WM Café & Bar (啟岸)

今晚同朋友去咗啟岸WM Cafe食飯，餐廳環境不错，燈光温馨，仲有聖誕裝飾，氛圍好，情侶或一大班人聚餐都岩。餐廳晚市套餐超抵食， 餐湯，沙律，主菜，餐飲加埋小食都只係$200內 。 仲要超高質，真心唔錯👍餐湯係龍蝦湯😲😍，湯身濃稠，忌廉香同龍蝦鮮味好夾，暖暖地飲落去好舒服。跟住係巴馬火腿沙律同奇異果蕃茄沙律，巴馬火腿鹹香有嚼勁，配埋新鮮蔬菜，好開胃；奇異果蕃茄沙律色彩繽紛，奇異果嘅酸甜同蕃茄嘅鮮甜融合，清新又解膩。主菜方面，威靈頓牛柳配香煎鵝肝好有驚喜。威靈頓牛柳外層酥皮鬆脆，入面牛柳火候啱啱好，粉嫩多汁；香煎鵝肝肥美細膩，油脂香滿溢，同牛柳一齊食，口感同味道層次好豐富。香煎帶子明太子蟹肉意大利粉都好正，帶子煎得外香內嫩，明太子蟹肉醬好濃郁，上面仲加入左三文魚籽真係材料好豐富。拌勻意大利粉，每啖都好滋味。追加嘅芝士焗西蘭花，西蘭花保持住爽脆，鋪面芝士焗到金黃，拉絲效果一流，芝士香好濃。甜品自家製巴斯克蛋糕，質地綿密，芝士味濃郁得嚟又唔會過膩，好正。飲品熱柚子蜜同熱檸檬蜜都幾清新，解膩又暖胃。另外，餐廳仲有到會供應～聖誕節期間定滿指定金額仲有贈品送😍😍平時訂滿指定金額仲有折。禁抵食，聖誕聚餐嘅朋友可以考慮下。…Read More

收工比較夜，揾咗屋企附近有落地窗嘅西式cafe，靜靜哋chill住食個Dinner都幾唔錯🙂‍↕️🥝 奇異果蕃茄沙律奇异果带微酸甜配上蕃茄，淋上橄榄油中和果酸，口感层次分明，简单新鲜。🍅 蕃茄餐湯用新鮮紅蕃茄熬煮，湯色鮮紅濃郁，飲落順口暖心。🍔 雙層美國安格斯牛肉漢堡配薯條漢堡包鬆軟夾兩層安格斯牛肉餅，肉質鮮嫩多汁，內裡粉紅濕潤彈牙。配融化芝士、脆生菜、番茄片同醬汁，咬落層層汁水四溢。薯條金黃外脆內軟，鹽味剛好。🍽️ 油封鴨腿，鵝肝醬意大利飯鴨腿油封低溫煮成，肉質軟嫩入味，皮脆汁多，鴨香濃郁微微油潤。意大利飯拌鵝肝醬，米粒滑溜裹滿香滑奶油，鵝肝細膩即化帶奶香。🍗 意式炸雞翼雞翼裹意式香料粉炸至金黃，外皮脆薄，內裡肉嫩無腥味。調味帶羅勒蒜香，咬落過癮。🍗 柚子雞翼雞翼醃柚子汁烤至外皮微焦，帶清新柚香，內肉彈牙鮮嫩。柚子果味中和油膩，食落清爽。🥦 芝士焗西蘭花西蘭花焗至翠綠剛熟，帶自然甜味，配厚厚芝士層融化拉絲，芝士香濃奶香撲鼻。⭐️WM Café & Bar (紅磡)📍紅磡馬頭圍道63號啟岸1樓13號舖…Read More

