Wooloomooloo Steakhouse

Open Now

Now Closed

同男友4年紀念，一早講好食尼間事關好想食beef willington好耐，又貪佢環境浪漫。事前冇request到window seat，估唔到都留咗比我一樓環境真係幾正，雖然隔條馬先係海，都好好feel架!一開始先黎麵包，配上黑醋橄欖油，暖暖地幾好食架然後點咗生蠔6隻，二百幾蚊，個人認為好食過其他steakhouse既生蠔！估唔到咁好食，爽口兼新鮮另外點咗2杯紅酒，一杯85-100，易入口為飽肚叫多咗個pizza，芝士蘑菇pizza最後食唔晒，發現打包翻去整熱食仲好味終於到主角，beef willington $480老實講有啲失望，穌皮同牛好易散，唔似外國整既可以切開一舊舊，而且牛味不重，幸好真係medium，尼個價錢都算係咁，香港某酒店食都要800幾900。叫埋甜品埋單千幾，正常價，偶然一次都開心

朋友精心挑選呢間餐廳補祝我生日～ 餐廳位於尖東海傍～ 望住海景食飯😍😍 溫馨提示: book一樓窗邊位係景觀最好既位置～ 地下有分室外定室內～ 室外都有幾把大風扇吹住～ 不過我都係揀室內涼返冷氣好d～ 裝修幾有格調～ 暗黑色為主～ 仲有liveband駐唱～ 幾好聽👍🏻👍🏻Steakhouse嘛⋯就嗌左個牛同pizza 😁😁先黎麵包～有成8舊咁多！外脆內軟～ 加上有香草～ 好味😋😋冇幾耐就2個主菜上晒黎～ 朋友想試威靈頓牛柳～ 有6款汁揀～ 揀左mixed mushroom~ 嗌左5成熟～呢度既牛幾有水準～ 剛剛好5成～ 牛肉仲嫩滑唔un ～充滿牛香😋😋 酥皮好香！係唔夠酥脆～ 加上入面既唔知咩菇⋯口感豐富～一啖有晒酥皮既牛油香亦有好濃既牛味～ 好味👍🏻👍🏻👍🏻上菜後會問你揀邊款mustard...有4款揀～ 佢就會直接「筆」 少少係你隻碟度～ 我唔鐘意食醬所以冇要～ 朋友話個mustard有畫龍點睛既作用😂😂😂 好誇張😂😂另嗌左Parma ham pizza～ 對於2個人黎講好大個～ 切開8件～ 個tomato sauce幾惹味～ 我食左3件都冇話好膩or濟～ 不過個底有d un～

之前經過一直想試，今日就同友人一齊去食啦，一坐下服務員為我地送上麵包配橄欖油，口感都幾硬身，難入口。另外我地點左牛扒同pizza。牛扒係我地一直想試既，我地點左5成熟，比較多筋 價錢$400。Pizza 係店員介紹既，芝士多同入口好香口,值得推介！價錢$185，另外仲叫左杯Strawberry milkshake. 好飲，好重士多啤梨味。另外仲叫左一杯黑啤。全餐$820。

叫左個pizza，係哈瑪火腿pizza，非為咸香可口，不俗，加上上面火箭菜帶著少許芝麻香和辛辣，配搭得不錯。餅底是薄批，也做得很脆，芝士也落得恰到好處，整體素質不錯，剛開始時食味道最正，之後耐左，少少放涼左後，餅底變韌就冇甘好食。

