牛執事

Open Now

Now Closed

見到人哋喺threads成日介紹西九龍中心嘅food court，呢日就嚟行咗一圈🙊 但係最後吸引到我嘅係呢一間和牛丼飯專門店，店員用鐵板烹調和牛，香味四溢🥰火山丼呢個打卡一流嘅火山丼，見到店員毫不吝嗇將半生熟嘅和牛片放上個飯上面🤩 仲要係排列得好整齊添呀，都有接近十片和牛片，份量都幾多🐮 牛肉嘅口感軟腍，油脂感滿滿，可以話入口即溶呀🥳 上面再放一隻溫泉蛋，真係一個冇得輸嘅組合，真係鋪頭嘅王牌產品。上肉丼呢個丼飯嘅牛肉較瘦，雖然望落冇咁juicy，但其實咬落口佢都係有肉汁同埋牛肉味道更濃郁😙 側邊嘅配菜有海帶同埋筍片，兩款都係送飯一流嘅配料。月見漢堡丼呢個飯嘅性價比最高，漢堡扒幾厚身，煎嘅時候已經見到有好多肉汁😍 配埋溫泉蛋，味道好夾，底下仲有大量海帶，係個幾豐富嘅丼飯。和牛牛丸我地仲另外加配咗兩粒和牛牛丸，牛丸都係用鐵板煎過，入面係會爆牛肉汁嗰種，要小心睇熱呀😮呢日嚟幫襯就只係得一位店員照顧晒全部客人，好有喺日本嘅感覺，但係因為全部嘢都一腳踢，大家就要俾多少少耐性啦😂

行開西九龍中心掃街，肚餓想食啲實在嘢，撞入「牛執事」。叫咗碗招牌牛丼，一上枱，嘩！啲牛肉鋪到滿一滿，真係好似座山咁堆喺飯面，睇落夠晒份量，啱晒我呢啲大食鬼。牛肉係薄切嗰種，煮得幾淋身，唔會韌，撈埋啲洋蔥同甜甜哋嘅醬汁，送飯一流。醬汁唔算好驚艷，但夠味，撈勻啲飯食幾開胃。飯量都足，男仔食一碗都夠飽。重點係個價錢，三十蚊有找（記得係特價時段），喺商場food court來講真係好抵！溫泉蛋要另加，流心效果可以再靚啲，但加咗整體滑溜感係提升嘅。總括來講，唔好預期係超高級日本料理嗰種精緻，但以快餐價錢、快餐速度，換來一碗足料、味道OK嘅牛丼，性價比確實高！掃街掃到攰攰哋，想快靚正隊碗飯，牛執事係個唔錯嘅「飽肚」選擇。抵食，大件，算係咁啦！

近期喺西九龍中心好Hit嘅和牛丼飯 熱爆嘅手握力測試 我食嗰款係火山丼 $78 肉質鮮嫩 半熟狀態 肉都有8-9片幾足料 仲配埋溫泉蛋 蛋黃醬配肉加埋珍珠米 💯但係略嫌醬汁太多 有啲鹹 下次可以嗌小汁！加咗串和牛牛丸 $15 兩粒淥熟之後再喺鐵板煎一煎 呢個意料唔到🤣食落覺得同普通牛筋丸冇咩分別😅 🪖利申唔知係我期望過高定點，好似有啲出入（小妹認為30士多和牛牛丸好食啲👉🏻👈🏻）原本諗住玩埋佢個手握力測試 可惜店員話部機冇電冇得玩😭食緊已經諗住encore 😈下次會想食佢個月見牛堡丼同雞肉串！！

