50
9
3
Review (67)
Level4 2017-02-15
218 views
年初五去了粉嶺有機農莊, 之後去了雲泉仙館, 好入的地方, 我也是第一次來, 原來都好大好靚的, 好多人好熱鬧, 我們去了食齋, 首先去買飛,  有得買套餐及散買, 價錢大約80元一個餸, 都算合理理, 我們叫左一個套餐, 400元左右. 有五個餸. 買完飛有人會帶你去攞位, 然後就會安排送餐啦. 好多人呀. 好彩都有位. 餐具, 白飯及粥都是自己取的. 都好快就送嚟. 有炸芋頭魚, 五色齋, 雜菇時菜, 春卷拼素雞, 豆腐菇時菜. 份量都好大碟的. 春卷好香口好脆, 入面都係素菜, 都好香好味呀, 味道唔會好咸, 好味的. 都好多件呀. 素雞好味. 係腐皮做的. 入味, 唔會好淡. 芋頭魚加甜酸醬一齊食好好味, 芋頭好粉好淋好香好味的呀. 仲要好大條呀. 甜酸醬加埋一齊食好好味. 那些菇都好鮮甜入味, 味道適中, 唔會太濃, 豆腐都好香.  白飯及粥都好味, 熱辣辣. 自家製的感覺. 間中食下齋, 感覺人也輕鬆左.環境都算大及舒服. continue reading
(The above review is the personal opinion of an user which does not represent OpenRice's point of view.)
Level1 2017-01-31
795 views
在粉嶺火車站搭小巴,唔洗廿分鐘就已經到!農曆初四過黎,人唔算好多,排隊大約十五分鐘。先買野食,再有工作人員帶位。十幾分鐘後,五個菜慢慢送通上。啲餸大件夾抵食!芋頭魚特別好味! continue reading
(The above review is the personal opinion of an user which does not represent OpenRice's point of view.)
Level4 2017-01-27
796 views
工作中午餐,剛好有時間兼經開呢度,泊好車入內,先去櫃臺落單比錢,攞單同號碼牌到大堂搵位,枱面已舖好厚厚嘅膠枱布!大家合作攞碗筷,飯粥係自助任食嘅!白粥:呢度啲粥好好味,好香腐竹味,不過我呢轉唔夠熱!只係微溫!爭啲!西檸鴨:檸檬汁酸酸地開胃,炸腐皮香脆,好味!芋頭魚:今日嘅芋頭蓉太稔,無乜芋頭香,雖然五柳絲醬汁酸甜開胃,外皮又香脆!齋拼盤:我食咗酸齋--今次唔夠酸,咖哩齋--幾香,齋幾滑,辣雞丁--有咬口,辣辣地惹味!炸春卷:香脆好味!點喼汁酸酸地開胃腰果大蝦,啲蝦好攪笑,微鹹彈牙,西芹爽口,腰果唔夠脆!一般紅燒豆腐:炸豆腐索晒醬汁,鹹香好味,外皮煙韌!菜心爽嫩!啲菇好香!燉湯:阿姐極力推薦,不過湯無肉,只有瓜菜味,又無落鹽咁!太淡了!蟹肉豆苗:蟹柳賣相好假,味道幾重味精,豆苗係我唔喜歡嘅溫室豆苗,有草青味!一般!店員阿姐好爽,見我哋食飽收枱,係成塊枱布包起變做包袱咁抽走!大開眼界!齋口唔齋心嘅午餐 continue reading
(The above review is the personal opinion of an user which does not represent OpenRice's point of view.)
Level3 2016-08-13
4073 views
嚟雲泉食齋,鍾意食完可以遊下花園,睇下盤景,但無揸車會煩少少,要係粉嶺火車站坐專巴,10幾分鍾到,遠離一下塵囂聽說呢度嘅齋菜會比較大碟,於是我們三人叫兩餸,白飯、白粥任食,自己動手裝。叫咗「紅燒豆腐齋」,其實同酒樓食嘅味道一樣,但真的很大碟,有雙位倍分量吧!略嫌汁比較濃,感覺不太健康,但唔會過鹹或重口味,幾好。另一個是「五柳魚」,既炸芋頭茸,好味,如果可以走汁更好,真的好足料,食完會滯一滯。同場最like係最不起眼嘅白粥,太美味,無想過白粥綿滑得嚟咁有味道,不是淡而無味的hea粥,值得為白粥而再來 continue reading
(The above review is the personal opinion of an user which does not represent OpenRice's point of view.)
Level2 2016-05-26
3340 views
星期六同屋企人專登入去食素地方幾遠同幾入下,但有小巴直到5個人叫左3個餸都已經夠食同飽白飯同粥都任食,自己裝粥果隻味同出邊食既有d唔同,清淡得黎幾特別叫左椒鹽豆腐、雜菜、芋頭魚(掛住食無圖)個椒鹽豆腐有驚喜!以為真係豆腐黎會好林,點知一咬好彈牙,好好食,食唔停口。好似平時d魚豆腐咁,但唔知佢用咩整到咁既 continue reading
(The above review is the personal opinion of an user which does not represent OpenRice's point of view.)