V&D (Closed)

餐廳有數個座位提供，掛滿了越南旅遊照片裝飾。餐廳提供越南法包和撈檬，可以一次食晒兩款經典越南食品。點了經典什錦法包。有不同餡料，有青瓜、扎肉、豬頸肉、慢煮腩肉等。最喜歡是慢煮腩肉，十分入味，啖啖肉，很軟淋。法包香脆，配上醬汁，與餡料一起吃，非常可口。札肉撈檬。有配料蘿蔔絲香葉等。檬粉份量較少。撈汁味道酸酸甜甜，有少少辣，好清新。扎肉有兩款，好睇又好味。加配了越南咖啡，煉奶底。甜度剛剛好，很有正宗越南味道。…Read More

店舖門面唔算太起眼，細細間店差啲就行過龍😂小店經營模式就係有時入到去都見唔到店員，但佢地一聽到有人就會即刻出嚟🤓店舖面積雖細，但都有得坐，又可以差電，而且仲有花啲心思去擺設。選擇唔算少，價錢都合理。 🥢芝士烤雞 $46 + 跟餐越式特調咖啡 $15法包烤得夠脆，而烤雞味濃配搭醃蘿蔔同青瓜食落夠清新，唔會食到好膩🤓 不過就唔太食到有芝士味。咖啡嘅冰都係由咖啡而製成，即使啲冰溶咗都唔會影響咖啡嘅味道，抵讚👍🏻🥢經典扎肉 $49由於扎肉本身無咩味，所以成個包都係食配料啲味道。豬肝醬味道略嫌太重，即使有青瓜、芫荽同蘿蔔配搭，仍然係蓋唔住肝醬濃郁嘅味道。食唔慣內臟嘅人應該可能會被個肝醬嚇怕。整體價錢合理，唔使$50就可以食得飽，值得一試🤓…Read More

又係我去食越南法包，每一期都有一樣執著既野食，今期係越南法包。特登來呢度食越包，係好味既不過唔係特別出色。 以一間專賣越南包的店來講，有少少失望。包好脆，但青瓜有少少苦味，主角豬肉係偏肥果種，有啲似粵菜鹵水肥腩多過越式燒腩肉。 如果pickle酸少少可能會好啲，因為肉真係偏肥。以佢嘅價錢，加埋成7、80蚊、唔係好抵亦唔係好好食.....有緣再見，特登食就會啦。加$12有杯青檸梳打，呢杯野就算吧啦，講都費事。…Read More

🌞Weekday Lunch set Vietnamese Banh mi sandwich set🥖🥒🥕🍖No. 1 Deluxe Classic banh mi 🤑$65+12 Viet coffee ☕️.啲餡料好豐富，🥕蘿蔔好新鮮好爽脆唔會太酸，佢加咗青瓜🥒好爽口，解咗🍖肉多汁嘅油膩。佢個包好脆，食完半個都冇淋到。☕️咖啡好香甜度適中。.好味: 😋😋😋😋😋抵食: 👍🏻👍🏻👍🏻👍🏻👍🏻…Read More

Follow @pigfoodiexhk for more food!🐷💛#pigfoodiexhk_越南菜#pigfoodiexhk_黃店===============📍足料抵食越式法包 -- Viet Dating🥖🇻🇳前排同@feedmytummylikemichein 去咗上環覓食🤤試咗呢間喺上環嘅越式小店，性價比頗高👍----------------⭐️經典雜錦（$62）呢個嘅材料有越式豬腩肉，扎肉，醃蘿蔔，青瓜，豬肝醬等等，勁豐富🤤各種材料完美配搭一齊，肉香滿滿，好滿足嘅感覺🤤青瓜同醃蘿蔔酸酸甜甜又可以解膩，法包同樣微暖脆口，高質之選🥰----------------⭐️魚果（$49）材料有小編好中意嘅牛油果同煙三文魚，兩者好match😎再加上黑胡椒，金不換等調味，味道豐富😍法包烘過，咬落香脆而且唔會太硬👍----------------整體嚟講性價比頗高，抵食足料😝想食個light lunch都係一個唔錯嘅選擇😊----------------賣相：7.5/10味道：7.8/10性價比：8.3/10回頭率：7.6/10---------------店舖資料名稱：Viet Dating地址：上環永樂街87號泰達大廈地下4號舖前往方法：上環站A2出口…Read More

今日好想食越南法包，上環地鐡站附近 Viet Dating，經典慢煮脯肉法包配茉莉花茶，第一次食越南法包好期待係咩味道，越南法包好吸引好豐富好多配菜，法包外脆內軟，脯肉味道好，唔太肥膩加上配菜青瓜、芫茜、酸白紅蘿蔔一齊食，配茉莉花茶清香可解油膩感…Read More

兩個人點了經典什錦法包和咖哩牛肉眼法包，飲品叫左薄荷牛油果奶昔和越南凍咖啡這家店第二次吃了，法包改良過，鬆脆得來輕身，比之前更易入口自己比較喜歡吃經典什錦，慢煮腩肉超嫩！豬肝醬讓整體味道再升華！配料味道明顯花過心思，其清新味道中和了比較濃味的腩肉和豬肝醬⋯ 正！薄荷牛油果奶昔味道清甜；越南凍咖啡有越南的味道，但不像當地的過甜，更適合香港人口味呢！至於餐廳環境走親民路線！外賣為主，堂食只有大概4個座位。仲好貼心，有埋USB充電插蘇位添！牆上貼滿了店主和客人到越南旅遊的照片令人回想起在越南旅遊吃法包的味道呢！喜歡越南法包的朋友值得一試啊！…Read More

