唯珍上海麵家 (Closed)

再回頭系列🍜今次點豬扒上海麵，豬扒即炸，外脆內軟，至緊要份量夠多☺️不過今次啲麵冇甘彈牙，煮得太淋📍 唯珍上海麵家 (佐敦)佐敦白加士街125號地下

其實每次經過佐敦都有留意呢間有年資餐廳。所以今晚比機會自己試。我點了1碗酸辣湯水餃粗麵，1碗酸辣麵，淨辣鳳爪，津白配腩汁。首先酸辣麵及酸辣水餃麵上先，不過其中一碗來錯幼麵，我地都唔換。眼見湯比較清，較酸不辣（我自己再加辣）配料都足，粗麵用烏東麵（冇驚喜，以為人手造麵）。水餃係韮菜餃，皮薄肉同韮菜平均。最後淨辣鳳爪有4隻，不過個汁超喊，喊，喊！津白配腩汁普通。總結酸辣湯越食越酸，唔覺得有咩特別！呢間我諗唔會再來。

✨韭菜水餃麵$37有四粒好足料嘅韮菜餃，咬開可以見到真係好足料同埋。食到韭菜嘅香味之餘，韭菜又夠晒鹹。配上清淡嘅湯底真係好夾😜啱晒唔想食太重口味嘅人。以呢個價錢真係好抵食，而且麵嘅份量都好多。我就揀咗粗麵，食落好似即時手拉的麵甘，夠晒煙韌有口感😋✨酸辣雲吞麵$42賣相吸引不太辣，朋友食完表示對味道同份量都滿意💯📝整體而言: 價錢平，份量多，味道好，會再幫襯。📍 唯珍上海麵家 (佐敦)佐敦白加士街125號地下

我喺香港搵到一間上海鋪唔難，不過要高質素既就……（呢日去食既呢間上海鋪 真心高質😆😆）呢日去左位於佐敦既唯珍上海麵家，座位唔多（食得上海鋪就唔好講求環境…☺️）最緊要啲嘢食係咪掂啦（大家睇埋落去 唔好行開呀🧸）

我好鍾意食上海麵。放工唔太肚餓，本來諗住行去食米線，點知經過呢間睇落有點舊嘅上海麵店，忍唔住就入咗去試下。😋點咗個酸辣雲吞麵，都幾大碗，有四大粒白菜豬肉雲吞，酸辣湯好足料。可以選幼麵或粗麵。👍我選了粗麵，佢個粗麵係幾好食，不過食完覺得好飽，下次可以就咁點酸辣雲吞湯，有八粒雲吞，唔使加麵，同價，抵食。對我嚟講我覺得個酸辣湯有少少太辣，食到出晒汗。😜小店主要係食麵類，另外都有飯，不過就無飽點類，即係無小龍包，鍋貼嗰啲。

多年來，去三代佳佳食糖水（註：現店同兩間舊鋪都開喺呢頭）成日經過，諗住呢間老牌小店屹立多年應該不錯，點知中伏。後來回想，可能小店生存之道在於價錢平，舊區街坊食開有感情。雲吞無錫排骨麵 加 雪菜 ($45)雲吞，皮明顯太厚，餡料太少，食唔出白菜鮮甜。麵，大大碗，麵質偏淋。雪菜，唔夠咸香，唔夠鮮嫩，比較偏向似茶記雪菜肉絲米嗰種，而唔係正統上海麵家。無錫排骨，偏瘦偏硬，沒有油香。公道說話，真係好抵食，咁先$45。不過下次食上海麵，都係返美孚滄浪亭穩陣啲。

At 3pm on a weekday, this place is almost at capacity, with only one or two tables spare. It seems like a really popular option for locals in the area, as everyone knew what they wanted and ordered as they walked in or as soon as they sat down without looking at the menu. There is only on Chinese menu. The place is small and the tables are close together, so you are really expected to just eat and leave.I order the Shanghai wonton noodle, which is distinctly different to a Cantonese-style wonton

佐敦曾經系自己每日，出出入入左地方，令我在難忘既口味，始終系一碗自家上海麵/自家包上海餃，非常記掛以前呢到既紅豆鍋餅，自從改餐牌後都冇再出現番紅豆鍋餅，呢到湯底依然地出式，豬肉+微胡椒湯底，只此一家🥰☝🏻以前呢到既生煎包、紅豆鍋餅、炸餃子都系最最最鐘意點既菜式，呢家餐牌已經見唔到呢堆選擇，少少既失落，希望日後佢地會再做番啦🙏🏼🥺👉🏻上海粗麵+4粒韭菜餃子🥟最深刻呢到既上海粗麵，可以食到麵香味道，就咁湯底已夠晒入味，面頭配菜有蘿蔔絲、椰菜絲、青蔥、冬菇😚韭菜餃子皮厚度啱啱好，唔會過厚/過薄，餡料韭菜非常之香，配合肉碎，每啖食到停唔落口，服務態度非常之好，老闆俾呢到既餃子可以段粒叫，令到除左想食粗麵外，都同時間食到餃子🥛豆漿豆漿系自家製，搵紙杯裝好，味道偏甜，自己俾較偏好甜味豆漿，食住粗麵+餃子飲杯凍豆漿，真系享受到不得了🤣整體來講，味道同以前水準一樣，老字號果然老字號，手藝令人食完會掛住，最重要始終系個豬肉胡椒湯底+自家製麵食手藝，價錢亦合理，絕對過一排後又再來打攪幫襯！

