9
8
7
5-min walk from Exit A, Shek Kip Mei MTR Station
continue reading
Opening Hours
Mon - Sun
06:00 - 00:00
Above information is for reference only. Please check details with the restaurant.
Signature Dishes
Review (27)
拖咗半年嘅食評，本來一食完就好想快啲寫好佢，不過當時忙於搞去旅行嘢，放埋咗一邊，就係咁擺吓擺吓無晒火去寫。最近，同依班死黨又有飯局打鞭爐，重提番依餐蛇宴，講開大家都好想今年再搞番轉，所以，先「的」起心肝要寫埋佢。其實，有班中學死黨，加部份波友，「枕住」都有出嚟食飯，一年都好幾次，不過次次都唔會齊人，所以舊年尾就諗住入秋搞大啲，包個房，整圍蛇宴，結果約嚟約去就要到今年二月下旬先搞成，但係無減大家出席嘅熱誠。而揀嚟多彩，因為依度有我哋唔少嘅回憶，仲係中學年代時，我哋大部份都係晌大坑東讀書，住晌深水埗一帶，晌偉智街打完波就去南昌食大排檔，大排檔拆咗之後，嗰時各人都出嚟做嘢，就開始升格去多彩，週六食完食一齊睇英超，幾開心呀！雖然依家人大咗，各散東西，各有各忙，波亦無踼喇，睇波食飯就仲有嘅，乘機呻吓工作嘢，呻吓屋企嘢咁囉。故此，今晚齊晒人成圍枱，真係近年難得架。綿繡燒味大拼盤燒味包括有油雞、叉燒、分蹄、燒鵝、海蜇，晌度幫襯咗十幾廿年，佢嘅燒味都OK架，雖然唔及得一啲出名中菜館嘅出品，但食落有感情。七彩炒鴕鳥柳大堆頭製作，以紅椒、青椒、西芹爆炒鴕鳥絲，鴕鳥肉係近年新興，網上資料指鴕鳥肉含較多鐵質同蛋白質，較少脂肪同膽固醇，確實都幾好食，質感、肉味都似牛肉，係啖少少，不過炒得夠鑊氣，又夠晒大碟。太史鮑絲燴五蛇羮預咗兩大窩，咁先夠皮嘛！阿姐話蛇羮唔係佢哋酒樓嘅出品，係托附近蛇鋪交嚟，深水埗都有好多蛇鋪賣蛇羮，睇落就好足料。席上，阿姐原窩再翻熱，果然，非常足料，啖啖鮑絲、蛇肉，味道唔錯，湯底鮮甜，阿姐仲放低一大兜薄脆，驚死我哋唔夠分。我哋食完一窩，隔多陣至再食第二窩，一窩絕對夠分12-13碗。流沙白花蛇丸蛇肉同蝦膠打成丸，裡面再加鹹蛋黃蓉，然後黐啲米粉酥炸，蛇丸本身做得爽彈，流沙效果又OK喎，鹹鹹香香咁！菜膽蛇汁龍崗雞雖然係街坊酒樓，但餸菜賣相一樣做足，依個菜膽蛇汁龍崗雞，菜膽用上娃娃菜，砌好伴碟，不過個人覺得用上小棠菜夠綠就仲搶眼。龍崗雞斬好砌番成隻「雞樣」，加少少玻璃獻，成個菜就完成。雞肉入味而肉嫩，皮下脂肪又少，甚有水準。豉汁蒸蟠龍鱔依個蟠龍鱔做得出色，原條大黃鱔輕輕鎅開一截截屈成蟠龍咁形，加配大量豆豉蒸，上枱後由阿姐切番散一件件。一來條鱔蒸得恰到好處，肉質柔嫩帶少少煙韌感；二來鱔肉滿有油香，係就係肥咗啲架啦，但咁先好食丫嘛；三來，豆豉蒸，絕對係中菜惹味嘅表表者。蛇汁灼唐生菜唐生菜加咗蛇汁灼，食唔出有咩特別，不過，生菜灼得爽脆，但賣相樣衰咗啲，一堆亂菜咁款。枝竹羊腩煲天寒地凍，整煲羊腩煲就最合時，一大窩枝竹羊腩煲滾住食，咁就最正，枝竹索晒羊腩汁，份外香，而羊腩炆得夠晒諗，唔韌，帶少少羶。本來原先個菜單跟個臘味糯米飯，但識食嘅老死話轉窩白飯仲好啦，因為白飯撈腩汁食，仲滋味過食臘味糯米飯，又唔使嘥晒成兜腩汁，佢又有佢個道理喎，所以就嚟咗窩絲苗白飯喇。除咗撈腩汁，亦可以撈蟠龍鱔啲豉汁，同樣咁正！蛇汁炆伊麵同個蛇汁灼唐生菜一樣，雖然加咗蛇汁，食落同平時食嘅乾燒伊麵真係唔覺有咩分別，唯一可以講係個伊麵本身炒得幾好，唔太油膩。多彩多數都係街坊生意，服務比較隨便啲，晌石硤尾都稱得上大酒樓一間，過時過節都例爆，嘢食都見得人，唔失禮，而且，價位唔貴，好似今晚圍菜，包茶芥加一，12罐汽水，送埋生果盤，全包價都係$1,980，食得成圍12個大男人都飽晒。
continue reading
話說我一向都頗喜歡吃燒味特別是脆皮的燒肉最外層如果烤得好，真的比炸蝦片還要脆比嘉頓威化還要鬆是日經過看見這間酒樓裝修完畢瑰麗堂煌，並有燒味48元一斤的優惠心動便買了"一條骨"試試說好一條是40元左右，切出來卻55大元問題想了，盒有開洞，我也沒有放太久才吃可是外層的皮不是像煮的豬肉一樣，就是燒到變炭，又黑又苦(就如前面一食評，拍下的乳豬)附送的芥末醬更是又苦又辣，我寧可吃街頭小食那種黃芥要做好的燒肉真的不容易55元在又一城的瀚騰閣只能買到一碟十二粒左右1cm*1cm大小的燒腩仔在這間多彩雖買到一大盒，但卻跟食煲湯瘦肉無異下次我也不會再貪這種小便宜，乖乖到真正的高級酒樓買算了勸多彩一句如果想吸引食客，這種連街市燒味都比不上的貨色只會惹來食客不滿!要麼就做得更好，要麼就直接取消燒味部!
