155
12
11
Telephone
2718 0801
Introduction
Retro Chinese restaurant with old Chinese style decor and utensils. Including different style of Chinese cuisine, make you taste the great China in one stop. continue reading
Opening Hours
Today
17:00-03:00
Mon-Sun
17:00-03:00
Payment Method
Visa Master Cash
Number of Seats
150
Other Info
Open Till Late
Alcoholic Drinks
Parking
Phone Reservation
10% Service Charge
Review (183)
決戰城寨風雲 Featured Review
Level4 2017-03-19
2231 views
朋友介紹食中菜一定要黎城寨風味,所以放左工帶埋屋企人黎食!門口掛上紅燈籠的餐廳食飯,入面裝潢得古色古香。口水雞,雞滷得非常入味,食落新鮮嫩滑,雞上鋪滿辣椒,花生粒,蒜粒同蔥,令整個菜式非常香,辣方面就點到即止,雞食入口唔會話麻到痹哂,但整個口感非常過癮!👍🏻啫啫芥蘭煲,份量十足,芥蘭爽脆,無渣,上枱時真有啫啫聲,配上爆到勁有醎香味嘅肉粒,夠獲氣之外仲好惹味!石鍋鮑魚,鮑魚炆煮的火喉剛剛好,有咬口,鮑汁美味,最後餸飯一流😋鮮胡椒茄子,黎到真係嘩一聲,大大條茄子,切開發覺入面有魚,條魚好滑,個黑椒汁好香濃,估唔到茄子釀魚肉味道可以禁夾禁出色👍🏻食完經理更送上紅豆沙糖水,非常好客,糖水雖然係免費,但份量十足,正! continue reading
(The above review is the personal opinion of an user which does not represent OpenRice's point of view.)
城寨嚐中菜 Featured Review
Level4 2017-02-10
6306 views
今晚按完摩又係捃食時間,城寨風味其實一直都寫在TO EAT LIST上,但TO EAT LIST實在太長直至今晚終於一試。平時經過在玻璃窗也會看到燒臘部的情況,有自家燒爐.... 相當吸引 ! 用膳區在上一層,樓梯上方的牌匾有藥膳同燉湯.... 我係湯怪一定要整番個先得 !被安排在卡座,檯上介紹了石鍋, 有女仕恩物花膠  即係唔要燉湯轉呔要石鍋花膠 石鍋花膠$58有一整條花膠筒 石鍋海蔘 $58即燒脆皮香豬($148) ~ 因為兩個人關係只係叫咗個例牌,皮脆,師傅已經將多餘脂肪去除 黑胡椒燒鴨($148) ~ 都係例牌可能例牌関係,唔似即燒,只是微暖金柱鄉下仔炒銀芽 HK$88銀芽夠乾身又爽口,還有大量金黃榣柱絲 對這個有點失望.... 每一件都有骨, 全部都係D邊邊位........ 無得大塊朵兒咁吃....  每一口必須好小心翼翼的吃.......  continue reading
(The above review is the personal opinion of an user which does not represent OpenRice's point of view.)
果然好有風味 Featured Review
Level4 2017-01-17
4074 views
間野個名好開忠名義,完全feel就係食風味菜既地方。佢既裝修都好古色古香。個人覺得係個同長輩食飯唔錯既地方,好有派頭因為環境真係幾特別所以就影多咗環境相 。有啲灰色嘅磚襯托紅色金色嘅櫈再加埋燈籠,成個感覺都好有風味 未睇其他菜單之前,一睇就係呢個45蚊一隻嘅乳鴿最eye-catching!佢張相影得超靚,好似好多油脂好正咁!結果係名副其實嘅!個乳鴿黎到嘅時候我都好滿意!覺得好香脆 美中不足嘅係平時乳鴿配嗰啲鹽佢冇配到畀我哋。睇嚟佢想我哋食佢嘅原汁原味。 聽聞呢度既乳豬好出名,不過真係有少少貴,全隻就無叫,叫咗個例牌試下,果然係好食!啲皮燒得好脆!肉嘅油脂分配都平均,唔會太肥呢個金蒜燒汁班頭腩係一個驚喜。 冇諗過佢可以炸得咁脆,出面嗰層嘅炸粉完全鎖住咗入邊魚嘅鮮味同埋香味。 賽螃蟹伊麵係另外一個驚喜!唔係好似平時啲麵咁油,呢個清湯伊麵清清哋嘅感覺幾清新!上面既蛋白都好滑, 蝦同埋帶子嘅配搭都好正! 好似係茶樓食野咁,食完咗仲有糖水送!番薯糖水嘅甜到甜左少少,不過薑味好足!個人好喜歡 係寒冷冬天食呢個真係好正呀! continue reading
(The above review is the personal opinion of an user which does not represent OpenRice's point of view.)
