好好食㗎，叫我

想打邊爐但又怕愈食愈肥所以都唔敢去食呀但最近我發現到有生酮火鍋食🍲咁就唔怕愈食愈肥啦今次同男朋友一齊食但因為佢實在太多 quota 唔洗減肥所以我簡左鴛鴦鍋底等佢同我都可以一齊enjoy 美食生酮湯底係養生花膠雞鍋2個人叫湯底入面有1/4隻三黃雞架仲有花膠、新鮮蟲草花、杞子個雞湯好鮮甜煲得愈耐就愈重膠質雞件仲好滑啖啖肉而另外一個湯底就係大紅鍋重慶口味除左香辣之外仲帶有花椒香氣🌶🌶估唔到連嘢飲都有生酮選擇我地叫左生酮雜莓汁雞尾酒同羅漢果茶雞尾酒用左生酮糖作為代用糖所以係係糖架羅漢果茶用咗15粒羅漢果煲成而甜味都係來自羅漢果好天然架生酮食品有額外餐單推介 📝咁就可以一眼睇晒有啲咩啱食啦我見方叔叔推薦菜好多都好吸引大刀豬腰片同鮮豬心都好有驚喜估唔到可以切到咁薄而且口感同平時食嘅好唔一樣非常爽脆鮮鵝腸都係好有咬口佢每一樣野都好貼心有寫明要滾幾耐就食得而且仲有計時器俾我哋所以每一樣都唔會煮過龍影響口感我仲叫咗鴨血鴨血可以吸收晒兩邊湯底既味道好惹味呀😋😋紐西蘭精品羊肉卷食落去肉味香濃食唔停口我哋叫咗牛蛙（即係田雞）食落好好味吸收晒湯嘅精華蔬菜方面我哋叫左功夫萵筍片同油麥菜🥬萵筍片真係切到透光放落去

麻辣火鍋非重慶火鍋莫屬，今次不經意地發現左原來沙田都有麻辣火鍋！一齊要試試先得👅門口有茶同零食提供，有種番左內地既感覺😂呢間火鍋特別之處在於，每份菜式都有特定既時間，指引客人要「滾」幾耐就可以品嚐美食！仲有計時器提供，有心機之餘，而令客人有更好既美食體驗！.▪️鴛鴦鍋 $38/位事關第一次食，膽粗粗叫左普通辣(🌶🌶)x大骨滋補鍋！但食落又覺得可以接受，下次要試埋重慶辣(🌶🌶🌶)▫️曉宇苕粉 半份/$29 食落Q彈▪️稻田毛肚 半份/$78牛柏葉既口感相近，爽口▫️鮮鵝腸 半份/$68▪️嫩牛肉 半份/$48超級嫰滑，對得住呢個價錢▫️鮮豬心 半份/$38▪️萵筍條 全份/$28▫️藤椒牛舌 半份/$68薄薄地，易入口▪️土豆片 全份/$28▫️油條 全份/$28油炸鬼落麻辣湯，秒速入味！▪️鮮黃喉 半份/$59重點推介！一定要試，煙▫️鴨血 半份/$42▪️腦花 半份/$26▫️重慶炸酥肉 半份/$32 唔洗滾，直接食都得！