WM Café & Bar (海之戀商場)

與朋友來到荃灣西鐵站逛街，累了想找一間既安靜又舒服，又能品嘗高質食物的西餐廳。網上搜尋一間位於海之戀商場三樓的＜WM Cafe' & Bar ＞西餐廳。我們進入食店，環境的確如我們想像中，舒適闊落，能給予食客寧靜空間。除了室內座位外，還有室外海景露台座位。晚餐餐牌提供6項主菜、搭配餐湯、甜品和飲品，價錢由$168至$288。點了法式焗龍蝦配紅酒醬汁烤牛柳餐和青蘋果牛油果醬雞肉沙律。法式焗龍蝦配紅酒醬汁烤牛柳套餐(忌廉龍蝦蟹肉湯 ＋ WM自家製蛋糕 ＋百香果冰紅茶)～牛柳雖然是七成熟，但是肉質仍保留嫩滑，有牛肉鮮味，牛肉面層有紅酒醬汁。龍蝦以法式烹調，鋪上芝士一同烤焗，肉質彈牙鮮甜，還有薯蓉、西蘭花、甘筍，非常美味。餐湯可選忌廉龍蝦蟹肉湯或是日餐湯，我們選了忌廉龍蝦蟹肉湯。這個龍蝦湯濃郁，面層放了些蟹肉。甜品可選一件WM自家製蛋糕(例如：原味芝士蛋糕、檸檬芝士蛋糕、士多啤梨芝士蛋糕、藍莓芝士蛋糕、開心果芝士蛋糕或巴斯克芝士蛋糕)或朱古力心太軟，我們選了巴斯克芝士蛋糕。果然是自家製蛋糕，巴斯克芝士蛋糕充滿著濃郁芝士香味，蛋糕質地香滑，餅底是帶點鹹味的麥香消化餅，非常好吃。百香果冰紅茶餐飲點了夏天消暑的餐飲，果茶有助消化解油膩。青蘋果牛油果醬雞肉沙律～一大盤的沙律，嫩綠的沙律菜、車厘茄、青蘋果粒、雞肉粒，還有芝士粉，搭配酸甜沙律醋，甚為醒胃。餐廳還送贈法包薄餅～全素的香脆法包，材料有車厘茄、燈籠椒粒、橄欖和菇，意式風味，很好吃。…Read More

Blingbling美食推介✨📍荃灣WM Café & Bar (海之戀商場)✨海之戀高性價比Live Music Cafe💠💠💠💠💠💠💠💠放假去開荃灣，見WM Cafe好chill而且又有live music，所以就揀左呢度食Dinner~ 裝潢時尚又坐得舒服～無論係朋友聚餐定情侶約會都啱晒💞💠WM煙三文魚牛油果沙律 $118超級開胃之選！分量好多，而且沙律菜好新鮮！牛油果creamy，配上煙三文魚嘅鹹香，加埋新鮮蔬菜，清爽無負擔，完美start✨💠日本帶子明太子扁意粉 $158必食推介！扁意粉掛晒醬汁，帶子煎得剛剛好，好有層次！😋💠美國穀飼安格斯西冷(9oz)配時令蔬菜薯蓉 $268性價比超高！牛扒香煎得恰到好處，肉味濃郁，好有咬口～配菜嘅薯蓉好滑，蔬菜都燒得好惹味~ 絕對係高質主菜💯💠法包博餅（送）免費送上嘅小驚喜，酥香鬆脆😍餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5WM Café & Bar (海之戀商場)📍荃灣大河道100號海之戀商場3樓3094號舖…Read More