各方面都做得出色! Featured Review
Level4 2017-01-14
3393 views
去得九龍城十居其九都係黎食泰國野,今日朋友約食中菜,心諗山長水遠入去真係值得?舖頭要上二樓,地方幾新淨同闊落,裝修幾靚。menu幾有氣勢,簡單介紹下九龍城歷史同餐廳設計定位。(有另一本menu,介紹特式私房菜,用料較高級精美,當然價錢亦都貴d,所以我地都無叫到呢本既菜式啦)金蒜燒汁斑頭腩 $198論size,其實二百蚊真係唔貴!每件都好大舊,而且有成十幾廿件。外皮炸得微脆香口,魚肉新鮮,斑頭嫩滑,斑腩就啖啖肉,而且調味好惹味!四川口水雞 $68呢個係頭盤size,不過都好夠食!雞肉嫩滑唔肥,配料香口,辣味到位但麻稍為失色。鮮潤啫啫雞煲 $138好惹味!啫啫煲同雞&豬潤真係好夾!豬潤彈牙,洋葱同蒜粒令成個煲味道更吸引!最後連配料都清乾淨哂!食完有糖水送,係蕃薯糖水!蕃薯腍身得黎又唔會碎哂,薑味夠,好正!餐廳有間VIP房仔,十個八個朋友仔就岩哂啦!總括而言:餐廳環境幾好;待應主動添水換碟;食物方面好味得黎又唔貴!下次會再黎幫襯!PS:每人要收$15茶錢,不過作為一個後年仔黎講,都覺得係幾好飲既,清香而唔嚡口。 continue reading
(The above review is the personal opinion of an user which does not represent OpenRice's point of view.)
Level4 2017-06-23
0 views
一年一度的父親節,又要找地方吃飯。九龍城選擇多,母親節吃了新城,這次㨂間環境好一點的,最後決定城寨風味。訂枱時預訂了幾道特別的菜式。海蜇溏心皮蛋薑皮蛋超流心,未吃已看到垂涎慾滴。放入口淡淡的,吞下後口裡卻遺下久久不散的皮蛋香,叫人回味不已。待一會後,吃一塊薑,醃得不太甜,沾了皮蛋的流心,跟薑幾夾,又可以享受一會皮蛋香。手拍小黃瓜雖然青瓜新鮮爽脆,真有手拍的口感,但醬汁偏淡,不夠醋酸。七味黃金豆腐滑溜軟身的豆腐,包著一層薄薄的炸粉,椒鹽味不太鹹又夠惹味,辣醬可有可無。不是粟米提早預訂了這道砌成粟米的炸魚,賣相充滿創意。幾鬆脆的炸粉沾上橙味的醬汁都幾夾,可是炸粉很厚,魚肉很少,幾乎沒有吃到魚的口感和味道,有點失望。奇妙墨魚卷以這價錢,沒想到是如此普通。墨魚丸的軟腍版,味道可以,淋滿酸酸的奇妙醬反而把鮮味蓋過。鳳舞手撕雞要預訂的菜式之一,都值得一試。一大盤地上枱,砌成一隻雞的模樣,幾搞笑。雞肉嫩滑,有難得的鮮雞味,雞皮爽脆,沾滿芝麻更加香。菜甫蠔仔煎蛋前一晚吃完心夜來潮的蠔烙,有比較之下,對這個煎蛋幾滿意。表面乾身,但切開中間很濕潤,蠔仔不會太細,尚算有鮮味。北京片皮鴨要預訂的一道,竟是這晚最差的一道,而且索價並不便宜,不值一試。皮有些太厚,有些正常,偏乾。片肉沒有分開,切得很厚,皮不脆又不夠香,甚至韌至咬不開,拿在手裡,久久未得咬開,吃得狼狽。啫啫芥蘭煲嗞嗞響的煲,聞起來香噴噴。頗粗的芥蘭爽脆,要是用上幼嫩的芥蘭,多點清甜,定會更好吃。混了醃得入味的肉碎,的確有啫啫的香。金柱鄉下仔炒銀芽芽菜跟粉線混在一起,炒得乾爽,不油膩,粉絲又不會太腍,簡單地以瑤柱調味,淡而香。賽螃蟹伊麵原來伊麵跟淨賽螃蟹不同,沒有蛋黃。看起來很齋,味道清淡,幸而蛋白清香,蝦都算爽,加點甜醋可能沒那麼單調。蜜餞㰓角骨骨的肉質不錯,可惜太甜,除非單獨吃㰖角,不然骨上沒有㰖角的味。點了幾個白飯,硬得難以吞嚥,要拌餸菜的汁一起吃。環境和服務都不錯,食物只算不過不失。預訂的菜沒想像中好吃,有點失望。 continue reading
(The above review is the personal opinion of an user which does not represent OpenRice's point of view.)