眾所週知西九龍中心八樓有美食廣場但大家知唔知六樓都有？啲位仲坐得舒服啲添😆除咗近期Threads 大熱意粉外有間主打和牛丼飯小店都深受街坊們喜愛牛魔王嘅朋友仔更加唔好錯過！！店員即場鐵板煎和牛和漢堡扒製作丼飯✾ 火山丼 $78一片片和牛肉堆砌成火山，中間仲有隻溫泉蛋篤穿溫泉蛋，蛋汁慢慢流出好似火山岩漿噴發和牛表面煎至焦脆香口，肉質呈粉嫩色澤入口軟嫩多汁且牛味濃郁，搭配秘製醬汁很惹味！✾ 月見漢堡丼 $65漢堡扒鬆軟富肉汁，每一啖都充斥住油脂甘香搭配海藻、溫泉蛋和秘製醬汁口感油香濕潤且層次豐富✾ 青瓜和牛水餃 $20無諗過青瓜同和牛可以整水餃兩者出奇地夾，青瓜清新中和和牛膩感再加埋酸酸甜甜醬汁，提升水餃香氣✾ 和牛串 $22和牛串煎得香口，肉質緊緻有嚼勁✾ 和牛牛丸 $15牛丸好爽彈，初初食無留意到一口咬個時啲牛肉汁噴到枱面大家食要小心啲！

最近好經常去西九龍中心搵食～都真係好多平靚正選擇！唯一嘅缺點8樓嘅美食廣場真係長期都太多太多人啦🫠但原來喺6樓都有美食廣場🍴其中呢間見到$78有和牛丼飯wor😻就試吓先！火山丼都真係好足料啊😋‼️有勁多片和牛～新鮮即場係你面前燒！而肉味都很濃郁～漢堡質感厚實也很好吃👍🏻和牛牛丸很彈牙!和牛串也不錯～水餃就沒有太大驚喜很普通。呢個價位都好值得一試😸-🐮火山丼 / $78（Volcano Wagyu Bowl）-🐮月見漢堡丼 / $65（Wagyu Burger Bowl）-🍢 和牛牛丸 / $15 （2粒）（Wagyu Beef Ball)-🍢 招牌和牛串 / $22 (優惠價）(Wagyu Skewer)-🥟青瓜和牛水餃 / $20（3隻）（Cucumber Wagyu Beef Dumplings)

今次竟然俾我挖到一間平價性價比超高嘅和牛🍚開放式廚房睇住廚師即叫即燒👀，鐵板滋滋聲伴住肉香轟炸即刻就餓到肚打鼓！🤤【火山丼🌋】俾呢座「和牛火山」嚇親！鐵板即燒嘅澳洲和牛🥩鋪到滿瀉，肉眼睇得出油花均勻似雪花❄戳破隻溫泉蛋🥚將蛋漿包住珍珠米再淋埋秘製燒肉汁每啖都係 牛脂香+蛋滑+飯甜 嘅三重暴擊！💥【▪️ 和牛串 ▪️ 牛肉丸串🍢】鐵板快鎖肉汁💦咬落外脆內軟，肉味濃到似喺口腔放煙花🎇惹味到想舔竹籤🐮手打牛丸彈牙到可以乒乓波式反彈🥢

西九龍中心真係有唔少隱藏美食，最近都見到網上有好多人介紹呢間新開嘅牛執事，非常抵食，而且用料高質。一坐低就見到店員喺鐵板上料理牛肉，即刻就可以享用牛丼火山丼：火山丼最吸引嘅地方就係另外附上嘅日本溫泉蛋，溫泉蛋同埋牛肉一齊食真係好夾，牛肉味濃郁，而且配上秘製嘅柚子汁，清新開胃上肉丼：呢個丼飯嘅牛肉更勝一籌，煮到半山熟嘅狀態，入口軟腍。旁邊仲有海帶同筍條作為配菜。和牛牛丸：好欣賞肉丸入面仲有肉汁，外面微焦，牛味十足和牛串：咬落新鮮熱辣嘅和牛串，充滿油脂和牛水餃：我哋揀咗呢款係芫荽口味，都幾有新鮮感，食落有啲似牛肉球

