209
20
2
Exit B2, Prince Edward MTR Station, Exit B1, Mong Kok MTR Station, Exit C, Mong Kok East MTR Station
continue reading
Telephone
21113998
Opening Hours
Today
11:30 - 16:00
18:00 - 21:30
Mon - Fri
11:30 - 16:00
18:00 - 21:30
Sat - Sun
11:30 - 21:30
Recommended Dishes
星期三晚去咗呢度食飯，特別鍾意食佢個滷蛋、蟹粉豆腐煲、蟹粉小籠包、同埋高力豆沙。佢呢度都幾近旺角東地鐵站，由地鐵站行過去，都只係需要5分鐘。一坐低嘅時候，我哋第一時間叫咗個前菜，呢味滷蛋，係凍食，除咗有非常之香嘅滷水味之外，更加重要嘅係佢嘅蛋黃流露出非常香嘅醉雞汁，令到個蛋黃同時間都有醬汁嘅感覺。非常晶瑩剔透。之後我哋特別叫咗呢度嘅蟹粉豆腐煲，$98，豆腐煲用熱辣辣嘅砂鍋送上。熱辣辣嘅砂煲，煮住勁濃郁嘅蟹粉湯🦀🍲豆腐好滑嫩，我一啖蟹粉豆腐，一啖雞湯菜飯，非常鮮甜。蟹粉完全溶晒喺個湯度，食完之後口腔內仲保留住一份鮮味👍再之後就食呢度嘅蟹粉小籠包，小籠包嘅肉收藏住粒粒蟹黃，外面一層係包住，略嫌少少厚，但整體嘅味道都唔錯，小籠包亦都多汁。甜品嘅話，就揀咗高力豆沙，豆沙係用油炸過嘅，熱辣辣，裏面包住甜甜嘅紅豆沙餡。完結前，特別想提一提，呢度嘅服務非常之好，店員好親切，加水加茶亦都好頻密。
continue reading
前排係網上以72折買左夏麵館$100現金卷, 今日放工就同家人去左夏麵館太子分店食返餐。主打上海菜, 正價都唔太貴, 宜家再有72折, 真係抵上加抵!! 【鮮肉小籠包】HK$38小籠包厚薄適中, 含豐富鮮甜湯汁, 饀料鮮味多汁。【紅油抄手】HK$38個汁好夠辣, 饀料有肉香, 但嫌皮過厚, 薄返D會好得多。【酸辣湯麵】HK$52湯底酸辣味平均, 夠杰, 拉麵索左個湯汁令麵質更林, 材料豐富, 整體很有層次.【上海擔擔麵】HK$46湯底夠辣, 有淡淡花生醬味, 食落唔膩, 同樣拉麵索湯令麵質林得黎又入味。【豆沙鍋餅】HK$36嫌煎得未夠香口, 外層很粉, 未夠脆口, 但豆沙饀料很足, 甜甜地。【貓山王榴槤高力】HK$25口感軟熟, 一咬開已經散發陣陣榴槤飄香, 榴槤味甘甘地~【擂沙湯丸】HK$32黃豆粉平均包住湯丸, 咬開芝麻蓉湧出, 甜甜的, 芝麻味香濃。
continue reading
星期六有親戚到訪，一行四人之後想食個下午茶，咁啱要去始創心中買啲嘢，經過見到夏麵館，餐牌都幾吸引，就撳張飛等位，大概15分鐘可以安排入座。入舖頭時都需要量體溫同用酒精搓手液。一坐低先知原來有下午茶餐，價錢比正價平少少同多杯飲品，選擇都算唔少，而且仲可以升級加啲小食。當日分別叫咗4個餐如下:-1.青菜煨麵 – 湯頭白雪雪，味道香濃，調味適中。青菜應該係小唐菜粒，食落爽口清甜，一啲油都冇，感覺清新健康。麵質都屬少少煙韌彈牙，浸耐咗湯都唔會太發脹同變糊。2.嫩雞煨麵 – 基本同以上個青菜煨麵係一模一樣，只不過多咗啲冇醃過味嘅雞丁肉粒，雞粒唔嚡口，不過又未算嫩。3.香辣牛肉麵 – 湯頭顏色清澈味唔濃，一啲都冇辣嘅感覺。牛肉味淡，肉質唔韌，食落都冇黐牙，不過牛味欠奉。反而牛筋入味軟滑。4.排骨擔擔麵 - 排骨(炸豬扒)同擔擔麵分開上，擔擔麵湯濃稠，花生味重，而且食落辣味就慢慢滲出嚟，都幾野味。排骨(炸豬扒)粉漿厚，豬扒肉薄，炸皮味道完全掩蓋豬嘅肉味。所有麵底都係同一款。升級小食追加咗:-5.豆沙鍋餅 (半份) - 皮厚硬而唔脆，豆沙餡少，而且冇豆沙應有嘅紅豆香，甜度都比較淡。6.小籠包 (4件) - 小籠包皮略厚，包內有適量湯汁，湯汁味道淡，肉餡都幾大，調味恰到好處，仲食到豬肉應有嘅味道。7.油菜 (一份) – 烚菜芯鮮爽口清甜，不過不失。跟餐飲品4杯豆漿，豆香一般，勝在微甜。食物比較一般以下，份量都好足夠。雖然價錢唔屬於太貴，不過覺得咁嘅價格唔應該係咁嘅食物質素。環境就檯與檯之間距離都唔太密，舒適度都係一般。而服務就呼喚極都冇服務員應你，態度都幾敷衍。
continue reading
已經有一段時間冇食上海嘢又掛住個味道，今次就去咗太子的【夏麵館】。入面嘅上海菜式超多，最後我哋揀咗夏味燻蛋、賽螃蟹、老上海炒飯、鮮肉小籠包、家常煎餅、高力豆沙。燻蛋入面嘅蛋黃超醇厚，做前菜一流。賽螃蟹個味道炒得啱啱好，我連埋個老上海炒飯食感覺新穎，老上海炒飯入面有蝦同埋一d上海配菜，而且鍋氣十足好好味。 鮮肉小籠包點醋及薑絲食提升咗個味道，一咬落去入面d肉汁漏曬出嚟。 家常煎餅就好有上海風味，入面嘅葱絕對提升咗餅嘅味道。高力豆沙就係一個傳統上海甜品，入面嘅豆沙加上熱烘烘嘅表層真係回味無窮。
continue reading
好耐無去始創中心，原來入面有間夏麵館，呢間裝修幾清新，用晒啲藍色吊燈都幾靚。其他分店我都試過，今次試吓太子分店：。🍜自選涼菜（五小碟） $115佢有8款冷盤，俾你任揀五款嘅，最啱我呢啲想試多啲款式，但係每樣食少少嘅人。。🍜蟹粉炒年糕$98食上海野我鍾意食炒年糕，佢原來有蟹粉配年糕，一定要試啦，呢個用來點銀絲卷同曼頭最正。我最後追加左個銀絲卷配去嗰啲蟹粉。。。🍜夏味燻蛋$13（1隻）。去食上海菜，必點，因為唔係間間有得食，呢個好味。。🍜蟹粉小籠包$38/2隻.皮夠薄，肉汁鮮嫩，好香蟹膏未味，包內有小小湯，做得唔錯。.
continue reading