continue reading
由於有隊友因為抽獎而得到了多彩的免費乳豬卷, 所以我們今晚返完training後, 一行九人去了多彩食飯. 那時已經9:45pm, 但酒樓內仍然很多人. 今晚點了八樣餸, 不過好似每一樣都要等好耐, 而每一樣餸都好咸 其中的多春魚, 又硬又乾爭爭, 好恐怖 乳豬等到十點半才來. 可是這乳豬卻有很多缺點: 乳豬是大隻, 但乳豬肉不新鮮上半身好咸, 下半身就味道適中. 乳豬皮好脆, 不過好多肥肉不過真的好咸呀, 下次都要考慮是否再來...
continue reading
我就經常黎食既所以我就對早午市作出少少評價早市方面佢係香港少數仲有推車仔形式既酒樓之一所以早茶同午市既點心方面大家就千祈唔好諗住會有新鮮野除非大排檔或者睇住架車出黎啦點心係大中小點一律8.8(星期一至五,假日除外)抵唔抵就見人見志啦午市方面就有個價值$168既套餐(只限星期一至五,假日除外)包括4個點心(新鮮出爐)、一碟燒味例牌(建議係燒肉)、3個小菜同1碟飯/粉/麵全部有得揀我食個好多次係適合5-6個人食既餐都幾抵其他野就都ok既至於點解心水推介會係燒肉我遲d會講下午茶方面點心改為劃紙供應想食新鮮點心就請向2:00黎啦價錢係大中小點8.8,星期六、日及公眾假期9.8都算幾抵頭先講開燒肉e間野既燒肉就真係遠近馳名既出名皮脆肉所以如果黎食晚飯或者外賣飯盒就一定要叫燒肉啦
continue reading
星期日個朝我同友人黎到多彩飲茶...好耐沒上過茶樓,突然好想懷念一番就揀左多彩喇一入到去沒人招呼我地,個侍應話自己搵位架w0最後同人搭枱,見到張點心紙都算幾多野食..2條友嗌左9籠包括:春卷/炸云吞/鳳爪/金錢肚/牛柏葉/蝦餃/9菜餃/棉花雞/蘿蔔糕籠籠都吾太新鮮..味道可以的只有蝦餃和蘿蔔糕!!1.蝦餃皮不是晶瑩剔透的...好像放很久了,味道正常,多蝦2.芋絲春卷微溫,不是即炸的,入面好多好廋豬肉,好少芋頭...明明係豬肉卷甘扮咩春卷,都沒蝦3.炸云吞值頭係凍既無蝦架!!入面係酸既,疑似係素菜個類...這個完全不正常4.鳳爪吾夠淋吾入味,得雪味!但熱既囉...污染我既味覺,影響鳳爪係我心目中祟高既位置5.金錢肚係霉既..細細舊..淋到吾知咩甘.所謂既醬汁金錢肚係好淡,好似蒸左幾日沒人嗌6牛柏葉好淋,側邊好多蘿蔔同蔥..唯未見入味,失望7.9菜餃超大隻,半粒蝦肉其他全部都係9菜..蓀得好乾8.棉花雞這籠最有問題!!d魚肚還魚肚,雞肉還雞肉!!吾係包住架w0!!最離譜既就係得2塊雞肉,竟然話係特點$15.8,似乎過份d!!d魚肚有陣膠味吾知有沒洗過,原汁原味蓀哂d膠出黎,之後擺半塒蟹柳係到..充上品!!9.蘿蔔糕微溫..但算係呢次飲茶既甘露,唯一正常的但點蘿蔔糕既甜醬都吾好味既!!侍應既態度亦欠佳,見到我舉手都扮睇吾到,,,擺出一副吾想撈好不屑甘既樣埋單$121..價錢貴食物欠理想..吾值呢個價我寧願比貴d去前面間明星飲...後悔死我啦!!
continue reading