居食屋「和民」 (Closed)

正常大路有D牌子嘅日式食品餐廳，真係令人不堪回首！入到去環境闊落，但都唔會提升到食物嘅質素。首先在星期六的午市時段，有提供午市套餐，難怪有不少食客。其中有兩set 套餐一樣係豚肉拉麵，另一樣係牛肉烏冬，落單時，服務員話沒有拉麵，未返貨。其實可以係客人入坐前講聲。所以印象已經不太好。食物賣相同質素自己睇相啦！我都唔浪費口水講啦！其中，叫咗一客鰻魚反卷，咬落去第一啖飯的質地好似未熟，俗稱生骨米。可能有好多客反映，而服務員都解釋，鰻魚反卷係現成來貨，也向上頭反映，但要更換食物都需要一點時間。其後也為我們退錢了。整體而言，我不會再來，完。

行街去到太子，想食日本料理，感受一下日本菜款式，就去「和民」，叫左北海道十勝豚肉盒子飯，十勝豚肉好滑，點少少芥辣好好入口，珍珠米好軟好有飯味，一口氣清晒。再行去鴨記買野。

服務員帶枱服務差👎🏻👎🏻👎🏻無照顧到客人需要有兩張唔同枱無卑顧客選擇食物質素新鮮即叫即製好好味👍🏼👍🏼👍🏼火鍋牛肉鮮軟殼蟹卷脆烏冬爽Pizza脆好美味

本來諗住同老公開開心心食個lunch,黎到和民俾門口個餐牌嘅盒子飯吸引左就入左黎（其實由入門口開始可以講得上係0 service,不過我無咩期望過所以算），點知就中伏囉！老公叫左個北海道十勝豚肉盒子飯（盛惠$78），賣相都尚算正常，但舊所謂豚肉⋯係無味的⋯而我果個⋯叫做鰻魚牛肉盒子飯（盛惠$98），一打開蓋⋯將一截鰻魚再喺中間切開一半，ok,我知鰻魚來貨價可能都貴，但果啲牛肉⋯倒不如叫牛碎好了，砌返埋一塊肥牛都唔知有無⋯成件事係好似俾人食過咁⋯而舊鰻魚仲要係凍嘅⋯我不嬲都食要求都唔算嚴格，但咁樣真係嚴重欺騙觀眾囉⋯（雖然不嬲圖片都係僅供參考，但其實佢啲圖片根本就0參考價值）我好少寫食評，一開始怕俾人加料，選擇唔投訴怕俾人加料，連相都廢事影⋯但越諗越唔順氣，唔想其他人受害⋯所以上黎打呢篇食評提提大家

讀書時期已幫襯，不知原因又好耐冇幫襯，今晚係解釋唔到嘅情況下再次食返，食左呢個厚燒牛舌飯，打開蓋聞到幾香，牛舌份量蓋滿飯面，但囗感幾韌，味道都可以！小食叫了芝士炸雞，熱辣辣咬開有肉汁，芝士醬汁幾芝味！再叫埋魷魚燒，原隻上但唔夠熱，麻麻地！

在中學時代，「和民」被視為高質日式飯堂，勝在「坐得舒服」、食物味道好，價格亦不高。現今的「和民」食物選擇仍然多，還有一些季節限定的菜式。不過食物的水準不穩，總有一兩碟餸菜比預期差。色彩繽粉的海鮮沙律是夏日首選，酸甜的果味沙律汁配合三文魚、吞拿魚、八爪魚和爽脆的沙律菜，清新醒胃，賣相宜人。牛油焗帶子上枱時賣相驚嚇，焦黑的金菇東歪西倒的「棄置」在鐵板上，金菇帶強烈苦味味，帶子也沒鮮味，入口油膩。大阪名物．炒麵燒餅(豚肉)，燒餅沒有了紫菜有點失色，整體味道算不俗。滑蛋豬柳飯，炸豬柳表面不脆是預期中事，淋上滑蛋汁後仍能保持豬柳外脆內軟，只有很少飯店可以做到。豬柳飯整體普普通通的可以接受。如果是想跟朋友傾下計，又不想花費太多，「和民」依然是親民的選擇。

