詠藜園四川菜館 (Moved) New Location

這間上海店地方寬敞，適合一大夥人或家庭聚會來吃的餐廳。店舖提供食物的選擇頗多，份量尚算合適大約四至六人。因為疫症期間，這間上海店舖都做足防禦設備，用落地透明膠相隔了每張枱，空氣暢通，亦放置小碟給予客人放置骨頭，避免不衛生情況。餐牌大致上都列有傳统上海特色菜，不過這次我都沒有叫什麼上海擔擔麵或上海粗炒及年糕等等。相反，以下我叫了：前菜：花雕豬手、肴肉、花生（本身提供一碟）。主菜：酸菜魚（小辣）、水煮牛（有驚喜：有寬條薯粉）、生煎包（沒有湯汁，比較乾身）、過橋水餃。小食：茄汁蝦仁鍋巴、豆沙煎餅。最推薦：1）酸菜魚：雖然即使叫小辣，都有啲辣，不過魚塊好大塊，不腥亦保留少許口感，配菜，例如酸菜不會太酸或假甜！2）茄汁蝦仁鍋巴：茄汁蝦仁，蝦仔數量都有10粒，鍋巴感覺不油亦脆口！水煮牛：牛片有鮮肉味，大塊但不難咬，有驚喜：有寬條薯粉！不推薦：1）生煎包：沒有湯汁，比較乾身，普通2）花雕豬手：份量比較少，但調味不錯總結：環境、衛生、服務及食物質素中上上分數，這間餐廳值得推薦！

聞名已久，想食好耐，今日趁端午假下午去食，點知大失所望。招牌擔擔麵：最失望，虧佢說係招牌，又細碗，麵唔得，個湯得個鹹字，連花生粒都無，完全唔合格!醉雞：雞肉唔嫩，上碟唔夠酒，雞肉無醉味，唔掂!酸辣湯：醋酸味太強，無豬紅(雖然我唔食)，麻麻。海蜇😅：夠爽，但味道偏淡，嘥晒!上海粗炒：懷疑係用渣嘅烏冬黎整，一點也不像上海粗麵，無口，失敗之作!埋單$307，CP值極低! 臨走仲見到預備前菜嘅亞姐一邊拎住手機望，一邊弄食材，😥，無下次了!

個日我地去黃大仙，男人話想去試，咁我地就試啦～瑤柱金勾撈麵 $54呢個好野! 好好食! 好香啊～ 而家諗起都想食!改量擔擔麵 $42男人本來就係黎試呢樣，點知呢樣係比較失望既鮮肉小龍包 $60而家打先發現佢比個麵貴XD但以咁歷史悠久既菜館黎講，我會對佢有要求，佢唔算咩皮薄餡靚，但中規中矩啦，會expect佢再好食尐既，但如果以小店standard, 佢當然已經好好味啦～皮蛋豆腐 $48呢個後加而且仲好好食XD 呢個冷盤係小妹其中一個最愛，男人同我去食，佢通想都會問我試唔試! 個日我記得佢好食到我想倒埋尐汁黎飲XD不過係疫情其間，未有限聚令黎講，其實大家都好親密...

已經唔係第一次幫襯此店🤗 老字號 食到回憶嘅味道 🤩特別介紹~小籠包一籠有八個 即叫即蒸 熱辣辣 一啖食落去啲肉汁流曬出嚟 肉質新鮮好味 砂鍋雲吞雞 ~湯底非常濃郁 雞肉很嫩滑 😋上海粗炒係我嘅至愛 味道適中夠鑊氣 加少許豆瓣醬非常之好味👍👍

A hidden authentic Sichuan restaurant tucked away in the residential area of Wong Tai Sin, away from the crowded noisy rowdy areas.A great dish for that white meat protein.  The sichuan spice really adds a kick to the flavor.  Very tender and juicy and not too spicy for the cantonese palate. 雞絲粉皮 was just right.  That blend of shredded chicken meat and those hor-fun and sauce, making it the perfect cold appetizer to start the meal off.Who doesnt like 小籠包.  They were perfectly steamed, hot flavor

