WOW! Burger (Closed)

<<之前漏了寫的食評,但也想跟大家分享>>當日我入去店內問問到底有無薯皮賣,因為上2次見到個menu都係寫住暫停供應,so sad :( :( 我當時都等左成個月架喇~次次行過都好期待地望下個餐牌今日終於買下了芝士肉醬薯皮 !!外賣需要等10MIN左右~當我坐0係道等緊果陣,職員仲0係counter走出來扲袋外賣俾我,nice 但真的超抵吃,好大件呢!!外賣用泡膠盒裝住,而且職員細心地弄了一個洞比D薯皮透氣呢~GOOD SO HOT!附茄汁x2包及 叉~yeah!芝士肉醬薯皮 $22 / 5 件實在好抵呢!!!! 超級好吃,100% yummy!而且又好足料,有很多肉醬及芝士呢~滿足極了~大大件!WOW!!!薯皮 口感佳,絕不會很「粉」的感覺!!愛死了~ 今次終於俾我食到,簡直係感動極了!!!但可惜此分店經營不久已結業了~嗚嗚~…Read More

slogon""I LOVE , THEREFORE I BITE!!"" 鋪位細細,加上鋪租也是很貴..最尾都係做唔住執左..嗚嗚~~~我想點個芝士肉醬焗薯皮,可惜職員話今日無得賣呀...嗚嗚:( :( order果陣,職員話無得賣薯皮那時,佢仲推介薯格岩唔岩..但我只想食薯皮only..嗚~...但我最終都係決定買埋佢黎食啦,反正我都特地行過來這邊買burger吃!!! 全部burger的價錢也大眾化~等候外賣時,不斷拍拍拍~ 薯格 combo再加$7一包雖然見佢細細包,原來10幾件左右的份量,芝士味並不很重,炸到金黃色~外皮香脆,非常好味! 田園沙律漢堡 (combo $22)呢款係素食的burger,中間的餡料有大大片的生菜,紫洋蔥~正!!love it!!!!! 番茄也是大大的一片,包的表面有很多芝麻,幾好味~100分滿足~ blue berry soda 藍莓泡泡內有很多什果的存在,很重soda味~過甜了一點點~有少許的藍莓味~反而提子味比較重吧...?!?!?!很冰凍,爽!:)staff的態度good,上菜效率高~外賣的製作速度也是快的,下次有機會試吃其他款式的burger先~仲見到有意粉套餐呢~…Read More

復活節同老婆去試下li間漢堡包第一次黎食,點左大家都讚的"牛肉芝士漢堡"牛肉芝士漢堡+菠蘿滿天星 = $32塊牛肉好多汁丫!又新鮮, 嫌芝士唔夠多, 個包裝紙好易穿, 整到成手都係!菠蘿滿天星OK啦, 又有啫哩係入面!同老婆一杯都夠哂!焦糖西多士 = $15正!好似入口即融, 一定要趁熱食!薯格 = $7係炸物都應該好食ge!份量都夠兩人食,唔會得少少服務方面, 個店員好落力推介!唔錯~環境, 間鋪仔細細, 不過都好乾淨下次要試埋其他!…Read More

有一天晚上到這兒買了一個香辣魚柳包外賣, 覺得個包真係唔錯呀!!!!! 首先是很多蔬菜, 有很多層洋蔥, 而且塊生菜亦十分新鮮, 塊魚柳都很好吃, 總括來說就是很好吃, 真係覺得同樣係漢堡包, 但係這兒的漢堡包, 真係高麥記很多班呢!!!! 我也不介意付出較多, 吃一個相對上較優質的漢堡!!!!在買包時也發生了一件趣事, 話說由於這間店舖的包是即叫即整, 於是我落了order後, 便離開店舖範圍, 去了另一處買東西吃. 大約過了十多分鐘後, 再回到這兒取包, 這時一位類似店長的人員便笑著拿個包給我, 更笑著對我說, 剛才出去找不到你呀!!!!!!! 哈, 又估不到一間小小的漢堡包店, 服務真係唔錯喎!!! 也feel到他們都是幾有誠意的!!!!!!!!!!!!!!!!!!! …Read More

這間規模不大的漢堡包店"WOW",不經不覺,已經開到有四間分店.其中灣仔店更成為貴網的入圍熱店,可喜可賀.今次去路德圍的一間,店子小得只能坐幾個人,大多客人以外賣為主.我們見到店內還有兩個位,便坐入去.店員推介芝士漢堡,加汽水$32一客.如果加薯格就多付$7.所有漢堡包即叫即做,麵包味道帶點點"嘉頓"氣味,咬下去很軟熟,富有生命力.老麥的麵包一篤就會留下指印,而WOW的麵包就會識得反彈.番茄同生菜很新鮮,番茄鮮甜多汁,生菜爽脆.漢堡扒自稱用手打,果然口感鬆軟,但又不是時新的軟得過份.可說是剛好.雖然欠缺一點肉汁,吃下去又不太乾.漢堡包內的沙律醬,明顯地調教過,味道反而有點點"港式"味.小時候老麥的一段急口令:{芝士生菜加芝麻,人人食到笑哈哈.}現今想起,呃細路就得.WOW的芝士漢堡,就真係值得一個笑臉.我份人對食物的情感,一向不夠感性,所以,點好吃到好,也不會"笑哈哈"到出面.…Read More

