和順記 (砵蘭街) (Closed)

特登嚟和順記朝聖，兩個人叫一個餐已經夠晒，呢間餐廳勝在無最低消費。神級生炸雞脾王配飯 （沙嗲汁，轉熟蛋，包野飲） $68一上枱，大大份，香噴噴。一切落去，超脆，餐廳本身都有少少將隻脾起骨，所以成件事都好容易處理。食落去，唔食皮嘅我都覺得好好食！塊皮好香脆兼唔油，雞肉好嫩有汁嘅。個人覺得唔點汁都好食，不過我配飯，就不妨用沙嗲汁撈飯，沙嗲汁似日本咖啡汁咁。最後食個隻熟蛋，煎得剛剛好。但都想一提環境方面，果日都算人少，但環境都幾嘈下。

生炸雞髀外皮係脆，𥚃面仲係粉紅同個店員講個雞髀唔熟，佢話無可能，又話炸之前有蒸過，先至再炸 。 生炸？ 轉個頭話用番原先個隻炸番熟比我地問題黎啦，有兩個第一。又話本身熟左係咁既顏色，依家又話再炸，即係熟定唔熟？第二。隻雞髀拆到散晒，又咬過，廚師竟然諗住翻炸比我？同食油有乜分別？凍檸茶走甜自動走冰 同水無分別，我嗌走甜唔係走味餐廳新裝修，洗手間竟然要去隔幾個鋪位嘅公廁，仲要同我講好乾淨，放心 嗰條巷就喺垃圾站隔離 嗅到暈低 香港飲食係咪咁失敗？ 利申 一開口我話轉其他 我怕佢炸完出嚟都係生 店員話只可以翻炸 我立即埋單走

早幾日喺經過旺角想食個下午茶，忽然好想食啲港式味道，就揀咗呢一間專食雞髀雞扒嘅冰室餐廳。佢嘅裝修雖然都係類似港式茶記咁樣，但係就加咗唔少懷舊冰廳嘅元素喺入面，都算坐得幾舒服。😌** 蔥油雞扒配煎蛋公仔麵**首先個雞扒份量十足，有半隻雞咁大，大個我2隻手掌。皮脆肉嫩，而且完全沒有半點乾澀感。咬下去，雞肉汁水四溢，入口即化，實在太美味了。調味方面就更加出色，蒜蓉蔥油的香氣撲鼻而來，加上一點點鹹甜醬汁的調和，完全突出了雞肉的鮮味。佢哋果然係食雞嘅專家。😆和順記 (砵蘭街) (旺角)旺角砵蘭街185號地舖

因為我好鍾意食瑞士汁雞翼同雞髀所以入黎試一試瑞士汁雞髀 $60 隻雞髀好大隻，但係一般入味 已經叫他另上瑞士汁 瑞士汁有點淡。好處門口可以泊車，坐窗邊位可以睇住架車再叫咗無味精清補朗燉老雞湯 $58出街上飲無味精湯好難，咁都比我預上

男職員服務態度差，下單時講幾次都唔知客人要咩，落錯單反而指責客人無講清楚。收錢時，好似唔識用部電腦咁，搵勁耐先收到錢，當然唔會有"多謝"字句，仲要黑面，好似客人欠左佢咁~無下次~

係旺角見到有和順記諗住試下 香菇滑雞蒸腸粉 食食下食到成塊膠係入邊 即刻掉左盒外賣唔想再食 雞髀炸得都好一般 可能大x樂仲好食啲希望注意一下員工對出品要求 可惜外賣冇得退款浪費左

話說幾喜歡食個炸脾配紅豆冰做下午茶, 路過旺角間新鋪試試佢啦坐低叫我哋掃QR code落單又唔講冇下午茶都算, 新年加一兼冇套餐要收貴啲, 我明嘅叫完等咗10分鐘都冇飲品, 然後第一樣上就係好多沙律菜喺面嘅芝士豬扒西多士, 個西多正常冇問題, 不過煉奶配生菜呢個組合好新奇但比我遲落單嘅食客有飲品, 已經好奇怪, 明明有杯凍檸樂都唔使沖🤡🤡🤡過多兩分鐘終於有我杯紅豆冰, 可惜杯紅豆冰超級無敵水汪汪, 啲紅豆用糖水浸到無敵甜, 係我飲過最差嘅紅豆冰都唔緊要嘅我係嚟食炸生脾, 一切開隻脾入面係生嘅, 初頭以為係少少粉紅未熟透嗰種, 認真一咬發現完全係咬緊生肉, 仲要只係較薄嘅邊位, 好有禮貌咁同侍應講返個情況最後廚房竟然唔係換過一隻畀我, 而係將呢隻切開咗(咬過)嘅再炸🫨🫨🫨味道再好, 作為一間食肆今時今日咁樣處理衛生問題值得商確, 更何況水準已經開始下降

食到一半都係忍唔住影相讚一讚！夜晚8點幾9點想搵個地方坐下，就揀左間光光猛猛嘅茶記，有港式pop song，座位新淨舒適（可能因為新開），檯面同環境都夠乾淨。但令我真心想讚嘅係啲食物好「準確」👍🏼，撈丁軟硬適中，少汁都會俾定士啤汁，奶茶少冰係剛剛好溶哂冰又夠凍，豬扒炸到脆邊，咸度剛剛好，菜都係淥過有溫度又爽口。埋單$61，上餐又快，茶餐廳嘅榜樣！！************************

睇完戲已經9點幾，見到✨和順記✨仲有開，就嚟試吓～旺角店新開業無耐，環境唔錯，所有嘢都乾淨企理👍🏼店員嘅服務都非常有禮貌，不過佢哋道自動感應門壞壞地，成日自己開完又唔識閂，有時仲要㩒好幾次先開到道門，有啲搞笑😂✴️神級鹹蛋黃雞髀皇煎蛋配飯✴️雞髀皇依個名絕對係名符其實❗️炸到脆卜卜雞肉都仲幾滑👏🏻鹹蛋黃醬起沙，薄薄一層搽到雞脾上，唔會太油膩，不過就好邪惡😈✴️神級滷水雞髀皇煎蛋配沙律✴️又係大大隻❗️滷水汁帶甜味，唔係得死鹹，而且都滷得算入味，不錯👍🏼揀咗配沙律，正正常常嘅麻醬沙律，唔想食澱粉有得揀沙律都係一個幾好嘅選擇🥗