滬江飯店

Open Now

Now Closed

上星期五中午食飯，平生第一次見到如此唔禮貌的中年女侍應-娟；出口不遜，問佢，佢嬉皮笑臉話：這麼咩唔好意思了！我同事問我，聽到佢如此不禮貌之說話，點解可以忍落去；我話真係唔知如此之人會唔會再講出更加不禮貌之話；所以我只係搵佐陳經理叫佢問清楚。可惜了食物, 就算點麼好味都好，有這麼服務，點麼都食唔落了。此度曾經係大家經常幫襯的飯堂之一；但受此氣係第一次！純粹係佢遞左個menu 比我，我話我prefer 另一個menu. 跟著佢就爆出「冒失同極度無禮」字眼令人不能接受！或者係無心，但非常不能理解佢行為。

昨晚與朋友共進生日飯，點了多款名菜，魚頭粉皮煲、醉豬手等相當美味。但有位大陸口音女性服務員，多次行行過嚟滋擾， 又批評點解會點呢啲菜，真係不知所謂。食物點美味都冇用，食得唔高興…… 可惜

又係一年一度母親節❤同阿媽食佢最like上海菜,咁見好耐無食滬江又book到位就食佢!預約左8點，我地早到左3個字照俾我地入，晚餐有套餐同散叫，套餐好似去飲既菜式，所以就散叫。排序不分🔎1.鎮江肴肉，好食，但切得較幼身🤨2.四喜烤夫，普通🤔3.醉豬手，唔錯幾好食，但阿爸話皮唔夠彈😄4.小籠包，好食，成餐最好食係呢個😋5.鍋貼，好食!😋6.松子桂花魚，麻麻地，要220太貴唔值。😣7.砂鍋雲吞雞，普通.🙄8.四季肉碎炒豆干，個名唔係好記得，豆大軟。😌9.百頁炸肉，呢個小菜最好，餸白飯掂。🤤10. wasabi鮑魚木耳，無咩特別，味道可以😐整體食物都唔差，但感覺跟以前唔同🤔，而價錢知道都唔平，因為佢地係做開遊客生意💸。。有興趣都可以試下既。。(⊙o⊙)

抗疫折扣全日七折送薏米水中學時代，無論大夥兒節日晚飯還是家庭聚餐都喜歡到滬江，當年環境較靜，來晚餐真的很不錯。但往後數年格調變了，跟普通酒家一樣，自此少了光顧。但久不久還是會來一來。五月六日星期三，訂了座，到餐廳全場只有三四檯，燈也只開了一半，很淒涼的感覺。一坐下還未點菜，侍應便端上熱呼呼的薑汁薏米水並說這是送的。新餐牌為這疫情而訂製，當眼處寫上「抗疫折扣全日七折」，看看價錢，感覺略有微調，但七折後還是很划算！四個人點了一湯：砂窩雲吞雞兩小食：小籠包，窩貼兩小菜：回鍋肉，醬油炒鮮淮山一炒飯：金華蛋白炒飯不小心點得太多了，但全部都很好吃！除了食飯，還是喜歡他們服務的態度，很親切，這麼多年也沒有變：）這點比銅鑼灣那間好的多！

跑到北京道滬江大飯店看過食記知道其下午茶餐好平疫情嚴重期間沒有湯水和糖水本星期沒有排骨担担面只有鎮江淆肉加配担担拉麵但可以選B組有小籠包2個水餃3只蔥油餅一個等下午茶這鎮江餚肉最抵吃配一個不大四川的擔擔面色素很上海也沒有足夠花椒和川式濃郁香料看四圍特色上海風正價餐牌蝦仁大老面蕃茄湯底係好靚令人眼前一亮！可惜將貨就價蝦仁就無鮮味水餃3只小籠包兩個都係新鮮熱辣小籠包好吃些平價要求不能過高應該係抵玩抵食