因為見到有餡餅既相，專登搵埋兩個同事一齊黎食，點知職員話餡餅蔥油餅果的停左幾年。我以為係hidden menu items, 點知真係off menu. 下次真係要打電話問左先。

這種上海麵店舖，很少會令你覺得非常吸引，因此之前幾次經過都未有勇敢進去嘗試。有次帶着小嬰，不想走太遠，於是就毅然第一次進入。原來這店沒有小籠包、鍋貼、生煎包等等小食，就專注做粗麵幼麵的上海麵條，還是害怕炸豬扒會比較乾身，於是我點了無錫排骨粗麵，排骨的質地也不錯，是中式大大件排骨，肉較多，無錫排骨的汁醬算得開胃，不會太過造作，吃麵條的話，難以用汁拌麵，但我還是有這樣做，因為汁醬開胃，而且亦都溫度夠熱燙，這個汁如果用來撈飯或者撈菜飯應該更上一層樓。不過湯麵，其實呢個湯底不是我最喜愛的，因為它的湯，加上少許酸菜的味道，本身仲有少許酸味，不算非常可口的；不過麵條的份量極多，無論是幼麵，定還是我的粗麵，份量都非常多，操上海麵就像平價的烏冬一般，不會太彈牙，但比較粗的麵條，吃起來都覺有咬口。妻子的雲吞，外皮不薄，但內裏餡料都挺為香濃；雞翼即炸，溫度夠熱燙，內裏的肉汁又保存得相當好。店方有幾名員工，應該都是一家人，男的比較寡言，有個阿姐都很開朗，都會撩客人說說話。之前據知還有外賣七折價惠，連四十多元大大碗上海麵都要搞折扣，就知道世界難撈。對於這大件夾抵食的傳統友善上海麵店，我還是會支持。

位於佐敦嘅上海麵家，聽講佢已經喺度好多年（之前一路都冇留意過），甘岩行過，見佢門口有咁大膽嘅告示，咁就入嚟幫襯下佢啦🤣主食：叫咗個無錫排骨麵同埋豬扒麵，價錢貴就唔係貴，應該咁講，而家食飯嘅價錢，唔使$50就食到，其實已經最平，仲可以加錢加杯豆漿飲。炸豬扒麵一上檯，見佢都炸得幾脆，唔太乾，啲肉都仲有肉汁（好熱氣丫），而個面就係普通平時食個款，正常上海麵。無錫排骨反而幾出色，醃得幾入味，酸球甜甜，唔肥，係舊骨大左啲😅攞嚟送個麵都唔錯。總括來講，以咁嘅價錢，食到一餐，已經冇咩可以再講啦😅

位於油麻地永安側街附近，有幾間食肆，其中一間就係呢間上海麵店。裝修感覺好舊，似係老鋪，冇卡位設計，只有圓木櫈長方木枱，右邊開放式廚房。價錢唔貴，$35-40左右已經食到，份量大，任何時間都同價。我食左個酸辣湯餃子，睇落好細？大家估下有幾多粒餃子。。。。。。。一共八大粒，每粒都有中式瓷羹咁大隻，餡料多，飽滿，而且好味重點酸辣湯底夠酸，應該算BB辣度，帶點甜，材料都一樣超豐富，有甘筍絲，冬菇絲，木耳絲，滑豆腐，男仕食完都覺飽，先至係$40另一碗係餃子麵$35，麵底份量又係好多。。。餃子唔記得3定4粒，不過都好抵，面頭放左雪菜，唔講嘅話係會比幼上海麵，餐牌就有寫可以轉粗麵，麵質唔算彈，不過又唔會去到淋同爛，我諗粗麵應該會彈好多加埋一杯豆漿$7，有豆味，唔太甜，非常好飲下午茶時段食可以當晚餐咁食份量超足好大碗，味道做得好，其實細食嘅可以叫碗餃子麵同一碗酸辣湯$20去兩人分享，咁樣感覺又飽又抵食，有機會會試埋雲吞！

今日突然好想食蔥油餅響open rice揾到呢間近啲既。好可惜星期日黃金時間無開門。聯系來之前最好打個電話問清楚就唔會好似我咁。最後求其揾間解決算喇。話時話點解要求80字呢！？

該上海麵店在佐敦已有多年，以前我家住佐敦道時也經常去食。喜歡吃煎餃，加大量蒜泥和醋，味道很好，肉汁爆出。雖然服務一般（可以説差），但價錢味道可以就算了。但近年味道變了，干干的再没有了那味道，服務還是以前一般，看來以后也不會再去了。

而家真係冇乜地方可以食上海麵，呢間店，麵食還可以，但男老闆態度極差，叫極都唔睬人，黑口黑面，已經唔係第一次係咁，上一次就係中午差不多下場嘅時候到，佢極差態度話冇得食啦，你走喇走喇！今次係再去，叫佢落單同佢講食乜，完全唔答你，最後等咗半個鐘都冇嘢食，問佢其他伙記，話冇落單，而家即刻再整！之後我再等咗10分鐘我再催伙記有未，佢話唔催得佢㗎，佢會閙人㗎！之後我冇食就走咗！小喇叭比錢你嫌仲要睇你面色！垃圾店！！！