我由1年前，店子 Viet Dating 開業初期至今，一直堅持約每星期幫襯一次支持小店！What's app 落單減 $2期間，越式法包不斷改良，若非老闆娘話我知，唔講都唔知越式法包已經由第1代食到第6代！越式法包 $49~$65外賣等大約 5 分鐘！早前，新推出新包 Deluxe Classic $62，有扎肉及腩肉！配料跟我常吃的經典腩肉包 $52 差唔多，就加多咗扎肉，口感比較豐富！至於，第6代越式法包香脆無比！ 在公司食，一咬開包身，包碎四散，甚至彈至一呎外的電腦顯示屏座！ 新鮮腩肉每日慢煮炆製多小時，脂肪甘香，肉質柔軟富肉汁，一點都不死實！就算這款包較貴，也令我愛不釋口呢！牛油果奶昔 $52 (500ml)質感香滑濃稠，入口充滿牛油果的味道及微甜！:) 既健康又飽肚之選！500ml 都幾大支！…Read More

一入去就有陣好清新既味。叫咗個豬腩肉包同凍咖啡。咖啡甘甘甜甜個包好鬆軟。好好食，好正宗。最正係個包。如果可以平小小近$35一個包，就可以日日幫襯。叫豬腩肉唔會有錯，實冇死。下次要試下牛肉同埋其他既嘢…Read More

Viet Dating offers valuable and delightful banh mi afternoon tea set. This Salmon with avocado banh mi was so good! The baguette was toasted nicely so that the surface was really crunchy and the bread inside was quite fluffy. There weren’t a lot of salmon and avocado, and you have to be mindful eating the banhi mi so that you don’t miss them.The piece of tomato definitely added freshly to the sandwich, yum!The hot lime tea I got was very flavored. Not sure if it’s artificial or natural though. And the tea was quite sweet…a bit too sweet for my taste though.…Read More

終於穩到間味道好噶越南麵包店，越南麵包其實好好食噶，但系一直找不到做得好噶店，我就食左個經典腩肉越南法包，滴腩肉好多汁汁哦，加埋滴醬汁，更加香口，舊肉表面煎得好滋味，有小小胡椒味，十分惹味，同埋滴酸蘿蔔，更加醒胃，推薦比大家試試！…Read More

去完越南之後好掛住法包，聽講上環有間高質法包店，所以一於試下。因為係下午茶時段，好抵食，雖然個包比午餐時段細少少，但女仔食既話夠曬。我叫左扎肉法包，超級好味，因為個包配料好多，除左扎肉之外，仲有豬肝醬、芫茜、牛油、蘿蔔絲、薄荷同金不換等等，所以食落去口感好豐富，再飲返杯清甜既蓮花茶去膩，簡直係大滿足。見佢有越南乳酪，好似幾得意所以買左黎試下，不過同平時食既差唔多，無咩特別。whatsapp落單仲會減2蚊。…Read More

每一次黎到呢間鋪頭都有感覺佢有少少唔同好似少少留意到食客嘅意見去做也少少改善今次都係食吞拿魚沙律法包味道一貫的好唯獨係今日飲品係無放定喺紙袋裡面唔知係偶一為之定真係留意到意見話飲品會濕透紙袋，造成穿透，所以不先將飲品放好呢可惜，今次紙袋無穿但紙質飲品杯就有少少濕透，令到個底軟軟濕濕可能將來又要再考慮，人客要野飲時先入杯又或是轉一轉另一款紙質杯了繼續支持！…Read More

返工返到個腦塞實晒，落樓下買杯咖啡醒醒神。雖則中上環呢頭有唔少選擇，但係Viet Dating越南滴漏咖啡永遠係我首選。有別與一般滴漏咖啡，Viet Dating呢杯咖啡香味獨特，不會太甜或者過濃，入口回甘，絕對稱得上係一杯正宗嘅越南咖啡。正宗嘅滴漏咖啡需時慢煮，不過喺香港呢啲生活節奏咁急嘅城市，再加上外賣嘅關係，欣賞呢間舖頭速度夠快，仲要窩心咁包住個杯隔熱（雖然用抹手紙唔係好美觀，但呢個價錢算係咁啦），最最最重要無失真保留到個味道同埋特式。…Read More

上次喺度試過早餐，感覺略貴，但又不太特別，所以都無乜大意欲再試最近再經過嘅時候，留意到價錢有所調整，不過其實都係表面減價，實際無減😂不過又黎試下其他款色今次要左呑拿魚沙律法包加香檸茶今次個法包仍然鬆脆！內冷外熱，多重口感，正！呑拿魚沙律亦食得出係非一般嘅醬汁，食到尾係會有淡淡口舌麻痺之感，懷疑加入特製香料調味，好好味！今次嘅香檸茶亦比上次大有進步夠晒濃味，酸爽味剛剛好，正！今次嘅食評係99分，食物真係超水準！唯一問題係紙杯，因為一早準備好俾客人外賣，令到紙杯底有滲漏，令紙袋都穿左🤭希望可能改善下另外係注意事項打錯字？口味更佳？下次再幫襯希望係100分！…Read More