又來臨餐廳了，我還是挑了最愛的漢堡來吃啊，還要升級為雙層的呢安格斯牛肉芝士漢堡配薯條 漢堡的牛肉非常多汁，肉質鮮嫩，加上香濃的芝士，雙層漢堡絕對值得一試，兩層牛肉的口感和風味更為飽滿。薯條外脆內軟，搭配漢堡絕配。忌廉龍蝦湯湯品香濃，龍蝦味道鮮甜，搭配絲滑的忌廉，讓人感受到海鮮的鮮美。香橙西柚意大利油醋沙律沙律清新可口，香橙和西柚的酸甜平衡，搭配油醋醬，十分開胃。脆炸海苔魷魚條魷魚條外脆內嫩，海苔的獨特風味增添了不少層次感，作為小食非常合適。青提柚子梳打飲品顏色配搭得宜，青提和柚子的組合原來非常夾，而且可以邊吃邊喝，特別適合午餐後解渴。自家製蛋糕 - 開心果巴克斯蛋糕蛋糕的口感柔軟，開心果的香氣濃郁，甜度適中，是完美的餐後甜點。午市套餐選擇非常多的，菜式都頗具水準，非常值得推薦！📍WM Café & Bar (海之戀商場)荃灣大河道海之戀商場3樓3094號鋪…Read More

⛈️近呢個星期都打風落雨, 難得放假日放晴😌WM Café & Bar 有室外海景位, 睇黃昏晚霞🌙🎶當晚又有live music, 適合放假vibe🥳~🔸法包薄餅(免費)🍕🆓餐廳每枱都會送上pizza味法包法包外脆內軟熟, 配湯食不錯~🔸番茄濃湯🍅🥣湯內有不少番茄粒, 酸味較重🔸漢普夏有骨豬扒配柚子蘋果肉汁  $198  6/10🐷豬鞍扒肉質偏乾, 帶輕微豬腥味伴碟的醃蘋果粒🍏, 酸酸甜甜幾開胃🔸日本帶子明太子扁意粉🍝  $158  6/10帶子表面金黃, 明太子味唔會過濃🍝扁意粉軟硬適中, 偏軟身少少🔸WM自家製芝士餅🍰🍋檸檬芝士餅: 質地軟身順滑阿華田芝士餅: 質地較實淨, 阿華田味較淡🔸凍檸茶…Read More

餐廳有室內同埋戶外位置 。今日去嘅時候啱啱睇到日落，景色相當靚。本身今日心情麻麻，見到個咁迷人嘅日落同埋海景，突然之間都覺得身心舒暢 。今晚叫左嘅二人餐，勁多嘢食 。龍蝦海鮮湯、巴馬火腿凱撒沙律、波士頓龍蝦薄餅、龍蝦汁海鮮長通粉、自家製蛋糕、柚子海鹽蘋果金、百香果冰紅茶、熱檸水 。第一次吃以龍蝦為主題既set dinner 感覺超級特別，我自己最欣賞個波士頓龍蝦Pizza，上面啲芝士融合得非常之好，作為一個芝士控，呢一個芝士嘅份量實在十分之滿意，加埋個沙律清新，成件事就唔會膩，個套餐set得有心思 。咁啱我哋遇到有live Band嘅人表演，表演者係第一次係呢一間餐廳度演唱，見到佢好努力咁樣演出，覺得香港都仲有好多追夢嘅人，好希望佢地有被看見既機會 。…Read More

荃灣一直係我最愛既地區之一最近又搵到一間靚日落靚景既超正西餐廳 🍴如果入秋天氣涼涼地 真係好推薦坐戶外位置 仲可以睇到日落同打卡汀九靚景 ❤️忌廉龍蝦蟹肉湯🥣超濃超Creamy 啖啖都係鮮甜龍蝦味精華 大推龍蝦湯🥄要趁熱飲阿🩷法式焗龍蝦配紅酒醬汁牛柳 龍蝦🦞肉質彈牙 配上芝士汁真係好正 仲要配埋五成熟牛柳🐮點埋紅酒汁🍷更加有層次 Side dishes 係薯蓉 我最中意就係有顆粒感既薯蓉 安格斯牛肉辣味芝士漢堡🍔厚實多汁牛肉配上酸甜菠蘿🍍 真係Juicy 到爆炸 😂菠蘿🍍絕對係加分items 一個漢堡食哂甜酸辣味🩷最後仲有甜品心太軟世一日落餐廳有人唱我首最愛世一比我聽🩷真係心都溶🫢🤣🤣🤣私心推薦要預約星期六晚上❗️因為晚上live band 1900開始唱歌比你聽 ✨…Read More