今次想介紹一間位於西九龍性價比超高嘅和牛丼店，真係平價就可以享受到和牛！火山丼呢個和牛丼飯真係出色，點餐後會由店員現場烹飪，仲可以選擇熟度，份量足夠，真係好抵食！上肉丼如果你唔太鍾意油膩肉，呢款就啱你！肉味濃郁，完全唔韌，特別適合健身朋友！月見漢堡丼佢哋嘅漢堡扒超級多汁，個人覺得比挽肉好食，配上新鮮嘅配菜，真係好豐富！牛肉丸意想不到喺和牛店可以食到咁出色嘅牛肉丸！咬落去即刻爆汁，完全冇腥味，超級推薦！

高質和牛牛丼🥩牛執事❤️ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡深水埗西九龍中心近期有唔少新餐廳進駐✨《🐮牛執事》即場以鐵板燒形式制作 主打和牛丼🥡▪️火山丼$78餐廳人氣推介🌋賣相都係最吸引❤️砌到好靚 將粉嫩嘅牛肉鋪哂係面🥰半熟牛肉口感軟嫩 牛味超濃郁～有隻半熟流心蛋 撈埋蛋汁食更juicy✨珍珠米飯軟硬度適中 連同蛋汁同牛汁一齊食 超正👍🏻▪️上肉丼＄98上肉丼嘅牛肉油脂分佈幾平均 厚切牛肉肉質鬆軟 油香滿滿 但唔會有過油膩感覺加上佢有啲配菜 令到個餐更豐富 同時又可減低少少油膩感～▫️和牛牛丸 $15@2粒▫️明太子巨蟹柳 $15▫️雞腿肉 $15▫️墨魚咀 $15串燒多左啲新款式都幾吸引🍢當然要叫咗佢個招牌和牛牛丸先🩵咬一半已經有濃郁嘅牛肉味🐮而且超級Juicy 唔怪得係推介❤️火炙明太子巨蟹柳都幾吸引 大大條😋上面有滿滿嘅明太子 味道都唔會話過鹹 🧡⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚📍牛執事 深水埗欽州街37K號西九龍中心6樓大廚美食廣場33-35舖（入口在夾公仔機店旁）

「席前燒一向比人印象高檔，真系估吾到Food Court 都會有平價席前燒」小編今次就帶大家黎到西九龍中6f，同大家介紹一間無意中發現最近開業，黎緊仲會系葵廣開分店既平價席前燒牛丼 一 牛執事 @wagyubutlerhk 🌟火山丼 $78據說小店選用既系澳洲和牛，事前經過慢煮處理，而現場廚師會好貼心咁問你想食幾成熟，然後會即席系你面前燒和牛，一切開可見和牛肉質粉嫩，滿滿既和牛同溫泉蛋堆到成個火山咁，油脂香之餘牛味濃 🤤👍🏻👍🏻🌟原滿丼 $65除左席前燒和牛，估吾到連牛丼都系席前燒，廚師會系你面前即席炒香洋蔥，加入醬汁同牛肉快炒，最後再加入柚子醋，平衡油膩感🤤👍🏻👍🏻🌟招牌和牛串 $36燒得岩岩好，吾會過熟，油脂香牛味濃，岩晒牛魔王🤤👍🏻👍🏻🌟和牛牛丸 $15佢系口感彈牙既牛丸，一咬落去滿滿既和牛油脂香同肉汁🤤👍🏻👍🏻🌟明太子巨蟹柳 $15真系估吾到明太子醬會夾得到蟹柳🤤👍🏻📍牛執事地址：西九龍中心6樓33-35號舖#深水埗 #牛執事 #和牛 #牛丼 #席前燒 #牛魔王 #火山丼 #原滿丼 #和牛丼 #西九龍 #留港消費 #支持小店 #和牛牛丸 #覓食深水埗 #食在深水埗 #為食關注組