這天人日忽然來了一場生日飯聚！而好友選了到尖沙咀的吃我喜歡的上海菜，甫坐下鼻子傳來一道異味難聞得非換檯不了！可幸侍應亦樂於為我們換檯服務抵讚！ 人到齊便各自點上心頭好菜式和點心很快便上檯有得吃了！招牌小籠包＄52定晒型像道具般的賣相真的不得人心！小籠包皮吃下硬生生是預計到的，萬幸是內裡的肉球有汁亦鬆化，只是敗在那道具皮上！！這客古法白片肉＄90以濃稠挺鹹的汁醬伴隨肉片包裹著清爽的青瓜，我覺得不沾汁醬吃更為可口呢！上海烤麩＄80我喜歡手撕的口感多一點！鹹甜味道調得恰好尤其那口香菇更為動人。車爸爸愛吃乳鴿就點上一隻醉香乳鴿＄128給他品嚐，乳鴿賣相挺大體一隻分得頗多件師傅好刀法，聞上去酒香蠻盛可惜吃下未夠入味！幸而乳鴿肉質尚算軟嫩挽回分數。而這條松子大桂魚＄200/半條就真的令人失望了！首先醬汁酸而不香繼而桂花魚很腥，我吃了一口便放棄了！另外這碟油炆冬筍＄180就十分出色！冬筍口感鮮爽無渣味道清甜誘人，配上濃油赤醬的調味更為可口。我吃上海菜必點銀絲卷所以選上這金銀絲卷＄48，金銀乃蒸和炸的銀絲卷也，從來喜歡吃蒸的我今次反而較喜歡炸的版本多點！ 主食有津白肉絲炒年糕＄106這個就色香味俱全了

一家人來到滬江飯店吃晚飯。▶️蘿蔔絲酥餅新鮮炸起熱辣辣 ，外皮脆脆入面 蘿蔔絲又軟又甜冇得輸。▶️蛋白炒飯炒飯鑊氣足， 食起來乾身唔笠口，配料就唔算太多。▶️胡椒餅胡椒館令我非常驚喜。喜歡胡椒味嘅朋友一定非常喜歡!這個胡椒味非常強烈， 每一啖都係充滿濃濃的胡椒味。 而且同小籠包一樣，裏面嘅豬肉餡調味出色， 入味得黎唔會過鹹。▶️高力豆沙味道好，蛋白打得夠輕身。配搭士多啤梨醬同沙糖可以點， 我自己就鍾意食番原味。▶️茶樟鴨半隻呢味餸都做得好出色，肉質唔會乾身，但係非常入味，食得出用咗好耐時間去燻煮。

Great place for lunch. Have been here for a few times and usually there's no line. Possibly because there're too many options in TST area.Lunch set is very reasonably priced and with a great range of food. We, in a group of 4, ordered a lunch set for 4. It comes with hot drink, 3 dishes & 1 bowl of noodles/ fried rice. The dishes are of generous portion and are authentic Shanghainese cuisine. I heard this shop is famous for crab set when it's crab season. I missed it this year and will try the n

入秋後，又係食大閘蟹的好季節，以前的我，對大閘蟹的鍾愛情度近乎100%，隨著年紀大了，真的不敢再任意妄為，通常一隻起兩隻止，所以會貴精不貴多。滬江大閘蟹宴係數年前曾經食過，朋友話此店每年都能保持水準，所以今年再encore.此大閘蟹宴$570一位，價錢中上，材料新鮮，絕對物有所值。每人一隻大概5兩重的大閘蟹，全部係我最愛的公蟹。蟹未煮前經理會先給客人過目，隻隻都眼仔碌碌。蟹一上台，大家都動手拆蟹了，蟹膏一流，肉質鮮甜，好正👍🏼蟹粉魚翅的蟹粉味唯然不是太濃，但味道清香。魚翅如果改用素翅就好了。蟹粉小籠包一人一隻，大大仔，包裡的湯汁不算太多，但勝在肉質鮮嫩，蟹粉味充足。青炒豆苗份量太少，如果可以雙倍份量便好了，皆因豆苗鮮嫩爽口，好新鮮。戲肉終於到了，全班朋友最愛的是這蟹粉籠仔栥飯。蟹粉配糯米飯竟然如此夾，大家食完都覺得唔夠喉，少食多滋味吧！薑茶湯丸的薑茶唔夠辣，但湯丸正是芝麻寧波湯圓，好好味，皮薄餡靚。真正的靚薑茶是這杯，辣度十足。最正係飲完可以添多一杯。一個大閘蟹宴當然唔夠喉，我們都多點了一些前菜及點心。這裡的舟山海蜇頭好爽口，沾上這店的紅醋更添惹味。醉豬手同樣出色，酒味不是太濃郁，但豬