🔎 WM Cafe & Bar(荃灣）最近喺荃灣發現一間好有feel嘅西餐廳WM Cafe & Bar☕️，無論係拍拖約會定朋友聚會都好適合！首先環境真係好加分💯 室內燈光柔和，裝修有格調，講佢浪漫都唔為過～仲有戶外區，夜晚坐喺度吹住風好chill🌙 最正係佢有免費Live Music🎵，聽住現場彈唱食飯，好浪漫！服務方面要大讚👍 侍應好主動幫手換碟，細節位好到位，食到中途完全唔使擔心碟邋遢🧏🏻‍♀️【🦞龍蝦汁海鮮意大利飯配龍蝦半隻】龍蝦好大隻新鮮，肉質彈牙，個飯吸收晒龍蝦汁嘅精華，好滿足😋【🍕波士頓龍蝦薄餅】薄餅底好脆，芝士香濃，正～【🥗巴馬火腿凱撒沙律】沙律菜好新鮮，巴馬火腿鹹香入味，仲有脆卜卜嘅麵包粒！人均大概$200+，有咁嘅環境、食物同服務，性價比算唔錯啦～如果想搵一間可以hea下、聽下歌、食好西嘅餐廳，呢間WM Cafe & Bar絕對值得試試！…Read More

WM Cafe & Bar 環境舒適，設有露天座位，星期六晚仲有live music 表演，幾適合同朋友嚟飲杯酒聽下歌放鬆下😌🥖 法包薄餅贈送嘅開胃小食，幾香口。🍲 龍蝦海鮮湯帶有龍蝦鮮香，內有八爪魚仔等海鮮料，味道平衡。🥗 巴馬火腿凱撒沙律蔬菜新鮮，火腿鹹香，醬汁份量適中，整體清爽。🍕 波士頓龍蝦薄餅配搭幾有新意，薄餅底脆身，上面同樣有海鮮粒粒，記得落tabasco 點綴下，配搭芝士與醬料味道不錯。🍝 龍蝦汁海鮮長通粉長通粉煮得偏腍，配料幾豐富，除咗海鮮粒粒亦有蕃茄仔、菇、芝士等。🍏 柚子海鹽蘋果金寶甜品口感特別，蘋果粒帶微酸，柚子香氣清新，海鹽提升風味。🍫 迷你心太軟朱古力味濃，流心效果不俗。…Read More

· 巴馬火腿沙律（火箭菜+陳醋）· 奇異果番茄沙律🥩 A. 威靈頓牛柳・香煎鵝肝 $158• 酥皮包裹澳洲牛柳!鴨肝taste so good，中心保持粉紅色• 附黑松露紅酒醬，建議切開後30秒內享用🍚 G. 慢燉和牛面肉意大利飯 $108• 和牛面頰燉至絲絨質地，米芯保持al dente可要求調整硬度🥦 追加：芝士焗西蘭花 $28• 三重芝士混合（車打+莫札瑞拉+帕瑪森）• 西蘭花預先焯水保持翠綠🍰 甜品• 🍋 Lemon芝士蛋糕• 選用意大利檸檬汁與法國kiri芝士• 餅底混入杏仁碎與消化餅，牛油香氣突出•清新不膩🔵 Blueberry芝士蛋糕• 加拿大野生藍莓熬成果醬，夾心層與淋面雙重爆發• 餅底增添脆脆口感🍤 小食• 吉列帶子（4顆）：刺身級帶子裹panko麵包糠• 吉列炸蠔（3隻）：廣島蠔爆汁，配他他醬🍹 飲品搭配• 凍西柚蜂蜜綠茶可少冰• 熱檸檬紅茶：🎁 贈送項目• 法包薄餅晚市套餐性價比超高#威靈頓牛柳 #和牛燉飯 #港女西餐…Read More