今日去左呢間食lunch，我記得好耐之前我在灣仔食過。味道都唔差既，唔知荃灣得唔得呢？由於時間尚早，所以人都唔算太多。香辣魚柳漢堡真係辣辣地，仲要辣得幾耐下。不過個辣醬同個炸魚既味好夾，炸魚好食同好新鮮。炸粉又唔太多，好正好好食。配料仲有d紫洋蔥，洋蔥癡既我真係開心啦。炸薯格雖然真係無乜特別，不過新鮮炸得黎又唔會太油。呢個就真係幾好啦。藍莓泡泡唔使加錢既特飲，似係藍莓糖漿加雪碧既特飲。都幾好飲又唔算太甜既。一口西多士有十二粒既一口西多士，幾好食既。但焦糖同個西多士唔太襯。不過一口西多士既感覺上係無咁油同滯，幾好唔錯啦。:)野食真係幾好，而且店員好有禮貌。總會有下次既，如果有機會。…Read More

偶然經過路德圍都想試試 WOW Burger 的，上星期二晚剛巧戲院開場時間較遲，時間充裕便前來光顧。店鋪空間狹小，只可容納 6－7 人，人多的話會在店鋪外加 1-2 張檯。我們點了兩個芝士牛肉漢堡餐（$32），餐送特色飲品一杯，可加 $7 加一份薯格。麵飽烘過，芝士少少溶好靚，生菜蕃茄咬下去「sor sor 聲」，很新鮮；牛肉很嫩而且亦很鬆軟，牛味濃且多汁，一點也沒感到乾澀，另外還加了些沙律醬，整體配合得非常好。…Read More

順路去荃灣見到WOW!~咁就試下啦~之前見openrice講到好似幾好食咁~同女朋友一試~當然試下最出名ge芝士牛肉漢堡~加埋杯菠蘿特飲~諗住同burgerking差唔多啦~個包一黎~WOW~心諗咁ge size比burgerking好好多開始食啦~食左頭兩淡都食唔到肉ge~我明明見到有架~諗住D牛肉唔係細到咁~原來係我自己整低左塊扒~哈哈~不過略微覺得細左少少~生菜ok新鮮~塊扒真係好食~有肉味~唔似m記果到食完都唔知自己食左咩咁~杯野飲就真係一般~無特別~可以選擇其他~特別一提~呀~唔係唔係~係一定要提~!就係收銀果位哥哥~太有禮貌啦~簡單一個外賣前後講左唔知幾多次多謝~仲90度鞠躬咁樣送客~少見~同埋又好健談~食完仲可以吹兩句先走~唔錯~見到TST都有分店~不過都係打算去番荃灣食~XD…Read More

今晚5-3-2010(Fri)爸爸同大哥去飲表妹o既喜酒,我決定唔去,男友就陪我食飯,佢o係呢o度買o野o黎我屋企食,買o左:$23.00o既牛肉漢堡加$11.00豬扒,$7.00藍莓泡泡,$15.00朱古力多士,同樣$23.00o既牛肉漢堡,$7.00細可樂,同$7.00o既薯格.打開包裝我o地真係嘩嘩嘩聲,因為我o既雙拼漢堡真係好大件,影完相,男友急不及待話要試加o左朱古力漿o既多士.我又要試,冇味o既,啊,未落錬奶,加o左就甜返啲,有啲味,但因為始終佢裡面冇餡,只係將方包沾蛋漿炸,所以都冇想像中咁好食.:(味道: 1分我o既牛肉豬扒雙拼漢堡,今次o既牛肉好似一般,而豬扒都好似冇咩味,微酸o既味道就只來自沙律汁混鮮蕃茄片.而幸好,蕃茄同生菜都新鮮.而男友o既牛肉漢堡,我冇問佢覺得點.到藍莓泡泡,點解冇泡泡o既?飲落,味道似提子多過藍莓喎,攪咩?:(而裡面都有類似大菜糕o既o野,都冇咩特別.薯格味道亦屬正常平淡.唔知點建,呢餐我反而覺得一般,冇第一次食o既驚喜.http://www.openrice.com/restaurant/reviews.htm?shopid=37747&page=2…Read More

早排睇完戲有點兒口痕走入wow burger覓食入到去見到.......(下刪n字直入正題)$25/個薄餅直徑大約15cm即叫即正,望入去鋪頭好乾淨我有少少潔癖都覺得間野無問題雖然睇落去好似唔多抵但係食落d料好足最起碼由第一啖到最o個啖都啖啖火腿又有少少磨菇(多d仲正)芝士亦佈滿薄餅面茄汁略酸,都幾開胃而且薄餅厚接近5cm下午茶黎講都算抵食…Read More