餐廳：WM Café & Bar地點：紅磡馬頭圍道菜式：西餐午市套餐包是日餐湯或者忌廉龍蝦湯，主食有肉類，焗飯，意大利粉、漢堡等多款選擇，包凍西柚子蜂蜜綠茶或者熱飲，可以加錢升級餐飲，都可以加錢要小食或者甜品。平日無加一。忌廉龍蝦湯忌廉龍蝦湯雖然唔大碗，不過龍蝦味好濃厚，面頭加上少少忌廉。紐西蘭穀飼肉眼扒伴時令蔬菜 $138紐西蘭穀飼肉眼扒帶少少筋，牛味唔錯，就算全熟都好嫩，唔會太乾。有三款汁揀，我揀左牛肝菌汁，味道都唔錯，唔會太重口味。下面好多粗身連皮薯條，熱辣辣炸起，好脆口又啖啖澱粉，已經跟有茄汁一細兜。時令蔬菜有清淡西蘭花。加錢叫左兩份小食。芝士焗西蘭花 加$18呢個價錢份量好多，西蘭花面頭係滿滿焗到微焦芝士，好味又健康。卡邦尼芝士焗椰菜花 加$18呢個卡邦尼芝士焗椰菜花仲加有火腿同洋蔥絲添，個汁更加滑溜帶鹹香，令d椰菜花好正。下午茶套餐有11款，包熱咖啡或者熱茶，有沙律，小食，意大利麵，甜品等，可以加錢升級特飲。價錢好抵。蜜瓜田園沙律配巴馬火腿 $40 另加一蜜瓜田園沙律配巴馬火腿係新鮮生菜底配車厘茄，加有酸甜醬汁，面頭係新鮮哈蜜瓜粒配幾片巴馬火腿同大量芝士粉。健康夠味。唔鍾意巴馬火腿都可選煙三文魚。安格斯牛柳拿破崙意大利麵 $52 另加一安格斯牛柳拿破崙意大利麵係好大碗圓幼身spaghetti撈有嫩口牛柳同雜菜，個拿破崙汁番茄味濃，酸酸甜甜好開胃。份量好大碗。日式雜莓蜜糖熱香餅配雲呢拿雪糕 $68 另加一日式雜莓蜜糖熱香餅配雲呢拿雪糕係三層鬆軟熱香餅面頭加上一層忌廉同一大球雲呢拿雪糕，仲有蜜糖醬，配好多新鮮雜莓，包括藍莓，紅莓同士多啤梨。軟綿綿熱香餅配熱熔冰凍滑溜雪糕真係絕配。雪沙草莓 加$18 另加一雪沙草莓大大杯，面頭加上薄荷葉。士多啤梨味又香甜又滑溜，味道唔假，唔算太甜，仲有一粒士多啤梨。冰川雪山 加$18 另加一冰川雪山用隻好靚玻璃杯上枱，係好吸引人嘅藍色雪山！飲落味道清新，好似係檸檬梳打味，甜甜地，雖然面頭雪糕變左芒果味，賣相都好好，雪糕超大球，而且個人更鍾意芒果味雪糕。熱檸水 熱檸水有三片檸檬，好夠熱，可解解膩。總括而言，今餐食物質素不俗，份量好多，呢個價錢好抵食。餐廳座位舒適，服務唔錯。…Read More

隱藏在紅磡啟岸的WM Café & Bar，從精緻的料理到甜品，每道菜都用心✨指定二人套餐用滙豐信用卡有八折💗🦀 三文魚籽·味噌松葉蟹·蟹肉意大利麵▸ 松葉蟹肉的鮮甜與味噌的鹹香完美融合 ▸ 三文魚籽在口中爆開的瞬間超滿足💥 ▸ 麵條煮得恰到好處，Q彈有嚼勁👍 🍕夏威夷煙火腿薄餅▸ 薄脆餅底搭配酸甜番茄醬底🍅 ▸ 煙火腿的鹹香與菠蘿的清爽相得益彰 🥗 三文魚凱撒沙律▸ 煙三文魚搭配脆爽沙律▸ 醬汁清爽不膩口 ▸ 烤麵包粒增添香脆口感 🦞 龍蝦濃湯▸ 濃郁的海鮮香氣撲鼻而來 ▸ 奶油般的順滑質地🍅番茄濃湯▸ 酸甜開胃▸ 搭配香脆法包絕配 🍰 甜蜜誘惑✨巴斯克芝士蛋糕▸ 外焦裡嫩的完美質地 ▸ 芝士奶香特濃✨雪糕心太軟▸ 熱乎乎的巧克力蛋糕搭配冰涼雪糕 ▸ 冰火兩重天的極致享受 🥤 創意飲品🍹冰川雪山▸ 波子汽水上的雲呢拿雪糕 ▸ 清爽又充滿童趣 🍹金牛▸ 忌廉梳打搭配芒果雪糕 ▸ 熱帶風情十足 …Read More

土瓜灣既呢間西餐環境好坐好岩傾計食飯而家仲有聖誕派對到會服務。我地叫左一碟加拿大豬鞍，豬鞍份量成隻手掌甘大，食落juicy又唔鞋，啖啖肉口感。餐湯蕃茄湯濃郁蕃茄味，龍蝦湯都好creamy入味。威靈頓鵝肝牛柳，牛柳口感好嫩滑可以再熟多少少，牛柳大塊加埋外皮酥皮既香脆口感小編都幾鐘意呢種食法，鵝肝嫩滑入口即溶。飲品推介冰川雪山加18蚊就飲到雪糕加清新口感既飲品，造型好靚，金牛用左芒果雪糕同忌廉汽水好大杯吸睛。…Read More