今日係荃灣同朋友食WM Cafe & Bar,之前食過氣氛都好好，星期六仲有live band ，同朋友可以一路聽一路食一路傾我哋就叫咗兩樣嘢食，蒜香蜆肉扁意粉同埋烤大啡菇芝士意大利飯，餐廳好好，一坐低就送咗個法式薄餅，感覺好貼心我哋食蒜香蜆肉扁意粉（茄茸汁），呢個加咗$38跟餐，會有個炸蠔、龍蝦湯同埋熱伯爵茶😆嘩套餐都幾抵，而且蜆肉意粉嘅蜆肉比例都係比較多，價錢亦都唔貴另外烤大啡菇芝士意大利飯，呢個好香芝士味，而且飯嘅軟硬度，我亦都好鍾意，大啡菇都好juicy,配合菇菌既香味好夾哩餐性價比好高，又食又聽位置又幾好👍…Read More

今日收工星期五就同朋友一齊去左荃灣諗住食豆腐花 食之前就去睇下荃灣西有咩好食 見到三樓有間有live music 既cafe 價錢又合理 兩個扒 兩個甜品 一個前菜 湯同飲品都係四百幾加一 前菜幾香脆喎個牛油果🥑多士！ 龍蝦湯都好濃味！重點到扒 個豬扒超級超級好食！好食過我加左$88既牛扒！ 個豬扒煎得好香好滑 一入口係超好食啊！牛扒都唔錯架 帶子好新鮮😛 甜品係芝士蛋糕🍰 飲品就係凍檸茶 正正常常咁！ 下次推薦大家 環境都好好 👍 服務態度超好…Read More

#荃灣西美食 ♡ WM Café & Bar ♡環境舒適又有情調的西餐廳有室內空間和戶外露天平台好岩朋友慢慢傾計/一家人聚餐餐廳主打高CP值西式料理價錢親民𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥ 忌廉龍蝦蟹肉湯先飲個忌廉龍蝦蟹肉湯，好濃郁，每一啖都有鮮甜味，味道好rich又順滑，湯身creamy但唔會膩，好有水準推介！❥白酒蒜香燴澳洲藍青口白酒蒜香燴澳洲藍青口味道非常香濃，蒜香味夠晒突出，配合白酒的微酸，令整道菜層次豐富。青口夠鮮甜，肉質彈牙，煮得剛剛好唔會過火，啜住啖汁超滋味，配埋蒜蓉包點住d汁好正，係餐廳必點嘅小食！❥烤大啡菇野菌芝士意大利飯呢個係用烤得juicy嘅大啡菇，加埋好多野菌同芝士焗出嚟，意大利飯吸足咗啲菇嘅濃郁香味，好好食，仲有小小拉絲效果😆❥青蘋果牛油果醬雞肉沙律青蘋果牛油果醬雞肉沙律食落清新又有層次，青蘋果爽脆帶酸甜，牛油果醬香滑濃郁，雞肉嫩滑唔乾柴。配埋新鮮生菜，口感豐富又健康，食完好飽肚又唔覺膩，好啱想輕食嘅朋友🍏🥑❥朱古力心太軟🍫勁鐘意食朱古力心太軟，配紅莓醬，入口即溶，紅莓醬酸酸甜甜，剛好中和了朱古力嘅甜膩，令整體味道層次更豐富𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥ WM Café & Bar (荃灣)📍荃灣大河道100號海之戀商場3樓3094號舖…Read More