其實試burger店,試有漢堡的包,才試出實力。因太夜,唔想食紅肉。買左個他他汁魚柳包。麵包輕輕烘過,好脆:)。魚柳有點粉粉質(我預期起碼要像麥記的魚柳,魚肉成一楷楷),所以魚柳肉質麻麻,勝在吉列皮脆。與疑似沙律醬味的他他汁,好夾。店員先問,有無野唔要(即蕃茄/洋蔥/生菜),唔太喜歡生洋蔥的我,要試佢原汁原味,全要!原來那切得幼幼的生洋蔥圈,可令burger好味好多架!不過食完,那洋蔥味,足足c/f 到另一整天呢…Read More

每一次行經此店都吃得飽飽的,無緣與此店結緣,今次要去路德圍拎野,終於可以入去試啦!店子很小,只有四個位子,我叫了一個芝士牛肉漢堡餐,待應小姐說是下午茶時間加3蚊仲有一客薯格添!先講個包,包身軟熟,入面有洋蔥同生菜,有佢的醬汁和芝士片,熱力剛好把芝士溶開,塊漢堡扒即叫即煎,肉汁豐富,後來和待應談起,她說除了牛肉,還會加入其他配料而制成的,(其實漢堡扒很少只用單一肉類的),整個包吃下去,味道清爽而保留肉味,沒有日式漢堡店,醬汁蓋過肉味的情況,感覺很好,所以俾我極速完成薯格方面,即叫即炸,新鮮熱辣點都好食d,不過想要快的朋友就要等一等了。有誠意的漢堡包小店,一定要繼續支持由於今次真的順路去食的,無相機影相,請見諒…Read More

先要讚下客員的服務態度，有求必應，賓至如歸！在這年頭裡，很難遇到這樣的熱情。Cheese Hamburger 芝士牛肉漢堡 ($25)牛肉扒有種特別香味，新鮮，肉汁豐富，但肉扒以外沒有特別過包之處。醬汁太少，店長解釋說太多醬汁的話會溢出，不便入口。Mustard Chicken Burger 芥末雞扒漢堡 ($18)雞扒普通，與茶餐廳貨色無異，汁少，洋蔥辣。焗薯皮 ($18)共5件，SIZE一般，肉醬芝士略嫌太少，無咩味道，但新鮮熱辣，即叫即製可加分。炸薯格 (跟餐+$7)WOW! 一黎到急不及待拈起一塊，超級鮮炸，熱得燙口外皮香脆，薯肉鬆軟，外脆內軟的口感令我難以自拔。加上茄汁任斟，正呀，岩哂我呢種汁怪。（後記：步出店門舌頭開始又熱又漲，熱氣感覺持續了兩天，怪自己忍不了口，剛炸起就放入口）…Read More

之前都去過TST店食, 感覺良好:)果間比較大d, 不過見到TW都開左, 當然又去試下啦:)店內最多都係坐4-5個, 再多就要坐出面(但都只係開得兩張檯)下午茶 ... 收銀果位哥哥態度誠懇有耐性(唔似打工, 應該係老闆)講番比人聽, 下午餐係無餐架 佢依度係叫下午茶優惠, 淨叫個包+$3就可以有大汽水再+$7就可以有薯格, 成set平左幾蚊講番個包, 塊牛肉都幾厚幾鬆, juicy唔o鞋塊芝士o係接手後慢慢開始溶,配合埋塊牛肉同外脆內軟既包真係無得彈而d薯格應該係即叫即炸, 新鮮熱辣又唔油 :)我覺得如果要比$40去Burger King食的話,WOW會係一個更佳既選擇 :)…Read More

返工放lunch，同3個同事研究食咩好，有人提議試下wow! burger,,,行埋間鋪，細細地，但幾企理，個老闆( 應該係掛？) 已經招呼我地，仲話可以開枱坐鋪頭出面，非常熱情。點餐時，揀左個牛肉漢堡，學生證可以免費加大汽水，仲大過m記個加大汽水@.@雖然一個餐30蚊得個包同可樂，但見到佢煎扒，塊扒幾厚，仲好香,,個老闆一邊道歉一邊解釋要等10分鐘的原因，非常好禮貌﹗個包外皮烘得好脆，塊牛肉非常JUICY,,個汁又好特別，值回票價﹗同事加錢要左個薯格，不過不失，比KFC 還好味=]後來有位男同事唔夠喉，再點個多士，個多士係切成一粒粒再炸，上面淋左糖漿同朱古力醬，好令呀﹗味道就OK啦=]鋪頭出面都係好多野食,,隔離就係貢茶同COMEBUY，大家都係等食等飲，感覺唔錯=]會有第二次=]…Read More