秋風起，除了食臘味之外，大閘蟹都係小編每年必食的！🤪🤪🤪平時在家中無拘無束地吃上星期和家人一起來到滬江飯店細味大閘蟹宴😎清蒸大閘蟹創意蟹粉系列 HKD$570/位🍲蟹粉魚翅蟹肉分量極多 可是蟹黃味幾乎吃不出來😭翅羹可能加了色素吧 需要配搭桌上的醋🥟蟹粉小籠湯包比一般的小籠包來得大隻 裏面的豬肉比較紮實 湯汁豐富 也帶有陣陣蟹香味🤩🦀清蒸大閘蟹一隻蒸蟹之前侍應會拿出大閘蟹給食客過目此時可以檢查一下大閘蟹的眼睛是否精靈😶目測大閘蟹有五至六兩重😮全部是蟹公 金黃色已有香濃的蟹膏呈現在蟹內🤤期間侍應會遞上一杯熱騰騰的黑糖薑母茶公大閘蟹可能未到時候 唯獨蟹膏不夠黏口但這個禮拜是時候 大家趕快點去試吧！😆🍚蟹粉籠仔栥飯+清炒豆苗別以為份量很少 真的非常飽、滿足蟹粉極多 可惜依然味道不太夠 🧐清炒豆苗位負擔重的一餐降低了不少🤪🍲薑茶湯圓大大的兩粒芝麻湯圓 外皮有點厚📌至少提前兩天電話訂枱Follow Me : eatwegohk

今天到尖沙咀參觀九龍清真寺開放日之後去找點吃的 就到了滬江飯店看到桌上有一張下午茶餐紙下午茶餐竟然只需$58我和Honey貪心叫了三個餐可在AB欄各選一款：排骨擔擔麵 配 白菜苗雜菇雲呑 配 小籠包冷麵 配 麻辣餃子每款食物都好好味跟平時散叫的是一樣並沒有將貨就價吃得好飽好滿足三個餐@$58合共$174埋單………平到你唔信！！！！

放工一班人黎到呢間餐廳食上海菜， 去咗呢間比較老字號嘅上海菜館，一致認為服務同食物都唔錯喎!乾煸四季豆呢個相對失色啲唔炒得唔夠香口。葱油餅厚厚嘅蔥油餅夾住好多蔥，非常足料。小籠包食上海菜點可以唔點小籠包 ? 呢間嘅小籠包受得到我歡心喇 。喜歡佢嘅小籠包皮薄餡靚， 一牛開就爆汁 ，肉味香濃 ，忍唔住食多隻。茶樟鴨半隻呢味餸都做得好出色，肉質唔會乾身，但係非常入味，食得出用咗好耐時間去燻煮。順帶一提，食飯當日天氣30幾度，餐廳內冷氣有點不足，我要攞部風扇仔吹涼，稍稍不夠舒適。其他的就沒什麼可挑剔。

傳統上海菜, 整體都算ok,不過唔可以話好特別📍醉雞差唔多係上海餐廳必叫 👍 酒味濃郁又唔會有苦澀味，啲肉質都好嫩滑📍小籠包皮薄餡靚，不過夾嘅時候要小心。好易整穿📍拔絲香蕉我地黎呢到食嘅主要原因 🤣 而家好多餐廳都 嫌工序煩複，所以唔再整。見到呢到有，當然要留返個肚食啦…今次同行嘅朋友竟然話未食過 😱😱 外層又甜又脆，今次俾佢食返夠本啦其實我都真係幾鐘意食上海嘢，不過次次叫啲嘢都差唔多 🤭 希望唔會悶親大家啦

我已經當呢到係飯堂。每次同朋友約會，第一時間就會話到飯堂。地點就腳，有服務，食物有水準，係keep到水準！每次都會試不同食品，今次試呢幾款，都好適合我口味！下次又唔知會試咩款式呢？！

去尖沙咀睇完醫生咁啱又到lunch啲時間 就喺附近食嘅上海嘢。 燻魚湯麵，麵底都算彈牙，湯也不太濃味,而這個糖醋燻魚是凍食的，兩者加埋一起吃， 可中和返味蕾!小籠包的皮太厚 ，薄啲會比較好食這個餃子清清地點醋也不錯。蔥油餅炸得也幾香口， 內涵有好多蔥， 要趁熱食啊!!!!!!!!仲有午市自選套餐添~