Video
7-min walk from Exit D, Jordan MTR Station
continue reading
Additional Information
只供外賣
Opening Hours
Today
10:00 - 22:00
Mon - Sun
10:00 - 22:00
Above information is for reference only. Please check details with the restaurant.
今日嘅三餸飯選擇：白切雞、肥牛豆芽、水瓜炒肉1、白切雞白切雞係我嘅其中一個repeat order，呢次食落同上次感覺差唔多。雖然雞肉有啲柴，但勝在冇雪藏味，食落唔覺得有啲奇怪嘅味道。薑蔥醬算係幾得體，幫雞肉加分唔少。2、肥牛豆芽 呢個餸都唔錯，牛肉唔係嗰種咬唔開、勁韌嘅劣質貨（上次喺間餐廳堂食就係食咗劣質牛）算係正常口感，起碼有返肥牛應有嘅滑度。豆芽爽脆，吸咗少少醬汁，唔會太鹹，平衡得唔錯。3、水瓜炒肉呢個就稍嫌遜色啲喇。水瓜未煮透，口感偏硬，冇咗水瓜應有嘅清甜同柔軟。我鍾意清爽滑溜嘅口感，呢款可能唔啱我口味。4、檸檬茶～唔要飲品嘅話，三餸飯$34。但係我要加包檸檬茶$5，戒糖失敗一餐。整體表現係對得住呢個價錢嘅！！按$34 三餸既價位，覺得可以比3.5-4星！單係價錢都已值1-2粒⭐️兩餸嘅話只係$29，$30都唔使呀黐線，仲平過麥當勞。日常填飽肚子之選，呢個價位真係無得輸。
continue reading
我第一次幫襯呢一間戶戶餸應該係幾個月前的事了，當時見到都有啲人排隊所以我又試下乜嘢叫做兩餸飯，嗰次叫了炆鱔魚同埋黑醋骨，拎返屋企都唔敢有太大期望，竟然有驚喜，兩個餸都好食呀。第二次可能係7月頭的時間我叫了三餸飯，果次有影相，3個餸分別係牛仔骨，排骨炆豆腐卜，炸蝦。 份量好大，炸蝦就有3隻嗰次我食完係好飽。第二次沒有第一次咁好感覺，牛仔骨好味，排骨炆豆腐普普通通合格嘅，炸蝦可能擺得耐咗一啲，唔係咁正， 如果幸運是新鮮出爐的應該幾好食。今次係第3次，份量依然驚人，我特登攞3隻碟出嚟分配黎影相，真系好誇張，我食剩大半份炆豬利，留了隔天再煮。今次第3次沒有第一次的喜悅，就係覺得好大份好抵食，可能3個餸都比較擺耐咗，冇咁好啦，菜心炒豬肉okay嘅，椒鹽豬扒okay嘅，炆豬利好似唔夠林。 講真38蚊三餸飯，自己點樣買餸整啊，份量足夠兩個女孩子食，真係經濟實惠。食幾餐三餸飯可以慳返啲錢食啲貴嘅同埋好味的餐室都係慳錢嘅一個方法。
continue reading
尖沙咀一向都係租貴物價貴嘅商業區😱不過近呢 我發現原來都有一啲平價又好食嘅飯堂喺度 唔係真係一般嘅飯堂 係講緊可以變為日日都食得落嘅餐廳我就叫佢做飯堂先講地點唔遠喇 地鐵站行十幾分鐘就到夜晚仲會有少少人排隊㖭 咁你就知究竟好唔好食啦 講返個d餸先 生炒骨啱啱出爐🤪🤪 拎到返去就算係畀個飯盒包住都唔會焗到太淋 仲有啲啲脆口啲汁就甜酸度適中 另外今日見到個咖哩雞都唔錯 顏色幾靚 咬落啲雞都嫩口嘅 30蚊差唔多啦睇嚟我呢幾日如果要食飯都可以去試埋喺呢度其他餸✌🏻見佢啲西蘭花炒牛肉都好似炒得幾靚呀👍🏻👍🏻下次真係可以試埋肉餅如果講要改嘅地方都有嘅 排隊呀畀錢呀就比較混亂啲囉 有啲人會打尖咁樣 咁姐姐喺裏面不僅送去你唔到出面嘅 呢方便改埋就仲好啦
continue reading
午餐叫左個三餸飯咕嚕魚: 炸粉不厚，肉厚，酸甜味剛好鎮江骨: 炆到好入味，好「林」，好香口翠肉瓜炒雞柳: 保持爽口，翠綠餸菜款式多，價錢划算，同埋員工態度都好好👍🏻
continue reading