📍WM Café & Bar😍荃灣高質素餐廳😙～今次試咗$388二人龍蝦套餐😍👍🏻質素幾高😘～龍蝦汁海鮮長通粉😍好耐冇食過咁正嘅龍蝦汁長通粉❤️龍蝦汁非常香濃😛長通粉爽口彈牙😍芝士味勁重😙～波士頓龍蝦薄餅❤️非常薄身又足料嘅薄餅🍕有一粒粒嘅波士頓龍蝦💕芝士份量好多☺️～巴馬火腿凱撒沙律😘沙律非常新鮮🥗有兩大塊火腿💕👍🏻～龍蝦湯😛好正嘅龍蝦湯😘香濃得黎又唔會鹹😍👍🏻～自家製蛋糕😙高質素蛋糕🤪尤其是餅底整得勁好味❤️～順帶一提😛餐廳環境靚😍食物質素高🥳店員服務態度好👍下次一定再嚟食😎📍WM Café & Bar (荃灣)荃灣大河道100號海之戀商場3樓3094號舖…Read More

近日跟朋友到荃灣WM Café & Bar 試試網上熱傳的兩人龍蝦套餐，定價$388，包含龍蝦海鮮湯、沙律、薄餅、主菜及甜品。環境是Cafe格局，燈光柔和適合拍照，唯獨食物整體表現非常普通，甚至有點失望。頭盤龍蝦海鮮湯味道非常濃鹹，海鮮味不突出，反而像濃縮湯底。沙律是巴馬火腿配上生菜及芝士粉，菜葉不夠新鮮，口感偏軟。薄餅雖然用了龍蝦、蕃茄等材料，但餅底厚實且欠香脆，芝士感亦不夠豐富，與一般Pizza店無太大分別。主菜選了龍蝦汁海鮮意大利飯配半隻龍蝦（+$68），龍蝦肉略乾，意大利飯則醬汁偏多卻味道單一，沒有層次感。甜品蘋果金寶表現中規中矩，不算特別出色。整體而言，該餐性價比不高，食物水準未達預期，可能比較適合注重環境和拍照的顧客。如重視味道，未必會回頭。…Read More

WM Café & Bar今次係我第三次嚟呢間西餐廳叫「WM Café & Bar」，每次去到海之戀廣場都會好掛住「炸雞薄餅」，而且呢間餐廳入面都好闊落，絕對方便輪椅人士入去幫襯！1.德州辣炸雞薄餅（菠蘿•紫洋蔥•燈籠椒•芝士$128+蕃茄湯+吉列炸蠔+廚師沙律+百香果冰紅茶$38（9.5/10）每次嚟到都會掛住呢個炸雞薄餅，炸雞肉質好juicy，薄餅落咗辣椒粉，辣度相對好似無上次咁難，薄餅係薄批，每塊薄餅上面都有一舊炸雞，薄餅其他配料仲有菠蘿、紫洋蔥、燈籠椒同芝士等，每一件薄餅芝士拉絲可以拉到好高，大家如果嚟食一定要試下德洲辣炸雞薄餅！今次仲可以加$38有蕃茄湯、兩件吉列炸蠔、沙律菜同一杯有少少甜嘅百香果冰紅茶，非常抵食！2.蒜香海蜆欖油扁意粉（白酒汁）$128+龍蝦湯+吉列炸蠔+廚師沙律+熱即磨咖啡$38（9.5/10）呢碟蒜香海蜆欖油扁意粉揀咗白酒汁，扁意粉熟度啱啱好，唔會硬身，勝在夠滑，海蜆大約都有10隻，全部無沙，唔錯！今次仲可以加$38真係有龍蝦肉嘅龍蝦湯、兩件吉列炸蠔、沙律菜同一杯有少少酸嘅即磨咖啡，非常抵食！3.法包薄餅（每枱贈送一份）$0（10/10）呢個法包係免費贈送，每枱一份，唔好以為免費就唔好食，呢個法包外皮有少少脆，中間係淋身嘅薄餅口感，店員仲溫馨提示我，呢個法包係無豬肉成份，法包上面有蕃茄仔、燈籠椒粒同菇等等！2人總共價錢$365，其他有加一服務費！個人口味總評分：9.67/10@wmcafebar    地址：荃灣大河道100號海之戀商場3樓3094號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#WMCafé&Bar #cafe #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…Read More