和民係香港都開左好多年，而且越黎越平民化，咁岩今日朋友話想食日本野，就一於平平地黎和民啦。餐牌上有幾款二人餐相當抵食，但因朋友比較細食，驚叫二人餐太多食唔晒，所以都係決定散叫。和民海鮮沙律 :因為唔想食傳統沙律醬，所以叫左呢個海鮮沙律，一份沙律足夠兩人份量，海鮮有三文魚，吞拿魚同八爪魚，加上各式各樣既菜，非常新鮮，再配埋自家製洋蔥汁，食落相當香口。滑蛋豬扒飯 :原本想叫滑蛋豬柳鍋，但因為無得跟飯，所以改叫滑蛋豬扒飯。豬扒炸得香脆，可惜蛋炒得略嫌乾身，令到全個飯無足夠蛋汁，如果多返d蛋汁會好味好多。章魚燒餅 :上檯時熱辣辣，面頭既木魚片隨住煙飄飄下，賣相都幾吸引，食落醬汁甜甜地幾好味，但略嫌章魚份量比較少，好多時都只係食到燒餅同入面既菜，可以既話加多少少章魚會更好。總括黎講，和民都算係平民日式餐廳，雖則食物有改進空間，但埋單每人百二蚊都算抵食。

今日下午我們去咗屯門市廣場同變形金剛影完相之後，返咗出旺角，我們行吓行吓差唔多喺夜晚去到太子嘅始創中心，之後我們就揀咗「和民居食屋」食晚飯！我們叫咗海鮮沙律嘅海鮮係吞拿魚、三文魚同八爪魚刺身粒，仲有清甜爽脆嘅沙律菜同青瓜，令到賣相好色彩繽紛吸引，而且份量都幾大碟！石鍋黑椒牛肉飯上碟嗰陣啲牛肉係生嘅完全未煮熟，係用個高溫燒熱嘅石鍋嘅熱力去將牛肉煮熟，可以因應客人鍾意牛肉熟嘅程度，飯焦唔算太多，加埋香辣嘅黑椒，令到味道更加惹味！牛肉鍋燒烏冬上碟嗰陣啲牛肉亦都係生嘅完全未煮熟，係用個gas爐好似「打邊爐」咁慢慢煮熟，材料除咗有軟滑嘅牛肉之外，仲有蔬菜、滑溜嘅豆腐、煙韌嘅粉絲同彈牙嘅烏冬，另外仲有一隻生鷄蛋，我們可以選打成窩蛋或原隻烚蛋，而湯底嘅味道亦好清甜！自家製鰻魚厚燒玉子係新鮮熱辣燒出嚟，玉子嘅質感好軟綿綿，中間夾著係香甜彈牙嘅鰻魚，夾埋一齊食感覺層次感相當豐富，真係好正呀！魷魚筒飯係用一隻爽滑嘅魷魚，中間釀咗啲米飯，切成一件件，夾埋一齊食，層次感都幾豐富，但都略嫌醬汁比較少！鮭魚牛油果卷係用嫩滑嘅鮭魚即三文魚同香滑嘅牛油果舖面，食落感覺好清新芳香！蒲燒鰻魚卷嘅鰻魚比較薄身，鰻魚汁亦唔算

和民由細食到大,曾經嚮電視話,落單時,服務員會蹲下給你落單,但我真係見過1次咁大把 (哈)以前黎到一定單點佢個牛油帶子,下午茶時段得自己,就唔叫得咁高脂喇~就叫左個石燒豚丼,車厘茄煙肉串同凍檸檬茶!佢個石燒豚丼辣辣地,有啲泡菜,好夠味~陣香味仲香到隔離坐位既客人都望吓我食緊咩~另外叫左1客車厘茄煙肉串,煙肉乾身,車厘茄微酸有好多汁,正啊！本身好少飲凍飲,但配上熱辣辣既野食,再吸啖冰凍飲品,人生一大樂事!

每年居食屋「和民」都有生日優惠券寄給我，由昔日的$100到現在$60都有使用，謝謝居食屋「和民」的心意。今晚點選大阪風  鐵板炒麵（魷魚）、牛肉鍋燒烏冬、一份迷你綠茶班戟。大阪風  鐵板炒麵（魷魚），熱騰騰的、又油膩膩的，也不能怪呀！鐵板炒麵一定油膩啵！只得兩件魷魚圈和兩件魷魚鬚都爽口頗不錯，配合紅蘿蔔絲、椰菜絲、洋蔥絲銀芽很有咀嚼口感，紅薑絲也可中和一下油膩感，也吃到少許薄如紙張的半肥瘦肉。牛肉鍋燒烏冬又是多油之作！！！迷你綠茶班戟，賣相不錯，味道一般，最愛是綠茶甜汁！有優惠卷抵食少許啦！

