11
7
13
Introduction
主打麻辣火鍋, 店員會推介食物.
continue reading
Opening Hours
Mon - Sun
11:00 - 05:00
Above information is for reference only. Please check details with the restaurant.
Signature Dishes
任飲任食火鍋 (團購價$118，另收茶芥及加一服務費)(好食指數: 6/10)2013-10-29秋天涼涼地，又係打邊爐既季節喇！火鍋walk in入去食其實都係$148全包，不過團購就多左每人一份刺身。刺身唔係日本餐廳都有d擔心，點知都ok。火鍋配料唔算特別多，而且質素比較普通，例如魚皮太腍鮮牛肉質素麻麻。叫左龍蝦$88就更麻麻啦，少肉又唔新鮮。除左火鍋之外，仲可以叫糯米飯，熱辣辣不過腍左d。
continue reading
今晚用團購飛去打邊爐, 雖然款式唔算多, 但質素都算中規中炬, 服務亦比預期好.我有咳不能喝冷飲, 但他們免費供應的都是冷飲. 一個黑黑廋廋的部長,他即拿杯熱蔘蜜給我, 見我飲完更立刻問我要否添飲, 真係冇得彈.
continue reading
女友買左團購, 臨食前睇睇食評講到好差, 擔心左半日, 幸好無所講咁差, 可能該店收到投訴改善左少少吧我係book 左平日6:30 0個場, 所以無乜人... 講講環境 - 地板的確好滑, 最離譜係容許客人食煙食物方面: 團購任食預左食物質素麻麻, 牛肉一點雪花都無, 菜亦唔靚, 好多爛既, 之前有蠔任食, 但當日無, 炸魚皮唔新鮮, 油"臆"味重, 唯一有誠意係個麻辣湯底, 真材實料!幸好汽水係凍既, 同埋無漏單, 點既野都齊哂總括黎講唔會有下次
continue reading
如果我有看上一篇食評, 如果看了兼且相信一篇食評, 我便不會購買該店的團購.事源早在一個月前在網上買了 $118 團購 (任飲任食兩小時) 我們一行24人, 在用膳當晚的一個星期前, 已訂了兩張12人大枱.訂坐時間是晚上 8.30pm, 我們也考慮到坐位安排可有混亂, 所以某幾個朋友已提早 8.00pm 到達, 好讓該店好好安排飯枱.可惜到了 8.30pm 仍沒有通知入座, 追問之下根本沒有安排, 只一直叫我們在門外等候. 卻不斷招呼 walk in 的人客. 大家都深感疑問, 入內觀察後, 場內根本沒有一張 10-12人的大枱, 全是 4-6人, 6-8人的枱. 那時已經是 9.00pm雖然我們很不滿, 但已經抑制住情緒. 遂向部長查詢, 但只是不斷叫我們等候, 仿如政府高官叫我們輪候公屋一樣.最後擾攘到 9.30pm, 大家都餓到發慌, 於是決定去別的酒家, 事後再向消委員投訴. 希望其他人不會步我們後塵.
continue reading
訂咗８：３０ＰＭ，都要等一個鐘，不停話６：３０ＰＭ嗰轉食完結帳中！但係都無人走，要等成個鐘又做乜要人幾日前 book 枱俾晒 coupon number 又話唔俾改時間又話唔俾遲？？話就話團購有３轉（６：３０ＰＭ／８：３０ＰＭ／１０：３０ＰＭ），其實都係完全無安排過，忽然又話６點半Ｄ人遲入，所以要遲走。乜你地之前電話唔係話遲到都要準時交枱咩？？！！咁仲有無理過其他準時到D客人嘅感受呢？？仲要發現其實 walk in 去食都只係＄１４８ 全包而唔係團購講嘅＄２８０！！！！！９點後就＄１１８全包，而家等到９點幾先有枱，用團購仲貴咗添！！因為團購係＄１１８＋＄１１。８＋＄６＝＄１３５。８，好有俾人呃嘅感覺。一坐底第一件事係不停換餐具，唔係因為有爛而換，而係好似用過未洗咁一大片啡色污物在碗筷同打邊爐細筲箕上 湯底方面，好似用咗Ｄ大陸一滴香咁，仲差過大家樂Ｄ湯底。飲品方面，如果你鐘意飲Ｄ唔凍嘅汽水，大把俾你飲。食物方面，除咗菜心苗好甜同Ｄ細虾仲新鮮之外，其它食物唔食都無乜所謂。。。不過都唔係樣樣有得你食，就算你寫乜，好多時都錯單，四寶丸次次有唔同四寶俾你食，跟手就會話無貨賣晒，好似有得你食好食啦嘅感覺。溫馨提示 : 佢地唔知係咪無用對眼去睇住黎洗菜同上碟，各位請小心查看每塊菜葉先好放入你的火鍋內 ＞＜環境方面，睇上去好似幾好，不過個地下滑到溜冰咁，好多水，身手差Ｄ都好易跌親。可能人手真係唔夠啦。因為以上嘅種種原因，呢間野一定唔會有下次囉，就算再平都唔會黎食喇。其實去食團購，都係想平平地試下Ｄ唔同嘅餐廳Ｄ野得唔得，等第時一大班人去食野嗰時多個地方選擇下啫，做到咁差嘅話就只會有差嘅口碑周街走，不如唔好做團購仲好啦。
continue reading