34
0
0
8-min walk from Exit B1, Lai Chi Kok MTR Station continue reading
Telephone
24968019
Introduction
和味館由80年代營業至今的老字號在長沙灣重開。埸地5000呎,地方乾淨,有大型包廂 點心師傅凌晨4點開工包點心,比外面的點心更大件更新鮮!晚上更有多款撚手小菜小炒海鮮酒類一應俱全,全部是老闆經40年改良的經典菜式,味道有保證,出面食唔到架! continue reading
Opening Hours
Today
07:00 - 23:00
Mon - Sun
07:00 - 23:00
*last order 22:30
Payment Methods
Visa Master Alipay Cash UnionPay
Other Info
Online Reservation
Reward Dining Points
About Reward Scheme
Review (34)
Level4 2019-08-29
782 views
經過見到原來新開兩個月到,今晚有幸同老公去食晚飯,兩個人不能多選擇,佢想食回窩肉,我想食蒜香骨,實在大多小菜選擇,新裝修環境讓人坐得舒適,而且乾淨企理服務員亦好好服務,不用叫也會自動幫我地換骨碟,可能新開無爆場所有有點寧靜,不過遲些必會多人,因為食到熱辣辣上枱小菜,如果多人亦好適合好多大枱供應的。因為位置好方便我地,下次附近睇完戲多個選擇! 廳四圍都可睇到電視,啱晒我地平時無時間睇電視嘅人,可以一路食一路嘆。欖菜肉鬆四季豆 $48熱辣辣出晒煙,份量大,食落有鑊氣調味適中,欖菜嘅鹹香好出色,加肉碎同鬆軟四季豆同炒超惹味。蒜香骨 好味指數**** (最高*****) $78超吸金黃香脆但仍保留肉的水份唔會過乾,味道醃得夠味,再用上蒜粒做到唔辣避風塘的做法煮理,非常惹味,如果送酒應該更佳川辣回鍋肉 $68啱晒我老公口味,香辣五花肉炒得爽脆,睇落帶肥但食落一點也不膩,紅綠尖椒顏色亮麗但都幾辣的,不過一齊同食辣又好爽下。燒腩仔 $48選用左五層肉醃得鹹香但可能過左一段時間,唔夠脆皮但還味道可以的。白飯點少得呢 d餸咁好送飯! 價錢合理街坊價 兩公婆食左3百零蚊也可以接受。影左Menu比大家參考。 continue reading
(The above review is the personal opinion of a user which does not represent OpenRice's point of view.)
Level4 2019-08-20
616 views
去長沙灣戲院時路經這間新開張的中菜館,本身喜歡吃小菜的我見餐廳光猛整潔,有空間感不迫夾,亦不嘈吵,又有電視共娛樂,不妨一試。茶芥 $8/位,送小食 - 淮鹽花生。例湯 《清補涼豬展燉螺頭 $128》份量有6-7碗,味道香濃有火喉。豬𦟌和螺頭都好腍,不會乾身,蘸點醬油很不錯。湯料還有滋陰的龍眼肉、淮山和薏米煲至很蓉,更覺湯很夠火喉。《酸菜魚 $118》很大盤,送上時已聞到陣陣酸香,令人唾涎。湯面可見酸菜和辣椒,更灑有菊花花瓣作點綴。雖然有辣椒,但只屬胡椒的提味辣度,麻而不辣,酸香開胃。魚肉不是一般的一片片,而是厚身一塊塊的鯇魚, 肉質很嫩滑,十分足料。除了有酸菜和辣椒之外,湯底亦有金菇、芽菜和蒟蒻粉絲,吸味又掛湯,整體色香味俱全。《胡椒煎魚卜 $98》第一次見這道菜式,很特別,一於試試!外層煎得微脆十分香口,魚卜入口先嫩後爽彈,很有咬口,微咸帶胡椒的味道很惹味,完全不用另配醬汁。香港很少有這款菜式,喜歡吃魚卜的朋友一定要來試試!職員親切,服務周到還送我們糖水。紅、綠豆沙各一碗,兩款足料而且煲得夠蓉,綠豆沙用上海帶,而紅豆沙亦用上陳皮,微甜之中增添香口,完全不會膩。很滿足和滿意的一頓晚飯。 continue reading
(The above review is the personal opinion of a user which does not represent OpenRice's point of view.)
