Wan Soeng Mo coffee (Closed)

放工經過旺中，因為約左朋友食飯時間未夠鐘，經過呢間小鋪，就叫左杯mocha同一份煙火腿多士醫下肚， 由於即叫即整，多士要大約等左10分鐘左右。同好少見到旺角小店有咖啡賣，意外地杯mocha 唔錯，比起出面連鎖式既好飲👍🏻又平😮多士熱辣辣出爐，芝士仲溶緊😋。鋪入面有一個小位可以俾人立食。拎左多士後，我就企左果度食。真心值得推介：入面芝士同煙肉都好足料，同唔會覺得好油 👍🏻👍🏻食完之後好滿足。見到鋪仲有其他特式飲品同小食都好似好吸引，下次會黎再食下👍🏻…Read More

本身同朋友去旺中掃街，但就比呢兜嘢影響晒心情。係網上睇個陣，見到佢有個雲多士好似整得好靚，咁就諗住買黎打下卡啦，但出到黎個樣又係另一回事，十分強差人意正常蛋白應該仲係白色，而多士就啱啱好炸至金黃色，但我嗰嗰就蛋整到黃晒仲好鞋多士就變左黑色經過詢問店員，點解會變成咁佢只係話圖片只供參考...但我上返openrice又唔係個個係咁，於是我要求更換，但被拒絕，再堅持圖片只供參考。質素唔穩定又唔肯認🙄附上切開嘅圖...隻色真係好噁心🤮最後咬左幾啖就放棄。…Read More

第1次寫食評係因為同老闆傾左幾句發覺佢地好有心做好野食等野食既時候 老闆好好人驚我地悶所以傾左幾句原來佢地以前係 係中環開cafe中間幾年 佢地去做返打工仔而家再一步一步儲錢捲土重來好佩服佢地無放棄自己想做既事入返正題先:)已經幫襯過幾次最鍾意食既係多士佢地配搭有好多款 有鹹有甜有傳統港式花生醬味亦有流心芝士既味道揀唯一建議想試既朋友仔 可以早啲行去落左單先因為佢地即叫即整要預留返少少時間呢度既野飲野食真係好平!!!!好抵食…Read More

行開旺中，見到之前間炸雞扒冇左，變左咖啡鋪!不過我對咖啡冇感，但見到有好多款多士，老公未到，飯未有得開，嗌返個多士頂下胃先!店員D服務係旺中黎講已經超哂班，hello前hello後，第一感覺唔錯!👍等左十分鐘左右，熱辣辣多士到左，我呆左😨😨""咁大份????我嗌左意式紅醬芝心多士（唔記得係咪咁嗌😬）見住佢係個盒仔度一疊疊咁流D芝士出黎，真係會食指大動!味道唔錯，選岩左芝士，拉絲好靚!同個nice店員傾左幾句，先知道原來佢係老細黎!😂😂""我臨走時佢叫我幫手宣傳下同like IG，返到屋企冇啦啦醒起，就寫下自己食後感啦!哈哈"""宜家係香港創業唔容易，聽老細講岩岩開張人流唔多，希望佢地加油!絕對有理由支持香港小店!食物有誠意👍下次再黎旺角接老公收工，會再試!…Read More

<好正既小店雲上舞>👍🏻喺間旺中既小店雲上舞 喺等野食既時候同佢地吹水 原來幾年前開過 cafe . 而家轉型開小店 . 普遍細鋪就點外賣既人多 見到佢 menu有唔同既 burger小食 多士 自家製飲品等等 味道質素高 喺旺角行街 好值得去試下😍 2. 🍴鮮菠蘿青瓜特飲28 蚊🥒🍍菠蘿同青瓜好清新既組合👍🏻 一飲就知完全新鮮 青瓜味我覺得佔2 成到 菠蘿既酸甜味佔8 成 啱大部分人飲 打到上面有 d青瓜菠蘿渣 有 d泡 好有口感 幾啱大熱天時飲 唔錯3.🍴火燒天 29 蚊草莓蕃茄梳打🍅🍓雖然嗰個名係火燒天 但其實係一杯好清新既飲品 一飲帶少少蕃茄味 有少少果肉有 d碎碎口感 草莓味佔多數 應該冇乜點落糖 主要都係草莓味🍓隱約有 d果肉同 d碎冰撈埋一齊❄夠哂冰凍 👍🏻 🍴蝦醬雞翼15 蚊🐤15 蚊有三隻雞中翼 雞翼 size正常 煎得幾香口 入面既雞肉都算嫩滑 佢表面粉紅色係泰式蝦醬 類似大澳嗰 d蝦味偏濃 再酸 d . 🦐個蝦醬同雞翼係 match 但比較重口味 要配埋飲品😈 🍴雪上舞撈麵 40 蚊🍜好特別將個蛋白焗左 然後再將蛋皇淋上去 蛋白外層有 d香脆 有 d似梳乎厘 加埋 d蛋汁 口感特別 個撈麵仲有漢堡扒 同火腿 🐷都係偏咸 但撈埋蛋汁 ok 🥚而佢個麵 可以揀烏冬同拉麵 我就點左拉麵 個麵質有 d似意粉 再粗身 d 🍜 佢個醬汁係蕃茄汁再加 d蛋皇醬 所以有蕃茄味之餘口感有 d黏稠 都幾特別 值得一試🍅😍 🍴松露芝心多士 20 蚊🍞佢個多士將一份切到幾細份搭到兩層甘擺放幾靚 多士偏薄身 口感香脆 個甜度同牛油味適中 入面既芝士應該係即叫即食既關係 所以拉絲好靚 芝士濃度正常 但口感好 帶少少黑松露香味🍄 呢個整得好味 推介#多士 #黑松露 #芝士 #拉麵 #火腿 #漢堡扒 #雞翼 #蝦醬 #菠蘿 #青瓜 #士多啤梨Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#雲上舞咖啡漢堡旺角彌敦道688 號旺角中心一期1 樓f52 號鋪~~~~~~~~~~~…Read More