小王牛肉麵 (Closed)

喺食評見到有人話體驗極差 今日見foodcourt冇位就嚟試下係咪真係咁伏 叫咗碗台式炸醬滷蛋拌麵朋友就叫咗麻醬雞絲拌麵同鹽酥雞扒湯麵以為正正常常實冇死 點知碗炸醬麵冇味 炸醬又唔多 青瓜絲隻味仲突出雞絲拌麵 個麵係麵餅嚟 啲麻醬又少 成碗又係冇味鹽酥雞扒湯麵就正正常常啦 雞扒有啲鹹嘢飲嗌咗檸檬茶 珍珠奶茶 荔枝玉露哇杯檸檬茶真係唔好飲 仲衰過喺街買嗰啲盒裝 好澀 檸檬又係一舊 唔係一片片 應該係expect啲人唧檸檬汁落去??珍珠奶茶同荔枝玉露就普普通通啦一個餐大約60-70蚊左右 本身都已經唔抵員工嘅態度亦見不得係有禮貌 但都要加一😅總括嚟講 唔會再食第二次 如果想試伏可以食小王牛肉麵

學校喺附近，見呢一間冇乜人排隊所以入咗去食佢午餐價錢70至$80左右我食咗一個鹽酥雞扒刀削麵飲咗一杯珍珠奶茶我覺得配菜幾好食鹽酥雞扒新鮮炸都唔錯珍珠奶茶有啲甜但係如果諗唔到食咩呢一間都可以揀

lunch 叫咗碗柯仔貢丸麵線，搵咗好耐先搵到貢丸，噢，原來係貢丸薄片，sorry. 湯底淡而無味，落晒一碟酸菜都冇味，剛端上的麵線係暖的，唔係熱☹️。 冇咩原因會再吃！

三星期沒有出街吃午飯，今日出糧對自己好一點，就和同事出去吃飯。今日想吃台灣菜，所以就去了附近商場的小旺，入坐後就快快點午餐，我本來想點滷肉飯配鹽酥雞排飯，點知原來配豬排要加十五個大洋，所以就改選了鹽酥雞排湯麵，同事就要了半筋半肉湯麵。飲品就選了珍珠奶茶和凍檸檬茶。食物來了，急不及待起筷，鹽酥雞排好香脆，大大塊，又厚肉，裡面都還保持肉汁，還保持到水準，不喜歡吃麵的我，今日都是第一次在這間店叫麵食。不大喜歡這種麵條，麵條粗粗的，不過都煮得不會過腍，有點煙靱，還可以的。同事最愛的半筋半肉湯麵，份量都算多，筋和肉各佔一半，燜得也很腍，但湯就略嫌咸左一點，但總括來說都是好吃的。珍珠奶茶算大杯，但甜了少許，珍珠不算很多，但午餐包飲品來說已經算不錯。這裡的侍應常常都粗聲粗氣，每次光顧都是這樣，其實他們應該要正視一下。

2022-09-17失望嘅一餐😔同女朋友去咗德福食間台灣嘢🇹🇼小王牛肉麵🫅🏻我十年前都成日食🤗小王高峰期有十幾間分店🤣執淨得返兩間🥹食完今次我終於明白點解🥳我哋點了，半筋半肉湯麵（養生牛骨湯），63蚊碗，仲送埋杯珍珠奶茶，牛肉麵份量都幾多，仲好貼心送多兩條菜，但湯底好淡飲唔到有牛味，之前食湯底會濃好多，牛肉同麵都正常，唔會話好難食，不過就大退步，杯珍珠奶茶，味道正常，但隻杯真有裂紋，有裂紋都照俾個客用，咁誇張😱🧋鹽酥一口雞，25蚊碟，炸得幾香脆，不過真係太過咸了，調味重手咗🥲牛腱牛肚絲冷麵，68蚊碟，夏天食啱哂涼涼地，青瓜絲，蛋幾，紅蘿蔔絲拌麵食，口感幾爽脆，牛肚都幾彈牙，算唔錯了，慶幸有叫到碟正常🙏🏻整體環境一般，坐得好逼，隻杯有裂紋，不過老細念舊，唔捨得斷捨離☹️服務態度差到爆，全香港澳牛第一，小王一定排第二服務差，想了解吓杯嘢飲幾時到，店員完全敷衍，得啦！轉個頭就有啦（店員回覆），精彩對答😜食物質素大退步，希望小王有日可以東山再起，不過要改善吓個服務態度先，依個價位嘅台灣餐廳真係好多選擇😭😭#小王牛肉麵#鹽酥一口雞#牛腱牛肚絲冷麵