由於有好朋友喺荔枝角附近返工,所以我行咗成個地鐵站嚟搵佢食飯🏃🏻‍♀️。呢排成日都食西餐同日本嘢,所以想飲茶食點心。喺福榮街見到呢間和味館雖然唔係酒樓,但都有點心喎,所以一於入去試下😀。餐廳都幾多人下,好彩部長好快就幫我哋搵咗張枱👍🏻,又唔使搭檯。午市有做套餐,同時又有好多特價點心,仲有優惠百搭1+1系列等等,所以都唔使睇原裝點心紙🙈。由於太肚餓,我哋兩個女仔竟然叫咗八樣嘢食🤪,諗諗下其實可能四條友都夠食......。等咗陣就有嘢食啦,見隔離檯有叫燒味,所以我哋都叫咗碟蜜味叉燒($78例牌),估唔到都幾大碟下,每人食咗好多嚿。叉燒大大嚿,肥瘦適中,唔乾身😌,唔錯。食咁多肉所以叫返碟菜🥬($22.8)中和下,餐牌有唐生菜同菜芯揀,但後者賣哂,菜正常無咩特別。點心方面,嗌咗兩set百搭,A魚肉釀茄子🍆+B椰汁咖啡糕☕️(A+B=$29.8)同埋A原籠馬拉糕🥧+C北菇棉花雞🐔(A+C=$38.8)。釀茄子有3嚿,一嚟到勁熱辣辣,應該係即煎🤤,正,而且比平日大嚿,有1.5倍到。馬拉糕唔算超大,但都分到六份,勝在夠鬆軟唔太甜。除咗點心set,仲叫咗蟹籽燒賣皇($15.8)同蟹籽釀魚肚($14.8)。我哋實在太肚餓,餓到傻傻哋同時叫咗棉花雞同釀魚肚兩樣勁似嘅點心😂,一人食到一籠,好彩都幾好味,魚肚同雞肉都幾足料,唯獨係冬菇得一粒,如果多返粒🍄會好啲。燒賣都好味(其實燒賣真係唔會難食得去邊哈哈),食到有蝦🍤。最後撐住個肚都要食埋甜品,因為食甜品係用第二個胃架嘛(好似係)😋,其中一個set要咗椰汁咖啡糕,係凍糕來的(唔係泰式好煙韌嗰種),似奶凍,有三嚿,上層啡色下層白色,食落有濃濃嘅咖啡☕️味,我幾鐘意。食埋甜品真係完成咗好完滿嘅肥仔餐🤰。總括嚟講,我推介喺附近返工或住嘅街坊嚟試下👍🏻,首先估唔到呢條街會有點心食,而且最重要係佢比平日酒樓午市平,仲有套餐揀,一盅四隻燒賣平日酒樓唔收你特點都大點啦,呢到竟然$16有找,勁抵;午市茶錢$8/位,另收加一。而且食物味道幾好,部長仲好關心我哋啲嘢食上齊未😂。餐廳應該係新開/新裝修,好新淨,環境夠光猛,而且好闊落,最正係有塊勁大嘅投影螢幕同幾部電視📺,啱哂搵地方睇大結局。 continue reading
(The above review is the personal opinion of a user which does not represent OpenRice's point of view.)
今日去左長沙灣既和味館度飲茶,好耐無去茶樓飲茶喇和味館好大間,前身係新光黎既,新裝修無耐,地方夠大,唔會好逼,飲茶地方真係算坐得好舒服而且有好多食物選擇添我地嗌左「百搭午茶套餐」「燒肉飯加油菜」「蜜汁叉燒」「蟹籽燒賣皇」同「鮮竹牛肉球」「百搭午茶套餐」就走抵食實惠路線既我就叫左魚肉釀茄子加埋北菇棉花雞,魚肉釀茄子既茄子整得夠林加埋好香既魚肉,係意料之外既好味至於北菇棉花雞既雞好滑同有雞味,最突出係個魚肚,吸收左醬汁同埋雞菇味等等,有多重享受「燒肉飯加油菜」組合絕對係cp值爆表,夠平,而且質素好高,燒肉皮脆肉嫩,飯又夠大碗好值得嗌「蜜汁叉燒」係咁又樣入面最好食既,肉身燒得好好,而且半肥瘦,加埋薄薄的蜜糖,唔會太甜「蟹籽燒賣皇」好大粒,肉味好出,而且唔貴,cp值算唔錯喎「鮮竹牛肉球」嘅牛肉打得好好,食落去牛味係咁湧出黎,加埋喼汁,真係perfect match呀 continue reading
(The above review is the personal opinion of a user which does not represent OpenRice's point of view.)
Level4 2019-09-12
0 views
做節最好就同屋企人食中餐,中餐是圓枱寓意團團圓圓食得開心🥳這間"和味館"位於長沙灣福榮街地舖,做街坊生意價錢實惠,又夠鑊氣,都幾多選擇!廚師推介孖寶(A) $268芝士波龍蝦(伊麵底)原隻龍蝦很足料,龍蝦新鮮彈牙,伊麵夠多汁,很鮮味啫啫通菜🥬有名叫啫啫通菜,來到時"啫聲"不斷😅通菜嫩口炒得夠入味,鑊氣十足百里香燒牛肋條🥩$128賣相吸引,有中西合璧的感覺,一咬下去肉質嫩滑牛味濃郁,無限驚喜生煎蓮藕餅$98生煎蓮藕餅功夫多,蓮藕咬落爽口,心機菜👍🏻剁椒啫魚頭🐟$168這味的"剁椒啫魚頭"叫了小辣,完個魚頭非常新鮮,加上很多辣椒蒜頭洋蔥很惹味,下飯一流🍚陳皮紅豆沙晚飯後服務員還送上陳皮紅豆沙,紅豆沙甜味適中還有陣陣香的陳皮,大滿足呢 continue reading
(The above review is the personal opinion of a user which does not represent OpenRice's point of view.)