WM Style Noodles (Closed)

叫左個8寶，豬腸無肥膏都算，招牌尤魚又話辣，衹係就咁水煮過。豬皮完全無味，雞翼又硬又唔入味。豬紅一般，最好味係個流心蛋，因為係叫貨。無下次。完。個汁叫中辣又吾辣，唉…Read More

呢間車仔麵真心唔掂🥴😰買左碗外賣返屋企食 去到叫左牛丸 牛栢葉 豬紅 生根 咖喱汁 轉烏冬 。。但返到去得3個餸 俾漏左生根。。叫得4個餸都可以俾漏一個餸。。果時又冇乜客 唔明點解咁都可以漏 但錢就照收🙄 仲要咖喱汁都冇滴 根本就冇落😅 成碗面完全係求9其整。。。一碗面都可以咁多甩漏🥴😅另外 講返d餸既味道不過不失 又未去到難食既。。但每個餸既份量係勁少。。。女仔食都完全唔飽的。。食完唔知食左乜。。真係冇下次🙄🥲…Read More

佐敦的上海街街尾近柯士甸站的位置有間車仔麵，有次在附近工作完經過見到Menu上有多款的選擇，車仔麵最重就係餸要夠多，所以就與同事一齊吃個下午茶。餐廳亦有提供不同的車仔麵combo，可以適合有選擇困難症的朋友～另外亦有一些小食，可以與朋友分享。我與同事都是自選車仔麵，難得有餐廳會有瀨粉作面底，我們都毫不猶豫選擇了，而且都沒有令我們失望，口感有嚼勁又香滑可口的瀨粉配上咖喱或辣汁湯底都惹味十足。另外，以下是我們非常推薦的食物！🔺玻璃辣魷魚：魷魚味道鮮甜，口感爽口彈牙，沒有辜負玻璃魷魚之名。而且魷魚非常厚肉，無縮水無靭口。🔺古法豬紅：結實又彈牙豬紅的味道香濃，入口嫩滑🔺秘製牛腩：口感柔韌爽嫩的牛腩，味道微辣非常入味🔺秘製牛筋：牛筋口感軟淋不會靭，滷水汁的味道濃郁🔺滷水三寶：包括有豬腸、瑞士雞翼和豆腐都非常入味：豬腸有咬口；瑞士雞翼味道甜甜的；豆腐味道甜甜濃郁…Read More

細個鍾意食雲南米線，大個左反而喜歡車仔麵。前幾日返工返到好攰，放工既時候行過呢間新開既車仔麵，決定好好犒賞自己，一個人都要飲飽食醉!!呢度環境好乾淨，好舒服，店員安排左我坐卡位。諗左一輪，好多送都好想食，決定唔叫套餐，剔剔下好似變左車仔送放題咁，哈哈哈。我嗌左韭菜底、滷水糖心蛋、鮮腐竹、豬骨濃汁貢丸、牛骨濃汁牛丸、炸魚皮、肥牛片、墨魚腐皮卷、秘製牛腩、秘製牛筋、紅燒肉、上湯花膠，總共有12樣野!!!!一黎到既時候真係勁開心勁豐富，食物真係令人好快樂。我好喜歡貢丸同牛丸，店員話係手打，真係食到肉架，丸入面仲有d汁。牛腩牛筋都好入味，紅燒肉我都覺得係一定要嗌既。食完成大碗都唔夠喉，我仲叫左3個小食，蘿蔔豬腸、滷水三寶（豬腸、瑞士雞翼、豆腐）、麻辣金錢肚。最中意金錢肚，滷汁非常入味，麻辣又過癮！豬腸夠肥美，蘿蔔好淋，雞翼同豆腐都滷得好足夠，中間都有味！…Read More

諗住食車仔麵，行到去呢間舖頭，見門面乾淨企理就走入去試吓～嗌咗個5餸菜底，分別有魚蛋、蘿蔔、豬紅、魷魚、牛筋。入口味道唔錯，但分量真係少得可憐！尤其係個牛筋收成$14一份，但竟然俾一個碗上嘅湯羹都唔知有冇嘅份量我，仲要碎濕濕…成碗食曬完全好似無食過嘢咁，結果要再去附近嘅cafe食多個bagel同飲返杯咖啡先滿足個胃嘅空虛感。若以份量同食味嚟計，我諗真係唔會有翻兜嘅可能。要食車仔麵，我寧願過海去麵尊，起碼好食好多而且份量足～:(…Read More