平時要大排長龍嘅詠黎園，今日下午竟然得幾台客人。雖然樓面姐姐平時態度麻麻、服務一般，但係今日想食幾個小籠包，所以照常幫襯。蝦仁炒蛋客飯$52- 如果得一個人食吃客飯，應該會食唔晒，因為炒蛋份量多，仲送一碗例湯。滑蛋炒得幾好。鮮肉小籠包$60- 小籠包即叫即蒸，雖然個皮唔係好薄，但豬肉夠滑夠肉汁，熱辣辣擺落口好正，推介！生煎包$42- 生煎包又係啱啱煎好即刻上枱，同小籠包比較，個包油膩咗啲，但舊肉都好鮮甜。醉香豬手- 豬手醃得好入味，充滿酒香，豬皮爽口！擔擔面- 我叫走辣，湯底比較鹹，而且冇乜肉碎末，麻麻哋。干扁四季豆- 四季豆超級鹹，用嚟送白飯都仲係好鹹，最後食剩左好多，於是加一蚊外賣盒帶走，要遲啲煮返淡啲先再食過。下次再嚟要叫小籠包、生煎包食！

去到黃大仙當然就看附近有咩好食，朋友話想食上海菜就找到有間行約十分鐘的老式上海店，沒想到下午二點多都不少人食午餐，我地三人就叫了四款食物，每人不用九十元都夠食，首先來的是雪菜肉絲炒年糕，咸度剛好，年糕口感好味又彈牙，但肉絲不太覺，雪菜入味好味。好大籠的小籠包，入面有八隻，入面有湯汁而豬肉味香，皮又夠薄好味推介，雞就叫了一個例牌的口水雞，辣度小辣，幾香口，雞肉都不少而不會太有雪味不錯，這裡的担担麵花生味較重，麵質幾幼身。

話說第一次諗住試下呢間， 我地2個人， 夜晚6點50分去到， 坐室外。一去到佢開左張大圓枱叫我地坐， 已經覺得怪怪地， 因為明明有張細方枱。是但照坐啦， 坐落唔夠2分鐘， 個男侍應過黎問左4次我地食乜， 其實餐牌都未睇得清楚囉!之後黎多2個客， 佢地又係坐室外， 佢地覺得細枱太細， 我咪話其實我可以轉坐細枱， 比張大枱佢地， 跟住。。。。個男侍應同我講:唔洗換啦， 你呢張枱有人訂左架， 你7點半要交返張枱出黎架! 我講左句: 吓! 佢答我: 依家到7點半大把時間啦！當然到最後我無食到， 即走! 我唔明白， 點解食晚飯要限時， 仲要趕到好似食快餐咁?!

今日blue Monday, 放工都想搵啲好野食下啦，所以走左去食川菜，入到店內坐位唔算多10張枱左右，我7點到左右到，幾乎坐滿，好受歡迎首先介紹下個小龍包，噴晒煙好熱好新鮮，個皮唔算超薄，但一啲都唔厚，超多汁，好juicy 爆晒汁，好好味，之後食左過紅油抄手，味道比其他食店唔同，麻醬比較多，而且唔太辣，好開胃好醒神，跟住係白肉拉皮，勁重蒜蓉味，白肉砌得好薄，索晒啲汁，好入味 ，最後介紹埋螞蟻上樹同担担麵，味道就正常啦，唔太特別，整體都好好味

今次去到黃大仙呢間老字號嘅餐廳，真係冇睇清楚先至行入去，環境擠迫價錢偏貴，今次我叫咗個擔擔麵，真係試過一次就算啦，下次都係睇清楚啲食評，我見到有啲網友話佢衛生有啲問題，擔擔面味道普通冇乜特別，但價錢偏貴可能都係食名氣啦！