本身咁啱經過，諗住同朋友求其搵間野食個lunch一入到去，寫完張menu，諗住落單，嗌咗幾聲，入面啲人都完全冇反應。於是我哋叫多聲唔該，啲人就態度勁差咁叫我哋等陣落完單之後，佢俾張receipt我嘅時候，完全係抌過嚟我張枱到，就調頭就走，服務態度完全係0 到食物方面，我哋嗌左一碗半筋半肉湯麵同三杯雞配飯，野飲方面就無乜特別本身以為半筋半肉係一塊半筋半肉嘅牛肉，點知原來係一舊完整嘅肥肉再加一舊瘦肉，個湯就成碗瑞士汁咁而碗三杯雞配飯，第一啖雞肉，食到成粒鹽，總之成碟野就超鹹，啲肉又柴總括然而，服務差，野食又難食，真係唔會有下次

[🇭🇰香港- 九龍灣].🔻其實我都真係幾鍾意食台灣菜🤫有驚喜嘅“台式肉燥滷蛋拌麵”, 肉燥夠多夠大粒, 拌麵最怕唔夠汁同醬汁偏鹹, 但呢度完全唔會; 用左厚身同有彈性嘅刀削麵, 口感🆙鐘意多餸嘅朋友,可以學我另加牛筋! .🔻🍽 小王牛肉麵📌 地址: 九龍灣偉業街33號德福廣場二期4樓410舖.#tummysreadyatkowloonbay #tummysreadyforchinese #tummysreadyfortaiwanese

一入到去環境都幾幽靜比較 光猛乾淨 個面一嚟到傑撻撻一對面黐住啲酸辣汁一啲湯都冇 已經感覺有啲問題 嗰碗麵上面 兩粒雲吞淨係知道 兩個 剁碎咗嘅豬肉丸 平時屋企蒸肉餅就係呢啲啦 跟住送杯珍珠奶茶 味道淡 嗰啲珍珠硬到不得了真啲咬唔開 好似兩三日前浸咗喺度咁 服務員態度就幾好我話個面冇湯( 眼見 及 聽到 都好多客人要求加湯) 佢就另外裝咗碗 小型 酸辣湯 畀我添加落去咁先至叫做正常 不過對杯珍珠奶茶真係非常抗拒 啲珍珠完全唔入得口 嗰兩粒雲吞亦都好失望真係食肉餅咁嘅感覺

因為買了飛睇戲，所以在九龍灣食晚飯，看了幾間餐廳因為之前這間牛肉麵都ok所以今次選了這間食晚餐。叫了一碗牛肉麵，柯仔麵線及一個鹽酥柯仔，牛肉麵及麵線完全冇味，牛肉麵因為胡椒湯底所以有少許胡椒味就沒有其他味，而麵線更加一些味都冇，於是叫了店員給我豉油及醋調味，勉強食完碗麵線，牛肉麵就食了一半。後來見到店員就與他說為何這兩碗麵的湯沒任何味道，他說你可加些鹽調味，我說不是唔夠鹹的問題，是本身沒味的問題，他居然說可能是我們味覺的問題，因為沒有其他客人投訴過，我說我從未食過湯麵是沒味道的不是我味覺的問題，說了很久才說去厨房反映一下，出來時說厨房都覺得真是淡味了些，說會拿一碗濃味一些的湯給我，但再拿給我的湯都是加多少許胡椒味都是沒其他味道以後都不會再去這食店，真的從來未食過一 碗什麼味道都沒有的麵線，連配料都沒有味道與水一樣一些鹹味都沒有

你間餐廳非常之有親切感，同我煮既差唔多 (唔識煮），個廚師應該從來無係台灣食過野，珍珠奶茶係水味，蚵仔面線啲面線係硬既，個蛋餅係蛋餅分離既，鹽酥雞軟骨好啲既，因為倒左成支鹽，至少有味

本身都係諗住求其填飽個肚，所以冇乜要求。其實間間店都迫人，呢間都唔例外，不過等咗陣好快有位牛筋夠稔，真係估唔到，味道幾好。蔥、芫荽又有。麵質軟硬十分適中，麵夠入味，湯味索到入去。當日需要Quick dinner 嘅我覺得算係喜出望外了。

