Video
3-min walk from Exit D, Jordan MTR Station
continue reading
Telephone
93479444
Introduction
This Western restaurant is designed with earth tones colour and arty style. It aims at bringing out a casual vibe from the shop name to the environment. The dishes are served at affordable prices, which is a nice place for gatherings.
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
-
Online Booking Service Not Available
食開一兩年，一向都唔錯，尤其鍾意佢個蘑菇湯不過近呢幾個月湯越來越淡，果汁都係喇沙啲海鮮由頗為新鮮變雪藏咗唔知幾多年嘅味道，焗嘢整好晒，擺喺樓下垃圾桶隔離都唔上菜兩杯凍飲，得一支飲管坐樓上嘅話，要自己行落去落單攞menu，自己行落去攞餐具攞碗。。。同自助式嘅餐廳冇分別仲有加咗部電視勁嘈勁光，同朋友都傾唔到偈，又唔俾熄一陣，話其他人包場想睇咁其他人又唔坐埋去慢慢睇 ==“ 包場我哋又入到去食？唔知咩 logic。。。問佢攞小食Menu，揀完就係今日冇小食。。。上錯咗三次drink無奈到。。。真係如餐廳個名一樣 “喺度做乜？”已不復當年拉勻評分畀面當OK。。。
continue reading
開頭見大部分嘅食評都正面，碌多幾碌，原來唔至我覺得呢間餐廳同個舖頭名一樣，喺度做乜？因為有主題cafe，所以嚟咗呢度食，滿心期待咁去，食咗成肚氣。喺度做乜1 （服務質素）:- 知道有主題會full啲，預先訂咗位，結果都係walk in都無咩太大分別，求其搵個bar枱位俾你咁，個職員拎住本mark book枱嘅簿一臉迷惘，其實都唔知book嚟做乜？見到好多人book咗枱都俾人打尖入座先。同埋話訂位可以優先安排有主題佈置嘅位置，完全無。求其俾個位我坐都算，問佢拎張凳放嘢都無，真係多嘢度食唔到嘢先問你拎，其實有無預先考慮過應唔應付呢個人流先決定接生意？見隔離位啲人離開咗個位去睇啲主題佈置，個職員就即刻走去想清枱，求求其其咁問隔離啲唔係同行嘅客人話仲要唔要，已經答你話佢哋行開咗，要問翻佢哋先知，都仲要繼續問。知你想翻枱，但真係認真確保一下服務質素會好啲，我都係食咗半個鐘都無就感覺太有俾人催住走嘅感覺而走人，講真嚟得主題cafe都係想慢慢享受，而唔係食快餐咁。仲要收加一，真係唔知自己俾人serve咗啲咩，個餐有餐湯又係問先有嘅，寫話可以俾FPS，收錢個下又係到話「最好俾現金」，咁就麻煩改一改個餐牌。喺度做乜2（食物質素）:本身都知道因為係主題cafe，食物價錢會貴啲，但食落真係一啲都唔值，牛扒質素同茶記雜扒其實都不相伯仲，又硬又痴牙，啲餐湯都係開出嚟嘅粟米湯，啲薯角又唔脆，啲嘢食都只可以用微暖嚟形容，嘢飲只係可以自己沖嘅柚子茶，呢個價錢你可以有更好嘅選擇。整體嚟講，真係唔會再嚟食，都唔推介嚟試。只能說浪費咗有心搞呢個主題嘅人嘅心意。
continue reading
【尖沙咀Cafe食記｜喺到做乜Whatsup】 **明太子軟殼蟹意大利粉** 軟殼蟹現炸上桌，蟹殼酥脆帶膏香，與濃郁明太子奶油醬相得益彰。醬汁奶香豐厚卻不過膩，歸功於意粉均勻掛汁。 三文魚蟹肉大啡菇配芝士忌廉汁（紫薯底）手掌大的烤啡菇盛載蟹肉，淋上焗烤芝士忌廉汁，焦香與奶香交織。煎三文魚外皮焦脆鎖住魚脂，底層紫薯泥口感綿密，微甜紫薯香意外中和海鮮濃郁感，創意搭配見心思。 兩道主菜均顯露廚房的跨界巧思：日式元素融入西式料理，卻不過度炫技，惟份量偏精緻。————————喺度做乜 (尖沙咀)尖沙咀山林道3號地舖
continue reading
尖沙咀山林道開咗間Café，餐廳名叫做「喺度做乜Whatsup Cafe」，好鬼馬吖，感覺牛角格餅係佢哋嘅招牌，因為喺小食、甜品嘅項目入面都會見到佢唧蹤影。*此餐廳收取加一服務費。明太子軟殼蟹意大利粉（單點$158），表面鋪有豆苗、香草，炸軟殼蟹口感外脆內軟，內有蟹膏，味道甘香，意粉口感軟硬適中，略嫌明太子醬份量少，令意粉食落比較乾身，配料包括有蘑菇、彩椒、蟹籽。蟹肉牛角格餅（單點$88），表面鋪有蟹籽、豆苗，忌廉蟹肉味道鮮甜，牛角格餅口感酥脆，食落充滿牛油香味，沙律菜包括有苦菊、紫椰菜，配以意大利黑醋食用，味道清新。手工洋蔥圈（單點$88），即叫即炸，口感鬆化，洋蔥味道清甜，配以美乃滋食用，味道更佳。是日餐湯（跟餐$0），粟米濃湯，好足料，內有大量粟米。是日餐包（跟餐$0），蒜蓉法包，表面鋪有香草、蒜蓉牛油，口感鬆脆，食落好香口。奶茶蛋糕（單點$48），表面鋪有果仁碎、海鹽焦糖糖漿、糖粉、朱古力醬，忌廉口感輕盈，奶味醇厚，蛋糕口感鬆軟、帶有茶葉籽，食落伯爵茶茶味濃香，略嫌奶茶味欠奉。焦糖爆谷（跟餐$0），表面鋪滿焦糖，口感香脆，味道香甜。折骨木蘋果梳打（跟餐$23），表面鋪有蘋果乾，採用蝶豆花茶、折骨木蘋果汁、梳打水製作，分層效果突出，飲落好清爽。
continue reading
今日黎到佐敦，見到呢間cafe環境優雅，燈光柔和，營造出溫馨而浪漫的氛圍，就決定入去試下餐牌有好多選擇服務人員熱情周到，對每道菜品的介紹都十分細心，讓顧客感受到賓至如歸的感覺前菜-爆谷帶有微微的焦糖味，讓人一口接一口，十分開胃餐湯，蒜蓉包湯底濃郁，充滿了新鮮蔬菜的香氣，口感滑順，令人感到溫暖。搭配的蒜蓉包外脆內軟，蒜香味濃郁，輕輕一咬便能感受到香醇的黃油與蒜蓉的完美結合，讓人食指大動鵝肝多士鵝肝滑順細膩，醬汁的甜味與鹹味相互平衡，搭配的多士則是金黃酥脆，令人陶醉。每一口都帶來奢華的享受，讓人感受到高級料理的魅力澳洲M4和牛西冷配紅酒燒汁牛扒的油花分布均勻，外焦內嫩，咬下去時肉汁四溢，味道濃郁。紅酒燒汁的香氣讓整道菜更加豐富，每一口都令人陶醉，彷彿置身於高級餐廳的氛圍中玫瑰紅茶這道飲品香氣撲鼻，茶香與玫瑰花的芬芳相得益彰，讓人感到心曠神怡。飲用時的清新感為整頓餐點畫上了完美的句號，讓人倍感放鬆
continue reading