就到中秋，所以專登提早同家人做節揀食中餐可能早到，唔洗點等位。如果唔係我地一行8人實有排等位 食親上海野，小籠包一定唔少得，內邊有好多湯汁 家人都讚好，食完一籠之後都要encore多一籠，但係就嫌個皮唔夠薄因為有小朋友關係，所以擔擔麵揀左走辣，麵夠煙靱，但唔知係咪揀左走辣，變左個湯底都無咁好食。生煎包好軟熟，個底就煎得好脆身，唔錯唔錯原湯水餃餐牌入邊有好多款餡料既水餃揀，因為其他餸已經有豬肉白菜，於是水餃就揀左韭菜豬肉餡，好香韭菜味上海粗炒普通左少少，無咩特別紅油抄手比外邊店舖無咁多辣油，而且個醬汁好好食，但我就嫌唔夠辣，但都唔影響味道酸辣湯好足料，唔會太酸同太辣，老人家都食到。回鍋肉呢個好食，菜同肉都好入味又辣，送飯一流，但肉片就少左d囉糖醋骨D肉好大件，啖啖肉，配菜都好多揚州炒飯普普通通，只係純粹老人家一定要食飯叫比佢食豆沙鍋餅即叫即整，熱辣辣個皮好脆，又唔會太甜總結成餐飯都不過不失，好抵食，但就唔好預坐得好舒服温馨提示，店舖淨係收支付寶同現金，唔收信用卡

老豆終於都要退下來了，辛辛苦苦幾十年終於可以抖下，來和他吃一頓晚餐餐廳位於黃大仙消防局對面，由地鐵站行上來大概5分鐘便可，此店其實還有一分店於黃埔，不過舊店水準可能更好呢，價錢亦較便宜。我們一行8人點了不少菜，店內呀姐一來便大力推介松子魚，味道酸酸甜甜，魚已起骨，相比以往食過的好像更有水準，但價錢要$200多，好像有點貴。砂鍋雲吞雞，雲吞都係自家製，雞就比較瘦小，湯頭好有味道！小籠包，味道肉味重，入面湯汁不算非常多，但亦感到燙口，推介之一銀芽鱔糊，深色但反而味道不算太濃，分量也很滿意。螞蟻上樹，出奇地好食，惹味，小小辣，粉絲入味，一流！招牌炒飯，很一般，自行判斷，有臘腸材料等等。最重心推介都係碗擔擔麵，雞湯頭中麻醬味道豐富，配合小辣，花生碎，忍不住整碗湯都想喝光！最後還點了一些小食前菜和湯丸，味道也可以。總括而言呢間餐廳都係一間值得推薦嘅小店

睇到咁多好評先來到呢間食lunch，點知遇到非常不幸的事件。我地係呢間餐廳點咗二碗擔擔麵，一籠小籠包。點知食小籠包嘅時候食到一隻曱甴腳，跟住同餐廳職員講喇！點知施施然咁行過來，根本唔重視食客，覺得有生意就理得你一二個食客。- 員工服務非常差，態度有問題- 食物質素不能接受（食物內有曱甴腳）

本來打算去吃川菜，看完了menu發現大部分的菜式更像是吃上海菜的。小籠包做得挺出色的，皮薄肉餡，咬開也有湯汁，味道沒有帶酸。而擔擔麵選了改良版的，說是改良版加了肉碎，但是麵煮得過時，麵條都結成一團，而湯的味道沒有很特別。另外就是雲腿津白，火腿的味道不夠出，菜也煮太軟不夠爽。而糖醋魚塊的魚塊每塊都挺大塊的，味道不是偏酸偏甜。

一諗起擔擔面，我相信大家不約而同都諗詠藜園這間老字號擔擔面管。在八十年代風魔香港一段時期。自從搬左入新界區就沒有再食啦⋯⋯今次來探班，怎可以唔來打咭，一解相思之苦⋯⋯記得第一次食的時候，是一間鐡皮屋入面。那種湯香味，辣之中又愛又恨，面口感恰到好處。之後重建之後就搬上鳯凰新村。這麼多年都沒有裝修，維持之前風格，尚算簡潔。但已經找不到當年擔擔麵的味道😔😔⋯⋯失望，真的好失望。完全無辣的感覺⋯⋯純粹一碗面，是顔色深色了。記得之前食有些花生和小量肉粒。小籠湯包，包皮尚算簿，而且內裏有湯。但是酸棘雲吞，又系失敗之作，皮厚無味，得個酸味！😔不敢再落order 了！😣