來了wooloomooloo好幾次，食物選擇多，質素偏高。所以就算已經黎過好幾次，依然可以試未試過嘅菜色 亦係吸引到我再來的其中一個原因吧！ 喜歡在這裡進餐的另一個原因，就是喜歡餐廳的格調，及跟窗外景色的美... 特意於訂位時預留室內上層的window seat, 看著這景色胃口也特別好 先來飲品和麵包～這裡的麵包一向是我喜歡的那種，微溫軟熟，沾上橄欖油與義大利黑醋很好吃 Starter點了 Smoked Duck Breast with Foie Gras($135), 上碟好優雅，鵝肝係煙鴨胸上，而最底下就係椰菜沙律。鵝肝很肥滑香濃，兩邊煎到脆脆的！ 煙鴨胸就略嫌太肥而且過咸～以椰菜做配菜很好，大大減低鵝肝同煙鴨胸嘅油膩感。Main course 點左 Pizza Kilpatrick Style（$185），有煙肉、芝士、洋蔥等。Pizza中規中矩，做得不錯但沒有太大的驚喜～Side dish揀左 Creamy Spinach（$70）, 好好味！ 菠菜好淋好入味～個汁好滑好creamy~ Dessert MenuOrder左 Apple Crum

之前見到有本宣傳小冊子介紹尖東美食里既Wooloomooloo Steakhouse，所以星期日夜晚就同女朋友黎試下。上次試左泰國菜既Namo，今次就食steak。前菜叫左Garden Salad ($120)，感覺清新。試左Wild Mushrooms & Onion Pizza (12 inch) ($175)，蘑菇同芝士好香，兩個人食OK。最期待既Wooloomooloo Steak，有12-ounce ($400)，medium rare，比我想像中的份量要多一些，肉質幼嫩，薄身，不愧為招牌菜色。總括黎講，呢間Wooloomooloo唔錯，想食steak既朋友不坊試下。

是日到這裡晚餐. 前菜是一個麵包, 頗為鬆軟. 有一小盤呈碧綠色的醬, 是意大利醋拌橄欖油. 麵包沾來吃微酸, 尚算開胃. 主菜是12oz安格斯肉眼扒, 說是150日大的牛肉, 煎得五成熟, 伴碟有濃稠的"五椒醬". 做得不俗, 肉質不算特別嫩滑, 但勝在牛味甚濃. 和五椒醬同食, 令味道更豐富. 不錯的主菜. 甜品是雲呢嗱雪糕伴心太軟. 雪糕軟滑, 心太軟的可可味較重, 個人不是特別喜歡.

前菜係麵包配意大利黑醋x橄欖油, 可惜我自己不是太喜歡橄欖油的味道, 但整體還算可口. 接著主菜吃了五成熟的肉眼扒, 牛味非常濃, 令人意外, 醬汁頗為特別, 吃落和牛肉配搭得唔錯. 這個抵讚. 甜品是雪糕配心太軟, 雪糕的雲呢嗱味幾重, 我鍾意. 心太軟流心效果不俗, 都滿意既.

公司唔係好忙，可以食個長lunch。左望右望最後都係入咗呢度，呢度嘅牛扒食過一次，好難忘。午餐嘅價錢原來只係晚餐嘅三分之一左右，第一時間都心諗，質素係咪都係咁好食嘅呢？簡簡單單叫左南瓜湯同牛扒。南瓜湯配麵包，麵包都係啱啱焗起，好香趣。南瓜湯好味，甜甜地，好重南瓜味，上面仲有少少香草，誠意十足。至於主菜，牛柳同晚餐一樣，係有豐富嘅牛味，生熟程度剛剛好，有少少血水但牛肉仍然係好焾。伴碟嘅薯蓉亦都見得人，打到好軟滑，有少少忌廉，都係誠意之作。連埋一杯餐飲，仲有尖東海旁嘅海風，百零蚊一個lunch，食足兩個鐘，正啊！

Great atmosphere with waterfront views and warm servers. The set lunch had good portions for good prices, and since it is a steakhouse I went for a starter of duck breast salad and a main course of beef tenderloin. Service was quick and friendly, they provide fresh bread and the food was high quality. The salad used fresh ingredients that was complimented well by perfectly cooked duck. The beef was also cooked perfectly rare which was great as many restaurants don't cook beed correctly. An array