CP值極高！餐廳選用品質上乘嘅和牛，即場以鐵板燒形式制作，毎粒飯都被特調醬汁包裹住，加上和牛嘅油花，層次豐富，而且份量十足，大推火山丼🐮。▶️上肉丼🥩🍚($98)塊扒有滿滿既雪花！食落有油脂香😊牛扒油花分布均勻🥩🤤米飯粒粒分明，吸收咗牛肉汁🍚 牛肉的熟度啱啱好！保留肉質嫩滑☺️唔會過老或過生。💯 簡單的調味更加能凸顯牛肉本身鮮美😋 如果你係牛肉愛好者，呢碗上肉丼絕對不容錯過！💖 強力推薦！👍▶️火山丼🌋🍚🔥($78)人氣之選😍真係一定要試！店員姐姐煎完塊扒再切簿片😎將和牛舖滿飯面😝時間掌握得好好！一切開真係5成熟既牛肉🤤口感嫩滑☺️勁有牛味😍白飯加埋蛋漿一齊食☺️好快食晒成碗！▶️月間漢堡丼🍔🍚($65)漢堡扒口感鬆軟多汁😜肉質鮮嫩🤓充滿了牛肉香氣😋搭配米飯同特製的醬汁💯加埋海帶等配菜🤓酸酸甜甜▶️招牌和牛串(優惠價$22)😋烤得啱啱好既和牛🤓外層微微焦脆😎內裡鮮嫩多汁🤤和牛串油脂非常豐富🤓口感非常軟稔😗🌟想知道更多美食🤪記得follow@mochicouple_hk啦😍🎉📸📍 6樓大廚美食廣場6FC33-35

很大粒的牛肉丸，澳洲进口有保障堂食很干净，卫生有保障。这么低的价格可以吃到和牛，非常推荐全家大小一起品尝。小姐姐服务很热情，以后去西九龙有好地方吃饭了，小朋友肯定很喜欢😊

新鮮食材，落order先煮，有誠意。只有牛食材做主食，建議喜牛者才食。煮既程度剛剛夠火喉，沒有過熟情況出現。溫泉蛋也好好味。款式雖然唔多，喜牛者必要試試喔。推介推介。

開放式廚房 做澳洲和牛為主嘅丼飯店員鐵板燒制作和牛 未食已經覺得好吸引🤓3月中葵廣會開分店 掃街又多一個選擇luuuu｜漢堡丼 ($65)漢堡肉口感軟腍🤟🏻油脂豐富 小編最愛款式日本米混合甜甜嘅醬汁 加上海帶配料好豐富｜上肉丼 ($98)肉質脂肪唔會太多 熟度都較高～適合要健康食肉嘅朋友仔😜｜原滿丼 ($65)有大量煮過嘅洋蔥調味 牛肉份量足夠♪(´ε｀ )牛肉飯感覺温和 輕鬆自己食一碗好滿足!!!｜和牛牛丸 ($15/2粒 $28/4粒)無添加任何其他材料調味 牛肉丸牛味濃郁😳咬開就發現充滿肉汁 彈性十足💪🏻

勁有性價比嘅和牛丼🤩佢哋啲牛肉款款表現都好出色✅真係平民價錢就可以食到和牛啦‼️火山丼🌋呢個和牛丼飯真係超出色🤩 order咗後會由店員以板前料理嘅方式，喺你面前烹飪😳幾十蚊都仲可以揀熟度‼️而且份量都唔惹少足足有一大碗👍🏻上肉丼呢款就適合唔太鍾意食好油肉肉嘅你哋‼️佢嘅肉味比較濃郁啲👍🏻而且一啲都唔會韌😳超適合做gym嘅你哋💯月見漢堡丼佢哋啲漢堡扒係爆曬汁㗎‼️個人感覺仲好食過挽肉x米🤣配上荀等等嘅配菜真係好豐富💯牛肉丸呢個真係經驗到我🤣估唔到喺和牛店舖嘅牛肉丸可以咁出色💯呢個必食牛肉丸唔單止一啖咬落去爆曬汁咁簡單😳仲要冇咗坊間牛肉丸嗰陣腥味，超級推薦！