好想食麵類，所以揀左尼間台灣野😋好驚喜嘅係佢地嘅服務態度都好好啊，因為落單係自己係張紙到✔️，第一次食我淨係✔️左我要食嘅😳 後尾個姨姨會企我側邊問我要咩，唔要咩，係好有耐心果啲😘服務態度直接比💯🪧 牛肉麵 和 牛筋面同阿妹一人order左唔同嘅麵類，可以交換食😆湯底係牛骨湯，好濃厚嘅湯，食麵之前一定要飲啖湯，打開味蕾😌我地兩個都揀左闊麵，咬果陣好有筋道，太多麵了，食完真系好飽啊🫶牛筋軟淋淋，食落去仲有少少癡，覺得自己補充左超多嘅膠原蛋白🥰唔鍾意食肥肉但係食牛筋嘅朋友可以試下了🤝 牛肉有四舊，大細啱好，唔係綿綿牛肉🫰🏻咬落去好入味‼️份量啱好，唔會因為食太多牛而好滯😋🪧香芋珍珠奶茶 和 金桔鮮檸檬汁綠茶單點麵飯類，飲品可以正價減十蚊，真系好抵，所以我地即刻叫左兩杯野飲🥰香芋珍珠奶茶對我來講，香芋奶精有少少重，我唔係特別鍾意，但係珍珠珍珠好好味🤤好彈嘅feel，會想一直吸珍珠，咬珍珠🧋金桔鮮檸檬汁綠茶飲落去好清新，濃厚嘅湯底加麵同牛食多左都係會覺得滯，所以飲尼個完全幫到我🥰 少左甜，個甜度啱好🫶記得食辣野嘅朋友仔可以同姨姨要辣椒油啊，佢地嘅辣椒油都好香啊🤤🤤🤤

今晚工作完路經九龍灣，太肚餓所以決定就地解決！好多舖都食過，呢間未試過，俾次機會佢！一直好like台灣麫線，所以試下佢！不過個面同台灣的好唔同，台灣嗰隻面糊咁，佢係條條分明，我個人喜歡台灣嗰隻多d! 不過佢味道ok, 同埋夠多🦪，加返分！再叫左個鹽酥菇，反而驚喜，炸槳唔厚，唔會好漏呀！👍🏻再加杯金桔青檸，跟面半價！D姐姐都好好服務，疫情下舖頭平日晚上真係無乜人，見到都好蕭條咁🥺，希望快d好返多返d人流啦！一個人$100🍜🍹

🤎台式肉燥豬手飯 HKD65肉燥汁夠多，豬手有三個，都好入味😋🤎原汁牛肉麵 HKD55牛肉煮得很軟，麵底是幼麵，很喜歡兩條青菜😹🤎沙茶牛肉拌麵 HKD52其實不知道沙茶味是什麼😹吃起來有點🤏甜，有點鹹，不錯的嘗試🤣配料有青瓜絲和酸菜，麵底是刀削麵😻🤎高雄鹵水拼盤 HKD68很豐富，有一個滷蛋、豬大腸、豬耳、雞翼、牛腱，滷味很重，又不鹹🧆🤎一口鹽酥雞 HKD29即叫即炸，熱氣騰騰🤣炸粉一般，口感酥脆，也不算太油💕🤎手抓餅 HKD20一塊酥餅，不過不失（經常在家煎，很方便，又不用落油🤤）🤎鮮果花茶 HKD32很香的茶味，但喝起來又不是很濃，水果主要是橙子、蘋果還有百香果，味道融得很好🍎🍊🤎金桔鮮檸綠茶 HKD20

我和我的朋友都叫了台式滷肉牛腱飯，一上枱見賣相甚佳，滷肉排在碗上滿滿的，醬汁頗多但不會過份鹹，牛腱有數片，彈牙可口而且飯配了一些青瓜。我覺得配搭得非常之好，因為青瓜可以消除滷肉和牛𦟌的油膩，亦可使人有更加開胃的感覺。這個下午茶餐最大的特色是可以配特別的飲品，例如珍珠奶茶、荔枝玉露等。我們叫了金柑鮮🍋綠茶和珍珠奶茶。金桔鮮🍋綠茶是一瓶的，凍冰冰而金桔味濃，檸檬吊味，正👍🏻👍🏻珍珠奶茶不會過甜，一般珍珠奶茶動輒也要三四十元。這個下午茶餐變包珍珠奶茶算是抵食。