這天大約八點幾來到這裏可能是平日所以不用排隊等位 我們兩位女生來到首先叫咗一個Parma ham Pizza和雞肉羊肉串配薯條首先來到的是餐包很大一個 配上牛油 餐包很熱很鬆軟十分之好味 不過怕吃不落其他東西所以沒有全部吃完因為他都很大一個 兩位女生吃完可能會很飽 如果是平時我一定會把它吃完因為實在太好味了可能我有時一個麵包控 之後來到的是，Parma ham Pizza餅底不厚 我很怕有些Pizza吃完一兩塊 之後飽得很可怕所以個人比較喜歡這個Pizza不過味道還是普通然後來到的是雞肉牛肉串牛肉全多汁配上他的蒜蓉汁 十分香 而又不老身 比起雞肉串我覺得雞肉串來是比較普通 薯條不差夠熱 重頭戲就是女生最喜歡的甜品我就叫了一個心太軟配雲呢拿雪糕同事叫一個麵包布甸陪雲呢拿雪糕 心太軟流心夠熱配上雪糕感覺都要飛天 朱古力香濃幼滑 流心朱古力醬很多 同事說她的麵包布甸都很好味  總結個人比較喜歡他們家的甜品真的是太好味了

在我剛剛踏入博客生活前，已是一個非常喜歡周圍尋找美食的人，也是一個牛扒及自助餐的愛好者，所到過的扒房有平有貴，其中一間印象非常深刻的，皆因他們的甜品非常精緻，曾試過一下子掃了整個甜品餐牌。先由頭盤開始，來到扒房甚可以不試一下【Steak Tartare】呢！不過吃之前，都是吃點麵包先，熱烘烘得來又鬆軟，其中一款更是外脆內軟，蘸點油醋來開開胃。接著就是品嚐一上牛肉他他，看見牛肉切得工整，知道不是攪出來的，勝在質感上有咬口，將所有材料拌勻，就吃到酸酸辣辣的味道，惹味得很，而且面上更添加了魚子來增加鮮味，效果相當好。除了牛肉他他外，【Wooloomooloo Crab Cake】是來扒房必吃的頭盤，可是質素參差，好壞參半，這兒的水準都不錯，煎得表面金黃香脆，內裡卻飽滿鮮甜，滿口也是蟹肉，旁邊的沙律卻可用來中和一下油膩，整體感覺不錯。不講不知，原來酥皮盒可以當頭盤的，【Wild Mushroom Vol Au Vet】焗得香噴噴的，未來已聞到那股香濃的菌香，多款菇菌混在一起，可想而知是何等的濃厚，配合富牛油香的香脆酥皮，好吃。主菜也陸陸續續送來了，由【Whole Dover Sole Meun

已經是第三次光顧這餐廳了，上次已是半年前，我較喜愛座上層，有景睇同比較清靜，午市套餐的價錢依然吸引，好似好久沒有加價了。已mix的沙律，味道好好，酸酸甜甜好醒胃啊！還有暖暖包包附送，大食的朋友可以食多兩件包。主菜我點了魷魚大蝦蕃茄意粉，size都幾大嘅，味道無驚喜，亦無閃失，標準嘢。飲埋即磨咖啡，下晝就可以充足電再開工。

久違了的Wooloomooloo, 曾是同事們在附近酒店有event時，lunch briefing的地方，好似是裝修了兩三個月，從新出發，仲保留招牌木頭。Lunch set依然吸引，百零蚊有沙律、主菜加茶/咖啡。 我哋叫了兩個lunch set share, 沙律啲菜還可以，兩件魚就無味，鴨胸意粉軟硬適中，鹹酸味剛好，pizza芝士味濃，我的至愛！ 飲埋即磨咖啡都喺每位$150樓下，可以啊！

我想大概2年前都已經一試The One那分店今天友人一早說想到這裡晚飯那好吧我當然來沒想到更差了蟹餅都算正常但這蘑菇湯也真是我喝了一口就放下了從來沒有喝過差到這樣的的蘑菇湯味道我更一知用甚麼形容詞只知道差Steak Tartare肉質不理想味道帶點辣但配搭完全不理想這裡只有一款生蠔但只有一款也可以差到這樣友人更是晚飯過後立馬肚子不舒服牛...也不如理想整體味道 0.5/5服務 2/5再也不會有下次