今日同老爺預祝父親節，平時都係同佢飲開茶，所以今日諗住帶佢食下日本嘢，所以去咗太子始創中心食和民。鯖魚燒 (半份) $38魚唔腥，味道ok，但煎得過咗火，太乾，無肉汁。豐盛五色刺身盛合 $128刺身同餐牌上嘅圖完全唔同，吞拿魚刺身同八爪魚，真係切到薄到不能再薄，好搵笨。燒牛舌串 $38 牛舌有2串，算大件，燒得唔錯。海鮮沙律 (半份) $63醬汁係自家製洋蔥沙律汁，刺身算多，唔錯。大阪炒麵燒餅(豚肉) $63已經係用鐵鍋上，但上枱都可以唔熱，而且比較偏油。酥炸軟殼蟹卷 $78軟殼蟹話係酥炸，但上枱軟殼蟹係腍身，而且仲唔熱。茄子日本燒 $28配上生薑鰹魚花，都ok，起碼食物係熱。蒲燒鰻魚卷 (全份) $78味道普通。生啤 $58 老公同老爺一人嗌咗杯生啤慶祝父親節。

星期日咁啱要同佢去太子一齊情侶檔做嘢想食日本嘢所以黎左始創，點知都幾失望我地嗌左個二人套餐，見佢咁平，但以就有食過，應該都幾好味掛。先來一碟只係一人份量嘅沙律，明明係2人餐黎咖噃portion 好細。我嗌左熱嘅薑檸蜜，一般，調得個味好怪，一啲都5香，佢嗌左凍嘅薑檸梳打仲衰，一啲味都無，要再叫佢俾糖漿小食蒟蒻同小許山葯，真心難食最食得落就係嘢碟炒麵了，味道都可以喇，不過好油，未食晒成盤都已經5想食。雞肉串物，啲雞真係好韌好難咬，仲要有一條根本未燒熟不過都好彩佢地肯補番一條俾我。但係我話5熟時，其他嗰啲都未食完，佢收左之後都無俾番我，唔知點做嘢大阪燒，唔洗指望咁多吧，啲汁都係啫上去，所以味道一定無問題，但係啲粉好厚，仲要一啲都5煎香，好似食"糊"仔咁綠茶雪糕係okay, 不過食食下嘢都未食個煱就上左，唔知點解有咁嘅次序安排蜆肉辣汁火煱，海鮮不要寄望是新鮮了...個辣味整得唔錯嘅，但食物5新鮮，無乜胃口食晒佢整體真係好5掂，服務又5好，5會再光顧！

都有一段時間冇嚟和民, 啲嘢食係唔差, 只係菜式唔係太多變化, 所以真係隔好耐先再幫襯, 而今次主要都係嗌啲輕鬆小食.海鮮沙律 (全份$88), 份量都幾大碟, 沙律菜夾有青瓜, 而海鮮就有三文魚、吞拿魚、章魚片等刺身, 整個沙律好豐盛!! 蒲燒鰻魚卷 ($78), 每舊鰻魚卷飯量唔少, 一啖放入口被鰻魚同蔥花覆蓋哂, 如果放多少少鰻魚汁就更正!!關西章魚燒餅 ($58), 材料主要係蛋同章魚, 以及大量木魚舖喺面, 章魚都幾多又夠爽口, 略嫌醬唔係幾夠~  除咗以上3碟小食, 本來仲點咗個海鮮火鍋, 不過一等再等都冇上就取消咗~ 埋單每人大約$100, 輕怡咁食下小食都係唔錯嘅選擇!

今次叫左佢地3百幾個套餐加轉牛肉，食品都多而食吾晒，飲品每人有一杯和仲有甜品雪糕，抹茶比較好味，雲利拿麻麻太奶味，最後結帳大約200位，坐得舒服，價錢只屬一般合理而食品質素不錯，只可以講和民保持到質素而已。鹿兒島牛肉鍋…等左好耐先有（差不多食完再吹待應先有），原來加$30都係得3-4片有點失望，但肉質吾錯而香，配菜都吾少，湯底甜甜地吾錯。雞串燒..比心目中大份喎，雞肉串微溫，肉都夠嫩滑，驚喜吾錯幾好味！～清酒煮蜆..冇咩清酒味但蜆都大隻而冇沙。刺身，蝦，三文魚，吞拿魚..刺身質素只屬一般，蝦比較好點。豆腐沙律..豆腐份量多，菜都新鮮但醬汁太咸身。滑蛋豬扒飯..豬扒淋晒入面肉質都吾錯，蛋都係偏老而飯淋身左少少，飯太淋冇口感。

首先系餐具污jo到有食物殘渣都夠膽拎比啲客，然後無論餐牌定放食物既器皿都有一陣好難聞既味，個陣味極似荼餐廳後巷味，成餐飯都聞住喱啲味，真系好難頂。另外食物方面價錢同味道系完全吾成正比，三文魚薄得離譜，鰻魚玉子個玉子本身冇味，個舊鰻魚仲要細到佔舊玉子既5分1，完全吾值$68.個和牛鍋只得5-6塊牛肉，賣158喱個價錢值吾值真系見人見智員工方面仲衰，叫左勁耐都冇人理，完全食到一肚氣總括而言喱間野冇下次，不知所謂